نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 رشا شيخ الدين عليها الإلتحاق بدار فلاح حتى لا تضيع موهبتها..
|
فهي تقرع الطبلة بصورة ممتازة ..
ما عارف ليي أصرت أن تصطحب صوتها مع العزف !!
اول مرة أسمع رشا بالكامل في حلقة في العيد وكعادة كل الفنانين اللي بيجو إجازات العيد ويستهلكوا كلام مكرر مع فواصل غنائية فكانت غير مقنعة بالنسبة لي ماعدا طريقتها في الدق على الطبلة ..
ودي يا رشا في حد زاتها موهبة عليك الاهتمام بيها اكتر من تركيزك على الغنا ..
تخريمة :
دار فلاح باقي لي أسة بقا اسمو إتحاد فن الغناء الشعبي..
|
|
 
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عصام دهب)
|
سيف النصر:
بالنسبة للتطوير انا سمعت جزء من تسجيل زماااان لي رشا دي ووقتها الناس فرحانة بي الانترنت وانك تسمع اغنية من الانترنت ..ما تميت الاستماع بس هو نفففس صوت الساكس السمعتو زمااان داك ونفس طريقة الاداء وعليه فلا دار فلاح ولا دار المسنين ممكن يطوروا من ادائهم في حال الالتحاق برشا طالما هي فيي روحا ما طورت ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
تعرف يا دهب:
رشا شيخ الدين ونهى عجاج ديل مستحيل يبقوا فنانات وأخد الكلام ده مني وعلى ضمانتي ..
هم نضامااات وكلامااااات ومقنعات في حديثهن للاعلام لكن لما يمسكوا المايك ده للغنا بيتحولوا لي ناس تانيين ..أصلا قصة السواي ما حداث دي ما اتقالت ساي ..
فلسفة ونظام الديموقراطية والحرية والاسلام يحشروها ليك في الغنا ونظام شنو نظام الفنان رسالة متكاملة وهن يفتقدن لي اهم مقومات الفنان الموهبة الفطرة ..
تخريمة :
لازلت منزعج لحديث الموصلي حول الفنانة نهى عجاج ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
عمر الفاروق
كل سنة و إنت بألف خير و الأسرة الكريمة
رشا شيخ الدين ونهى عجاج ديل مستحيل يبقوا فنانات وأخد الكلام ده مني وعلى ضمانتي ..
في كل شيء هنا بوافقك
إلا رشا .. و الناس فيما يستمعون إليه آذان و أذواق
طبعا إنت رجل تملك و لله الحمد أذن موسيقية
و أنا أؤمن بأن ما أراه أنا فنا قد تراه أنت غير ذلك ..
و لكن بعيدأ عن أن رشا نضامة أو تمتلك لسانا صيرفيا : فهي تملك صوتا ذي تطريب عالٍ بشهادة فنانين سودانيين و أسبان و غيرهم ..
كدة أقعد تاني و حاول الإستماع إليها من خلال تسجيلاتها
دمتم
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: ابو جهينة)
|
ابو جهينة يا عفريييت :)
Quote: في كل شيء هنا بوافقك
إلا رشا .. |
شككتني في الكتبتو لمن قلت يا ربي انا كتبت كم إسم :) :) :)
طبعا يا ابو جهينة موافقك في قصة اختلاف الاذواق دي وما لا يطربني يطرب غيري بس سمعتها لحلقة كاااملة الزولة الإسمها رشا دي ولقيت إنها عابدة الشيخ مصغرة وسمراء ..
عندها صوت كده بتخنقو خنقة عدوك وفيهو لمسة رجالية هي ما عيب بس ما تطريبية ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
عزيزي عمر
شككتني في الكتبتو لمن قلت يا ربي انا كتبت كم إسم :) :) :)
القائمة أطول مما أتيت به من أسماء و لكن نعتبرها نماذج فقط.
طبعا يا ابو جهينة موافقك في قصة اختلاف الاذواق دي وما لا يطربني يطرب غيري بس سمعتها لحلقة كاااملة الزولة الإسمها رشا دي ولقيت إنها عابدة الشيخ مصغرة وسمراء ..
صدقني يا عمر .. أحيانا الفنان بيغني في مناسبات بيكون فيها منفصم عن صوته لأسباب عديدة
إستمع إليها في تسجيلاتها التي هنا بمكتبة الأغنيات ..
| Quote: عندها صوت كده بتخنقو خنقة عدوك وفيهو لمسة رجالية هي ما عيب بس ما تطريبية .. |
إنت جيت في الحتة المقصودة ذااااااتا
شفت البحة و الخنقة دي .. هنا تكمن أسرار صوتها .. و في علم الأصوات لها قاعدة أسأل منها الموصلي و أهل الفن هنا .. الخنقة دي بتخلي أوتار الآلات الوترية تزداد شدة .. و بتدي الفلوت دعم و بتخلي ناس الإيقاع يخففوا الوطء قليلا ...
واصل
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: حيدر حسن ميرغني)
|
| Quote: شفت البحة و الخنقة دي .. هنا تكمن أسرار صوتها .. و في علم الأصوات لها قاعدة أسأل منها الموصلي و أهل الفن هنا .. الخنقة دي بتخلي أوتار الآلات الوترية تزداد شدة .. و بتدي الفلوت دعم و بتخلي ناس الإيقاع يخففوا الوطء قليلا ... |
تعرف يا ابو جهينة في حاجات كده الزول بيحاول يبعدها عن العلم والمنطق ..بيكون أحلى وأجمل لو عاينت ليها بي الإحساس بس..
انا متأكد الموصلي ممكن يجي يقول لي كلام علمي زي كلامك ده واوتر وفلوت واوتار و و و لكن القصة الأهم اللي ممكن تهبش وجداني ما جابتا ..التلقائية والموهبة الربانية ..رشا شيخ الدين دي بتغني من زمان واعتقد انها برضو ما قدرت تصل لي وجدان الشعب السوداني بي الصورة المطلوبة (طبعا هي وصلت لي وجدان شعب سودانيز اون لاين المجامل ومنبر من لا منبر له )..فرشا انتشرت هنا بي صورة مختلفة عن صورتها في ارض الواقع السوداني والشارع العام ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
سلامات يا عمر الفاروق ..
لا أجد تميزاً في صوت رشا شيخ الدين - صوت أكتر من عادي ومافيهو تطريب ..
بس لا أتفق معك في نهي عجاج الذكرتها هنا دي لا إيدها لا كراعها ..
بل أجد نهي عجاج فنانة وصوتها وأداؤها ممتازين .. ولو ما خايف أزحم ليك البوست كنت نزلت ليك الفيديو بتاعها مع الهادي الجبل في أغنية أقول أنساك ..
.
.
