|
|
 *** ماما عشة سالم (جنة الاطفال) بخير وصحة جيدة والحمد لله ***
|
امنا الحبيبة ام الكل ماما عشة سالم عرفتها اجيال سابقة وحاضرة من خلال برنامج جنة الاطفال
ومن خلال علاقاتها الواسعه فى داخل وخارج ارض الوطن الحبيب....
ام الحبيبات آلاء بسلطنة عمان و ولمياء بالمملكة العربية السعودية هي بالف خير وصحة وعافية الحمد لله رب العالمين
ربنا يديها لينا طولة العمر وتربي احفاد احفادها ان شاء الله زى ما ربت اجيال واجيال من خلال برنامجها فى جنة الاطفال فى تلفزيون السودان
اتصدمت وغيري للشبه الكبير فى الاسم للوالده ماما عشة والتي نزل لها نعي
بموقع سودانيز مرتين فى خلال الايام الماضية ..
ايضا هي من امدرمان واعتقد انها درست وعرفت من خلال رياض الاطفال واعمال البر والخير
لها الرحمه الواسعة ولاسرتها الصبر الجميل
هذا النعي اربك الكثيرين جدا وحتي صديقات الآء بمسقط حين اتصلت بهن طالبة رقمها ولا ادري كيف اكلمها
الحمد لله انني لم افعل والحمد لله ان احدي بناتها ولا افراد اسرتها لم يقرأون نفس الخبر فى سودانيز....
ارجو شاكرة من الاخوة والاخوات مستقبلا مراعاة توضيح مثل هذ ه الاخبار الحساسة بذكر
الاسم كاملا علي الاقل وتوضيح المعلومة .. وان لا يكون الخبر مبتورا
حتى لا يأتي ما لا يحمد عقباه
التحية للجميع
|
|
 
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: اسماء الجنيد)
|
العزيزة سوما ..
شكرا للتوضيح .. فعلا الخبر كان مربك جدا .. لاننا بنعرف ماما عشة واحدة بس ...
في بوست الاخ كمال على الزين ، فهمت انها ماما عشة اخرى ..
ولكن هناك من اعتقد انها ماما عشة التي نعرف ..
وعمل بوست منفرد ... للتعزية ..
مثل هذه الاخبار قد تضر كثيرا بسمعة سودانيز اون لاين ..
خاصة اننا واجهنا قبل فترة انتقاد واسع بسبب الاخبار المغلوطة التي نشرت هنا
عن وفاة بعض كبار الفنانين اطال الله عمرهم ..
ماما عشة ربنا يحفظها ويديها طول العمر ... وتحياتي ليها ..
تلك المرأة الفاضلة .. والفنانة الراقية ...
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: سمرية)
|
Quote: مثل هذه الاخبار قد تضر كثيرا بسمعة سودانيز اون لاين ..
خاصة اننا واجهنا قبل فترة انتقاد واسع بسبب الاخبار المغلوطة التي نشرت هنا
عن وفاة بعض كبار الفنانين اطال الله عمرهم ..
ماما عشة ربنا يحفظها ويديها طول العمر ... وتحياتي ليها ..
تلك المرأة الفاضلة .. والفنانة الراقية ... |
هلا الحبيبة سمرية الزولة الراقية
فعلا يا سمرية حين سماعي الخبر جنيت يعلم الله
نعم ان الموت علينا حقا ..
لكن لم اسمع لها بمرض وابنتها آلاء اخت وصديقة حبيبة لقلبي
تزورها ماما عشة كثيرا وكم قضينا معها اجمل اللحظات
وقبل مغادرتي لمسقط اقام لي الاخوة والاخوات احبتي بمسقط حفل وداع
وكانت آلاء اكثر حضورا هي وزوجها ربنا يسعدهم ديمه ويجعل كل ايامهم افراح
ويخلي لينا ماما عشة ويديها الصحة والعافية يا رب
شكرا سمرية علي المرور الجميل
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: ودالعباسية)
|
Quote: ارجو شاكرة من الاخوة والاخوات مستقبلا مراعاة توضيح مثل هذ ه الاخبار الحساسة بذكر
الاسم كاملا علي الاقل وتوضيح المعلومة .. وان لا يكون الخبر مبتورا
حتى لا يأتي ما لا يحمد عقباه
التحية للجميع |
.. ربنا يديها طول العمر ماما عشـة .. ويسعده ..
