|
|
 عرض ازياء من نوع اخر (توجد صورة )
|
هذا ايضا عرض ازياء من نوع اخر ... او لنقل عرض شهادات ... خريجين ضاقت
بها صفوف الانتظار و الامل و الرجاء فى الحصول على وظيفة , تحقق لهم فقط
اساسيات و سبل العيش و ليس الترف ... و لقد سمعنا قصصا عن عرض الشهادات
هذا فى قنوات عربيه اخباريه صادمه و مولمه ... و الغريب فى الامر ان كل
المتقدمين لتلك الوظائف لا يمنون انفسهم بالحصول على وظيفه .. ليس
لافتقارهم الموهلات الاكاديميه و لكن لمحسوبية النظام و عدل السلطان
|
|
 
|
|
|
|
|
|
|
|
Re: عرض ازياء من نوع اخر (توجد صورة ) (Re: azz gafar)
|
azz gafar
تحيه طيبه
والله الإنسان المؤهل واللي بيسعى جاهداً لتطوير إمكانياته ويجتهد في البحث عن الوظائف بيلقى
الشغل رااااقد في السودان حتى أن كثيرون يتنقلون من وظيفه لأخرى كما تتنقل الفراشات بالزهور
وممكن تشوف قرايبك الخريجين وتقارن أحوالهم
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: خدر)
|
Quote: وممكن تشوف قرايبك الخريجين وتقارن أحوالهم
|
ود فرح حا ارص ليك اولاد اهلي هنا الخريجين كلهم
عشان تشغلهم لي
بس مع ملاحظة انه ولا واحد فيهم مؤتمر وطني
والله يا ود فرح لو كانت جنبي درابة كان فلعتك بيها في نص راسك
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: عمران حسن صالح)
|
أثق تماماً في توفر فرص العمل في الشركات والمنظمات الخاصه والمؤسسات الحكوميه
وقد أقسم موظفو لجنة الإحتيار أمام والي الخرطوم على نزاهة الإختيار
وأرجو من جميع الخريجين الإستفاده من هذا الرابط
http://www.alhadag.com/jobs-list.php
في هذا الرابط توجد كل الوظائف المعلن عنها بالسودان
عليكم فقط التسلح بالمعرفه اللازمه وتجييه لغتكم الإنجليزيه والتحلي بالثقه اللازمه
السودان أصبح بلداً جاذباً للعديد من الإستثمارات الخارجيه مما أتاح فرص عمل لعشرات الآلاف والشركات الآن أصبحت (تتشاكل) عديل في أصحابل الخبره كما أن الوظائف المتاحه للفريش قراديويت أيضاً عديده
فقط أرجو أن لايستصغر الشباب في بدايات طريقهم المهن التي قد لاتكون في مجالهم أو بعض المهن اأخرى كمناديب التوزيع وخلافه .
الواحد يمسك في أي وظيفه لأنو قعدة البيت تورث الهم وكمان الواحد مايرجى خالو أو عمو لحدي مايشوف ليو شغل الواحد بضراعو براو يكوس كما لايجب أثناء المعاينة أن يضع الشخص في إعتباره مسبقاً أنه لن يقبل لأن مثل هذه الافكار السالبه تؤثر على الشخص سلباً عند المعاينات .
