|
يا بطيخاب : شلتو الأتحاد العام .. والجيش شالكم للصالح العام .. خموا وصروا !!
|
التسوي كريت
تلقاهو في جلدها
اقعدو ساكت يا بطيخاب باقي الموسم
ناس الرصيف
ناس الوصيف ناس ابو سبعة
عدو النجوم عدو القروش الراحت ( وزولا قال حيستقيل اليوم ) تاني قروش مافي
عدو المواسير
عدو الطوب
اسرحو بي غنم ابليس
تاني ستة شهور محلك سر
حدكم بورسودان دي
وكادقلي
مدني
كسلا
والمحلي داخل عطبرة
زي شركة الطيران الداخلية
سفريات ما محتاجة تأشيرات
ولا مراقب اجنبي ولا حكام اجانب
من هسه لي شهر مارس الجاي
ابقو عشرة على الفي يدكم
بكر يطير منكم تقلبوها ملاكمة
الخوف تبقى انا واخوي الكاشف
يتدخل الفيفا ويلغي الانتخابات
ويتجمد النشاط
ويضيع من سيد البلد كاس الكونفدرالية
غايتو نحن حالفين ناخد ليكم التار من الجيش
جوة وبرة
زي غلب كابس ده
لا بهمنا ارض لا بمهنا جمهور
نجضم الكفر ده
ما عندنا شغلة بي فليق حجار
ولا بونيات
ولا ليزرات
عندنا لاعبين كورة وبس وفن جميل
وعلى الحكام المحليين ان يستعدوا
يا أما يجو لابسين لبس ملاكمة في مباريات الوصيف
او يتجهزوا للجري بعد نهاية المباراة
اذا ما فقد الوصيف أي نقطة
وعليهم تجهيز مواتر فيسبا او درقات حماية
لانه الحكم حياكل علقة من اللاعبين الملاكمين
تحت شعار
اذا ما قدرت تلعب بي رجليك .. ألعب بي يديك
ويديكم العافية يا ربي
ويقدركم على الصبر
وأبقوا فراجة
يفرجها الله عليكم
|
|
|
|
|
|