واللاَّ ما أنساك ماعارف !..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Tumadir)
|
اختنا تماضر
رأيي شخصيا ليس فيه تقليل من نجومية رشا كفنانة لها جمهور
لكن أرى أنها رغم تجربتها في مهجرها لم تصل لحد التطريب الذي يأخذني من أول إستماع لاغانيها مثل ما يحدث مع بعض مبدعين من شاكلة الشباب والشابات الجدد في ساحتنا الفنية
يعني طابعها الغنائي يشوبه نوع من (الفتور )
_
حب الناس مذاهب
_
الموصلي يا استاذ
الفنان العظيم Louis Armstrong صاحب what a wonderful world لا يمكن بأي حال تضعه كمثال لعمل مقارنة
لونية الغناء ده فريد من نوعه وكان ليهو زمانو وموضوعه
ظهر في عشرينات القرن الماضي وساد للستينات
اسقاط تجربته على زمنا الحالي كمقارنة فيه اجحاف بحق الفنان ده
ومعليش لو انا استعجلت في قراية الفكرة من اساسها
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: حيدر حسن ميرغني)
|
Quote: الموصلي يا استاذ
الفنان العظيم Louis Armstrong صاحب what a wonderful world لا يمكن بأي حال تضعه كمثال لعمل مقارنة
لونية الغناء ده فريد من نوعه وكان ليهو زمانو وموضوعه
ظهر في عشرينات القرن الماضي وساد للستينات
اسقاط تجربته على زمنا الحالي كمقارنة فيه اجحاف بحق الفنان ده
ومعليش لو انا استعجلت في قراية الفكرة من اساسها |
العزيز حيدر
لن اكشف عن الغرض من سؤالي حتى اجد اجابه
من صديقي عمر
ولكنني يمكنني ان انفي تفسيرك كمشاركة مؤقته
كل الود
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Tumadir)
|
سلام يا عمر الفاروق
لم أعجب فقط بموهبة رشا في الغناء وقدرتها على حسن اختيار ما تغنيه
بل أكثر من ذلك فهمها ومعرفتها بما تفعله وقدرتها على التعبير عن ذلك بالكلام
أرجو أن تعيد النظر في رأيك بإعادة الاستماع إليها بأذن جديدة نظيفا من التلوث السائد
شاهدت الحلقة مرتين بحضور ثلة من الأصدقاء من جنسيات مختلفة واتفقنا على تميز هذا الغناء
والغناء يا أخي عمر ليس طربا فقط ومتعة شأنه شأن بقية الفنون الإنسانية
وفي النهاية هذا رأيك وهذه آراء من أيدوك ولنا آراؤنا
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: معاوية الزبير)
|
بس خلاص... اتفقنا ...
وان كانت المذاهب دى ذاتها ليها عوامل بتشكلها ...
انا مشيت مدريد مرة وكان فى حفلة لى رشا والوافر..."صبحان الله" يا عملات أمى رحيمها الله... الصف لافى حول المبنى من الساعة أربعة ديب خواجات وأسبان وأفارقة
وديل يعنى الغنا ما بيوصفوهو ليهم وصيف ...بعرفو زى جوع بطنهم ....
شكرا على تخصيصك للرد على ...وان كنت أرى لأننى لن أدافع عن رشا ...فشهادتى فيها مجروحة ...وانا أكن لها الحب العميق والاحترام ...والتشجيع
ومعجبة...مكسرة فى رشا ...الله يديها العافية ... وكذلك الوافر ...الموسيقى الاصيل ...بقرا ليهم حسة فى:
( ومن شر حاسد اذا حسد)
هههه ...
سلام
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: حيدر حسن ميرغني)
|
ما كدا كمان يا عمر!
عندنا نوعين من الفنانين.. قطاع عام و قطاع خاص .. أو فنان عام مفتوح على الشعراء و الملحنين (ممكن يكون ملحن لي نفسه برضه) و مفتوح كذلك على بيوت أعراس العامة.. و فنان خاص, قطاعي, بتاع مسرح و مناسبات خاصة, عنده فلسفة فنية و مشروع محدد و ما بتاع كنجالات فقط! رشا (و نانسي إذا هجرت الإجترار مرغمة) ممكن يكونن من النوع التاني دا و بالتالي بينتقدوا بصورة مختلفة عن النوع الأول البيشبهوا جنس نقدك دا, أنا شفت جزء من أغنيات السهرة لكن ما سمعت الحوار بس تصورت أنه رشا ممكن تكون من الصنف التاني دا و ما قدرت أحكم عليها فنيا (لسع).. مرة سمعتها في راديو كندي في (سالب فؤادي و ما عليك) و اتكيفت, دا البتذكرو, هي و نانسي ممكن يكنكشن في حكاية القطاع الخاص دي (أمجاد) و يخلن (القطر) لي خلق الله المتزايدين و المتزايدات بشكل أميبي! في صنف تالت عنده القدرة على القطاعين لكنهم/ن محدودي العدد (ركشة) زي مصطفى و عركي و أبو اللمين مثلا لكن دي منطقة لسع بدري شوية على رشا و نانسي بحكم حداثة التجربة, و كان سمعن كلامي و تحررن من المنظارتية السياسية بكون أخير ليهن لأنه الفن محتاج حضور (فني) و جهد ذهني و تفكر باستمرار و .. طلاقة و انعتاق من قيود السوشيوسياسيين, كل زول يشوف شغلو, ممكن يساهمن في دا بانتقاء بعض القصائد المرتبطة لكن كمان ما يتحولن لي "صحفوفنانين" و دونهن ما تعرض له "مصطفى" من حصار و استهلاك أودى بصحته.
(عدل بواسطة المعز ادريس on 09-19-2010, 03:26 AM)
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Tumadir)
|
الأستاذة تماضر سلامات،
| Quote: وان كانت المذاهب دى ذاتها ليها عوامل بتشكلها ... |
الحتة دي يا تماضرد بالرقم من صحتها إلا إنها تحمل تشكيكاً بذائقة المختلفين مع ذائقتنا ولّ شنو؟
| Quote: بقرا ليهم حسة فى: ( ومن شر حاسد اذا حسد) |
حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً..
___
لو إجتمع كل المختصين من أهل الفن على أن يقنعوا مستمع عادي، لم يعجبه فلان أو علان من الفنانين، لن يقنعوه حتى يأتي هذا الفنان نفسه بعمل يقنع هذا المستمع العادي.
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: doma)
|
ياسر طيفور سلام
حأحاول اوضح نفسى أكتر
البخلى الناس الاجانب و"السودانيين الكتار البعرف عنهم" يحبوا رشأ هى ذائقة فنية شكلتها ظروف تذوق مختلفة ..
ما شككت فى ذائقة أى زول هنا ....
ده عشان ما تقولنى كلام ما قلتو ...
أما القراية لى حاسد اذا حسد هى دعابة ...وكان قريتها النقراها مش "تعويذه"؟؟ عاجبنى اولاد أمى ...أقرا ليهم اى قراية اختارها ....(وجه مبتسم ونعسان)
......
الصباح رباح بعد ده ...يللا سلام
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Yassir Tayfour)
|
Quote: حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً..
___
لو إجتمع كل المختصين من أهل الفن على أن يقنعوا مستمع عادي، لم يعجبه فلان أو علان من الفنانين، لن يقنعوه حتى يأتي هذا الفنان نفسه بعمل يقنع هذا المستمع العادي. |
لغاية هسة دي المداخلة الأجمل
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: حبيب نورة)
|
| Quote: .. فرشا انتشرت هنا بي صورة مختلفة عن صورتها في ارض الواقع السوداني والشارع العام .. |
أتفق تماماً ... فهى لا تزال "فنان صفوة" فى السودان ... وهذه حالة الكثيرين من الفنانين الذين تناولوا الثقافة السودانية والموسيقى المحلية تناولاً مختلفاً وتجديدياً ... وهى تشبه فى ذلك "عاصم الطيب" و "محمد الجزار" و "الخير احمد آدم" و "دايفيد انجلو" و كثيرين من فنّانى الصفوة الذين لم يجدوا حظهم فى الإنتشار الشعبى فى السودان ... طارق أبوعبيدة أو زميل البورد "خدر" أقرب مثال لهذه الظاهرة ...