ماما عشة أم حنينة جدا .. ومربية عظيمة .. كنا حريصين جدا إنو نقابله الصباح في طريقنا للمدرسة .. بشارع الفيل بالهاشماب ..
ربنا يديها طول العمر ويحفظة لي كل الناس البتحبها ..
شكرا يا سوما للتوضيح .. فعلا أخبار زي دي صعبة جدا نعم إنو الموت حق .. لكن الخبر المغلوط صعب جدا الواحد يستقبلو ..
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: احمد الامين احمد)
|
Quote: ربنا يديها طولة العمر ،،،ان شالله ،،
تحياتى الى ماما عائشة ،،
والى بنتها الاء ،،
تقبلو تحيات الاسرة فى قطر ،،،
قمر عمر سالم ،،، محمود عبدالرحمن ،،،
والابناء ،، |
الاخ العزيز ود العباسية حبابك لك التحايا انت واسرتك الكريمة
ربنا يحفظكم ان شاء الله
اللهم آميــــن ربنا يسمع دعواتك ان شاء الله
وان شاء الله تحاياكم تصل اخواني الاعزاء قمر ومحمود للاخت آلاء واسرتها
سعيدة جدا لمروركم الجميل .....
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: اسماء الجنيد)
|
Quote: .. ربنا يديها طول العمر ماما عشـة .. ويسعده ..
ماما عشة أم حنينة جدا .. ومربية عظيمة .. كنا حريصين جدا إنو نقابله الصباح في طريقنا للمدرسة .. بشارع الفيل بالهاشماب ..
ربنا يديها طول العمر ويحفظة لي كل الناس البتحبها ..
شكرا يا سوما للتوضيح .. فعلا أخبار زي دي صعبة جدا نعم إنو الموت حق .. لكن الخبر المغلوط صعب جدا الواحد يستقبلو .. |
اهلين يا تمبس كيفك ان شاء الله طيب
فعلا والله زولة حنينة وبشوشة وطيبة جدا الله يديها لينا الصحة وموفور العافية يا رب
عارف يا تمبس لي هسه ما شاء الله
حريصة انها تشارك الناس وتشارك الجالية بنفس روحها الطيبة وبشاشتها المعهودة
انتو محظوظين لاقيتوها فى صغركم وبصورة شبه يومية تتصبح بزولة بشوشة زي ماما عشة
دى قمة السعادة والفرح والله يا تامبا
شكرا لمرورك يا علاء ولدعواتك لماما عشة
ربنا يسمع مننا كلنا ولها التحايا ممتدة بيننا وبينها جسر محبة ومودة وحنين
شكرا كتير
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: اسماء الجنيد)
|
اطال الله عمر ماما عائشة و متعها بالصحة و العافية .
لا انسى ابدا طيبتها و حنيتها و هى تدرسنا الفنون فى العام 1977 بمعهد تدريب معلمات المرحلة المتوسطة ..
و كنا نحن الدفعة 49 أ التابعة لبخت الرضا ...
لا انسى ما حييت مناداتها لى بــ ولدى انور
و بناتها كانوا ضغارا فى ذلك الوقت ..
يا جماعة بلغوها تحياتنا و شوقنا .. الله يديها العافية .
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: انعام عبد الحفيظ)
|
سلام يا سوما و زوار البوست
الرحمة و المغفرة للمرحومة ( ماما عشة ) و ربنا يطوًل عمر
ماما عشة سالم و يديها الصحة و العافية بقدر ما منحت اطفال
السودان جميعا" من حب و حنان و توجيه ..