وثقوا جميعاً أن هناك دوماً فرصة عمل متاحه
وبرضو لازم تشيلو الكلام السلبي الكتبوهو الجماعه الفوق ديل من راسكم
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: محمد فرح)
|
Quote:
azz gafar
تحيه طيبه
والله الإنسان المؤهل واللي بيسعى جاهداً لتطوير إمكانياته ويجتهد في البحث عن الوظائف بيلقى
الشغل رااااقد في السودان حتى أن كثيرون يتنقلون من وظيفه لأخرى كما تتنقل الفراشات بالزهور
وممكن تشوف قرايبك الخريجين وتقارن أحوالهم |
فراشات بالفاء ؟
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: الفاتح الصادق حامد)
|
أرجو شاكراً عدم تمييع الموضوع
لأنو بالجد بقرا افكار سالبه جداً في عيون كثير من الخريجين هذه الايام
في واحد قبل أيام سألتو أها إتخرجت وللا لسه
قال لي لسه والله
وأذكر أنه كان قد إلتحق بالجامعه قبل ست سنوات على الأقل فسألته (موش إتأخرت)
قال لي ياخوي أخير يقولو إتأخرت ماإتخرجت من ما أتخرج وأقعد عاطل
إمتعضت جداً من حديثه ومن هذه الأفكار السخيفه
قلتليو ياخي إتخرج شيل شهادتك بعديها أمشي دق الحجر لحدي ماتلقى شغل بدل ماترهق أبوك بي مصاريف ساكت
السلبيه المسبقه تجاه الأمور تقتل الأمل ولاشيء أقسى من أن يموت الأمل في صدر إنسان
والله الشباب شغالين وزي الورد
والشركات توظف سنوياً الآلاف من الشباب وأي زول عندو (حبة) فهم بشتغل في البلد دي وشويه شويه الزول بطور نفسو لحدي مايكبر ويبقى (زول ليهو قيمه)
شركات البترول والإتصالات لوحدها تلتهم مئات الخريجين سنوياً ناهيك عن البنوك والشركات الخاصه الصغيره والمتوسطه والكبيره وشركات المقاولات الأجنبيه .
الشغل في والبلد محتاجه لسه ولسه للعمل والإنجاز لكن العيب في من أغلقوا عقولهم على أشياء معينه فمات الأمل فيهم ومنهم
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: محمد فرح)
|
| Quote: والشركات توظف سنوياً الآلاف من الشباب |
كلامك دة قولو لزول فى الصين او ماليزيا او القاهرة ( القاعدين يشتغلوا بدل المواطن )
شركات البترول التى توظف بالقبيلة ؟ ولا البنوك البتوظف منسوبى المؤتمر الوطنى ؟
لو فى وظائف ما كان شفت عرض الازياء الفى الصورة دى ... يا اما نصدقك او نكذب الناس كلهم .. اختار واحدة
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: محمد فرح)
|
Quote: والشركات توظف سنوياً الآلاف من الشباب وأي زول عندو (حبة) فهم بشتغل في البلد دي وشويه شويه الزول بطور نفسو لحدي مايكبر ويبقى (زول ليهو قيمه)
شركات البترول والإتصالات لوحدها تلتهم مئات الخريجين سنوياً ناهيك عن البنوك والشركات الخاصه الصغيره والمتوسطه والكبيره وشركات المقاولات الأجنبيه .
الشغل في والبلد محتاجه لسه ولسه للعمل والإنجاز لكن العيب في من أغلقوا عقولهم على أشياء معينه فمات الأمل فيهم ومنهم |
محمد فرح برجع ليك
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: emad altaib)
|
عثمان سيد كيفنك ياخ
اخونا محمد فرح ده زبون عندنا..عندي معاه مشكلة واحدة بفك الارقام عادي وبمشي بداية ببوست الكهربا وبوست البنقو وهكذا..وصراحة لما القي رقم او احصائية مجدوعة في الواطة وفي نص الكلام بتحسس ..وبالمناسبة انا ما مختص في الموارد البشرية لكن الاحصائيات موجودة والتأمل فيها ما صعب.
يا ميادة يمين ضحكت..استاذ عديل كدة ؟؟؟ياخي تكفي بوبا أو قمر أو كلمة الأخ لو بالغتي فالبساط عندي مع عضوية البورد كلهم احمدي ..الدنيا شن فيها نقعد نشبك التانين استاذ ودكتور وباشكاتب...وبعدين ياخي انا احمّر لمنو الزول ده صاحب اسامة عبدالله العايز يغرق بلدنا (كوووووولها) كررت ليك الواو بطريقة كتابتك.. يعني ده بتلفون منه ممكن القي بيتنا ذاتو مافي فياخي اتصلحي معانا وما تشتغلي مديدة حرقتني ونقوم نتشرد ساي.. وبالمناسبة ما حنغرق ولا حنشرد ..والزارعنا غير الله الليجي يقلعنا ....سمح؟
....
نرجع لموضوع البوست
للاسف الشديد كان عندي تقرير دقيق جدا ومحدث عن واقع العمل في السودان ما لقيت الملف،ذهبت لأستنجد بموقع وزارة العمل لقراءة مؤشرات سوق العمل لقيت احصائياته الاخيرة 96..انا لله .
