|
ما حكم الشرع في السرقات الأدبية؟
|
أنا بقرا في البوست الفاتحوا بدرالدين أسحق الفيهو متهم ان معتز تروتسكي قد قام بنسب بعض أعمال الأخرين اليه , أها طوالي جاني السؤال دا يعني لو ثبت ان الانسان سرق مجهود زول معرفي ما حكمه بناء علي الشريعة الإسلامية؟ و هل يعتبر هذا الموضوع سرقة من أصلو بناء علي الشريعة؟ لان حسب معرفتي القليلة أن السرقة دي تشيل الحاجة كلو كلو و تحير سيدها .... يعني في موضوع السرقات الأدبية الموضوع كوبي و بست .... الموضوع الأصلي بكون موجود .... هل هنا بنتفي تعريف السرقة وفق للشريعة؟
أها لو ثبتنا أن الموضوع دا سرقات في الحالة دي النصاب بتحدد كيف عشان يقطعوا يد السارق دا؟ هل بتحدد بناء علي عدد الصفحات, شهرة الكاتب, اللغة البكتب بيها و لا كيف بتحدد؟ يعني السرقة من محمد اركون وفق الشريعة ممكن تكون نفس السرقة من إبن تيمية؟
بالجد محتاج لإجابات
|
|
|
|
|
|
|
|
Re: ما حكم الشرع في السرقات الأدبية؟ (Re: حافظ حسن ابراهيم)
|
Quote: مالك يا ود الصايم ما بتقدر؟ |
لأنو مواضيع الشريعة دي دايرة ليها زول متخصص نحن ناس نجر أخخخخدر بس!!!
بعدين يا عمكـ بالنسبة للمنبر دا القصة ما محتاجة حكم شرع وشريعة .. ياخ دا منبر افتراضي إسفيري .. أها أفرض لقيت حكم وحكمت على زول .. ح تنفذ الحكم على الباسويرض؟
_ المسألة كلها اعتذار وعدم تكرار!!
| |
|
|
|
|
|
|
Re: ما حكم الشرع في السرقات الأدبية؟ (Re: Emad Abdulla)
|
Quote: سيبك من وضعية و شرعية يا حافظ .. وفق القيم الإنسانية الرفيعة .. وفق المبدئية الأخلاقية .
........ أنا لو علي .. التحاكم فيها أصلاً ما عندو مرجعية غير ديل . |
انا متفق معاك تماماً يا عماد عبدالله انو الموضوع سرقة و اصلاً السرقة ما مقبولة بأي شكل من الاشكال ... لكن تساؤلي اي قانون ممكن يتحاكم بيهو سارق مجهود الاخرين الادبية؟
| |
|
|
|
|
|
|
Re: ما حكم الشرع في السرقات الأدبية؟ (Re: محمد عبد الماجد الصايم)
|
اعتقد يا حافظ انه السرقة ليس مهما باي قانون تعاقب ولكن المهم انك تاخذ مجهود غيرك وتنسبه لنفسك وهذا اسواء انواع السرقات ,, اما العقوبة فاعتقد ان عقوبة المجتمع بالنظر اليك نظرة فيها نوع من عدم الاحترام والخوف منك بسرقة انتاجهم لهو عقاب صعب الا علي من ضعف قلبه واستمرا الامر ...
