|
Re: هِبْرِزِيَّـاتٌ خَنَاذيذُ ولِمَـامٌ يَسيرٌ مِنْ حَامي الْوَديقَــة .. !!. (Re: Mohamed Abdelgaleel)
|
Quote: محمد زين ... الزول الجميل من زمااااااااان ... وكالعهد بك تزداد القا كلما مضت الايام وابحرت بك الدنياغصبا صوب البعاد عن الوطن ..... تخريمة : خالد احمد ... 16 اقتصاد ( صياح ) شوف لينا طريقة نكلمك بيها ياحبيب |
يا الله ، يا خالد صيّاح ، هذه من محاسن سودانيز أون لاين المتعدِّدة : ( أن تجمعكَ بأعِزَّاءَ ، لَمْ يأخُذْكَ الْمَوتُ قبلَهـم ! ) ، رأيك شنو في الجملة دي قطعتها هسّع تِيَّة ، والله. رمضان كريم ياخي ، ووينك يا راجل ، وأخبارك ، وكيف ناس بيتكم عساهم طيبين ، واللهِ مشتاقين يا خالد أشدّ الأشواق ليك ولي كلّ ناس الْحاج يوسف . زمان كنتَ في الخرج ، هسّة واللهِ ماني عارفك وين ! ، أما زلتَ فيها ولَّا مرقتَ منَّها ؟ ، بعدّين أدَّني تلفونك يا أُستاذ . غايتو ح.أقوم أكَدِّرْ ( أمشي بي كُرعيْ يعني ) من هِنا لغاية بروفايلك ، وإن شاء الله ألقى لَيْ فيهو درب اتصالا ليك ، وعمومًا دا تلفوني 0507825418 ( ما تصدِّق جوّالي دا ، مرَّات مرّات كِدَه بقول ليك : لا يمكن الاتِّصال به الآن ، وهو طبعًا مفتوح 24 ساعة ، بس دايمًا شايل حالي مع المتّصلين ، بس إتَّ حاول مرّتين وفي التالتة بظبط معاك ، عشان في الوكت داك أنا بكون أدّيتو خَبْتَة في راسو وصنقوروا دا وبعدّاك بِشتغِلْ زيْ الما حصلتْ حاجة ). لكَ تحيّتي وحُبِّيَ ( الزَّمان داك ) الَّذي تعلمُه . أخوك / محمَّد زين . ______________________ من الطُّرَف القديمة : * ( تذكّر يا صيَّاح أولاد مربع 6 عملوا معايْ شنو ؟ ههههههههههههههه ) .
| |
|
|
|
|
|
|
Re: هِبْرِزِيَّـاتٌ خَنَاذيذُ ولِمَـامٌ يَسيرٌ مِنْ حَامي الْوَديقَــة .. !!. (Re: محمَّد زين الشفيع أحمد)
|
في جولة سريعة لي في مواضيع مختلفة في هذا المنبر الرائع وجدت أدباء وشعراء أكثر من رائعين يكتبون بحروف وضاءة منيرة وفي بعض الأحيان بكلمات فلسفية تحتاج للتفكير وفي بعض الأحيان بأسلوب السهل الممتنع .. وانا على يقين بأن البعض من هؤلاء سنسمع ‘نهم في القريب العاجل أنهم أصبحوا أدباء وشعراء على المستوى العالمي وكلماتك سواء كان نثرا أو شعرا يا أستاذ محمد تشع بالنور والسحب الممطرة التي ينتظرها سكان الصحراء بفارغ الصبر ونحن ننتظر مثلهم مثل هذه الكلمات المعبرة فأنت الشاعر والله يديك العافية
| |
|
|
|
|
|
|
Re: هِبْرِزِيَّـاتٌ خَنَاذيذُ ولِمَـامٌ يَسيرٌ مِنْ حَامي الْوَديقَــة .. !!. (Re: محمد عبد الماجد الصايم)
|
Quote: في جولة سريعة لي في مواضيع مختلفة في هذا المنبر الرائع وجدت أدباء وشعراء أكثر من رائعين يكتبون بحروف وضاءة منيرة وفي بعض الأحيان بكلمات فلسفية تحتاج للتفكير وفي بعض الأحيان بأسلوب السهل الممتنع .. وانا على يقين بأن البعض من هؤلاء سنسمع ‘نهم في القريب العاجل أنهم أصبحوا أدباء وشعراء على المستوى العالمي وكلماتك سواء كان نثرا أو شعرا يا أستاذ محمد تشع بالنور والسحب الممطرة التي ينتظرها سكان الصحراء بفارغ الصبر ونحن ننتظر مثلهم مثل هذه الكلمات المعبرة فأنت الشاعر والله يديك العافية |
أشكُرُ لكِ فضلَكِ سيِّدتي : أميرة السَّيِّد ، فقوْلُكِ تَشُوقُ مُجالسَتُه ، وتَرُوقُ للنّفسِ مُطالَعَتُه ، وأرجوأن تلحقَني ولو بقليلٍ من الْوَصْفِ نَفَثَـاتُـه. لكِ تحيَّتي وتقديري . أخوك / محمَّد زين . _________________
| |
|
|
|
|
|
|
|