الاء و ليمياء صديقات مقربات جدا" بس فرُق بينا الزمن و أهو كل واحدة
مننا مجدوعة في حتة !! اول ما شفتا عنوان البوست طوالي قلبي انقبض جدا"
و إتصلت بي ناس البيت في السودان و بعد ما نفوا لي الخبر تماما" حتي قدرت
قريت البوست و عرفتا إنه دي ماما عشة واحدة تانية ربنا يرحمها و يغفر ليها
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: عزام حسن فرح)
|
Quote:
اطال الله عمر ماما عائشة و متعها بالصحة و العافية .
لا انسى ابدا طيبتها و حنيتها و هى تدرسنا الفنون فى العام 1977 بمعهد تدريب معلمات المرحلة المتوسطة ..
و كنا نحن الدفعة 49 أ التابعة لبخت الرضا ...
لا انسى ما حييت مناداتها لى بــ ولدى انور
و بناتها كانوا ضغارا فى ذلك الوقت ..
يا جماعة بلغوها تحياتنا و شوقنا .. الله يديها العافية . |
سلام يا ود التكينة نعلك طيب يابا
صدقت والله يا خوي ماما عشة الله يديها قددر نيتها البيضاء وصافية
زولة حنينة جنس محنة ... باينة فى وجيها
ربنا يديها الصحة والعافية ان شاء الله
وسلامك بأذن الله يصل لماما عشة واسرتها ان شاء الله
كتر خيرك اخوي انور علي مرورك الكريم/B]
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: اسماء الجنيد)
|
Quote: سومة الغالية
انا برضو أربكني الخبر جداً وجريت فتحت البوست
ماما عشة ربنا يديها طولة العمر والعافية
فقد شكلت جزء كبير من وجداننا الطفولي
والرحمة والمغفرة لماما عشة التي فتح البوست
لوفاتها فهي إمرأة عظيمة أيضاَ تستحق طلب الرحمة لها |
انعام يا حبيبة الروح وينك يا غالية يعلم الله الشوق حنين عليك
ان شاء الله طيبة وكل الاهل يا نعومة
فعلا انا زيك ارتبكت جدا ونزلت تعزية فى بوست الاخت احسان فقيري باسمها
لكن الحمد لله نجدني الاخ العزيز احمد الامين زوج بت اختها وطمني
والحمد لله ... دعواتنا ربنا يديها الصحة والعافية ان شاء الله
شكرا يا نعومة شكرا رويانة محنة
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: اسماء الجنيد)
|
Quote:
سلام يا سوما و زوار البوست
الرحمة و المغفرة للمرحومة ( ماما عشة ) و ربنا يطوًل عمر
ماما عشة سالم و يديها الصحة و العافية بقدر ما منحت اطفال
السودان جميعا" من حب و حنان و توجيه ..
الاء و ليمياء صديقات مقربات جدا" بس فرُق بينا الزمن و أهو كل واحدة
مننا مجدوعة في حتة !! اول ما شفتا عنوان البوست طوالي قلبي انقبض جدا"
و إتصلت بي ناس البيت في السودان و بعد ما نفوا لي الخبر تماما" حتي قدرت
قريت البوست و عرفتا إنه دي ماما عشة واحدة تانية ربنا يرحمها و يغفر ليها |
الحبيبة هبه الماحي سلام وتحايا
نفس الحصل معاي يا هبة اتلجمت وانا قريت عنوان البوست وقبل ما اواصل فى الخبر جريت اشوف تلفون آلآء فى مسقط
الحمد لله انه ماما عشة بخير وربنا يديها طولة العمر ان شاء الله
شكرا يا هبه يا حبيبة علي مرورك وان شاء الله ربنا يرد غربتكم جميعا انتي وناس آلاء ولمياء
وتعيدوا ذكرياتكم الجميلة
وتحاياك نرسلا لصديقاتك عبر الاثير
تسملي كتير
| |
|
|
|
|
|
|
|
|
 Re: *** ماما عشة سالم (جنة الاطفال) بخير وصحة جيدة والحمد لله *** (Re: خالد العبيد)
|
ياسلام ماما عشة ذات الأبتسامة الجميلة والوجه الصبوح..