ولكننى أرى أن هذه الظاهرة - أىّ صفوية المجددين فى موسيقى التراث المحلّى - تحاكم بمعزل عن نقد مقدراتهم الإبداعية (وتأثر منها موسيقيين وعازفين لا يغنّون ولكن لديهم إنتاج موسيقى مختلف مثل "غاندى رجال" و "عماد بابّو" و "نادر السودانى" و "ممدوح طلعت فريد" و ... و ..)
الظاهرة لها علاقة بالهجمة على هويتنا ووقوعنا أسرى الغزو الثقافى وإشكاليات أكثر تعقيداً من إنتاج هذا أو ذاك ....
بالنسبة لرشا ... فأعتقد أن تعبير "تماضر" بأن (شهادتى فيها مجروحة) تنطبق علىّ أنا أيضاً ... وإن كانت لى تحفّظاتى على أدائها واختيارها للأعمال التى تعيد صياغتها الغنائية ...
... المهم ....
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: معاوية الزبير)
|
Quote: Quote:
حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً..
___
لو إجتمع كل المختصين من أهل الفن على أن يقنعوا مستمع عادي، لم يعجبه فلان أو علان من الفنانين، لن يقنعوه حتى يأتي هذا الفنان نفسه بعمل يقنع هذا المستمع العادي. |
لغاية هسة دي المداخلة الأجمل |
طبعاً (ن).
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Hussein Mallasi)
|
حزنت لعدم مشاهدتى للحلقة مباشرة
امس اتصل بى الصديق د كمال ادريس قائلا افتح النيل الازرق بسرعة شوف رشا
استمعت جدا بالحلقة
صوت مختلف وزى ما قال ناقدصوت دخانى
صوتها يمكن الاختلاف حوله لانه غير معتاد ولا يشبه السائد من اصوات الفنانات
اختيار موفق للاغنيات واداء بطريقة جديدة
فرحتنى غنية ويا واه ايلن وليسى دولقد انقا
اى هسون اى ارجا داقى دولقد انقا
هى نغمة موبايلى قبل ما اعرف انو المغتية دى اسمها رشا
دى كوم والحوار كوم
مثقفة جدا
اجادت الحوار حتى اصيب سعد الدين بالعدوى ونجح لحد ما
مرتين قعدت سعد فى علبو
المرة الاولى قال ليها انت فنانة رسالية
ردت رسالية شنو يعنى انا شايلا رسائل بوزع فيها
المرة التانية
داير يتطنقع
وقال الموسيقى دا شاعر فيها بنفس اندلسى
ردت لا ما فيها شى اندلسى
اداء موسيقى من طراز رفيع
صولات الساكس رهيبة الزول ما كوبى وكدا
الوافر
يتجدع ساى
مرة عود
مرة فلوت
مرة اكورديون
حسيت بموسيقى صافية ما فيها خربشة ولا زيادات
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: تبارك شيخ الدين جبريل)
|
بالنسبة لرشا شيخ الدين وغنائها
سمعت لها اول ما سمعت في عام 2002 اغنية اقيس محاسنك بمن التي انتشرت في النت وقد ادهشتني وقتها الاغنية واستمتعت بها , وسمعت لها بعد ذلك بعض الاعمال المتفرقة عدت وسمعت حلقة الامس وجدتني كاني استمع لنفس التسجيل لاغنية اقيس محاسنك التي سمعتها قبل تسع سنوات لا اعرف ان كان هذا جيدا او سيئا في مجال الغناء
ماخذي الوحيد علي غناء رشا هي الجدية المطلقة التي تعامل بها رشا اغنياتها وادائها , جدية الي درجة التجهم اعطتني احساس بالمهنية اكثر منه بالموهبة
جاني احساس انه رشا شغالة في شغل وليست تؤدي فنا احساس بيجيك لما تمشي لي نجار لي بنشرجي لي ترزي وهو يتعامل مع مواد العمل امامه بجدية وانتباه وحرص وكانه الدنب القدامها ممكن تقوم جارية في لحظة غفلة .
الخلاصة ان الاكتفاء بالاستماع لصوت رشا افضل منه مشاهدتها وهي متجهمة تغني بجدية مطلقة فلا تعرف وقتها هل هذا نشيد العلم او اغنية عاطفية !
| |
|
|
|
|
|
|
|
|
 Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: طه جعفر)
|
..
.
رشا تلتحق بدار فلاح .. !!??
ياخى انت مالك كلامك بقى نشاز .. وبقيت اشتر
اها .. كما قال ابوجهينة كل شئ الا رشا والحوووووت :)
انت بتسمع باضانك وانحنا بنسمع باضنا ..
غايتو انا شايفه مبدددعة عدديل وغناااية
وعزافi وكل كوم وجمال الروح و خفه الدم كوووم
دا بخليك زاتك تستمع اكتر حتى لو كان البغنى قدامك دا عمر الفاروق ..
وحب الناس مذاهب .. يااخ
-----------
والله يا صديق انت المحتاج تلتحق بدار الصم والبكم .. وكذا العمى .. 
| |
|
|
|
|
|
|
|
|
 Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: طه جعفر)
|
Quote: لانها قناة مجهولة في بلد هامشي علي ثقافة الانسانية( هامشي الان لان البلد كلها في حالة اسر و سجن مظلم تحت نير نظام مجرم) و في هذه يجب نكون دقيقين ، لا يشاهد قناة النيل الازرق غير السودانيين و هو تلفزيون حكومي مخصخص و له انتماءات ايديولوجية مقرفة .
لو كنت مكان رشا لما سجلت حلقة في قناة النيل الازرق ابدا لانه تلفزيون مجهول و ناقص |
. .. يمكن أن أتحمل فكرة أن استمع إلى أي صوت في مستوى صوت رشـا شيخ الدين الذي وجدت فيه اختلاف ما بين ما سمعته في تسجيل سابق وما شاهدته في متفرقات من حلقتها في النيل الأزرق ..
ويمكن أن احتمل ايضا .. أن أنتظر عودة رشـا شيخ الدين كل كم سنة علشان تعلن عن نفسها في الوجدان السوداني كغيرها من الفنانات صاحبات التجربة قليلات الامكانيات ..
لكــن ..
فوق هذا وتحته .. اجد نفسي متضطرا أن أترك الاستماع جانبا لأعمال الكثير من الفنانين في المهجــر وعن تجاربهم الخاصة .. حال أن قرأت لكاتب السطور اعلاهــا طــه جعفر أو اي كان اسمــه .. لا يفرق ذلك كثيرا. فقط الذي يفرق أنه يفرق ما بين الأبيض والأسود .. وما عارف الدخلو زاتو هنا شنو في الحتة بتاعت الغناء ..
التقول قاد يغني .. عشان ينتقد قناة سودانية على الأقل قدمت لينا هاشم صديق بعد طول غيــاب ..
لكن الربط الموضوعي لهذه الفكـرة .. إنهو أخوهو قبل كـدا قال :
الناس تحارب قناة الشروق ..
بل..
طلب بشدة محمد سليمان استيف .. وتراجي مصطفى الشهيرة بي تراجي مصطفى .. أن يعملوا شيرنج ويفتحوا ليهم قناة بدلا عن قناة الشروق ..
فما عارف ليييه نسى يضيف معاهم أخوهو دا في الشيرنج ويعملوا ليهم قناة حقتم الاتنين براهم ويجيبو فيها إن شاء الله (سيلين دلشيون) تغني ليهم ..
ما كمان القناة قناتم ..
سلام يا عمر الفاروق .. وسلام لي رشـا شيخ الدين .. واعجبني وافر شيخ الدين المزيكاتي .. في تعامله مع العــود..
