|
صلاح إدريس علي كل شئ قدير!
|
يعني الواحد عايز ليهو كم مليار كده عشان فجأة كده ينط ليهو في جريدة شغالة ومعروفة و"فجعتن" كده يبقي رئيس مجلس الإدارة ورئيس التحرير ، ويقرر إنو حيكتب عمود يومي وإنو حيكتب صفحتي الوسط ، وبعبارة تانية (( يا فيها يا نطفيها ))؟؟
|
|
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
والواحد محتاج ليهو كم مليار كده عشان "فجعتن" برضو كده ، ينط ليهو في إدراة بتاعة فريق كبير شديد وفي نفس الوقت مفلس شديد ، وطوالي كده يقول عايز يبقي الرئيس ، لاحظ رئيسسسسسسسس يعني لا عضو لا نائب لا غيرو ، رئيس عدييييييل كده ، وبعدين يقعد في المقصورة ويقول للمدرب تلعب لينا بطريقة سبعة سبعة واحد ، لأنو أنا بتفآئل بالطريقة دي عشان بتدكرني بأيامي لمن كنت مفلس وبشجع بريق ساردية ، عشان دي الخطة المفضلة لي ساردية وما أدراك ما ساردية؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
والواحد محتاج كم مليار عشان يبقي فنان ويغني لينا : إنت يا الأبيض "حليبك" ، ويجيب شعراء مفلسين ويقعدهم قدامو وكسر رقبة كده يشيدو بأداؤه السيرالي والأوبرالي وباقي حنك المزازيك داك ، وعشان يخلي مقدم البرنامج يتمايل طربا كانو بيستمع لي زبيدة الإنقاد ولا فاتن كوبر؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
والواحد محتاج ليهو كم مليار كده عشان يبقي ملحن ؟ وكسر رقبة كده تستضيفو قناة فضائية ويرمي ليها كمية كنجالات ويجيبو ليهم بشير عباس ووغيرو ويقعدوهم ليهو عشان يحلفو ليهو بي رأس أبوهم انو الحانو دي تعتبر أروع من موسيقي بتهوفن وموزارت ، وإنو سلم دو وري وفا لو سا مي ، زاتها احتارت من روعة ألحانو ، وكيف انو عبقرية صلاح إدريس تجلت في إنو سمي نفسو علي أحمد في إشارة لتواضع عظماء اللحن في بلادي؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
يا محمد عبد المطلب سلامات وكل عام وأنتم بخير.. مالك ناط للزول في حلقو... حاسد ولا بغران؟ وزي ما قالوا في المثل (الما بتلحقو جدعه). إنا فضلنا بعضكم في الرزق. دا كلام الله عندك فيهو رأي. بس لو الفلس حارقك شيل الصبر كل شئ بأوانه. الزول لا بعرفك ولا بتعرفه مالك ومالو .. إتجدع في المنابرة الخابرنك وخابرهم .. لكن صلاح إدريس شعراً ما عندك ليهو رقبة. تحياتي.
كبـــّـاشي الصـــّافي
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
والواحد محتاج ليهو كم مليار كده عشان يبقي ملحن ، وكسر رقبة كده تستضيفو قناة فضائية ويرمي ليها كمية كنجالات ويجيبو ليهم بشير عباس وغيرو ويقعدوهم ليهو عشان يحلفو ليهو بي رأس أبوهم انو الحانو دي تعتبر أروع من موسيقي بتهوفن وموزارت ، وإنو سلم دو ري مي فا سو لا سي ، زاتها احتارت من روعة ألحانو ، وكيف انو عبقرية صلاح إدريس تجلت في إنو سمي نفسو علي أحمد في إشارة لتواضع عظماء اللحن في بلادي؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
والله العظيم وكتابه الكريم أنا ( وأعوذ بالله من كلمة أنا ) زماااان كنت عايز أبقي يا فنان يا لاعب كورة ، هسه الحكاية دي هفت لي تاني ، تقريبا محتاج لي تسعمية ألف دورررار عشان أقدر أرش كنجالات لجهات الإختصاص للوصول للهدف ، الحمد لله هسه عندي زي ألف دوررررار ، يعني فاضل لي زي تمنمية تسعة وتسعين الف دورررار عشان أبقي فنان ، وزي ما قالو مشوار المليون بيبدأ بي دورررار واحد. .... وماشين في السكة نمد ...... وكده!!