أطال الله عمرها ومتعها بالصحة والعافية..
تربطنا بماما عشة صداقة أسرية فهي صديقة حميمة لخالتي
المرحومة اسيا نجيلة ..
شكراً الحبيبة أسماء فتحك لهذا البوست قطعاً سوف يعيد ذكريات
جميلة للكثيرين في بلاد الأصقاع وفي وطننا الحبيب ..
فلتكن بداية تكريم لها فهي تستحق الكثير ..
دمت بالف خير ..
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: ودالعباسية)
|
Quote:
بالجد انا اتهجمت
وتمالكت نفسي بعد دمعة حارة
وارسلت رسالة الى كاتب الموضوع
رد لي بالنفي
ان المقصودة ليست ماما عشة " جنة الاطفال "
لا زلت اذكرها جيدا وهي تقدم فقرة الرسم في برنامج الاطفال
ونجلس القرفصاء امام الشاشة الصغيرة ننتظر فقرتها في شوق
التحية والمحبة لك يا ماما عشة اينما كنت
ويا اخوانا رفقا بنا .. نحن في صقط .. لقط !
ماما عشة الجميلة ام شلوخا مطارق !
اقبلي مني الهدية اعلاه
مثلما اهديتينا مثلها المئات من الرسوم الجميلة
ومرحب بك ماما عشة لو زرتينا هنا في ارض الكنغر ! |
مرحب اخي خالد العبيد
فعلا الخبر عمل ربكة لكثير من الناس
الحمد لله انه اطمأنينا عليها وفرحتنا لا توصف حين سماعنا الخبر الاكيد
والبشارة الطيبة
التحية لماما عشة فى حلها وترحالها
واهو دعوة كريمة منك يا خالد لوالدتك ماما عشة
ان شاء الله تسنح لها الفرصة وتبقي اجازة لكم ولها
يلا يا اللوية شدي حيلك ودي فرصة تتخارجي وتواصلي الدراسات العليا ان شاء الله
شجعي ماما عشة ووزريها ...
شكرا اخي خالد لمرورك الجميل ولوحتك الاجمل
كل الود
| |
|
|
|
|
|
|
|
|
|
Re: *** ماما عشة سالم (جنة الاطفال) بخير وصحة جيدة والحمد لله *** (Re: اسماء الجنيد)
|
Quote: ياسلام ماما عشة ذات الأبتسامة الجميلة والوجه الصبوح..
أطال الله عمرها ومتعها بالصحة والعافية..
تربطنا بماما عشة صداقة أسرية فهي صديقة حميمة لخالتي
المرحومة اسيا نجيلة ..
شكراً الحبيبة أسماء فتحك لهذا البوست قطعاً سوف يعيد ذكريات
جميلة للكثيرين في بلاد الأصقاع وفي وطننا الحبيب ..
فلتكن بداية تكريم لها فهي تستحق الكثير ..
دمت بالف خير .. |
الغالية اماني العجب تحياتي واشواقي... تسلمي كتير علي المرور الاسعدني جدا
وذكرتيني الليلة يا اماني انسانة عزيزة علي جدا ضمتنا عشرة سنين فى مسقط
كانت نحلة ما شاء الله عليها فى خدمة الكل وبشوشة وصبوحة
هي استاذتنا فواتح نجيلة لها المحبة والتحايا من خلالك اطنان
وان شاء الله تكون واسرتها بخير وصحة وعافية
بالله سلامي الكثير وشوقي الفير لها واسرتها وابنتها الحبوبة اسوية
| |
|
|
|
|
|
|
| |
اسماء الجنيد
سمرية
ودالعباسية
tmbis
احمد الامين احمد
انور التكينة
انعام عبد الحفيظ
heba Elmahi
عزام حسن فرح
حيدر امين
خالد العبيد
Amani Al Ajab
فيس بوك
تويتر
انستقرام
يوتيوب
بنتيريست