راهنني قبل فترة عمــر الفاروق .. على عدم جدوى صوت أفراح عصــام .. ولم انتبه لفكرته إلا بعد أن استمعت لي (صبــاح) (وشــموس)
النــور منـو ..؟ النور دا أنا بعرفو ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: tmbis)
|
الغنا ما كله حلاوة صوت
الاداء وقوة الصوت واخيار الالحان والكلمات والتزام الفنان
دي كلها مع بعض بتحدد مدى تقبل الجمهور ليه
اسماعيل حسب الدائم امكانية صوته الجمالية عالية جدا
لكن اداءة رتيب واحد ما فيه تجديد تسمعه في غنيه واحد تكتفي منو
اللمين عبد الغفار صوته خامته مبالغة وسمعت انه في احدى مهرجانات المؤسيقى الاولى تفوق على مصطفى سيد احم ( سمعت سمع )
ثم اتى مصطفى بالتزامه وادائه وفنه وكسح الواهو والقدامو وظل اللمين محلك سر
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: وليد محمد المبارك)
|
أستاذنا الموصلي :
| Quote: قول لي الزول الفي الفيديو ده في رايك بعرف يغني ولا لا؟؟؟ |
حا أكون معاك صريح وأقول ليك أول مرة أسمعو بس إجابتي ومن ما سمعت إنو بيعرف وبيعرف شدييييد كمان ..مش كده وبس بعد ما سمعتو منك مشيت فتشت حاجات تانية اسمعا ..
الزول صوتو مريح يا موصلي وطبيعي بيغني مرتاح زي الكأنو بيتونس معاك ..
الزول ده بتحس بيهو بيغني لي روحو ويمتعا قبل ما يفكر في الناس ..
زولك ده إحساسو عاااااالي وطرحو واضح ..
طبعا لاوزت اكتب ليك طرحه واضح دي عشان خايفك تقول لي وده البيميز رشا ومهى :)
وكل سنة وانت والاسرة بالف خير يا فنان
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
معاوية الزبير:
| Quote: بل أكثر من ذلك فهمها ومعرفتها بما تفعله وقدرتها على التعبير عن ذلك بالكلام |
البت نضامة وكلاما مرتب مع إنو بيشبه كلام كل البنات او قول حتى الاولاد اللي بيجو من الغرب ..
نفس كلامها تتميز بيهو نهى عجاج كلامااات ونضامااات ومقنعات جداً في طرح افكارهن وانا موافقك في الحتة دي لكن جماعتك ديل فاقدين للضلع الأهم بالنسبة لي (التطريب والموهبة الفطرية )..
الناس ديل مصنوعين صناااعة ودي مشكلتي مع اي صوت غنائي ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
Quote: انا مشيت مدريد مرة وكان فى حفلة لى رشا والوافر..."صبحان الله" يا عملات أمى رحيمها الله... الصف لافى حول المبنى من الساعة أربعة ديب خواجات وأسبان وأفارقة
وديل يعنى الغنا ما بيوصفوهو ليهم وصيف ...بعرفو زى جوع بطنهم .... |
وهنا استحضرت قول حبوبتي ست النفر بت عبد الباقي " يهني سعيد بي سعيدا "..
عشان كده انا بقول رشا ماف داعي تجي السودان وتقدم تجربتا ..ناس السودان الهممممدو لله من الغنا يا قول الفلاتي (مني الأااابري الهمدو لله "..
رشا جات وزي ما جات رجعت تجربة ضيقة حالها حال الفنانين المتغربين اللي بيجو ايام العيد منهم من يبحث عن الرزق بتلقيط قروش التلفزيونات وتذاكر الجمهور ومنهم من يأتي للمعايدة على الأهل ويسلم على الاحباب وعلى شاكلة اديني ملح وفجأأأأة كده اديني شطة يقوموا فجأة كده يقدمو فنهم وتجربتهم ..
طالما رشا وجدت القبول هناك وتجربتها هناك ناجحة فده المطلوب وربنا يوفقا والله طوااالي تتكل في اسبانيا وتواصل تركز مع الصف الأول وتقول ليهم " لو علمتم ما في الصف الأول لأستهمتم عليه "
عقدة الخواجة دي مااا حا تفارقنا اصلو ..الخواجة قعد قدام معناها رشا غناية ..الخواجة قطع تزكرة معناها قدر الفن ..ياخ الخواجات ديل عندي ليهم تسجيل لي حنان بلوبلو في المانيا وتسجيل لي ود اللمين في المانيا برضو أنقرو إبتهجو مع منو ؟
ده طبعا ما تعريج بي الموضوع عشان ما يجي زول يديني درس في الفلكلور وو وو وو فانا احب جدا بلوبلو ..
تخريمة :
أخوي الكبير مرة ساق معاهو زميلو في الجامعة يمني الجنسية وخلاهو عيد مع اهلنا في الجزيرة ..السنة البعدها لما مشى براهو الجماعة في الجزيرة سالوهو يا صلاح ليي ما جبت معاك الخواجة داك !!!
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
المعز إدريس:
في البداية عايز انبهك لي نقطة مهمة جداً ..القطاع العام ده زااااتو ما ساهل وما تفتكر إنو أي زول عايز يركب في قطر الكنجال بيركب السوق نووو يا حبوب ده برضو عندو مواصفاته وبرضو درجة قبول عند جمهور العلماء :)
المستمع ده ما تجلهو وما تقول امكانيتو بسيطة وما تفتكر إنو لمن بقا يسمع احمد الصادق وطه سليمان وخلاهم بتاعين كنجالات معناها ما بيفهم نوو يا حبيب وإلا كان برضو هيثم الثورة بقا فنان مرطب وكانت علوية الكلاكلة ركبت همر ..الناس ديل برضو بيفهمو وبيختارو ..
رشا شيخ الدين مستحيييل تدخل من الباب ده مش لأنها عايزة الخاص نووو لأنو العام ده زاااتو ما بتقدرو وجمهور العامة ده لا يرحم ولا يجامل ويومها فقط حا تكتشف رشا وضعها الحقيقي وحجمها الحقيقي عند جمهور علماء العامة من المستمعين والذواقين ابات إضنين نضيفة ..
رشا شفتة ويبدو عليها الذكاء وقررت تحصر روحا في حتة ضييقة غالبها من المنظراتيه بتاعين إنها تقدم فناً راقي فيه اقحام للسباعي مع الخماسي مع إنقاص للتون وزيادة في الهارموني وقليل من الفايبريشن ودمج للموسيقى الشرقية مع الغربية في نسيج إجتماعي ثقافي يساعد على نقل الاغنية السودانية للعالمية ..
بالمناسبة نانسي حلوة والبت بيجي منها ما زي نهى ورشا ..عندها قبول وقدرت نوعا ما تشيل من الناس الفكرة الأولى اللي كونتها عنها لما كانت بتطنطن بي الغنا ..أعيب عليها دورانها في فلك شقي ومجنون في كل تسجيلاتها
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
Quote: في البداية عايز انبهك لي نقطة مهمة جداً ..القطاع العام ده زااااتو ما ساهل وما تفتكر إنو أي زول عايز يركب في قطر الكنجال بيركب السوق نووو يا حبوب ده برضو عندو مواصفاته وبرضو درجة قبول عند جمهور العلماء :)
المستمع ده ما تجلهو وما تقول امكانيتو بسيطة وما تفتكر إنو لمن بقا يسمع احمد الصادق وطه سليمان وخلاهم بتاعين كنجالات معناها ما بيفهم نوو يا حبيب وإلا كان برضو هيثم الثورة بقا فنان مرطب وكانت علوية الكلاكلة ركبت همر ..الناس ديل برضو بيفهمو وبيختارو ..