| |
|
|
|
|
|
|
Re: صلاح إدريس علي كل شئ قدير! (Re: ابراهيم بقال سراج)
|
Quote: ولا تجعلوا مع الله الهاً اخر |
يا بقال يا إبن عمي .. سلامات وكل عام وأنتم بخير. يقولون الغرض مرض. وكل ذو موهبة محسود. من يكتب مثل هذا العنوان إما جاهل وإما حقود.. أعاذك الله منهما. إذا الشخص لا يعرف أن من على كل شئ قدير هو الله فهو أجهل من أبي جهل بسنن الوضوء. وإن كان يعرف ويصر على التمادي فأمره متروك لرب العالمين فهو عليه أقدر. تحياتي.
كبـــّـاشي الصـــّافي
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: مصنع الشفاء ناشوهو بي صاروخ لحدي هسه ما عارفنو جا من وين ، وهرسوهو زي سلطة الأسود. |
أنت حاقد ليس إلاّ... اللهم لا شماتة.. مصنع الشفاء كان يعيش أُسر وفاتح بيوت.. أشياء لا يقدر عليها أمثالك من الداجين في بلاد الله الواسعة بدون سبب سوى تقطُّع الأسباب بهم في بلدهم .. ولحقدهم على من أعطاهم رزقاً هكذا ينثرون حقدهم الذي بلا مبرر.
كبـــّـاشي الصـــّافي
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: ذلك فضل الله يؤتيه من يشاء |
يا خليل مافي إعتراض الله أداهو قروش ، لكن ما ممكن عشان الله أداك قروش تقوم تقول إنك ملحن وصحفي وكاتب عمود ورئيس مجلس إدارة ، ورئيس فريق الهلال ، ومغني ، وعازف عود ، وصاحب مصنع ساريا وسابحات ومفنجطات وهلم جرا!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: يا خليل مافي إعتراض الله أداهو قروش ، لكن ما ممكن عشان الله أداك قروش تقوم تقول إنك ملحن وصحفي وكاتب عمود ورئيس مجلس إدارة ، ورئيس فريق الهلال ، ومغني ، وعازف عود ، وصاحب مصنع ساريا وسابحات ومفنجطات وهلم جرا!! |
كلامك صاح انا عندى نفس الفهم العندك دا لكن ليس حسد بس تساؤل لى الناس القالو ليك انت حاسد وانا هنا اعنى اخونا كباشى ود اب سن قال اللعوج راى والعديل راى ما العوج
| |
|
|
|
|
|
|
Re: صلاح إدريس علي كل شئ قدير! (Re: cantona_1)
|
Quote: وهنا يُحسب الفشل على الصحفيين وليس على صلاح.
|
العزيز كانتونا..سلامات
الفشل في حد ذاته ليس مشكلة ..كلنا بشر معرضون للفشل والنجاح في جميع تجاربنا الحياتية ..لكن المشكلة تكمن في النقد من اجل النقد ..دون ان نمتلك ادواته او مبرراته !!!
| |
|
|
|
|
|
|
Re: صلاح إدريس علي كل شئ قدير! (Re: البدري عبد الله)
|
Quote: المشكلة تكمن في النقد من اجل النقد ..دون ان نمتلك ادواته او مبرراته !!! |
الأخ البدري عبد الله سلامات وكل عام وأنتم بخير.. هذا ليس نقد هذا نكد بسبب الحقد والكراهية... كراهية العاطلين عن الموهبة للموهوبين.. وحقد الفاشلين على حلفاء النجاح. عمل غير مؤسس ولا مدروس.. ولكن الله غالب. تحياتي.
