كتب الكاتب الفاتح جبرا المتوفرة بمعرض الدوحة
|
|
 قاموس (النبز) السوداني الاصيل ...
|
قدر ما الواحد يجي داقش المنبر ده يلقى قيامتو قايمة ،
فقلنا نساعدكم شوية بالألفاظ .
اول بالتبادي النبز جوة البنبر ده على مسئولية البنبز ،
عشان كدة ياجماعة ختونا (بفتح الخاء) كلام البلابيص والحناكيش
ومسكونا في النبز الأصيل بتاع حبوباتنا وجدودنا زمان الوصونا
على الترابة الفي خشمنا دي .
النبز (بفتح النون والباء ) لغةً ما بنعرفوا ...
علا الشي ده هولنا بلحيل ... (الباقين) بقولولوا الشتم ...
والشتم ده نحن (بندقبو) في الحفلة وكت النقزي والعرضة عجاجها يلوي ...
المهم العرب قالت (وقالت دي لُولت الضكور والحروم سوا) :
النبز بالتحريك : اللقب ، والجمع الانباز .
والنبز بالتسكين : المصدر . تقول : نبزه ينبزه نبزا ، أي لقبه .
وفلان ينبز بالصبيان ، أي يلقبهم ، شدد للكثرة . وتنابزوا بالالقاب ،
أي لقب بعضهم بعضا . - الصحاح - الجوهري ج 3 ص 897 .
***
وبعدين النبز المقصود هنا ما نبز الشوارع ،
ولكنه النبز السوداني الأصيل بلغتنا السودانية الفصيحة .
فالعندو نبزة في زول مايلاوز يفكها طوالي ويمشي ،،،
وأي كنكوج رايحالوا شتيمة لي زول إذنه معاهو ...
يجر ليه لينك للبوست ده زي الماحصل حاجة..
ويالتانين يلا ضراعاتكم معانا وأي زول يورينا الشي الكان بسمعو
من عبارات (النبز) زمان ...
( زمن الناس كانت بتنبز ، أسع بتشتم وبتسب وبتجكس)
والجماعة البره مايتحرجو .. يجدعوا هني ... [email protected]
|
|
 
|
|
|
|
|
|
|
 Re: قاموس (النبز) السوداني الاصيل ... (Re: عمر التاج)
|
أول النبز انعل .. وتعني عليك العنة
يقولون انعل ابوك وأمك وحبوبتك والنعل ديل ماخلا حاجة ...
بعضهم يلعن الخاش ، والخاش ده لغويا مازال البحث عنه جارياً ..
حاشية :
(في الفيلم الاجنبي ترد لها
أحيانا معان أخرى لاعلاقة لها
بموضوع البوست)
| |
|
|
|
|
|
|
|
|
 Re: قاموس (النبز) السوداني الاصيل ... (Re: عمر التاج)
|
باب (ألف) النبز ...
أصنج : زول مغفل ، تلقاهو ماشي زي الأطرش ي الزفة ، مخو بي وشيهو تقيل ومصهين .
أضينة : الزول المسكين شديد ... خاصة قدام مرتو ونسيبتو ...يقولون الاضينة دقو واعتزرلوا .. يعني كان كراعك ماكلاك (شِّلت) بيها أقرب أضينة وبعد ما تفشش فيه كراعك قول ليهو سوري أوي .
أغلف .. مامطهر ... وغالباً مايقع وزر هذه النبزة على الأم فتلقى الواحد يسوي الغلط وينبزو ليه امه لا ايدها لا كراعة .
أشتر : وتعني الزول الماموفق في حركاتو ... وشغلوا كله بالقلبة ... كان ساكت مد ايدوا عشان يسلم عليك يكوش صينية الكبابي القدامك ويهرسن يلحقن أمات طه . كاتبنا المخضرم بشرى الفاضل عندو قصة قصيرة بتاعة واحد أشتر في رقيصو تموت من الضحك اسمها (أشتر أشتر).
ابو الزنبار : ده الزول العامل يها مقدقدة وتلقاه ابيض من البلاطة بتاعة الضمنة .
اب شلاضيم : زول شلاضيمو كبار ... كان اتكلم جنبك يملاك بزاغ ..
اب عنقرة : زول عنده فقرة ليها ضل .
أب مخاخيت : زول نخرينو سايلات بي وشيهن ..
الفنجاط : يقولون فنجط الحمار إذا رفع كرعينو الوار في السما عشان يرمي الزول الراكب فوقو .. وقس على ذلك في بني البشر ..
المطرطش : الما فاهم ابو النوم ..
الداقس : الزول البعمل الحاجة بدون مايعرف نتيجتها ..يقولون دقس واتلحس ، ومنها جات حرب داحس والغبراء بتاعة السودان .