رشا شيخ الدين مستحيييل تدخل من الباب ده مش لأنها عايزة الخاص نووو لأنو العام ده زاااتو ما بتقدرو وجمهور العامة ده لا يرحم ولا يجامل ويومها فقط حا تكتشف رشا وضعها الحقيقي وحجمها الحقيقي عند جمهور علماء العامة من المستمعين والذواقين ابات إضنين نضيفة ..
رشا شفتة ويبدو عليها الذكاء وقررت تحصر روحا في حتة ضييقة غالبها من المنظراتيه بتاعين إنها تقدم فناً راقي فيه اقحام للسباعي مع الخماسي مع إنقاص للتون وزيادة في الهارموني وقليل من الفايبريشن ودمج للموسيقى الشرقية مع الغربية في نسيج إجتماعي ثقافي يساعد على نقل الاغنية السودانية للعالمية .. |
ده كلام نجيض يا عمر ..
.
.
يجوا يقولوا ليك صفوة ..
يعني نحن ما صفوة واللاّ شنو؟؟
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
الزول القال ناس دار فلاح يستفيدوا من رشا ده بالغ
قصة إنها تفتقد للصوت الجميل دي لايختلف عليها اثنان
وسماحة قالت في صحفي في التايمز قال صوتها فيو بحه او كما قالت smoke
المحيرني الناس البقولوا البلد مافيها حريات ورشا تبرطع في السودان وفضائياته آخر برطعة بعد كل الغنا الذي قالته ضد الحكومه وفي كل لقاءاتها
تاني كدي واحد يقول مافي حريات في البلد
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: mutwakil toum)
|
يامتوكل
ياخوي رشا دي موش كان جيهتها انا
كان العالم ده كلو جيهها مافي زول حيقتنع بيها
وحلاة ناس طارق قالوا عاملين ليها حفله بي 20 الف للفرد في بيت الفنون
اظنو زووول دخل الحفله مافي
مفروض زي ماعلق واحد في اليوتيب تغير اسمها لي راشيل
بعدين استايل جسمها بمشي مع مصارعات الـwfa والجماعه ديل
نهائي مابمشي مع فنانه وكده
غايتو
مع إني ظللت انادي بالحريات طوال السنين المضت لكن مع زي ناس رشا ديل مفروض يكتموهم تماماً
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: محمد فرح)
|
| Quote: نفس كلامها تتميز بيهو نهى عجاج كلامااات ونضامااات ومقنعات جداً في طرح افكارهن وانا موافقك في الحتة دي لكن جماعتك ديل فاقدين للضلع الأهم بالنسبة لي (التطريب والموهبة الفطرية ).. |
نانسي واللا نهى يا عمـــر .. ؟
بعدين في حاجـة تانية:
ما شايف حد اتطرق لي تجربة اسمريكــا .. واصفريكـا في المنبر ..
يعني جـواهر دي الناس مشته ساااي كدا .. ؟
أنا لي فترة بطلت اتحدث في الفــن .. لانو عندي جتار في البيت وعــود .. قاعد امتع نفسي وما شغال بي اي زول ..
لذلك ..
حقو يا عمر تشوف لينا معاك موضوع جـواهر دي .. وتتطرق لي تجربتـه ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: tmbis)
|
طيفورنا ياسر:
| Quote: حسّد عديل كده؟ معقولة؟ الحسد ممكن يكون من فنان لفنان آخر منافس، ولكن المستمع العادي، كعمر وحيدر وغيرهم من المستمعين، لا وجود للحسد أبداً، وعمر ده لو فيه شيء من الحسد، مفروض حبه لمحمود عبدالعزيز يكون كرهاً عظيماً.. |
ياخ أجمل حاجة فيك إنك بتذكرني بي شبابي
بتقول الكلام بب كده لي اصحابك لي شلتك لي اعداك
عن نفسي ح اقرأ حوالينا ولا علينا لما اسمع الزولة دي ولو لقيت ليك طريقةلي مقولة ابعد من حوالينا دي يكون حبااابا والله وتكون ما قصرت معاي يا مان ..
تسلم يا تنقا ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
اخونا عمر الفاروق
كيف حالك والاسره
اول مره اسمع بالاستاذه رشا شيخ الدين كان الاسبوع الفات, واول مره اسمع ليها شغل في بوست عمنا صديق عبد الجبار , حقيقه استمعتا بكل الغنا, لقيت نفسي قدام فنانه ماعشان هي من اسره شيخ الدين ولا دا كان ليهو علاقه
باني استمع ليها, الزوله دي بتغني باحساس راقي جدا دافي , بتديك احساس بانها بتطرب روحا قبل ماتفكر انها تطربك ودا ما شي سلبي من وجهة نظري بالعكس ايجابي جدا, ياعمر الزوله دي ادهشتني, مسالة انك حاسي انو صوتا
مافيهو تطريب والكلام الكبار دا, انا شخصيا مامتخصص في مجال الغنا عندك الاساتذه , الموصلي, انس العاقب, حمزه سليمان, ازهري دريشه, نادر السوداني , عوض الله بشير , واخرين ممكن ينورونا, اما عني انا نزلت كل الشغل
بتاعا اللقيتو في بوست صديق عبد الجبار من اليوتيوب , ومع الجو السمح دا والمطر نازل خفييييف قاعد استمتع بيهو, فكدي حاول غير الجو دا واستمع ليها بحياديه.
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: خضر الطيب)
|
| Quote: ووصف صوتهابانه ( دخاني) |
بي مناسبة دخاني دي خلوني أعيد ليكم قصة زولة في بوتيك ..
مرة أخوي واقف في واحد من البوتيكات جات واحدة داخلة المحل وقالت لي بتاع البوتيك لو سمحت الطرحة دييك بي كم ؟؟
قال ليها ياتو طرحة ؟
قالت ليهو دييييك الفوق ديييك ..
قال ليها ما عرفتها والله ياتا ؟
قالت ليهو الطرحة ديييك اللونا( عجوري )
تخريمة
كان (دخاني) ما بعرف ...
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
| Quote: رشا شيخ الدين مستحيييل تدخل من الباب ده مش لأنها عايزة الخاص نووو لأنو العام ده زاااتو ما بتقدرو وجمهور العامة ده لا يرحم ولا يجامل ويومها فقط حا تكتشف رشا وضعها الحقيقي وحجمها الحقيقي عند جمهور علماء العامة من المستمعين والذواقين ابات إضنين نضيفة .. |
طيب ما ياهو دا كلامي زاتو يا عمر!
أنا لم أنتقد جمهور العامة و إنما قلت أنه فن رشا قطاع خاص نقيمو بطريقة تختلف عن فنان القطاع العام و مغزى كلامي أنها تكنكش في الخاص دا لأنه ناس العام ما حا يرحموا خاصة الأجيال القديمة (من سنة 75 و إنت راجع لي وراء) ينما الجمهو الخاص ممكن يلزم الجابرة و يتفهم و يناقش!
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
القطاع العام دا يا عمر بيبدأ من فن الحقيبة و الكاشف و ينتهي بفناني و فنانات الكنجالات و الغنا الميتان .. أو سوق الله أكبر, بينما الخاص دا أقرب للمناقشة و تقديم المشروع و دا ممكن تختارو مافي زول بيمنعك, إنت هسة ممكن تشيل عودك و تمشي المركز الثقافي الفرنسي و يلموا ليك جمهور من ذوي الإهتمامات الخاصة (ما الإحتياجات الخاصة) و تقدم أعمال شعرية و تواشيح و تجيب معاك بتاع بيكلو و كنقا و طنبور و يكون دا فهم فني عايز تطرحو و بعد داك الناس يطلعوا يحصلوا حفلة عرس بي نجاة غرزة .. شفت الأمور شايكة كيف!
