|
حكاية مازن ولجنة الاختيار الولائية بولاية الخرطوم
|
بالامس كانت امتحانات القدرات للمتقدمين لوظائف ولاية الخرطوم..الاسئلة كانت جيدة..وبها العديد من الخيارات..لكن بعض الاسئلة ذات الصبغة الدينية كانت شبه اجبارية..ولايمكنك تجاهلها..مهما حاولت..لم تكن صعبة لكنها من السهولة بحيث تجعلك تبدو غبيا رغما عنك.!!.
|
|
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مُحَمَّدٍ عِوَضٌ احْمَدُ)
|
وبعيدا عن الرقم الذى يحبه مازن..![](http://smilles.5d5l.com/smile_albums/fun/11.gif) خرج الشباب وعلى محياهم ابتسامات محيرة..بعضهم كان يقول ان الاسئلة تحتاج الى صحابى..او نبى مرسل للأجابة عليها..واحد يقول بالله سورة. الزلزلة دى موش ياها الفيها( اذا اخرجت الارض اثقالها)؟ وصلاة الاستخارة دى كيفنها والله بسمع بيها بس.ولا حصل عملتها!! غايتو الواحد اكان مايخاف يقول احنا نصارى..!!دا كلو ماعارفنو..؟
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مُحَمَّدٍ عِوَضٌ احْمَدُ)
|
جلس للأمتحان اباء.. انجبوا البنين والبنات ..ومامعروف ذاتو عرسو كيفن ..بلا شغل .. وآخرون على اعتاب الاربعين..تساقط شعر رؤوسهم..ولازالو يحلمون بالحصول على فرصة فى عوالم الحكومةالولائية.. الحاجة الحلوة انو الناس قريبين خالص من بعض..البجى دايش وماعارف محلو وقاعتو وين..يسوقهو لحدى مكانوا ويفتشوا معاهو فى البورد..ولما يلقا اسمو يرفع ايدينو فوق لمن تبين اى حاجة..ويجر نفس طويل.. ويقول ليك الحمدللــــــــــــــــه ياخ.ومنها يبداء يسأل...اها بالله انتو وزير المالية الجديد منو..؟ شكل الامتحان كيف..؟ منظمة الأمم المتحدة وين..؟
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مُحَمَّدٍ عِوَضٌ احْمَدُ)
|
الحوارت كانت تدور كالاتى.. جزء يمتدح فى خطوة الوالى..الجديد وحكومته الموقرة..فى منح كل هذه الجيوش الضخمة من العطالى فرصة..للحصول على وظيفة محترمة..ولو من الدرجة صفر..ايوه ياخ الزول ده كويس..وكان فى القدراف..خلاها جنة كمان..انتو بس اصبروا ياعالم..!! اها لجنة الاختيار دى ذاتها المرة جابا جنبو..وكل زول دق القسم..يعنى مافى واسطات ولا لولوة..؟ -ياخ ديل من 89 موش قاعدين يحلفوا..؟ - انتا والله شكلك البتكاجر فى اى حاجة وعامل معارض..طيب جاى لى شنو اوكتين اصلك ما مقتنع؟ - ياخ ما كتر علينا..يا عمك..فى ناس من دفعتنا اشتغلو قبل لايتخرجوا ذاتو.. -يازول اتكل على الله وماتحسد الناس..ديل ربنا سهلا ليهم.. -ربنا اى ونعم بالله..لكن الضهر برضو ليهو اثر ياعمك..! دنيا كاملة..وشجون وحكاوى مختلفةلا تنتهى عن مغامرات البحث عن وظيفة اتحادية او ولائية..مترجمين..سواقين فى مؤسسات غذائية..افراد امن فى شركات خاصة بشهادات بكالريوس ودبلوم ..تشكيلى يعمل فى بوتيك..بعضهم يثرثر..وكثيرون يكتفون بالصمت ..ماتسمع الا كشكشة كيس العمارى..وبس. .معاقين..بصور مختلفة.. منحت لهم الفرصة..جلسوا ايضا للأمتحان..وهى اكبر لفتة انسانية من لجنة الاختيار الولائية عموما كانت المعاملة جيدة..والمخاطبة من المراقبين فقط: بكلمة يا استاذ..وتم صرف كوب عصير بطعم مستساغ لكل خريج..اثناء الجلسة..التى امتدت لثلاث ساعات كاملة..