الحمبرة : الماناقش حاجة .. والحمبرة نوع من الطيور التي يمكن ان (تدودرها) بكل سهولة للشرك ( يسمى أحيانا القلابة أو الكجامة )
الهارش : الخواف
السبهلل : غير المهتم ، وزي ده تلقاهو من لبسو باين ، يعني ممكن عادي تشوف الخرتاية مدلدلة من أواركينو .
ونواصل ...
| |
|
|
|
|
|
|
|
|
 Re: قاموس (النبز) السوداني الاصيل ... (Re: عمر التاج)
|
نواصل باب الف النبز :
أهوج : الزول الاهوج هو الزول البكون في الشكلة أعمى وأطرش ويقع في الناس خبت زي أبو الدنان (ذكر الرهيوة)
أهبل : الزول الأشتر لمن يتعاور زي الشافع لمن يدورلو حلاوة.
أهطل : ود عم هبنقة الفوق ده .
الكشا مشا : زول منتهي الصلاحية وماعندو الحبة ، كان ختوه تمامة عدد ما بنفع.
الكعب : الزول الجنو مشاكل ..مستعد يشاكل ضلوا الضحى الاعلم .
السواط البفتن بين الناس ويسوط الكلام زي ملاح امتكشو .
اللخباط : بتاع السواطة ، أكان داير ياكل مع الناس يملح ليهم الكستر بالتقلية.
اللكة : ده الزول العوير عوارة الصمغ ... كان اتلصق في حاجة بي سبيرتو ما بنفك .
العصعص : ده الزول المنتهي من لحم الدنيا وعضامو قاعدة في الصقيعة .
الدلقان : زول ماعندو مروة محل ما توديهو ما ينفع .. لانوا جسمو مرخرخ .
| |
|
|
|
|
|
|
|
|
 Re: قاموس (النبز) السوداني الاصيل ... (Re: عمر التاج)
|
الأخ : عمر التاج - سلام
عرض جميل وممتع ... برجع ليك إن شاء الله لو ربنا هون بشوية مفردات , مع إني ما بحب النبز ... بس قلت خلي نثقف - بئس الثقافة - ناس الشهادة العربية وأولهم أولادي لأنو ممكن واحد يقولها لهم ...
ــــــــــــــــــــــــــــ
على فكرة يا عمر هذه المفردات غير متفق عليها في كل السودان ...
| |
|
|
|
|
|
|
|
|
|
Re: قاموس (النبز) السوداني الاصيل ... (Re: د.يوسف محمد طاهر)
|
لأسباب فنية ننتقل مباشرة إلى حرف الميم :
(ميم النبز ) :-
مفوت : فاطي سِنة أو سطر .
مجنون : فاطي صفحة كاملة .
ملكلك : الكلام الملكلك هو الكلام الخارم بارم ،
والزول الملكلك الماممكن نعتمد عليهو.
مكوجن : ملخبط لخبطة عدوك ..
مرخرخ : زول جسمو زي حبال العنقريب القديم .
مبشتن : سبهلل
منكوش : شعروا نيش
مس###### : مفوت شوية أو جرسة .
مقحط : ماسكو عطية من جيوبو
مسطح : ما جايب خبر
مبلم : زعلان
معرج : مشهيو ملولو ( تختلف من بتاعة الكوتشينة)
معّاط : براي
معصلج : مابي يشتغل صاح .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
عدنا ... الى حرف الميم ..
(ميم النبز ) :-
معجن : أهلو معجننو يعني مدلعنو شديد
مخاطة : سائل ابيض يشبة الزقاتة
مشحتف : روحو مشحتة يعني محرقاهو ..
مدبرس: زهجان زهجة بي زعلتا
مظعوط : منتوف شعر راسه
مكرفس : الشكلو عامل زي وش حبوبتي السرة
مركوز : ما وافق براهو ..
مبوز : مادي قدومو ..
ملولو : بمشي زي الثعبان .
ممزر : معفن ، يقال البيض ممزر إذا طفّح فوق للموية .
معولق : يقولون لا تعولقنا لا تشولقنا أي أدينا الوش السمح
مكربع : جسمو ما راكب عدلو
مطربع : قريب من اخوه الفوق
مطقع : بمعنى مصقع ..
مصقع : صعقوهو في راسو بي حاجة صلبة ( حجر ... سبحة ... الخ )
مجقفر : محفر ، يقال فلان وشو مجغفر يعني زي الكان ماسكو الجدري ..
مخستك : مانافع ÷ نافع..
مفسي : نازل ( وتقال للستك والزول )
مفتل : عندو فلايت في جسمو .
**
متبقي حرف الميم ناخدو واجب منزلي
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
العزيز : د. يوسف محمد طاهر
تحية الود والاحترام
أولن أحب اطمنك انو اولاد الزمن ده
ما بعرفو النبز متل ده . خاصة جماعة (ش.ع) ..
دا اكان عرفو النبز زاتو معناهو شنو ..