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: عمر الفاروق)
|
تحية طيبة للجميع
اتفق معاك تماما، و ازيد عليهو انها مفروض تستمع اكتر للفن السودانى ، لكن صراحة حاليا اضعها بـ جانب عبد الوهاب وردى
الاتنين عندهم الفهم ، لكن مفروض يقتنعو انهم ما بيعرفو يغنو !!!
و حزنت فى الكليب الذى وضعته نجلاء لـ عزف الوافر ، فـ معرفتى البالتوكية* به تنجعلنى اقول انه احسن من كده بـ كتير
* بالتوكية = paltalk
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Elmosley)
|
الشكر للأخ طه على هذه المداخله الممتازه:
(الاستاذ عمر الفاروق شكرا علي هذا الخيط
من الامور المعروفة في امر الذوق الموسيقي هو خصوصيته بمعني ان لكل انسان ما يعجبه من الغناء و الموسيقي و لكل انسان ما لا يعجبه و هذا بالضرورة لا يهدم مشروع النقد الفني او تناول الموسيقي بغرض التذوق
قبل مناقشة مدي جمال تجربة رشا شيخ الدين الغنائية يجب ان نتذكر الاتي
اولا مبادرة باندا نقرا banda nigra الموسيقية التي غنت من خلالها رشا مجموعتها الاولي هي مبادرة موسيقية مهمة جدا لان هذه المبادرة قد عكف علي تكوينها نفر كريم من الموسيقيين العالميين بمعني انهم ينتمون الي جنسيات متعددة بينها الاسباني و السنغالي و الكوبي و المغربي و السوداني و كا مكان المبادرة نفسها في اسبانيا و كان هذا الجمع الموسيقي الفريد قد احتفي بالاغنية السودانية اغنيات كلاسيكية للكاشف،ابوداؤود فضلا عن المديح و الغناء التراثي تم تقديمه بصور مشرفة استمتع بها الجمهور الاسباني و هذه من السوابق الفنية المهمة
الشكر كل الشكر الي رشا و الوافر شيخ الدين علي هذ الجهد الذي اضاف الي قائمة متذوقي الغناء السوداني جمهورا جديدا هما في الحقيقة عملا ا بجد و اجتهاد علي اكساب الغناء السوداني بعدا عالميا
معلوم ان رشا قد قدمت اعمالا موسيقية باللغة الاسبانية و هنا زواية اخري مهمة للتعامل مع مشروع رشا الغنائي المميز اذا جاز التعبير و خلقت لنفسها مكانا في خارطة الغناء باللغة الاسبانية و اظن ان هذه المبادرة في ذلك الفضاء اللغوي المغاير فريدة جدا و السودانين سيتشرفون بهذ الجهد ايما تشريف عندما يفيقون من غيبوبة الدولة الظلامية الحاكمة
و مازال معها من الموسيقين الاوائل في مجموعة باندا نقرا حبيبنا المميز (ناردي) و هو موسيقي من اصل كوبي و جنسية اسبانية، ناردي في السودان ود بيت من اكرم بيوتات السودانين و مهتم بالغناء السوداني و ستكون له اسهامات مهمة مستقبلا في تطوير ذائقة السودانيين الموسيقية كما فعل مايس ترللي و فعل ايضا مصطفي كامل .
قناة النيل الارزق ستتشرف بانها قدمت لرشا شيخ الدين استضافة من يتشرف هو قناة النيل الازرق!! لانها قناة مجهولة في بلد هامشي علي ثقافة الانسانية( هامشي الان لان البلد كلها في حالة اسر و سجن مظلم تحت نير نظام مجرم) و في هذه يجب نكون دقيقين ، لا يشاهد قناة النيل الازرق غير السودانيين و هو تلفزيون حكومي مخصخص و له انتماءات ايديولوجية مقرفة .
لو كنت مكان رشا لما سجلت حلقة في قناة النيل الازرق ابدا لانه تلفزيون مجهول و ناقص)
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: tmbis)
|
ياتمبس او علاء ما فارقة!! يمكن ان تكون اي شيْء لقد كتبت الاتي
Quote: فوق هذا وتحته .. اجد نفسي متضطرا أن أترك الاستماع جانبا لأعمال الكثير من الفنانين في المهجــر وعن تجاربهم الخاصة .. حال أن قرأت لكاتب السطور اعلاهــا طــه جعفر أو اي كان اسمــه .. لا يفرق ذلك كثيرا. فقط الذي يفرق أنه يفرق ما بين الأبيض والأسود .. وما عارف الدخلو زاتو هنا شنو في الحتة بتاعت الغناء ..
التقول قاد يغني .. عشان ينتقد قناة سودانية على الأقل قدمت لينا هاشم صديق بعد طول غيــاب ..
لكن الربط الموضوعي لهذه الفكـرة .. إنهو أخوهو قبل كـدا قال :
الناس تحارب قناة الشروق ..
|
متضطرا ربما تقصد (مضطراً)
التقول قاد يغني اظن انك تقصد (قاعد) اغني
كلامك خارج النص و بعيد عن مرامي البوست يا تمبس
رشا شيخ الدين فنانة من اصول سودانية سجلت لنفسها حضورا دوليا عظيما بلغات اجنبية و فتحت افاق كانت مغلقة امام الغناء السوداني و اعطت الغناء السوداني ابعادا جديدة
و هي نموذج لامرأة سودانية من المستقبل
طه جعفر
| |
|
|
|
|
|
|
|
|
 Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: طه جعفر)
|
Quote: متضطرا ربما تقصد (مضطراً)
التقول قاد يغني اظن انك تقصد (قاعد) اغني
كلامك خارج النص و بعيد عن مرامي البوست يا تمبس |
طــه جعفر أو أي كان اسمه .. بين هذا الفضاء العجيب ..
تصحيحك للتاء والطاء .. لا يعني أنك منقطـه .. ولو تعقبتك أو تعقبت غيرك لخرج ادباء كبار جدا في هذا الفضاء بقد القفه .. لكن الكويس جدا إنك استفدته ليك حاجة كويسة .. على الاقل عرفته تصحح الغلطات الاملائية .. عقبال ما تصحح غلطاتك الأدبية .. وتكتب بي طريقة محترمة
يعني تاني اكتب ليك بالتشكيل ..؟ عايز يكتبو ليك بالتشكيل يعني ..؟ لو جيتك بالليل .. بطلع ليك كتابتك كلها خرمجه .. واحتمال كبير اللفاظك افتح ليك بيها بــلاغ .. واجيب باقي المعروضات العندي ..
بل كلامك الخارج من النص .. ومن الربع زاتوو
Quote: رشا شيخ الدين فنانة من اصول سودانية سجلت لنفسها حضورا دوليا عظيما بلغات اجنبية و فتحت افاق كانت مغلقة امام الغناء السوداني و اعطت الغناء السوداني ابعادا جديدة
وهي نموذج لامرأة سودانية من المستقبل |
.. طبعا اكيد دي وجهة نظرك الخاصة بيك فيما يتعلق بي رشـا لكن الشي العجيب جدا .. وووين هنا دا لقيتني إني قلته رشا دي ما فنانة علشان تديني البروفايل التعريفي حقها دا ..؟
رشـا انا بعرفه بتغني كيف .. والمستغرب ليهو إنك تدخل قناة النيل الأزرق في صراع التيران دا والنيل الأزرق القدمت رشـا واستضافته زي ما استضافت قبل كدا .. تماضر شيخ الدين والكتير من المبدعين والمبدعات ..
