|
Re: في ذكرى رحيلك .. محجوب سيد احمد .. لقد غيب الموت مناضلا (Re: د.محمد بابكر)
|
عم محجوب هكذا كان يحلو لنا مناداته ما كان مثل احد ولا كان يشبه سوى عم محجوب الله ياخالد تعرف عم محجوب كان زول وناس ، بجينى فى الجريدة مرات " لمن تعجبه حاجة كاتباها بجينى راسو عديل " حقيقة كتير بجى لعم ابراهيم عبد القيوم"وتشزف الشلوخ اللاورى وتعرف انه الونسة فيها بنات وشعر وذكريات وضحك من القلب ويقعدو يتونسو ونحنا نسمع ونضحك من القصص المشتركة بينهم عم محجوب عمل حاجة سمحة جدا كتب تاريخه بمعاونة اخونا مجدى النعيم وللتاريخ كانت فكرتى قلت لعم نحجوب ـ اسمع يا حبة نحنا دايرين نسجل ليك تاريخك كله من اوله لاخره قعد يزمزق وانا مشغول وما ادراك ، بس يا سيدى حرشت ليك مجدى النعيم ـ يا مجدى ود امى عم محجوب دا زول ماهين ، انت بكون عندك فرصة تلاقيهو برا او فى بيته فى اوقات ما بقدر عليها المهم ياسيدى مجدى قام باللازم وعمل السيرة بتاعته والحمد لله انه شافا وما تتخيل انه كان فرحان كيف ؟ يا سلام على عم محجوب لمن يقعد ويحكى ليك عن شقاوة الصبا والبلد والبنات والغنا والشعر واحلالى ياخالد من ملاقاة عم محجوب ومقالدتو لى يفرح لمن نتلاقى وافرح اطير لمن نتلاقى سوا مع عم جبرالله الله يرحمهم كمان عم جبر الله دا حكاية براها وحات الله بكتب ليك ودموعى جاريات من فراق الحبان ديل رحمة الله عليهم كانوا اهلى وناسى وحبايبى واخوانى وابهاتى يا سلام عليك خالد ربنا يديم عليك صحتك وعافيتك ويرحم حبايبنا كلهن
| |
|
|
|
|
|
|
|