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مُحَمَّدٍ عِوَضٌ احْمَدُ)
|
Quote: قيل ان خريجا جامعيا متفوقا لم يحظَ بوظيفة في مديرية التربية والتعليم فبعث قصيدة الى مدير التربية يشكو اليه حاله قائلا:-
خريج جامعةٍ ببابكَ واقفٌ ***يرجو الوظيفة هل لديك وظائفُ حـرقَ السنينَ دراسةً وفلافلاً ***واذ تبرجزَ فالطعامُ نواشفُ تقديرهُ الممتازُ يشكو للورى ***فقرَ الجيوبِ و من قراركَ خائفُ
رد عليه المدير قائلاً : ـ ليسَ المؤهِّلُ يا فتى بشهادةٍ ***غيرُ الوساطةِ كلُ شيءٍ تالفُ تقديرُكَ الممتازُ لا يكفي هنا ***ان الحياةَ معارفٌ و مناسفُ انقعْ شهادتكَ التي احرزْتَها ***و اشربْ فانَّ العلمَ شيءٌ زائفُ |
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مُحَمَّدٍ عِوَضٌ احْمَدُ)
|
Quote: Quote: قيل ان خريجا جامعيا متفوقا لم يحظَ بوظيفة في مديرية التربية والتعليم فبعث قصيدة الى مدير التربية يشكو اليه حاله قائلا:-
خريج جامعةٍ ببابكَ واقفٌ ***يرجو الوظيفة هل لديك وظائفُ حـرقَ السنينَ دراسةً وفلافلاً ***واذ تبرجزَ فالطعامُ نواشفُ تقديرهُ الممتازُ يشكو للورى ***فقرَ الجيوبِ و من قراركَ خائفُ
رد عليه المدير قائلاً : ـ ليسَ المؤهِّلُ يا فتى بشهادةٍ ***غيرُ الوساطةِ كلُ شيءٍ تالفُ تقديرُكَ الممتازُ لا يكفي هنا ***ان الحياةَ معارفٌ و مناسفُ انقعْ شهادتكَ التي احرزْتَها ***و اشربْ فانَّ العلمَ شيءٌ زائفُ |
قصيدة مبالغة...
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: Haitham Elsiddiq)
|
محمد ازيك
والله قصة الوظائف الولائية والامتحان دى عايشتها مع اختى الصغيرة منال وصاحباتها من التقديم والوقوف فى الشمس يوم كامل عشان تصل صف التقديم وبعد ماتصل احتمال كبير يقولوا ليها فى ورقة ناقصة والبت تدخل فى صدمة وبكاء بعد عناء اليوم وشمس الهجير والرش بالموية التقول الدنيا رمضان بس لو وفروا ليهم خيمه تحميهم من هجير الشمس ، سيبك من الكراسى والموية غايتوا ، تعب وعناء اها انتهى التقديم وهاك يااتصالات ياستى مافى خبر ولاجديد الموضوع دى طول شديد لا لا انا سمعت بانه اللست جاهزة بس المعاينة دى ديكور ساااى لكن مالوا نمشى نجرب حظنا خلاص فترنا من الجرى وراء الشغل والله احسن نحن فى ناس لما اتخرجوا نحن ما دخلنا المدرسة واها اسه مقدمين معاناغايتوا قصة غريبة ااى والله انا قابلت ناس كتااار كبار ولسه ما اشتغلوا دى ماثورة التعليم العالى من غير تنمية ودى النتيجة
المهم ينتهى الحوار ويتكرر فى مواقع مختلفة
تظهر ارقام الجلوس ويبقى البحث والتفتيش كما زكرت انت ، التقول امتحان شهادة
قبل يوم الامتحان بالمساء انا شغالة اطلع معلومات من النت عن الادارة وعن وزراء الماليه وهاك يامعلومات عامة وقصصص ويجى الامتحان والطرائف والجرى والقصص ويبقى الامل عند الجميع ولكن الفرص لاهل الولاء والطاعة والبقية ...... يفتشوا ليهم شغلة ثانية من غير ....