يعني هنا دا حسع منو البكتب خارج النص ..؟
إنت تسمع بس .. وليك حرية أنك يعجبك الصوت الفلاني من الصوت الفرتكاني .. دي حريات اضنين .. وذوق .. زي ما ذكر في البوست دا .. يعني مثلا .. عندك كوستاوي .. فترة كدا شابكنا سلمى العسل في مركز جون كندي .. سلمى العسل الليلة شنو كدا ما عارف .. كما تم ايضا تتويج ستونة مجروس مبدعة .. زيها وزي جواهر اسمريكا واصفريكا واخضريكا .. إلخ علبة الألوان .. أمراة من المستقبل وأمراة من زحل .. ربما يكون بالنسبة ليك .. لكن بينسف تماما فكرة الفنان ... خاصة وإنو رشـا تجربته في السودان زي ما ذكر عمر الفاروق ما بالكم الممكن تتصنف بيهو ..
من المستقبل دي ذكرتني مسلسل (الآنــا) .. ودي اكبر مشكلة هنـا .. إنو زي نوعيتك دي الواحد لما يقرا ليك في حتات الكلام الفارغ البتكتب فوقو .. وبالالفاظ اياهـا ويجي يقراك هنا دا متوج رشـا شيخ الدين بي طريقتك المستقبلية دي .. بطنو بتطم ويبطل يسمع رشـا زاتو ..
لاحظ يبطل يسمع رشـا دي عامله زي شنو ..؟
بعدين في حاجة مهمة .. يا طـــــه .. كان لقيتني في حته فيها مزيكــا + الهلال .. ما تتلاوى معاي خليك في (ضبانك) لاني متأكد إني بعرف اسمع كويس في المزيكا وبفرز كويس برضو ..
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Elmosley)
|
عمر الفاروق وزواره
تحية طيبة
رشا شيخ الدين مطربة ذات حضور فنى وتطريبى عالى
واحدة من قليلات أعدهن من المطربات السودانيات المتمكنات
والموهوبات تطريباً .. تتغنى بإحساس صادق وبإنسياب بديع
مع المزيكة وإيقاعاتها .. حين تغنى لا تحتاج أن تراقب و تتحسب خطوات
أدائها بواحد إثنين ثلاثة - مثلما تفعل أخريات - لتتأكد من أدائها
وتزامنه مع الموسيقي.. .. لا تستهجه غنائياً إن جاز لى التعبير
فالموسيقى والغناء والتطريب من فطرتها ..
تذكرنى فى ذلك بالفنانة المسكونة غنا هادية طلسم
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: نادر الفضلى)
|
سلامات عمر الفاروق وكل سنة وانت والجميع اعلاه ....
سلامات استاذة تماضر وعلي الرغم من اختلافي مع كلام عمر الفاروق لكن اعترف بموضوعية انتقاده وللاسف الشديد مداخلتك كان بتفتقد الموضوعية وعبارة عن اندفاع سايقاهو عاطفة اكتر من اي شي ، وده كان محبط جدا بالنسبة لي وللاسف الشديد نحن ك (عادييين) بنتوقع من الفنانين الما (عادييين) ردود فعل ما (عادية) .
عموما...
محمد فرح مداخلتك تنم عن وقاحة فاتت حد الوقاحة .
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: ريهان الريح الشاذلي)
|
الشبح محمد فرح
بالله انت ربوك وين ؟
بالله انت ابن آدم زيك زينا كدا يا حًقير يا ناقص
وبعدين كلامك دا بنيتو على شنو ؟ على اساس .
هل الوزن الزائد بيمنع الزول انو يغني ياحمار افندي ياعرة الامنجية
والله لو دا فهمك معناتو ابو داؤود الله يرحمه الشكل وجدان جيلنا دا ممكن يوم تجي تعتبرو رباط
وعالميا هل سمعت بزول اسمو ديميس روسس اها دا ممكن بفهمك دا تلبسو زمبيل وتقول عليو طباخ
يازول البمنع شنو ما دام بكري بيخلي ال########ين الزيك ديل بيناتنا
يامحمد فرح او من يكتب بهذا الاسم الان
اتفوووووووووووووووووووووووووووووو على امثالك
____________
وانت ظااااطو مالك زمال الغنا والكلام في الغنا فاتح نفسك وجايي تتداخل مع الناس
شنو ما تشوف ناسك يدوك حاجة نضحك عليك شوية
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: ريهان الريح الشاذلي)
|
يؤسفنى يا ريهان الشاذلى أن وصلك هذا الانطباع عن مداخلتى والتى أريد بها المزاح أكتر من الجدية لاننى أؤمن فى قرارة نفسى كما تؤمن رشأ أيضا أنها لاتخاف من التجريب
وتتوقع أن يكون هناك من لايعجبه غناءها ..أى كلام بعد داك تحصيل حاصل وتجدينى قد أمنت على قول المتداخل الذى قال أن "حب الناس مذاهب" ...والذى منه ...
فلك منى العتبى حتى ترضى...
أعجبتنى مداخلات كثيرة امتازت بالموضوعية (الايجابية أو السلبية منها) ، فالموضوعية هى رائدة الاقناع وسيدة الطرح. فلهؤلاء التحية.
فى نظرى أن كل هذا الحوارو برمته يؤكد على (وجود) رشأ الفنى وأثرها على المتلقى وهو ما يطمع له الفنان. أعجبتنى أقلام عرفت بمهنيتها فى مجال النقد أو لها باع فى الفن ...وهذا يزيد من رصيد رشأ ويؤكد أيضا على (وجودها) الابداعى فهو لم يمض محايدا وبغير طعم ...فلهم التحية أيضا.
وبالطبع لم يعجبنى التعليق الذى تأذت منه كثير من الاسماع ...والذى فيه خدش لكرامة القارىء والمساهمين قبل أن يصل رشاشه لرشأ نفسها أو لمن يهمه أمرها ...
أنا شخصيا أطالب بكرى أبو بكر بتطبيق لائحة المنبر العام على هذا الشخص ...
وأشكر الذين عبروا عن استيائهم من سخافة التعليق حتى ولو لم يكونوا من "معجبى" رشأ وهذا لعمرى قمة الشفافية ..ومن ضمنهم لا حصرا لهم :عمر الفاروق وحسين ملاسى
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: سيف النصر محي الدين محمد أحمد)
|
اتصل بي صديق و كلمني عن البوست و رغم عن اني لسه عندي التزامات اسرية ما كملتها و الزمن ممحوق في السودان لكن جيت عشان إتأكد انو فعلا في زميل زي محمد فرح ممكن يتكلم عن مواطن تاني بالشخصنة و عدم الحساسية ده. عاوز ارمي سهمي معاكم في النقاش و اشارك لكني بعد قريت كلام محمد فرح قررت اسه انو ما اشارك لحدي ما يسحب محمد فرح كلامو الماعندو علاقة بحساسية البشر الطبيعيين تجاة بعض و بالعدم يسحبو بكري ابوبكر و افترح من كل المشاركين التوقف عن المشاركة في البوست حتي يُسحب حديث محمد فرح . نحن والله ما جينا سودانييزاولاين عشان نجرح المناس او نشتمهم فنانيين كانوا او مواطنين , اوجب واجباتنا هنا حفظ كرامة بعضنا لا إهدارها.