المهم حنشتغل مع الموضع من مصادر مختلفة
سبب الصورة الفوق الجلبها الاخ عز جعفر،انو المؤتمر الوطني واستكمالا لبرنامجه الانتخابي قام اعلن انه حيوظف 5400 وده طبعا زي انك تدي زول عنده وجع ضرس حقنة منومة عشان ما يزعجك،فتعيين هذه الاعداد كبيرة جدا وبميزانية مكلفة للدولة خاصة وأن الدولة الآن تتحدث عن ملامح حكومة الكترونية،وان لم تتحدث فسيكون واقعا بعد سنوات قليلة لمواكبة الانظمة العالمية وهذا ما سيؤدي الي Downsizing أو توفير الموظفين لعدم حوجة الدولة اليهم فتبقي فكرة الزج بهذا الرقم في دولاب الخدمة المدنية أصلا انتحار من أساسه. خاصة وأن البضاعة التي توفرها لجنة الاختيار هي ليست المطلوبة فعليا في سوق العمل الحكومي،مثال بسيط لإستكمال النهضة الزراعية يمكن ان تكون حوجة لجنة الاختيار 5000 خريج زراعي ولكن لا تحتاج الي سكرتيرة واحدة أو خريج آداب أو فيزياء.
مسألة التوظيف نفسها يجب تديرها الحكومات بسياسة محكمة مع القطاعات الحكومية وخططها التنموية والنمو الاقتصادي للقطاع الخاص..مثلا وزارة الطاقة تعلم تماما كم عدد الحقول وكم طول الكيلومترات للخط الناقل وفي كم سنة سيتم انجاز هذه الاشياء وتودع هذه الاحتياجات البشرية للمشروع لدي وزارة العمل وتنمية الموارد البشرية التي بدورها تطلب كوادر من التعليم العالي وهي بدروها تقدرها (ماينص بلص) وتحدد عدد المقاعد في الكلية المحددة مش تلاتة كليات طيران وبتخرج 300 طيار في السنة والبلد فيها 3 طيارات بس..هنا في خسائر بحساب الموارد البشرية اكتر من 250 ولو واسطتهم الرئيس ذات نفسه علي اليمين المنطق بقول انو 250 خريج صاعوا صاعوا..خسائر ليس الا.
لنفترض افتراضا أن هذا هو الرقم الفعلي الذي تحتاجه الدولة في خدمتها المدنية وحكومتنا (الرشيده) تعمل وفق استراتيجية مدروسة في استعياب الخريجين لنا تساؤل واحد كم تمثل هذه النسبة للبطالة الموجودة
خريجي العام 2002/2003 في حدود 43000 شخص مع ملاحظة ان عدد الخريجين في تزايد كبير جدا وهذه النسبة تمثل فقط 10% إذن لنثبت أن هنالك 90% صايع أو يجب أن يستوعبه القطاع الخاص
سنأتي للقطاع الخاص واستيعابه ومقدراته وشروط ومعايير التوظيف فيه ونمو الفرص فيه بشيء من التفصيل
واتمني يجي زول مختص يجي يفرتق المعلومات الانا ذكرتها فرتقة شديدة ونطلع بفائدة اكبر،حتي تلكم اللحظة ووصول المختص أنا معترف وقدر اي معلومة جبتها قابلة للتصويب
يجي يحدثنا عن التوظيف في شركات الاتصالات الاكتملت بنيتها في البلد وشغال فقط الان تطور في خدماتها وبتشتريها الزبائن بنفس مواردها البشرية
وعن التوظيف في الشركات التي تعمل في المجال التجاري والـ hunting او الاحلال والابدال ونشوف السياسة دي هل اصلا بتجيب وظائف جديدة؟
اتمني ان اسمع من المختصين
الله يهون ويمد في الآجال ونواصل...