وتانيان :
| Quote: على فكرة يا عمر هذه المفردات غير متفق عليها في كل السودان |
النبز المذكور هنا اغلبه من بيئة
شمالية عريقة ممزوج ببعض حواماتي في اصقاع البلاد ،
و قد لا يفهمه الكثيرون .. لذا فالبوست ينتظر المزيد من النبز
الأصيل من بيئات سودانية متنوعة خاصة اخوانا في الغرب والجنوب والشرق ..
تالتن : شكرا وفي انتظار نبزك ...
وتعال ومعك آخرون لحل الواجب التالي ..
***
واجب منزلي (1) :-
(أ)أشرح باختصار غير مخل النبزات التالية :
مشرشح :
(.........) :
ممعط :
مخرمج :
مفنوس :
معفن :
(ب) : تعرف على الكلمة (النبزة) التي عصلج فيها
فلتر بكري وأظهرها زي السلم في باب حرف الميم أعلاه ، فظهرت كما يلي
مس###### : مفوت شوية أو جرسة .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عبدالفتاح أبوشيمة)
|
الشقيق عبد الفتاح
التحايا النواضر
وحمد الله على السلامة والطلة
Quote: كله مقبول
بس ماسورة دي ما نازلة لي في حلقي |
هو نحن جبنا كلمة ماسورة وين ؟
يا اخ دي كلمة ماسورة عديل كدة
مابتنفع في القاموس الاصلي بتاعنا ده
ومن شكلها طالعة لاولاد الزمن ده
لحدي ما سولوها سوق.
ربك يستر من سوق الصهاريج بعد ده.
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
نعود للترتيب الأبجدي...
باب حرف الباء والتاء ( باء وتاء النبز) :
بياع : الزول الممكن يبيعك ويشتريك وانت ما جايب خبر ، وممكن يبيع اخوه ... لا وكمان شنو ... نفسه ممكن يبيعها عشان القروش .
بانقا : دلاهة وتبيعة
بشبه روحو : ودي جا منها المثل الدارجي ( الماعندو شبهو المولى قبحو )..
بايخ : مسيخ شديد .
بايظ : منتهي
تجم : ما بفهم ... إلا أكان سلفوهو فهامة .
بربندي : ده الزول بتاع المشاكل ، لو لاقاك في اي ركن ما بتمرق منه بدون مشكلة .
تخة : تخوخة سمين شديد ، وتقال للزول الغبي أيضا.
######## : بتاع كلام فارغ ، أو صعلوق
تفاة : التفاه ده الزول الشناف شديد .
تفة : شعرو كتير ، والزول التفة النافش ريشو في الفاضي .
تليحة : ده اكان اتلحك اطلب الله ساكت ..
تيخة : بت عم تخة ..
حاشية :
لايخفى على القارئ أن المعاني هنا عبارة عن اجتهاد شخصي
فاذا تضارب الشرح مع النص الأصلي يؤخذ الأصل ويترك هذا التفسير .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: فيصل محمد خليل)
|
جربان : ده الزول المليان حبوب ..
جربوع : حيوان ######## ..
جرجخيص : وهي اختصار للجرجرة الرخيصة
جعار : كوراك
جمجار : بتاع جمجرة ... وهي المكر الخبيث
جنا ده : يقولون شوف الجنا ده عامل زي السمبرية على سبيل الت######## .
جهبوذ :عامل فيها مجهبزةيعني مقطعة .... هي شنو مامعروفة .
حردان : يقولون حرد عشاه يعني أباه .. حرد الحمار أبى يمشي.
حميض : مسيخ شديد ، كان اكل قندران سكر مايطعمو .
خفة : ده الزول البخش توووش في أي موضوع حتى ولو ما بهمو .. يقولون الخفة الكتلت اب تفة ( اب تفة ده الزول المخنفس)
خمجان : الخمجان الزول المبزر في اكلو وشربو ، وتطلق على الشافع النياص .
خملة : زول رمة ساكت ، ما شغال وما عايز يشتغل .
خموم : يقولون خم الرماد أي كاوش على كل الأكل والزول الخموم هو الزول الزي الرماد الا يخمومهو مع الوسخ.
خنفس : عندو تفة (مربي شعر كتير )
خوخة : الزول اللين في كلامو وجسمو ماكن .
خول : باطل.
خيخة : اننثى الخوخة .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: فيصل محمد خليل)
|
حبيبنا فيصل محمد خليل
كيفنك والفي بالك
طبعن لا يخفى عليك البعد الاجتماعي البحت للبوست
وحرف القسمة (÷) ده جا براهو ليؤكد ارتباط
علم الاجتماع مع قوانين الحساب البلدي
وليه دلالات فنية ترتقي لمستويات الثقافة الفسولوجية للجنات الحديثة
و
كفاية لحدي هنا وماتوديناش في داهية. ..