| |
|
|
|
|
|
|
Re: ما حكم الشرع في السرقات الأدبية؟ (Re: العوض المسلمي)
|
Quote: اعتقد يا حافظ انه السرقة ليس مهما باي قانون تعاقب ولكن المهم انك تاخذ مجهود غيرك وتنسبه لنفسك وهذا اسواء انواع السرقات ,, اما العقوبة فاعتقد ان عقوبة المجتمع بالنظر اليك نظرة فيها نوع من عدم الاحترام والخوف منك بسرقة انتاجهم لهو عقاب صعب الا علي من ضعف قلبه واستمرا الامر ... |
او الريس شخصياً يا خي سلام و محبة و تشكر علي أنك بهنا يا عوض أخوي خليني أختلف معاك شوية السرقة هي سرقة و مهم جداً القانون البتعاقب بيهو السارق و شكل العقاب ... أما فكرة االعقوبة بنظرة المجتمع دي و الله يا العوض شوية فيها إشكال .... نخت في بالنا في زول محدد اتسرق منتوجه الأدبي و اتنشر بإسم زول تاني و كل الناس قرته.. يعني بقي بضاعة كاسدة لو حاول المنتج دا ينشر الموضوع دا تاني بالتأكيد ما حيلقي السوق المفروض كان يلقاهو و المنتج بكر .... يعني القوة الشرائية بتضعف لو ما إنعدمت ....في الحالة دي بيكون في طرف اتضرر بشكل مادي مباشر و بشكل غير مباشر إتضرر معنوياً .... تساؤلي هنا ان القوانين الوضعية قدرت تجيب قانون عشان يحمي المجتمع من إشكالات زي دي هل ممكن الشريعة الاسلامية تصيغ قانون لمعالجة الامر دا برضو؟
| |
|
|
|
|
|
|
Re: ما حكم الشرع في السرقات الأدبية؟ (Re: حافظ حسن ابراهيم)
|
الكتاب حافظ تحياتي يا رجل
في مصطلح في قضايا السرقه في الشريعه يسمى الحرز وهو السياج الذي ان قفزت فوقه حق عليك الحد بالقطع بالاضافه الي اهمية قيمة المسروق اما في حاله اهمال ما تملك فان امر السرقه يكون مخفف ( لا ادري هل لانها تندرج تحت اغراء الغير بالسرقه ) انبهال ومشاعية (ان صحت العبارات ) النصوص في النت تجعل امر السرقه في وجه نظري يخفف الي حد انكماش العباره لتتحول الي ادعاء في سقفها الادنى وكذب في سقفهاالاعلي و في اغلب الاحيان لا يوجد مقابل مادي المقابل فقط معنوي لذلك لا حكم من غير ضرر وتبقى الوصمه الشفاهيه حاضره هذا بالطبع محاوله تحليل لا تقلل من بشاعه العبث بافكار وكتابات الغير
-----------------------------------------------------------------
رد يخص فقط السؤال اما قضيه معتز فانا غير ملم باطرافها
| |
|
|
|
|
|
|
Re: ما حكم الشرع في السرقات الأدبية؟ (Re: محمد علي شقدي)
|
فى العالم الاول توجه تهمة عدم المصداقية وهى تهمة كبيرة يعاقب مركتبها عقاب جنائ واجتماعى وادرى : والكذب عموما له دراجات منها الكذب الضارة الذى قد يواثر على شخص فى السمعه او فى العمل او فى شان الاسرة ,
من العقوبات : الحرمان من العمل الاجتماعى العام خاصة المتعلق بمنظمات الطفولة ومنظمات حقوق الانسان وقد تنزع منك حضانة الاطفال ان كان لديك من حق االزوجة طبعا تقديم طلب للطلاق فى تلك الحالة
-----------------
ما محامى لكن مثقف قانونيا علشان ما ادقس
| |
|
|
|
|
|
|
Re: ما حكم الشرع في السرقات الأدبية؟ (Re: amir jabir)
|
Quote: أوكي قلت ما سرقة أها التدليس, الكذب , الإستهبال دي في الشريعة ممكن الزول يتحاكم عليهم كيف؟ |
في دي ياحافظ يا خوي عودي زي عود ودالصايم الشريعة ليها بالظاهر و كان زولك السارق مقال غيّر فوقو حرف ممكن يغالط لي باكر و الحق معاه إنو دا ما نفس المقال زي ما ذكر الأخوان فوق العقاب يكون من المحيط الحاول يستهبل عليه الشخص بالإحتقار و التجاهل
| |
|
|
|
|
|
|
|