|
|
 إنتي وين؟
|
كُنتي وين ساعة المغارب سر مجيك؟
لما الشمس مليانه خاطر يحتويك,,
كنتي وين؟ وين إنتي كنتي؟
...
كُتْ هِناك بتذَكَركْ..
داساكَ في أخر غناي وحِس غريقْ..
....
يابتْ ملامحك ضوّ نورا صِبح شهيق,,
ماتودري النغم الشجي..
خليني جواك مُنتشي..
وأقريني شان أنا مشتهيكْ..
إنتي وين؟
...
أنا بين حواسك ..
بين حكاويك..
بين خطاويك ومشيك..
عصفوره غنت في الوريد..
والشجر حتحت ملامحي القايمه فيك..
....
أوعك تفكري لو مشيت.
.اني راحل ومابجيك..
تبقي غلطانة ضمير..
وديّ مامحريه فيكْ..
أصلي راجع ليك إنتي..
مهما عاكسني الطريق..
..
|
|
 
|
|
|
|
|
|
|
|
Re: إنتي وين؟ (Re: عليش)
|
الطريق الجابني ليكـ..
زي نجيمـات في وشيكـ..
تشرِق الدنيا فـ عيونكـ..
والليالي معاك رفيق..
| |
|
|
|
|
|
|
|
|
|
Re: إنتي وين؟ (Re: عليش)
|
فقط
هي التداعيات
مرات
مرات
الجن يركبك
بدون قصد
لكن
بعبر عنك
ليه الزوول بتجيهو الخواطر؟
اسئله بتدور في الخاطر
ولكنها لاتجد طريق للاجابه
اذن هي عبارات
قد تكون اصدق
وانبل
في وقتها
| |
|
|
|
|
|
|
|
|
|
Re: إنتي وين؟ (Re: عليش)
|
Quote: يابتْ ملامحك ضوّ نورا صِبح شهيق,,
ماتودري النغم الشجي..
خليني جواك مُنتشي..
وأقريني شان أنا مشتهيكْ.. |
نحيي جمال هذا التعبير اخي عليش
وتحية ليك
| |
|
|
|
|
|
|
|
|
|
Re: إنتي وين؟ (Re: عليش)
|
عمر الرفيق
شكرا للتصميم الراقي ياخ
اسمع بقيت فوتوشوباوي؟
جلطه:
ناس عوض شكسبير وامام معانا من بكرة وهسه في نيويورك
| |
|
|
|
|
|
|
| |
عليش
هند محمد
omar alhag
فيس بوك
تويتر
انستقرام
يوتيوب
بنتيريست