كبـــّـاشي الصـــّافي
| |
|
|
|
|
|
|
Re: صلاح إدريس علي كل شئ قدير! (Re: cantona_1)
|
Quote: الروسين كتااااااار.... فيها الراس النووي ... وفيها راس الرجاء الصالح ..وفيها راس غليص ..وفيها راس النيفة ..وفيها الرأس الاخضر ..وفيها وفيها الخ ... اختار البعجبك اخوي !! |
You missed the point as usual Sir, anyway, nice try, keep it up. Ladies & gentlemen, please put your hands together to Mr. funny maaaaaaan
Here we go
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
الود ود اراحات يكون كيشة وما ناقش أي حاجة في الكورة ، يقوم يجيب كورتو ويجي ، تقوم تبيضها ليهو وتقيسو وتجيب فيهو قون ، يقوم يزعل ويشيل الكورة ويمشي ، عشان نخليهو يجي راجع نقول ليهو خلاص بنخليك تبيضها لينا وتقيسنا وتجيب فينا قون ، حتن يرضي وما يشيل الكورة. ههههههههههه.!
عذبتنا يا صلاح إدريس!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
يا جماعة الموضوع ده فيهو كتير من الحقيقة. يعني ما ممكن تكون رجل اعمال و كاتب و ملحن و موسيقي و بتاع كورة..و كل المواهب دي ما تبدا عندك الا بعد الاربعين. و بعدين مسألة انو القروش ليها دور فدي برضو حقيقة و إلا كيف تكتب و تلحن و تدخل عالم الرياضة و الادارة من رأس السلم مباشرة دون المرور بالمراحل المعروفة للمبتدئين.
انا غايتو ما شايف اي حسد أو حقد لكن دي الحقيقة المجردة و الله على ما اقول شهيد.
| |
|
|
|
|
|
|
Re: صلاح إدريس علي كل شئ قدير! (Re: سيف النصر محي الدين محمد أحمد)
|
صلاح ادريس كراعو منقد بس ,,, أي حاجه استلما فرتقا الفشل يمشى على قدمين و بخصوص مصنع الشفاه إنضرب بعد ما اشتراه الكارثة ده كان مدور في عهد مؤسسه المهندس بشير حسن بشير في امان الله , وياخ ده لو اخد باسويرد في المنبر ده بتفرتق طوالي . صلاح إدريس قدم من لاشي و سيذهب الى لاشي
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: يا جماعة الموضوع ده فيهو كتير من الحقيقة. يعني ما ممكن تكون رجل اعمال و كاتب و ملحن و موسيقي و بتاع كورة..و كل المواهب دي ما تبدا عندك الا بعد الاربعين. و بعدين مسألة انو القروش ليها دور فدي برضو حقيقة و إلا كيف تكتب و تلحن و تدخل عالم الرياضة و الادارة من رأس السلم مباشرة دون المرور بالمراحل المعروفة للمبتدئين.
انا غايتو ما شايف اي حسد أو حقد لكن دي الحقيقة المجردة و الله على ما اقول شهي |
دي عالم مرضانة وموهومة وفي منتهي الغباء ، يعني هسه الكلام ده عايز ليهو عبقري عشان يفهمو علي الوجه الصحيح ، الغريب الواحد تلقاهو عامل ليك فيها أبو العقل والفهم وهو تلقاهو ما فارز كوعو من بوعو. الإسفير ده عالم ساحر وفي نفس الوقت كمان لامي العقرب والدبيب وخشاش الأرض.
بالله العظيم في زول عاقل يحقد علي صلاح إدريس؟ إنا لله وإنا إليه راجعون.
كيف يعني زول فجأة كده يفرض نفسو علي قناة فضائية ويقول عايز يغني ويعزفو وراهو فرقة موسيقية بأكملها؟ إيه السذاجة والتخلف ده؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: صلاح ادريس كراعو منقد بس ,,, أي حاجه استلما فرتقا الفشل يمشى على قدمين و بخصوص مصنع الشفاه إنضرب بعد ما اشتراه الكارثة ده كان مدور في عهد مؤسسه المهندس بشير حسن بشير في امان الله , وياخ ده لو اخد باسويرد في المنبر ده بتفرتق طوالي . صلاح إدريس قدم من لاشي و سيذهب الى لاشي |
عليك الله صلاح إدريس ده العرفو شنو بالكورة وبالهلال وبالإدارة؟ هو قايلها شنو؟ بوتيك؟ ولا محل تركيب عطور؟ ولارقشة؟
مسك الهلال غطس حجرو ، دخلو في ديون ، وكمان بقو يحجزو دخلو في المباريات بحكم محكمة!!