شكرا جزيلاًً
**
حاشية :
داهية= خور أبوحبل.
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
سلام أخي / عمر
موضوع النبز عندنا في السودان
بمثل تراث عديل ونحن اطفال كنا بسمع
الهوايل ونجي نسأل امهاتنا وحبوباتنا
عن المعنى المقصود
وبما أني دخلت فمن الواجب
اديك جزء مما عندي وطبعا كتير ربما يحتاج صفحات
..................
الدلاهة
وهو الزول العوير
..........
اب دمامة/ وهو الشين
التحيفة/ وهو الشخص قليل البنية
الجغلان/ وده الزول البياكل كتير
الأضينة/ وده الهوين
الدلمة / صاحب الدم التقيل قليل الكلام
الهواب / عديم الشخصية
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
بعض مما جاءت به الاخت رشا :
Quote: اب دمامة/ وهو الشين
التحيفة/ وهو الشخص قليل البنية
الجغلان/ وده الزول البياكل كتير
الأضينة/ وده الهوين
الدلمة / صاحب الدم التقيل قليل الكلام
الهواب / عديم الشخصية
|
نواصل الترتيب الابجدي لقاموس النبذ
ونتطرق يما يلي لحروف
*****
دايش : لافي عكس التيار .
دلوكة : بتاع كواريك وبس
ردوم : اخو الخموم الاكبر ، بمعنى هو الخموم لما يبقى كتير ..
رقيق : ضعيف شديد زي القصبة .
رمة : فطيسة .
رمدان: مرحلة مابعد السجم .
زفارة : وسخ .
زفت : حثالة .
زواغ : مابنقبض من لسانو
سنيح : مرحلة ما بعد القبيح
سجم : الزول المانافع محل ما يودوهو .
سجمان : صفة للسجم .
سجوم : صيغة مبالغة للزول السجمان ..
سهتان : سارح بي غنم ابليس .
شرامي : حرامي لصيص.
شفت : المابنقدر بالدرب العديل (بالدرب الاعوج احتمال يتغلب).
شليق : الزول البقع في المشاكل بسهولة زي الضبان يموية الصابون.
شناف : ده الزول المابريد اي حاجة ، تلقاهو مكجن روحو في الضلمة .
شين : قبيح
صاري وشو : عابس وغاضب
صبرة : حيوان ضعيف ولكنه غتيت .
صيصة : عواليق
ضريب : البهبد الناس من طرف .
ضهبان : ضائع ، وتقال للزول البتلقاهو في أي لمة أو عضة .
طقاق : البطق الناس عين ( عينو حارة)
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
أخي العزيز / عمر التاج
تحياتي ،
شكراً لك وأنت تزاحم روحي ومنير البعلبكي
وراحلنا المقيم عون الشريف وأمثالهم بقاموسك هذا
(العدائي الهجائي الساخر) - مع الفارق طبعا؟!
جهد مقدر وعمل أكثر من رائع .. وما عاوز
أقول ليك (درءاً للإحباط ؟!) كما قال أستاذنا
الراحل الطيب محمد الطيب تعليقاً على الفنان الشعبي
عبدالله البعيو في لقاء تلفزيوني معه .. وكان
الفنان البعيو(وهو فنان شامل) قد غني ورقص
ومثَّـل وأنشد الدوبيت (يعني عمل السبعة وذمتا)
في تلك الحلقة أو المقابلة .. فكان تعليق الأستاذ
الراحل الطيب محمد الطيب ، غفر الله له :
(الواحد كان مسك ليهو في شغلة فارغة ؟!!
يا ينجضا زي الجنا ده واللا يخليها ) ؟؟؟!!!
وأحسب مدح بما يشبه الذم ؟!
وإن كنت أتمنى ألا تسود مثل هذه الكلمات
وتنتشر في عصر الفضائيات هذا ، بل نحاول
تغييرها واستحداث نقائضها ونشرها لأنهاتكون
أجمل وأنظف وأحلى (الجكس مثلاً) ..
(رغم أنها من صميم بيئاتنا وموروثاتنا والتي
ظل أهلونا يعضون عليها بالنواجذ قرونا عديدة ؟!
وكأنها شئ مقدس ، لا وصرنا نتعلمها (غصب عنا) ؟!
بس بيني وبينك .. تبحر فيها وخلِّي أولادنا
(ناس الشهادة العربية - ش.ع) يتعرفوا على
الجانب المعتم في لغة أجدادهم ويتعلموها
على شريطة ألا يعملوا بها ، بل يسعوا لتبديلها
وتحويرها .. أم ترانا نطلب المستحيل ؟!
تدفق أخي وتبحر في قاموسك .. وقطعاً الرابح
الأكبر هم ناس قرعتي راحت ، جماعة( ش. ع) ؟!