يا محمد فرح كلامك غير مقبول علي الاطلاق لانو شخصي ولا علاقة له بالحوار , خيط عمر الفاروق عن موقفو المزاجي من شغل رشا و لم يتعرض من قريب او بعيد لشخصيتها او هيئتها, الشخصيات العامة عرضة لنقد إنتاجهم لا اشكالهم .اسحب حديثك اعلاه و خلينا نواصل في البوست .
___
عمر الفاروق .. اتوقعت موقفي ده منك لانك صاحب البوست و خذلني صمتك
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: محمد هشام)
|
مافى زول اسمه محمد فرح على فكرة ديل امنجية
المنبر البديهم بكرى باسورد بدون مايتاكد من اى معلومه
هو حر طبعا يعطى الباسورد من يشاء ويسحب الباسورد ممن يشاء
لكن سوف يورد هذا المنبر مورد تهلكه..
وبعدين يا بكرى ماعاوز توقف شبح زى ده اسحب
الكلام الفارغ..
ده مكان محترم ما ماخور اقل شىء مفروض الناس تحترم فيه بعض
وتعتنق ما تشاء من مذاهب و تتبع ما يروقها من ايدولوجيات
والى قرار بكرى نحن منتظرون،،،
| |
|
|
|
|
|
|
|
|
 Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: Ahmed Elmardi)
|
أستمع لرشا شيخ الدين منذ قرابة الثمانية سنوات
و كنت معجياً باغانيها منذ ايام كنا نستمع للغناء في Junkbox
و ننقله بالهاردسكات قبل إختراع الفلاش ديسك
و لم يحدث ان مر على غنائها إنسان إلا و تفاعل معه
إيجاباٌ غالباٌ و سلباً نادراً و هو دور الفنان عموماٌ
بأن يثير حراكاٌ ثقافياُ و إجتماعياٌ يرقى بمستوى الفن
ونقاده و طريقة تفاعل الناس معه
حتى عرفتها عن قرب و هالتني شخصيتها القوية
وإلتزامها تجاه فنها و رسالتها التي ترغب في إيصالها
عبر فنها لمتلقيها ، فرشا تغني بالسودانية و العربية الفصحى
و الانجليزية و الأسبانية و لربما لغات اخرى لا اعرفها
غير انها تعرف ما تريد و ماذا تريد إيصاله للمتلقي
و أهم من ذلك إلتزامها تجاه ما تؤمن به حتى انها
لتذكرني بالراحل المقيم مصطفى سيد احمد
لم يزعجني إطلاقاٌ رأي عمر الفاروق عنها فهو عبر عن إنتقاده لها
من منطلقات نقدية و فنية يختلف أو يتفق الناس حولها ذاك أمر هو
من المتاح و لكن من محن العصر و بلاوي هذا الزمان ان يتصدى
أشباح الأسافير و ناقلي الكذب و مروجيه و من هم بلا أخلاق و لا
ضمير لرشا بفاحش القول و سوء الخلق من شاكلة المسمى
(محمد فرح) هذا !
لعمري لا أفهم لماذا يحتفظ بكري بمثل هذه الاشكال هنا ؟
هؤلاء عار على الإنسانية و عار على السودانيين و عار
على هذا المنبر ، و عار على هذا الحزب الذي ينافحون
الناس من أجله ، و من المؤكد ان (محمد فرح) او من يمثله
(محمد فرح) لا يعرف عن رشا اكثر من اغانيها الداعية
للحرية من ربقة نظامه و يا (سودان معليش) فإنتقاده لها
لا ينطلق من رؤيا فنية او نقد حتى ، و لأنه ينتمي إلى فئة
حقييرة تعودت على ان تسئ الى الناس
By physical Abuse based on shape
because thats the way he evaluate
people around him
لأنه لا يملك من الخيال و الرؤى الإنسانية ما يساعده
الى ان ينظر الى الناس بعمق اكبر ليرى حقيقتهم الإنسانية
فهو أفقر إنسانياً من أن يبلغ هكذا مستوى من الحس و الإدراك
لذا كانت كذلك شكل مداخلته عاليه ، و سيكون الآن آمناُ
في سربه يعد ان اساء لرشا و اثار حفيظة الناس هنا
و الأجدى لبكري إن أراد ان يحافظ على ما تبقى من
درجة إحترام الناس لهذا المكان ان يطهره من هذا الدنس
الذي هو على شاكلة (محمد فرح) فلا يعقل ان يكون بيننا
من هو على هذا المستوى من الخسة و الووضاعة و سوء
الخلق و قبح الطوية
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: صديق الموج)
|
Quote: يامتوكل
ياخوي رشا دي موش كان جيهتها انا
كان العالم ده كلو جيهها مافي زول حيقتنع بيها
وحلاة ناس طارق قالوا عاملين ليها حفله بي 20 الف للفرد في بيت الفنون
اظنو زووول دخل الحفله مافي
مفروض زي ماعلق واحد في اليوتيب تغير اسمها لي راشيل
بعدين استايل جسمها بمشي مع مصارعات الـwfa والجماعه ديل
نهائي مابمشي مع فنانه وكده غايتو
مع إني ظللت انادي بالحريات طوال السنين المضت لكن مع زي ناس رشا ديل مفروض يكتموهم تماماً |
يا محمد فرح ياخي يستحيل انت تكون زول كدة ربته ام سودانية
ياخي امهاتنا اول ما علمونا انه الله دة كرم الانسان واداهو عقل
ياخي انت جايي من وين عليك الله
ما عايز اسبك في تربيتك لانه ما عايز اعتدي علي والديك بسبب قذارة سطورك الفوق
ياخي يستحيل ان يكون الانسان كريه كدة في دواخله حتى لو كان شيطان
لا اله الا الله محمد رسول الله
| |
|
|
|
|
|
|
|
|
|
Re: رشا شيخ الدين عليها الإلتحاق بدار فلاح حتى لا تضيع موهبتها.. (Re: khaleel)
|
علي السيد بكري ابو بكر اجراء الازم
مع الشخص المسمى بمحمد فرح .
ويا بكري ابو بكر عندي طلب مهم جداً
هو :- ما هي بيانات هذا المحمد فرح ؟
ومن هو الشخص الذي زكاه للمنبر؟
لاني شاكي بانو الزول الزكاه ده هو نفس
الشخص الذي زكى مهند مامون المطرود السابق
وانو محمد فرح ده هو نفسه مهند مامون داك.
عمر الفاروق ... اختلف معك في موضوع رشأ بل
انا عكسك تماماً.
| |
|
|
|
|
|
|
| |
عمر الفاروق
عصام دهب
ابو جهينة
حيدر حسن ميرغني
Munir
Elmosley
Tumadir
معاوية الزبير
المعز ادريس
Yassir Tayfour
doma
عبد الخالق امن الله
cantona_1
حبيب نورة
تبارك شيخ الدين جبريل
Hussein Mallasi
mohmmed said ahmed
معروف حمدين
EMU إيمو
اساسي
انعام حيمورة
محمد عبد الماجد الصايم
نجلاء سيد أحمد
نادر النور آدم
طه جعفر
tmbis
محمد فرح
خضر الطيب
محمد الامين احمد
Khalid Kodi
صديق الموج
ريهان الريح الشاذلي
عبدالوهاب علي الحاج
خدر
Ahmed Elmardi
محمد هشام
حاتم علي
khaleel
البدري عبد الله
Mustafa Mahmoud
طارق جبريل
سفيان بشير نابرى
فيس بوك
تويتر
انستقرام
يوتيوب
بنتيريست