أما الشيكات الطايرة وأوامر القبض فحدث ولا حرج!!
أستغرب للسذج والتبع الفي المنبر ده وفي أي موضوع خاشين بالعرض وبلا فهم ويرددو في عبارات ما فاهمنها شنو!! الواحد جا المنبر ده أول أمبارح ولامي في خلق الله معط وهبالة إسفيرية وممثل ليك دور العاقل بلا فهم!! والله بذكروني بالفيلم المصري بتاع محمود عبد العزيز "أبوكرتونه"!!! ههههههههههههههههههههههه.
ايه العالم دي؟ من أين أتي هؤلاء؟ عالم بيض!! جني وجن الزول يكون راجل كبير في عمرو ويكون إمعه وتبيعه ، كل ثانيتين بي رأي!!!
| |
|
|
|
|
|
|
Re: صلاح إدريس علي كل شئ قدير! (Re: Hassan Senada)
|
اه لو تعلمون ماذا فعل بى هذا المخلوق ... يكفى انى بعد الكارثه سالت الله ان لا يعطنى مالا يزيد عن حاجتى.. وكرهت المال واصحاب الاموال اللهم احشرني في زمرة الفقراء والمساكين.... اللهم إني أعوذ بك من الكفر والفقر ساسرد لكم الروايه ان مد الله فى الاجل
| |
|
|
|
|
|
|
Re: صلاح إدريس علي كل شئ قدير! (Re: يوسف الولى)
|
Quote: يامحمد كل عام وانت بالف خير واصل وكلامك منطقى جدا وزى ماقالو صاحب بالين كداب اهو صلاح ادريس طلع من كل شى |
يا حسن ،،،
كل سنة وإنت طيب ياخي.
لو كان صاحب بالين كان يكون كويس ، ياخي ده صاحب سبعة (( بالات )) هههههههه.
رئيس تحرير جريدة ، رئيس مجلس إدارة جريدة ، رئيس نادي الهلال ، ملحن ، عازف عود ، مغني ، و رجل أعمال ، وعايز يبقي رئيس الإتحاد العام للكرة ، وفي حاجات تانية تحت تحت كده الناس ما عارفاها.
مبالغة الزول ده! بغض الأغبياء يقولو ليك حقد وعاطلي المواهب وكلام خارم بارم وتخلف كده غريب جداُ. ايه العالم دي؟ من أين أتي هؤلاء؟
تفتكر يا حسن المرة الجاية حيقول عايز يعمل شنو؟ والله الخوف يقبل علي المريخ ، حيضيعنا والله.
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: اه لو تعلمون ماذا فعل بى هذا المخلوق ... يكفى انى بعد الكارثه سالت الله ان لا يعطنى مالا يزيد عن حاجتى.. وكرهت المال واصحاب الاموال اللهم احشرني في زمرة الفقراء والمساكين.... اللهم إني أعوذ بك من الكفر والفقر ساسرد لكم الروايه ان مد الله فى الاجل |
أها : هسه حيجيك واحد غبي ويقول ليك حاقد وكراهية وأعداء النجاح وباقي الغباء الإسفيري والسبهللية المعهودة.
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
(Quote: والواحد محتاج ليهو كم مليار كده عشان يبقي ملحن ؟ وكسر رقبة كده تستضيفو قناة فضائية ويرمي ليها كمية كنجالات ويجيبو ليهم بشير عباس ووغيرو ويقعدوهم ليهو عشان يحلفو ليهو بي رأس أبوهم انو الحانو دي تعتبر أروع من موسيقي بتهوفن وموزارت ، وإنو سلم دو وري وفا لو سا مي ، زاتها احتارت من روعة ألحانو ، وكيف انو عبقرية صلاح إدريس تجلت في إنو سمي نفسو علي أحمد في إشارة لتواضع عظماء اللحن في بلادي؟ |
)
دي قوية شديد وكلام في السلك ، لذيذة قصةإنت ياالابيض حليبك ، وخطة اللعب الجديدة 7-7 1
وكل عام وإنت والمتداخلين بخير
| |
|
|
|
|
|
|
Re: صلاح إدريس علي كل شئ قدير! (Re: ترهاقا)
|
Quote:
دي قوية شديد وكلام في السلك ، لذيذة قصةإنت ياالابيض حليبك ، وخطة اللعب الجديدة 7-7 1
وكل عام وإنت والمتداخلين بخير |
وإنت بخير
والله نهائي ما قادر إستوعب إنو الزول لو عندو قروش كتيرة ممكن يبقي ملحن ، كيف دي بس يا صلاح إدريس؟ عليك الله وقعها لي!!