لك مودتي ،
( ليمو )
| |
|
|
|
|
|
|
|
|
|
Re: قاموس (النبز) السوداني الاصيل ... (Re: abdulhalim altilib)
|
شكراً أخانا العزيز عمر
من أجمل ما قرأت مؤخراً على صفحات هذا المنبر.
البوست مهم جداً لأمثالي ممن انقطعوا عن السودان لفترة طويلة، فصاروا أقرب لأهل الشهادة العربية. وأرى أن هذا البوست مضافًا إليه بوست السيناتور وليد (لغة الراندوك..) يمكن أن يشكل قاموسَ جيبٍ لا غنى عنه.
شخصياً وجدتني أعرف معظم العبارات الواردة هنا، واستشففت منطقتك قبل أن تصرّح بذلك. بعض المفردات مثل الخنيتة، الجعن (بالجيم العطشانة الفيها تلاتة نقطات) :)
• أبو الزنبار: ويقال أيضاً عبد الظنبار.
• بعض الكلمات لم أكن أظن أنني سألقى شخصاً يعرفها، ومنها "الموهدب".
أحيي مجهودك ولمّاحيتك وروحك الفكهة.
--------------------------------------
بوست خفيف الدم، كامل الدسم، منزوع العظام، مُشلئمّ الأبعاع... إلخ.. إلخ
| |
|
|
|
|
|
|
|
|
|
Re: قاموس (النبز) السوداني الاصيل ... (Re: محجوب البيلي)
|
Quote: من أجمل ما قرأت مؤخراً على صفحات هذا المنبر.
البوست مهم جداً لأمثالي ممن انقطعوا عن السودان لفترة طويلة، فصاروا أقرب لأهل الشهادة العربية. وأرى أن هذا البوست مضافًا إليه بوست السيناتور وليد (لغة الراندوك..) يمكن أن يشكل قاموسَ جيبٍ لا غنى عنه.
شخصياً وجدتني أعرف معظم العبارات الواردة هنا، واستشففت منطقتك قبل أن تصرّح بذلك. بعض المفردات مثل الخنيتة، الجعن (بالجيم العطشانة الفيها تلاتة نقطات) :)
• أبو الزنبار: ويقال أيضاً عبد الظنبار.
• بعض الكلمات لم أكن أظن أنني سألقى شخصاً يعرفها، ومنها "الموهدب".
أحيي مجهودك ولمّاحيتك وروحك الفكهة.
--------------------------------------
بوست خفيف الدم، كامل الدسم، منزوع العظام، مُشلئمّ الأبعاع... إلخ.. إلخ |
الأخ محجوب البيلي
تحية توقير واجلال
كلامك مابنزاد
وياهو ... الزاد
فشكرأ وفيرا
| |
|
|
|
|
|
|
|
|
|
Re: قاموس (النبز) السوداني الاصيل ... (Re: abdulhalim altilib)
|
الشفيف/ عبد الحليم الطيب ...(abdulhalim altilib)
ازيك .. واريتك طيب ..
Quote: شكراً لك وأنت تزاحم روحي ومنير البعلبكي
وراحلنا المقيم عون الشريف وأمثالهم بقاموسك هذا
(العدائي الهجائي الساخر) - مع الفارق طبعا؟!
جهد مقدر وعمل أكثر من رائع .. وما عاوز
أقول ليك (درءاً للإحباط ؟!) كما قال أستاذنا
الراحل الطيب محمد الطيب تعليقاً على الفنان الشعبي
عبدالله البعيو في لقاء تلفزيوني معه .. وكان
الفنان البعيو(وهو فنان شامل) قد غني ورقص
ومثَّـل وأنشد الدوبيت (يعني عمل السبعة وذمتا)
في تلك الحلقة أو المقابلة .. فكان تعليق الأستاذ
الراحل الطيب محمد الطيب ، غفر الله له :
(الواحد كان مسك ليهو في شغلة فارغة ؟!!
يا ينجضا زي الجنا ده واللا يخليها ) ؟؟؟!!!
وأحسب مدح بما يشبه الذم ؟!
وإن كنت أتمنى ألا تسود مثل هذه الكلمات
وتنتشر في عصر الفضائيات هذا ، بل نحاول
تغييرها واستحداث نقائضها ونشرها لأنهاتكون
أجمل وأنظف وأحلى (الجكس مثلاً) ..
(رغم أنها من صميم بيئاتنا وموروثاتنا والتي
ظل أهلونا يعضون عليها بالنواجذ قرونا عديدة ؟!
وكأنها شئ مقدس ، لا وصرنا نتعلمها (غصب عنا) ؟!
بس بيني وبينك .. تبحر فيها وخلِّي أولادنا
(ناس الشهادة العربية - ش.ع) يتعرفوا على
الجانب المعتم في لغة أجدادهم ويتعلموها
على شريطة ألا يعملوا بها ، بل يسعوا لتبديلها
وتحويرها .. أم ترانا نطلب المستحيل ؟!