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: محمد فرح)
|
ودفرح شكرآ على المرور
ماذكرته بخصوص الشغل الآن الملايين من الخريجيين هم عطالى
الذين يتنقلون من وظيفة لأخرى هم فئة بعينهم ينتمون لهذا النظام
الشركات الخاصة هى شركات النظام ولا توظف الا اولاد المسؤليين
الان قضية عطالة الخريجيين اصبحت مشكلة كبيرة
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: azz gafar)
|
نجي للشق التاني التوظيف في القطاع الخاص
لو اخدنا تلاتة نماذج من القطاعات الذكرها محمد فرح
شركات الاتصالات والبترول والقطاع الخاص للشهر ده
1.زين هذا الشهر عدد واحد فقط متدرب طالبة في خدمة العملاء
2.بترودار طالبة اتنين
1. Human Resources Executive
2. IT Helpdesk & Secretary
3.ناخد شركة مجموعة دال كلها حوالي 16 وظيفة منها 8 وظائف فنية محترفة
Farm and Collection Centre Manager Blue Nile Dairy Co. Ltd. 27/06/2010 17/07/2010
Settlement Accountant - Upcountry DAL Food Industries Co. Ltd. 26/06/2010 12/07/2010
Warehouse Controller - Upcountry DAL Food Industries Co. Ltd. 26/06/2010 12/07/2010
HR Officer DAL Engineering Co. Ltd. 24/06/2010 10/07/2010
Area Sales Manager - Upcountry DAL Food Industries Co. Ltd. 24/06/2010 08/07/2010
Power Engineering Manager DAL Engineering Co. Ltd. 22/06/2010 07/07/2010
Account Manager Sayga Investment Co. Ltd. 17/06/2010 01/07/2010
Client Executive Sayga Investment Co. Ltd. 17/06/2010 01/07/2010
Sales Consultant DAL Engineering Co. Ltd. 15/06/2010 05/07/2010
Sales Executive DAL Engineering Co. Ltd. 15/06/2010 05/07/2010
Mercedes Benz Workshop Manager DAL Engineering Co. Ltd. 15/06/2010 05/07/2010
Body Repair Workshop Manager DAL Engineering Co. Ltd. 15/06/2010 05/07/2010
Truck & Bus Service Manager DAL Engineering Co. Ltd. 15/06/2010 05/07/2010
Passengers Cars Service Manager DAL Engineering Co. Ltd. 15/06/2010 05/07/2010
Marketing Manager DAL Engineering Co. Ltd. 15/06/2010 05/07/2010
Category Team Leader Sayga Investment Co. Ltd. 05/06/2010 05/07/2010
الملاحظة الأولي قطاعات البترول والاتصالات شبه مغلقة لانها قطاعات خاصة الاتصالات لانها قطاعات وصلت مرحلة العمل فيها نوع من الاستقرار وغطت معظم مناطق السودان ومواردها البشرية بالاضافة للشركات المورده قادرة علي ادارة العمل بصورة كافيه وبل الارجح في انظمة الشركات انها بعد تصل الاستقرار انها تفكر في الغالب في الاستغناء دمج الادارات والمهام الوظيفية.
والدليل الوظيفة المطلوبة من بترودار IT Helpdesk & Secretary ديل وظيفتين مختلفات تماما و فيها دمج بين الادارة والشي الفني ...يعني الزول يصلح الاجهزة المعلقة ويعمل للاجهزة مابنق عشان تخش الشبكة ويشتغل سكرتير...عليك الله هسة ديل أتو لحوار.
الوظائف الطالباها مجموعة دال ما بتشغل ليها خريج كان عنده خبرة ولا ما عنده خبرة..دي وظائف أغلبها زي ما قلت عايزة خبرة في المجال المحدد ومن شركات منافسة ليها ودي الأشرت ليها انا بـ Hunting ومختصي الموارد البشرية بقوموا يكشفوا السوق ويشوفوا منو في شركة نيسان الماسك نفس الوظيفه..ويبدوا معاه نقاش ..تعال ياخينا انت بدوكم ...لو اديناك كم بتجي وده بالحصل في كل الشركات الخاصة ودي دايرة شغاله وما قاعدة تخلق فرص حقيقية
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: GamarBoBa)
|
| Quote: والله يا ود فرح لو كانت جنبي درابة كان فلعتك بيها في نص راسك |
طارق ود امي كيفنك آ الحنين...
درابة !!!!! ده القدرت علي آآآآآآ الحنين ؟؟
تعرف انا ان لميت فى درابتك دي بضرضرا ليك فى فد عين
عشان تاني تفتح وتشوف سمح
لوووووولين طبعا
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: GamarBoBa)
|
سلام يا قمر..