أرحمنا من فجيخ الطماطم ده يا صلاح ياخ!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
مشكلتك يا صلاح إدريس إنك جيت السودان بي قروشك ، يعني ما عملت القروش دي في السودان ، عشان كده لسه الناس بعاملوك كمغترب ، خاصة في إدارة الهلال ، يعني كانو معتبرنك داقس وشفطو قروشك وإستغلو ولهك الشديد للشهرة ، إدارات الأندية يا صلاح عايزة زول تفتيحة ، يعني بعرف بدفع باليمين ويرجع بالشمال ، بس إنت ما عرفت أصول اللعبة.
هنا في البوست ده حأوريك الفنيات ، كيف تقلب الكاش بتاعك ويجيك راجع بالزيادة ومافي زول يدقسك ، ياخي الحركة بتاعتك بتاعة الشيكات الطايرة وأوامر القبض الطلعت ضدك دي زماااااااااان ناس إبراهومة لما كانو شفع كانو بعملوها ويطلعو مصاريفهم ، جاي إنت في ألفين وعشرة يادوووووب تعملها؟ الكلام ده قولو لي زول لابس قميص فراشات يااااااا!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote:
كلامك صاح انا عندى نفس الفهم العندك دا لكن ليس حسد بس تساؤل لى الناس القالو ليك انت حاسد وانا هنا اعنى اخونا كباشى ود اب سن قال اللعوج راى والعديل راى ما العوج |
كلامك ميه في المية.
أما المدعو كباشي ده ، فعندي لهيو كلام كتير ، النخلص من موضوع صلاح إدريس الملحن الفنان العازف المغني رئيس تحرير ورئيس مجلس إدارة وصحفي ورئيس نادي الهلال وصاحب مصنع الشفاء وسابحات وشاطحات و..... هلم جرا. أصلها الأسافير دي فيها المحن!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: من يكتب مثل هذا العنوان إما جاهل وإما حقود |
Quote: أشياء لا يقدر عليها أمثالك من الداجين في بلاد الله الواسعة بدون سبب سوى تقطُّع الأسباب بهم في بلدهم |
Quote: هكذا ينثرون حقدهم الذي بلا مبرر. |
Quote: يكون راس باسم. لو ما بقى راس ....
|
Quote: كراهية العاطلين عن الموهبة للموهوبين |
Quote: وحقد الفاشلين على حلفاء النجاح. |
Quote: (العوج راي والعديل راي) |
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
عاين يا كرتونه ون:
إنت قايلني شنو؟ أنا كتبت وجهة نظر عن صلاح إدريس. كويس معك؟ وعن انو ما عندو علاقة بحاجة اسمها لحن ، ولا غناء ، ولا عزف ، ولا صحافة ، ولا بزنس ، ولا كورة ، ولا .... الخ.
كويس معاك؟
والإهانات الفوق دي كووووووووووولها هي ردك علي رأي القلتو ، كويس معاك؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
بعدين يا كرتونة ون : لاحظ لي حاجة مهمة جدا جدا ، عشان لي قدام حتفعك ، وهي إنو علي الرغم من انو دي وجهة نظري في صلاح إدريس اللهي بتختلف عن وجهة نظرك إنت ، وعلي الرغم من انو بيقولو "الخبر مقدس والرأي للجميع" ، وإنو كل زول حر يقول رأيو ، وعلي الرغم من إنو انك خاتي ليك شعار في توقيعك ماشي وجاي زي توم آند جير عن العديل شنو كده ما عارف والعوج حاجة كده شنو برضو ما عارف ، وبعد ده كلو يا كرتونة جيت رصيت الإنشاء الفوق دي كلها وطلعتني حاجة كده.