تدفق أخي وتبحر في قاموسك .. وقطعاً الرابح
الأكبر هم ناس قرعتي راحت ، جماعة( ش. ع) ؟!
|
تلون البوست بطعم الفرح
وارتفعت معنويات المنبر للسما
وانت تحشد في صفحتنا هذه عباقرة المعاجم والقاموس والناموس
البعلبكي ... عون الشريف ...البعيو ... الطيب محمد الطيب....عبد الله الطيب
ورغم فارق السن والكتوف الا أن الهدف واحد
وهو التوثيق لالفاظ قد تندثر
وانعاش إرث كامن من المصطلحات
لانريد لها الانتشار بقدر ما نرجو حفظها والتعرف عليها ..
شكرا ليك يا حبيب
**
قبل الخروج
Quote: (يعني عمل السبعة وذمتا)
|
ياريت لو شرحت لينامن قاموسك الخاص
السبعة ديل شنو وذمتا يعني شنو ؟
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
يبدو انني أخطأت في القراءة السليمة
لاسم الزميل العزيز (ليمو )
فأبدلت كعادة السودانيين اسمه من عبد الحليم التلب
وكتبتها عبد الحليم الطيب له العتبى حتى يرضى..
مع العلم أن اسم التلب منتشر عندنا للدرجة التي
أطلقنا على حينا اسم فريق التلابة...
والاقلاب (أو القلبنة) معروف عند السودانين للدرجة التي أصبحت لدينا كلماتنا الخاصة
المتحورة من لغة الضاد ..
Quote: (فقعت: فقأت "ع")
– (جعر: جأر)
- (داك: ذاك)
– (نجض: نضج)
– (ملعقة: معلقة)
- (أثر: أتر)
- (داك: ذاك)
– (كضم: كظم)
- (ضهر: ظهر)
– (غايب: غائب)
– (قرا: قرأ)
– (سعال: سؤال)
-(ضبح: ذبح)
– (ضنب: ذنب)
- (تشعبط: تشبط)
- (تسلبط: تسلط)
– (سمكر: سمر)
- (عنقره: عنق)
- (طشت: طست)
- (بنبر: منبر)
– (ود: ولد)
– (بت: بنت)
- (نص: نصف) |
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
نعود إلى القاموس من جديد
ونستعرض حرف العين.
عين النبز
عبيط : توزة .
عنبلوق : عتود .
عنقالي : ماعندو شغل .
عوقة : دربو اعوج .
عولاق : زول مبشتن
عوير : مسكين الراي .
عيطة : فقير الراي .
غبي : الغبي الواحد ده .
غتيت : ده الزول الكان لقا فيك فرقة بضيعك ، عشان كدة زي ده ماتباريهو ..
غشيم : اقل من الغتيت شوية لكنو عامل فيها حريف .
غنماية : بهيمة .
غجر :وتقال للزول البكون برة الشبكة ، ولاتعني بالضرورة (العِرق)
**
لا يخفى على القارئ أن الكثير من الأخطاء الإملائية
في البوست تسبب فيها الفلتر المتحيز في المنبر
حيث أنه مصمم ضد النبز الأصيل ومفتوح عن آخره
للنبذ العصري الحديث .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
حرف الفاء :
فرطوق: زول بتاع كواريك ساكت ( بهرش بي خشمو وبس) .
فطيسة : زول ميت .
فليتة: قطيعة في الجسم وخاصة العضل .
فقر : الزول الفقر يعني الملعون البلقى العضم في الفشفاش
قبيح : شين .
قحطان : مفلس وجربان .
قملة : ده الزول البمص دم الناس .
قرادة : زول عكليت شديد ، بنتمي لسلالة القمل .
قربة : منفوخ في الفاضي
قصير : الزول الكلامو -وكذلك رأيه- ما بتسمع .
قنيط : الزول الحبوب لامن غلط .
***
حرفي الكاف واللام :
كاكة : وسخان .
كاواي: بتاع مكاواة ( غياظ)
كج : سبر
كديس : البغدر بي الناس في الضلمة .
كرضمة : بليد
كركعوبة : عجوز
كرور : ما عندو فايدة .
ككو : قرد غبي .
كهنة : دلقان وسخان .
كيشه : ما حريف
لايوق : لًصيق ( واللصيق نوع من النباتات التي تتشعلق
في الملابس ولا تنفك بأخوي وأخوك)
ليق : سافل
لوام : كثير اللوم والغلاط
لملام : الزول البكوش على أي حاجة تقع في طريقو ..
***
حرف الواو :
واطي : تحتي
وسخ : قذر
وكّاد : بتاع وكادة ، وهي الغتادة خاصة مع المساكين .
وهم : زول ماعندو موضوع .