ياخ الف تحية على المعلومات والتحليل المنطقى,,أنا مرات أشك أنو محمد فرح ما قاعد مع الناس فى الدنيا
دى,,أو هو يكاوى ويكايد بالمغالطة والمعاكسة!!
القناعات الحزبية والدفاع عن سياسات جهة معينة لا تعنى أن ننكر الواقع مهما كانت قسوته وفى سودانا دا
لا أحد يحتاج لأى نوع من الإحصاءآت أو الدراسات ليعرف حجم معاناة الناس ويفهم اين المشكلة!!!!
فمعاناة البشر كائن يمشى على أقدامه معهم ,, معاناة ليست منطقية فى كل أوجه الحياة وغلاء طاحن يجعل
من النقود نفسها وسيلة لا تستحق الإحترام حين يكون الحديث بالملايين والمليارات والدولار قايم سدأرى ,,
القاعدة تقول فقط أنظر حولك وأحسب,,
بيتك وأهلك وأصدقائك وجيرانك وناس حلتكم وناس الشارع حتى فلا فرق بين من يسكن هنا أو هناك فكل من ينظر
سيخرج بنسبة معقولة عما يحدث على أرض الواقع وعليها يمكنه أن يبنى حساباته,,
يا محمد ياخ أنظر حولك وعد إلينا بأمانة,,
تحياتى,,
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: GamarBoBa)
|
العزيز قمر بوبا
تحيه طيبه
أولاً شكراً لرفد البوست بالمعلومات الجيده دي
ثانيا الإحصائيه التي ذكرتها لايمكن أن تكون دقيقه بأي شكل كان
فهناك عدد كبير جداً من الوظائف المتاحه خلافاً للشركات التي ذكرتها
ام تي ان مثلاً عينت هذا الشهر أكثر من 15 موظفاً في خدمة العملاء وقسم الشبكات
سوداني أيضاً بدون شك ربما تعين بها الكثير
هذا خلافاً عن المنظمات والشركات الخاصه فلايمكن بكل تأكيد أن يكون من تعينوا هذا الشهر فقط 7 اشخاص
بعدين أنا أعرف شباب مابستنوا الوظائف تفتح زاتو
ممكن بدون ماتكون في اي وظيفه تمشي إستقبال اي شركه وتخت السي في بتاعك وتتكل على الله
ومن توكل على الله كفاه
نقطة خلافي الاولى هنا هي الصوره القاتمه تماماً التي يصورها البعض
لابد من أن يسعى الشباب
واقع الحياه الان اصبح صعباً في جميع العالم وليس فقط السودان لكني متفائل بواقع السودان تحديداً فنحن في مراحل البناء والتنميه والبلد محتاجه سواعد فتيه أكتر وأكتر .
أما بالنسبه للحوجه الفعليه للبلاد ومقارنتها بأعداد الخريجين فهي بالفعل لاتتناسب إطلاقاً اليوم فمثلاً قد يتخرج في العام قرابة الـ100 مهندس معماري من الخرطوم - السودان - وبقية الجامعات الاخرى التي بها كليات هندسه معماريه وتكون حوجة سوق العمل بالسودان اقل بكثير من هؤلاء .. بعضهم ربما يعمل بغير مجاله وبعضهم ربما يهاجر لدول أخرى .
لكني لاارى ضيراً في العلم وبكل تأكيد لن نخسر إذا تعلم هؤلاء فبذلك ستتولد طبقه مستنيره ستعلي بالتأكيد من شأن البلاد وسيكون الضرر اكبر إذا تم تقليل فرص القبول بالجامعات لأنه قد تضيع هذه الخمس سنوات في امور غير ذات جدوى لو ترك هؤلاء الدراسه وتفرغوا لأمور أخرى .
شخصياً لاأتخوف من الاعداد التي تتخرج كل عام بل ارى فيها حسنات اكثر .
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: محمد فرح)
|
عذرا اخي صاحب البوست مع درابة طارق اخوي نسيت اسلم عليك
التحية لك ولكل زوارك وفعلا مشكلة حقيقية تواجه كمية من شباب بلدي من الجنسيين
فى مستقبلهم العملي . رغم التعب والسهر والشهادات المحترمة
لكن فى واسطة مؤتمر وطني تشتغل طواااااااااالي
مافي تأكل نيم وتشرب موية قرض ...