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
عاين يا كرتونة ون :
إنت قايلني جابوني زيك من أبوجبيهة زي أي كرتونة منقة معفنة ورموني في لندن زيك أقشر في البطاطس؟
إنت الظاهر عليك زول معقد وعندك مركب نقص في حتة ما ، هنا في البوست حأحاول أساعدك عشان تعرف عقدتك وين. ومركب نقصك شنو؟
كويس معاك؟
إنت مخيل انو لما تلبس كرفتة وبدلة وتمد صلعتك للكاميرة وتجي تخت لينا الصورة في البروفايل وتتكلم لينا عن اللورد الفلاني قال وأنا قاعد في لندن وعمدة لندن قال لينا وعمل لينا وسوا لينا؟ يعني ده بيخليك تبقي زول؟ وبيديك حق تقل أدبك وأنت راجل كبير والفي سنك هسه في المقابر عضامهم ضايروها في كوريك ودفنو في محلها؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: أشياء لا يقدر عليها أمثالك من الداجين في بلاد الله الواسعة بدون سبب سوى تقطُّع الأسباب بهم في |
عليك الله يا كرتونة : عاين لكلامك عني الفوق ده ، وإتاملو ، وشوف كلامك ده واقع وين؟ ومعناهو شنو؟ والرسالة البيرسلها شنو؟ عليك الله يا كرتونة ون : إنت بتعرف عني شنو لما أنا كنت في السودان؟ وعليك لندن المعقداك دي ، هسه كلامك بيقول اني في السودان كنت "هوم لس" ولا كنت لافي صينية ساكت!! ولا إنت رأيك شنو يا كرتونة ون؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
عاين يا كرتونة ون :
والله والله والله ، الذي لا إله إلا هو ، الزيك ده يا كرتونة في السودان قسما عظما - وإن شاء الله ما أقوم من الكرسي القاعد أنا فيهو هسة - ما ممكت أقبل إنو ينضف لي مكتبي ، معليش علي الكلام الجارح ده لكن والله إضطريتني ليهو اضطراراُ ، لكنها الحقيقة ، يعني ممكن بالكاد كده أخليك تورنش لي جزمتي علي شرط تكون قاعد خارج المكتب عشان ريحتو ما تتغير ، ولو الورنيش بتاعك ظابط ، ممكن أخليك تغسل لي العربية. والكلام ده حقيقة وحقيقة بسيطة مافيها أي مبالغة ، وعشان إنت زول حقار وعلق ومعقد وجلف وسبهللي وحصلت ليك صدمة حضارية لما من أبو جبيهة طوالي أسري بك سراُ الي لندن ، فحأخليك تصحي من الصدمة دي وأخليك تحترم نفسك وسنك وتتكلم بأدب.
إنت يا كرتونة ون بالله عايز تعمل لي فيها حقار؟
تجي تهيني في البوست بتاعي وتمشي كده أضانك باااااااردة؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
يا كرتونة ون :
عارف؟ إنت من خلال كتابتك هنا إتضح لي إنك زول إمعة وشخصية مهزوزة ، يعني كده أرجع في البوست وشوف أول مداخلة ليك وكلامك كان شكلو كيف؟ وفجأة كده بقي كيف؟ شكلك زول إضينة ساكت ، إنت زول أبريق مخروم ساكت!
إنت عامل فيها شافع صغير وعايز تخفف دمك وتظهر وقلت أخش في محمد ده شمال وأرمي ليهو كلام وأمشي؟
ولا إحتمال تكون راكب ليك فيل؟ ولا مصيبة زمان ، وجيت توسع في خيالك وتتراشق وتتعولق!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
شعارك ده لو ما بتقدر علي تبعاتو وإستحقاقاتو حقو تغيرو ، يا أما كمان تحترم وجهة نظر غيرك مهما كنت مختلف معاها ، خاصة اذا كانت وجهة نظر ليست لك علاقة بها ، وموجهه لغيرك ، لأنو من الغباء انك تخت ليك شعارات وإنت بعيد كل البعد عنها في تقبلك لرأي الغير.
يعني ده بيختك في خانة البني آدم الغبي.