***
الفضل حرف شنو ياربي ؟
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
نعود لبعض النبزات التي تجاوزناها في الترتيب الأبجدي
و نكرها على السريع من دون تعريف ..
وياريت العارف ياخد أجر في الماعارف:
البراي :
البزاق :
اليخسي :
الهبوي :
الكوكية :
الكلكة :
الكورك :
الكبكاب :
الكجونق :
اللايوق :
الدربكة :
الدلوكة :
الغماز :
القرنبع :
الزواغ :
القداد :
الجداع :
الفداي :
التُجُم :
| |
|
|
|
|
|
|
|
|
 Re: قاموس (النبز) السوداني الاصيل ... (Re: عمر التاج)
|
هناك بعض النبزات التي تجاوزناها في الترتيب الأبجدي
نعود لبعضها ونكرها على السريع من دون تعريف ..
وياريت العارف ياخد أجر في الماعارف:
البراي :
البزاق :
اليخسي :
الهبوي :
الكوكية :
الكلكة :
الكورك :
الكبكاب :
الكجونق :
اللايوق :
الدربكة :
الدلوكة :
الغماز :
القرنبع :
الزواغ :
القداد :
الجداع :
الفداي :
التُجُم :
وهناك حيوانات وحشرات وطيور ينبز بها أمثال :
الدقر :
ابدفان :
الشبشة :
الضبعة :
السنبرية :
الجعران :
العنبلوق :
ود أبرق :
النعجة :
النعجة أم بيض :
كد الدواك :
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عبد العزيز عبدالكريم نهار)
|
Quote: القاموس خلاص قريناه وحفظناه وعملنا تمارين في النبز بس بعد ده محتاجين تنظم لينا مسابقة في النبذ وتشوف النباز منو وقالو النبذ مرات بفك الدبرسة
|
الاخ عبد العزيز عبد الكريم
سبائط التحايا والود ..
اقاموس مايزال تنقصه المفردات النبزية والمعاني
ونحن لا نشجع على التهامه ولكن لابأس من ضواقته أحياناً قبل نضجه ..
وهو مخفف للاحتقانات التي قد تنشأ نتيجة للعلالة المقيمة في هذا المنبر .
ناخد تمرين عملي بسيط وبعدين نواصل ..
س1 : أذكر ثلاثة من عضوية المنبر ينطبق عليهم واحد أو أكثر من الصفات التالية :
(1) توزة :
(2) أصنج :
(3) جِعن :
(4) لتيخة:
(5) زول ساكت :
(6) ود لزينا :
(7) دُمك :
ترسل الاجابات على العنوان التالي : [email protected]
أو الاتصال بأقرب سوق عكاكيز
وهناك جوائز كرضمة في انتظار الفائزين .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
الأخ الكريم : عمر التاج - السلام عليكم
سبق أن وعدتك في مداخلتي الفاتت بأني سأعود ... ما شاء الله شايف البوست عامر ومجهودك واضح فيه ... وكما ذكرت من قبل خبرتي في النبز والشتائم ضعيفة , وزي ما عارف السواقة في كراتشي صعبة جداً فإذا واحد عصرني أو عمل لي كروس ( ودي عندهم كثيرة ) بقعد أحمر ليه , وأحياناً بضرب البوري مع إني بعرف كلماتهم بتاعت النبز كلها بالأردو لكن لساني ما بطاوعني ... زمان كان الزملاء بستخدموا مفردتين متضادتين كثيراً
1 - الأفزر : وتستخدم كناية عن قلة مروءة الشخص وعدم تعاونه مع المجموعة
2- الأحدب : ويقصد به الشخص صاحب الوقفات الجبارة , الشهم , أخو الأخوان
أعذرني على ضحالة ثقافتي النبزية , لكن رغم ذلك مستمتع بالبوست ... خالص شكري واحترامي لك
| |
|
|
|
|
|
|
|
|
|
Re: قاموس (النبز) السوداني الاصيل ... (Re: د.يوسف محمد طاهر)
|
عدت بعد غيبة لأجد بعض موضوعات النبز في بريدي الالكتروني ،
فرأيت ان أضيف بعضها للمعجم بتصرف،
فشكرا لكل من قرأ أو كتب فأضاف ...
جربندي : الزول الجربندي هو الزول الماناقش الحبة ،
وبعد ده تلقاهو يلقف اي حاجة بدون وجه حق ، يقال ان فلان شغال جربندي ساكت
اذا أخد الشغلانة (ايديا ) ..
عنقالي : ده زول ما عندو شغل ومابعرف يشتغل حاجة ،
وبعد ده أكان لقى أي شغلة يقول :آآآي بعرف أسويها .
عربجي : تقال للزول البسيط ، والعربجي أساسا هو الزول البمسك الصوت العنجاوي
ويدق الحصان بتاعو عشان ماقادر يجر الكارو ، وتلقاهو راكب ويدق فيه
لامن الحصان يتنقل بيه في الواطة .