الله في...
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: اسماء الجنيد)
|
سلام اخي الفاتح الصادق....
عارف ذكرتني نكتة بكلمة الفراشة بالفاء ..
نكتة حقيقية والله ... ود اختي الصغير عنده مشكلة فى نطق كلمة فراشة . طوالي يقول طراشة لووووول
اها اختي مصرة تعلموا النطق الصحيح وتردد معاه يا واد قول فرااااشة بالفاء
يقول ليها طراااااااااشة بالفاء
لوووووووول
با يا عزيزي الفراشة هنا المفروض تكون بالطاء يعني فراشة وطراشة اضانها طرشة كمان
نطرش ما سمعنا بي توظيف فى معاينات نزيهة نطرش بالطاااااااااء
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: محمد فرح)
|
بس خلينا نثبت انو الارقام الانا جايبها عبارة عن نماذج وانت ذاتك جيت دعمتها
| Quote: ام تي ان مثلاً عينت هذا الشهر أكثر من 15 موظفاً في خدمة العملاء وقسم الشبكات |
15 موظف في الشهر وانا جبت ليك 16 من دال قروب
انت قلت شركات الاتصالات والبترول والشركات بتلتهم الآلاف سنويا عشان كدة انا اشتغلت ليك في النماذج الانت بنفسك اوردتها
برجع ليك يا محمد بتفاصيل تاني
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: GamarBoBa)
|
المشكلة يا أيمن محمد فرح حكومته عاملة لكل الوزارت مواقع الكترونية...اي وزارة وصلتها يا الموقع ما بخش زي جهازالاحصاء المركزي اما وزارة العمل اخر احصائية فيها 1996م وبتتكلم عن الامية وحاجات كدة ما عندها علاقة ذاتو.
قلت بلقي الملف بتاع ياسين الحاج قاطعين مؤشرات النمو في السودان بالارقام في عقدين - الجهاز المركزي للاحصاء
ومحمد فرح حيرني ذاتو
قال المعلومات جيدة ثم في السطر التاني طوالي قال لي معلوماتك دي ما صحيحة باي شكل من الاشكال
يا ها الطراشة بالفاء ذاتا
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: GamarBoBa)
|
الحضور شكرآ على المرور
الاخ قمر شكرآ للمشاركة والتوضيح
ا صبح هاجس العطالة يسيطر على جميع المتخرجين حديثا في الوطن فالكل يشكو و مشكلة العطالة مازالت قائمة فجميع الخانات الوظيفية قد اغلقت تماما و حتى بعض الخانات التيي تفتح تكون لنسبة ربما-لا تتجاوز ال 4% - من اعداد المتخرجين ..
سأعود لمناقشة الموضوع بإستفاضة
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: اسماء الجنيد)
|
| Quote: وقد أقسم موظفو لجنة الإحتيار أمام والي الخرطوم على نزاهة الإختيار |
لي تجربة مع لجنة الإختيار .. أود - بألم - إيرادها هنا .. والله شاهد على ما أقول وليس الوالي !!!
تخرجت من كلية التربية - قسم اللغة الفرنسية - وبعد عام أو يزيد من طرق كل الأبواب سعياً وراء -لقمة العيش- الكريمة .. ووظيفة أسد بها رمق أحلامي آنذاك فإذا بإعلان في الصحف السيارة أن وزارة التربية والتعليم بصدد توظيف معلمي ومعلمات للمواد أدناه - من بينها اللغة الفرنسية- في مدارس المرحلة الثانوية بولاية الخرطوم ..
قمت مسرعاً بالتوجه إلى مباني اللجنة والتي كانت بالقرب من كلية الصحة - جامعة الخرطوم حينها ..
بعد أسابيع وحين أعلن المنادي أن أوان المعاينات قد حان ..ذهبت ممنياً النفس بأن تجري الأمور على الوجه الذي تمنيته .. أما الذي قد كان فهو :
لجنة تضم حوالي أربعة أشخاص ..