فاهم يا سيد كرتونة ون؟ يا بتاع لندن؟ وبتاع العديل والزين والكلام الفارغ؟ والحنك العاضي ده؟
| |
|
|
|
|
|
|
Re: صلاح إدريس علي كل شئ قدير! (Re: يوسف الولى)
|
يوسف الولي منتظرين قصتك بي فارغ الصبر يامحمد فعلاً صلاح إدريس إنسان بحب الشو جداً داير يظهر في اي حته كوره وفن وصحافه كلو داير ينط فيهو على ماأعتقد إنو سقط في امتحان القيد الصحفي ومرق بالجلاله برضو داير اقول ليك إنو عمنا الكباشي ده راجل جدع جداً وأتمنى أن لايتعكر الجو بينكما لسوؤ فهم بسيط ياريت لو كنت رديت على بقال التخ ده وفهمتو لئلا يحث لبس
مؤونة عام من الود
| |
|
|
|
|
|
|
Re: صلاح إدريس علي كل شئ قدير! (Re: محمد فرح)
|
Quote: يوسف الولي منتظرين قصتك بي فارغ الصبر يامحمد فعلاً صلاح إدريس إنسان بحب الشو جداً داير يظهر في اي حته كوره وفن وصحافه كلو داير ينط فيهو على ماأعتقد إنو سقط في امتحان القيد الصحفي ومرق بالجلاله برضو داير اقول ليك إنو عمنا الكباشي ده راجل جدع جداً وأتمنى أن لايتعكر الجو بينكما لسوؤ فهم بسيط ياريت لو كنت رديت على بقال التخ ده وفهمتو لئلا يحث لبس
مؤونة عام من الود |
يا محمد فرح
كل سنة وإنت طيب ياخ.
والله عمك الجلكين ده بالغ شديد ، الموضوع ما كان مستاهل يسمعني فارغ زي ده ، والله أبداُ ما إتوقعت من راجل طاعن في السن يتساخف كده ، ولي شنو؟ ياخي دي وجهة نظري في صلاح إدريس وما حتتغير ، كان ممكن جدا يقول لي كلامك ده غلط ويمشي علي كده أو يقدم وجهة نظر مغايرة علي العين والراس ، لكن اساءات وإهانة وتلقيح جتت وســــخـــف زي ده ما كان في داعي ليه ، بعدين يا محمد فرح والله أنا مخصوص إتعمدت أتفادي الرد عليهو لمدة يومين عشان يجي يمسح كلامو ولا يعدلو ، لكن عمك ده شكلو ما بحس ودمو بقري وكمان قليل أدب وحقار ، لكن علي منو؟
الله غالب بس!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
يا كرتونة ون :
إنت شكلك من شدة ما معقد كل ثانيتين لازم تجيب لينا سيرة لندن وإنك قاعد في لندن ، لندن دي كمان شنو؟ لامه العقرب والدبيب وخشاش الأرض ، يعني لو رفعت لندن تلقي تحتها واحد طوبة ولطخ زيك كده ، وكل ثانيتين شابكنا اللورد قال والملكة قالت وناس بريطانيا ولندن ونحن في لندن ولندن ولندن ولندن ، ياخي إنت كنت مجدوع في أبو جبيهة زيك وزي أي جيفة ، فما داعي للفنجطة والعبط البتعمل فيهو ده ، شنو يعني قاعد في لندن ، خلالالالالالالاص يعني ، إنت قايل البني آدم قيمتو بالمكان القاعد فيهو ولا شنو؟
أصحي يا سيد كرتونة وشوف العالم وصل وين!
إيه العالم دي؟ من أين أتي هؤلاء؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
يا كرتونة ون : شعارك بتاع العوج والكلام الفارغ ده غيرو ، وأعملو كالآتي :
العديل رأي أنا ، والعوج رأي غيري.
بعد داك ممكن تجي تفجخ طماطمك وتعوس عواستك وشوف لو في ز ول سألك تاني.
