|
Re: غانا طارت ..الحمد لله (Re: Faisal Elrasheed)
|
هو اساسا كاس عالم في افريقيا اكبر غلطه .. كمان قال غانا دايره تمشي دور الاربعه .؟؟ وبعض الشاطحين والضاربهم الهوا مشو ابعد من كده ... قالو خاتنها للمباراة النهائية .. بالله؟؟؟
قومو لفو ومعاكم غانا شارع شارع ..
| |
|
|
|
|
|
|
Re: غانا طارت ..الحمد لله (Re: Faisal Elrasheed)
|
بعدين انا ما عارف قصة التسمية بتاعت النجوم السودا دي العاجبهم فيها شنو ؟؟ والا ساسا معناها شنو زاتو؟؟ يعني نجوم مضلمه ..؟؟ نجوم لا تري في السماء الا تجيب معاك بطاريتك؟؟ يعني هسه الواحد كان الله فتحه عليه ومشي اشتري ليه ماكوك سكند هاند من فلوريدا وقال ماشي السما الاحمر يشوف النجوم ..يقوم يشيل معاهو بطاريه يضوي بيها هناك؟؟ والا الفهم شنو يعني ؟؟ قال النجوم السوداء قال !!
قومو لفو ومعاكم النجوم السودا والزرقا في السما الاحمر ..اليبلعكم سوا ..
| |
|
|
|
|
|
|
Re: غانا طارت ..الحمد لله (Re: ادريس خليفة علم الهدي)
|
Quote: بلا انحنا اسسنا الاتحاد بلا زفتين
|
لسؤ حظي اليوم قلته اشوف برنامج الرياضه .. ولسؤ حظي فتحته التلفزيون ومع فتحتي ليه يجيني ابو هريره بتاع الناشئين وهو يلعلع .. المهم الزول ده بعد تفتفه في رضا مقدم البرنامج السمج الثقيل البيضه ..واللي يستاهل تفتفت ابو هريرة في وشه .. لقيت الراجل بحلف بالتكسروا حته حته انه يوم التلاته الجايه عامل افتتاح لملعب في الحاج يوسف حيكون احسن من افتتاح كاس العالم ..والما مصدقو يجي يشوف وناقلاهو القنوات (حسب كلامه) وحلف واصراا علي الحكايه دي .. اصره اصرار لمن انا دموعي جرت وحسيت انه زمن جنود سليمان قد عاد .. وفي سريري داك اخدته لي غمده واشوف ليك شهروت ومهروت شايلين ليك ويمبلي وطايرين بيه في السما .. سألتهم يا جماعه مودنو وين البتاع ده ..؟؟ قالو لي والله دي تعليمات سيدنا ابو هريرة بتاع رعاية الناشئين في السودان .. حا ننزلو في الحاج يوسف ونربطه ونسلمه ليه تسليم مفتاح ..بي نجيلته (:
ــــــــــــــــــــــــــــــــ ادريس ... كان جنبك حاجه بل بيها ريقك عشان تقوم تلف كويس ..
| |
|
|
|
|
|
|
Re: غانا طارت ..الحمد لله (Re: khaleel)
|
Quote: ههههههههه حلوة يا فيصولي
مالك نفسك قائم كنت جاكي ول شنو
كاس العالم ما حلو السنة دي غايت |
يا خليل يا حبيب .. ابدا ما كنت جاكي ولا شي بس الجماعه ديل روحهم طويله زي ال###### .. اساسا يا خليل انا من الناس التقليديين جدا في الحاجات .. وكاس العالم ده بشوف انه مكانه اوربا وامريكا الجنوبيه ..البقيه ديل ايوه يجو يلعبو ويعملو فيها مناضلين فيه لكن ما مفروض اصلو يدوهم تنظيم .. من كوريا واليابان انا بطني طمت منه ..لانه الحكايات ما استادات ..الحكايه اكبر من كده واستيعابه داير ليه خيال خاص .. انا من دعاة انه كل حاجه يختوها في حتته الصحيحه ..عشان ما تفقد طعمها زي ما حصل مع منتجات كتيره وسلع كانت تختص بيها اماكن محدده وبعد العولمه والجوطه دي بقي العالم زاتو طالق سااااكت .. عليك الله كان ما اخر الزمن والقيامة قربت المرسيدس والهمر يصنعوهم في الصين وجنوب افريقيا تنظم كاس العالم وغانا دايره تلعب نهائي ..؟؟
غايتو الحمد لله الاخيره دي ما حصلت والا كان التراب في خشمنا ..
| |
|
|
|
|
|
|
Re: غانا طارت ..الحمد لله (Re: Tragie Mustafa)
|
Quote: غانا دي انت حصل مستوى كدارتها بس!!
قال قوموا لفوا قال!!
تكون طابور مصري خامس لابد بجاي!!
اها غانا دي وصلت للمونديل انتو وصولتوا وين؟؟!! |
اووووووه طرطر بذات نفسها .. المدافعه عن حقوق الغانيين في البورد ..
بالمناسبه يا طرطر شفته صورتك مع الجماعه الماعندهم موضوع بتاعين المنظمات الكانو عاملين اجتماع قبل كم يوم ديل .. والله لكن ما قايلك بقيتي قدر ده .. انا لو مكانك كان سجلته في برنامج ذا بيق لوسر طوالي (:
| |
|
|
|
|
|
|
Re: غانا طارت ..الحمد لله (Re: Faisal Elrasheed)
|
غانا خرجت بشرف ... وسوء الحظ له الدور الأمثل في ذلك ...
لعبت بشرف ... وقاتلت حتى الرمق الأخير أنا كأفريقي فخور بهذه القارة الأفريقية ... وغانا مثلتنا خير تمثيل وخسرت لسوء الحظ ولقوانين الفيفا والتي كان يجب أن يكون من ضمنها إحتساب مثل هذه الأهداف مع طرد اللاعب ... الذي أمسك الكرة بيديه ...
الأورجواي من حقهاأن تنتصر ولكن ليس من حقها أن تفرح لهذا الانتصار لأنها سرقته بخبث ... كرة دخلت في الأصل ثم تحتسب ..بلنت ... أعجبتني شجاعة اسامواه جيان ... لتنفيذه ضربة الجزاء الأولى ... برغم إضاعته لضربة الجزاء بسبب أن إرتطام الكرة بالعارضة في الدقيقة الأخيرة من عمر المباراة ... وكان بينها والشباك سنتمرات لأسفل ... غانا الأقوى ... وعقبال السودان .. يوما ما ...
| |
|
|
|
|
|
|
|