دارت الأسئلة في المعاينة حول - والله على ما أقول شهيد - ما رايك فيما يحدث في دارفور ؟ ماهي الآية التي نزلت في حادثة كذا ؟
ما هي أطول آية في القرآن ( وأنا للتذكير فقط أتيت لإتوظف معلماً للغة الفرنسية ) ..
وفي آخر المعاينة .. تم سؤالي بضعة أسئلة باللغة الفرنسية أقسم أنها لو سئلت لمن درس اللغة الفرنسية في الثانوي وكان متفوقاً فيها لرد عليها بكل سهولة !!
عموماً .. تم إخباري بأن النتيجة ستعلن بعد أسابيع قادمة ..
وحينها .. ذهبت لافاجأ بعدم وجود كشف يحوي على أي معلم قبل للغة الفرنسية وحين إستفسرت أخبروني انهم ليسوا بحوجة لمعلمين أو معلمات لغة فرنسية !!!
أحد الزملاء الذي تقدم لمادة اللغة الإنجليزية وكان الأول في دفعته .. قابلته بعد ذاك بمدة فسالته عن ما جرى له ..
أخبرني أنه لم يتم قبوله ..
وأخبرني أن بلجنة المعاينه من أعضاءها أعني أحد الموجهين الذين كانوا مشرفين عليه إبان فترة التدريب التي نقضيها بالمدارس ..
فحين ساله بعد ذاك بمدة عن لماذا لم يتم إختياره أخبره بأنه قام بإختياره هو وآخر وذلك لأنه خبر مدى تمكن ذاك الزميل من اللغة إضافة لمهارات التدريس ولكن حينما رأى النتيجة فوجي بأن الذين تم إختيارهم - والحديث للموجه- بعضاً منهم لم يكن - أصلاً - من ضمن الذين تمت معاينتهم ..
محمد فرح ..
أقسموا أمام من ؟؟؟؟
..كاهن ..
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: azz gafar)
|
سلام يا عز..
تجربة الأخ حاتم كاهن هى تجربة كثير من الناس وأن الولاء قبل الأداء وهى قاعدة معروفة للجميع,,
الإعلان عن الوظائف فى معظم الأحيان يكون فقط إجراء شكلى وكثيرا ما ينال الوظائف أناس لم يتقدموا
لها أصلا!! ولم تتم معاينتهم من قبل اللجان المختصة بالموضوع,,
الولاء قبل الأداء هى القاعدة التى حكمت التوظيف فى السودان طوال العشرون سنة الماضية!! حتى
الواسطة والمحسوبية لا تصمد طويلا أما ألولاء,,مهما كانت درجة الكفاءة والخبرة والتميز!!!
تحياتى,,
| |
|
|
|
|
|
|
|
|
|
Re: عرض ازياء من نوع اخر (توجد صورة ) (Re: أيمن الطيب)
|
| Quote: تجربة الأخ حاتم كاهن هى تجربة كثير من الناس وأن الولاء قبل الأداء وهى قاعدة معروفة للجميع,, |
أخ أيمن
تحيه طيبه
وايضاً نشكر السيد حاتم كاهن الذي سرد لنا تجربته
الإنقاذ في بداياتها أيام التمكين لاننكر أنه كان هنالك كثير من الأخطاء وكثير ايضاً من التشدد وهناك كفاءات تشردت بسبب عدم ولائها للإنقاذ وكل تجربه وليده لها أخطائها وقد ظللنا ننتقد هذه الأخطاء حتى إنعدل الحال والحمد لله .
وأعتقد ان السيد حاتم كاهن كما مذكور في بروفايله وجد وظيفه أقل رهقاً من التدريس وأكثر دخلاً على ماأعتقد فأمر المؤمن كله خير وده بقودنا لي حتة إنو الوظائف راقده مره تانيه والمابلقى شغل الليله أكيد حيلقى بكره فقط ماهو مهم أن لاتفتر عزيمة المرء .
| |
|
|
|
|
|
|
| |
azz gafar
محمد فرح
Deng
خدر
طارق جبريل
عمران حسن صالح
الفاتح الصادق حامد
مجاهد عيسى ادم
GamarBoBa
OSMAN SAYED MOHAMED
mayada kamal
emad altaib
اسماء الجنيد
أيمن الطيب
حاتم كاهن
فيس بوك
تويتر
انستقرام
يوتيوب
بنتيريست