هضراب :زول كلامو كتير ، يقولون فلان يهضرب بالعرس يعني جنو كلام في العرس ،
والزي ده ما بعرس كلو كلو ، وفي رواية تانية لايعرس لايخلي الناس تعرس..
كبكاب : ده الزول الخواف ، وخاصة قدام الجنس الآخر ، تلقاهو لمن يسلم
على واحدة العرق يملاه لاعن خشمو ، ويغلبو السلام والكلام والسكات ،
تعاين لي هدومو تحلف تقول صابة فوقو مطرة .
مرمطة : ويعظمون صاحبها بقولهم حاج مرمطة ، وزي ده كان داير منو حاجة حقتك
يسل روحك ومايديك ليها .
سلفقة : يقولون شال الحاجة دي سلفقة يعني بدون مؤهلات ، ويتكلم في اي حاجة سلفقة ساكت
يعني بخش في أي موضوع توووش وينظر فيه كأنه أبو العراف ،
تلقى الواحد مثلاً وزير بتاع دفاع في دولة ، وكان شافلو حرامي في بيتو يكورك
يقول وااااااااي ، أها زي ده روحو قادر يدافع عنها ...
طيب زي ده بقى وزير دفاع كيفن كان ما سلفقة ساكت .
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
شكرا أخي د.يوسف محمد طاهر على الاضافة ...
Quote: 1 - الأفزر : وتستخدم كناية عن قلة مروءة الشخص وعدم تعاونه مع المجموعة
2- الأحدب : ويقصد به الشخص صاحب الوقفات الجبارة , الشهم , أخو الأخوان
|
ونزيد عليها من غير شرح :
عفينة :
مزرقن :
شلهات :
برطاع :
مدنقر:
| |
|
|
|
|
|
|
|
|
|
Re: قاموس (النبز) السوداني الاصيل ... (Re: عمر التاج)
|
كوكتيل مفردات نبزية طريفة أهداه لنا الاخ عثمان الحاج فله الشكر الجزيل :
خرخار : ده الزول المابيرضى بالخسارة ، وكان غلبتو في الكورة مثلاً يشيل الكورة ويجفل ..
طرباق : ده الزول الجنو كلام .. وكلامو كلو خام بارم
فشوش : زول فشوش يعني زول ما عندو موضوع أو زول حمبرة ساكت ، يقولون مدير
فشوش إذا كان بنتظر جية الموظف الزائغ منو عشان يزوغ هو.
زرقان : (بفتح الزاي) يقولون زرقن الراجل إذا عضّ ، والزول العاض أو المتعضض
هو الزول المحشور في مكان ضيق لا قادر يمرق قدام لا قادر يرجع لي وراء ..
وتقال للزول المسعول اللا ... بقدم ، ولا ... بأخر .
معصلج : ده الزول المستعد يعطل أي موضوع حتى لو كان موضوع دفن ابوه ،
وما يخلي شغلانة تمشي لي قدام ، يقولون عصلج خليل في المفاوضات إذا رفض
منصب كبير المساعدين وطالب برئاسة الجمهورية.
معنقد : ده اسم الدلع للزول المعصلج ، بس زايد عليه بي أنه معقد الأمور ومعقد نفسو .
متجهجه : أمورو كلها ملخبتة ، يقال البلد مجهجة إذا كان رئيسها زاتو ما عارفها
حاتتوحد ولا حا ... تنفصل .
مشخت : ده الزول البجي ماشي فيك زي الاعمى في الزفة ، سلام مايقولو ،
يقولون فلان شخت لي فلانة ، يعني عرس صديقتها الابعد منها ... (قال الشاعر :
البعد نوعين مكاني وزماني، أم البعد المكاني فهو بعد القلوب من بعضها ،
والزماني هو الفاصل الذي يتطلبه الزول لمراعاة فروق أوقات الحب).
فرتاك : الفرتاق ده الزول البفرتق الحفلة وماشابهها يقولون فرتاق الصفوف العامرة ،
فرتاك تميم : يعني بفرتكها ويتمها راجعة .
كنكاش: ده الزول الزي القرادة ، كان كنكش في حتة وعايز تفكها منو الا تقطع
معاهو الحتة الماسكها ... أو تمسكو في حتة اكبر منها ، وتضرب دائماً كمثل
للسادة الوزراء والمسعولين من الخير بتاعننا .
| |
|
|
|
|
|
|
| |
عمر التاج
د.يوسف محمد طاهر
عبدالفتاح أبوشيمة
البشير دفع الله
الطيب العامرى
فيصل محمد خليل
رشا بابكر
abdulhalim altilib
محجوب البيلي
عبد العزيز عبدالكريم نهار
فيس بوك
تويتر
انستقرام
يوتيوب
بنتيريست