الحاجة الما بتقدر عليها البوديك تتشوبر شنو؟ مالك ومال القراية أم دق يا سيد كرتونة اللندني؟
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
لندن دي أنا شفتها ، كووووووووشة بس مقارنة بباقي مدن العالم ! مطار هيثرو ده عامل زي الملجة بتاعة حلة كوكو ، وســــخـــان وسجمان حاجة كده تخجل ، بعد ده كلو سيد كرتونة ده ماعط الناس بي لندن لندن ولندن ولندن وأنا في لندن وياخ لندن ، عمكم ده معقد عقدة كعبة خلاص والزول لما يصل العمر ده تاني عقدة زي دي ما بتفك أبداُ. لكن عمكم ده من أبو جبيهة رموهو في لندن ومن ديك وعييييييييييييك! الصدمة الياها!!
أرحمنا يا "كرتونة ون" من سيرة لندن والهطل والهراء الإسفيري ده ياخ!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
Quote: يوسف الولي منتظرين قصتك بي فارغ الصبر |
والله يا محمد فرح حتحتار شديد لمن تعرف قصتى مع هذا الشخص .. لانها محيرانى انا زاتى لى هسى والموضوع مشربك شربكه خيط كان فى يد كديسه ..فلم هندى عدييل طلعونى فيهو الخائن والمجرم والهارب يا خى خال بت صلاح ده اغرب زول لاقانى لى هسى بس اصبر على شويه ... ستبدي لك الايام ما كنت جاهلا ويأتيك بالأخبار ما لم تزود..
| |
|
|
|
|
|
|
Re: صلاح إدريس علي كل شئ قدير! (Re: يوسف الولى)
|
Quote: بس اصبر على شويه ... ستبدي لك الايام ما كنت جاهلا ويأتيك بالأخبار ما لم تزود.. |
حقيقي ياأخ يوسف شوقتني جداً للقصه بتاعتك دي أتمنى بس إنو إنتظاري مايطول
مؤونة عام من الود
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
يا كرتونة ون :
بالله تعال أدينا محاضرة عن الشعار بتاعك بتاع العوج وكلام المنطقة الصناعية والشاسيهات ده ، عشان نتعرف علي فهمك في الدنيا شنو؟ والشعار ده ذاتو لفحتو من ياتو منطقة صناعية؟ ومنو الورطك فيهو بدون ما يوريك المعني بتاعو شنو؟ تعال يا بتاع أبو جبيهة يا الكنت من النبلاء في السودان ولم تتقطع بك السبل فأنتهيت بلندن التليده؟
تعال يا شايل المنقة ، يا لون المنقة ، وزي ما عارف ، كيف نحن بنشقي!! تعال رب الفن تعاااااااااااااااال!!
تعال يا بتاع العديل رأيك ، واللعوج رأي غيرك تعال!!
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
المدعو كرتونة ون :
(العوج رأي والعديل رأي)
وعايزك تتخيل الشعار رايح جاي علي طريقة توم آند جيري , لأنو شايفك عاملو متحرك , وأكيد كون الشعار يكون متحرك بيكون وراهو مغزي ومضمون عميق , لأنو شايفك طارح نفسك كزول عميق عمق شديد وزول معاط بدرجة إمتياز لندني... وكده! شعارك بتاع المنطقة الصناعية عايز هنا في البوست ده أعمل ليهو تشريح إسفيري عشان عزيزك القارئ يستفيد من عبقريتك , عشان إنت زول قاعد في لندن ...... وكده!!
عليه سأقوم بتوجيه الأسئلة التالية : -
| |
|
|
|
|
|
|
Re: صلاح إدريس علي كل شئ قدير! (Re: Mohamed Abdelmotalib Hassan)
|
عزيزي القارئ ، وعزيزتي القارئه :
كان القصد من هذا البوست توصيل وجهة نظر تخصني عن صلاح إدريس إتفق معي فيها كثيرون ، دون توجيه أي تهمه له ، بل كانت وجهة نظر لشخص طرح عمله للجمهور كملحن وكعازف ومغني وصحفي ..... الخ ، كان من الممكن جداُ لكل من يخالف وجهة نظري أن يعبر عن ذلك الرأي دون المساس بشخصي.
علي كل حال وتقديراُ للمحترم خالد المحرب ، ولكثيرين ، هذه آخر مداخلة لي في هذا البوست.
| |
|
|
|
|
|
|
|