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مريم عزالدين صديق)
|
Quote: والله قصة الوظائف الولائية والامتحان دى عايشتها مع اختى الصغيرة منال وصاحباتها من التقديم والوقوف فى الشمس يوم كامل عشان تصل صف التقديم وبعد ماتصل احتمال كبير يقولوا ليها فى ورقة ناقصة والبت تدخل فى صدمة وبكاء بعد عناء اليوم وشمس الهجير والرش بالموية التقول الدنيا رمضان |
حبابك يا مريم وربنا يسهل ومنال وصحابا كلهم ربنا يسهل ليهم..ولينا..وناس اللجنة اريتهم بس يتذكروا قسمهم المغلظ امام السيد والى الخرطوم... وبمناسبة الوقوف فى الشمس دى..احكى ليك.. قبل يومين كده مشينا قدمنا مع ناس Zain بالله الناس ديل مؤدبين ادب .والله لمن تحتار .المطرة كانت صابة دخولنا جوه..قعدو الناس ..وجابو لاى زول كباية موية ساااااااقطة وقطعة حلاوة..تخش الامتحان كلهم يشبكوك انشاء الله موفق تمرق من الامتحان يجى موظف يوصلك لحدى الباب..اى واحد طلع يقول ليك ان شاء الله ما يشيلونا ذاتو بس كفاية علينا التقدير ده..!! انا فكرت قلت ياخ هسى الحكومة دى لو عاملت البشر باحترافية زى الناس ديل مالوا؟ مالوا لو الموظف الحكومى استقبلك بى ابتسامة كبيرة كده...بدون مايلاقيك واخلاقو فى نخرتو.. .و مالوا لو وفرت المؤسسات الحكومية مكان محترم لأستقبال المواطنين..بدل ما تدقهم الشمس والكتاحة..؟ يعنى معقول تانى يجى زول يقول حاجة فى الحكومة وخدماتا..؟
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مريم عزالدين صديق)
|
Quote: قبل يومين كده مشينا قدمنا مع ناس Zain بالله الناس ديل مؤدبين ادب .والله لمن تحتار |
الاخ محمد سلامات ناس زين ديل مودبين صاح بس ابتساماتهم دى لانهم عارفين انو كل الناس الجالسة للامتحان دى ما ما بياخدو منهم واحد لانو اصلا صاحب الوظيفة بكون جاهز وعامل عليها ترينغ فى القسم المعنى بالوظيفة والناس ديل انا عندى معاهم بكلاريوس فى المعاينات من العام 2005
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: عبدالله الامين صالح)
|
Quote: الاخ محمد سلامات ناس زين ديل مودبين صاح بس ابتساماتهم دى لانهم عارفين انو كل الناس الجالسة للامتحان دى ما ما بياخدو منهم واحد لانو اصلا صاحب الوظيفة بكون جاهز وعامل عليها ترينغ فى القسم المعنى بالوظيفة والناس ديل انا عندى معاهم بكلاريوس فى المعاينات من العام 2005 |
مرحبا عبدالله.. والله اهم حاجة انو ناس زين و كثير من قطاعات البترول فى السودان..يجعلونكـ تشعر انكـ بشر.. ومعاملتهم للمتقدمين للوظائف..وحاتكـ تخليك..محتار..فى اللطف ده.. غايتو لو فى الاخر برضو عندهم خيار وفقوس وشيلنى واشيلكـ تبقى مصيبة بس معقول الأبتسامات الطالعة من البنوت السمحات ديل.. كاتمين وراها حاجات تانية..؟ ربك يعين بس..
| |
![Edit](https://sudaneseonline.com/db/blank.gif)
|
|
|
|
|
|
Re: حكاية مازن ولجنة الاختيار الولائية بولاية الخرطوم (Re: مريم عزالدين صديق)
|
Quote: محمد ازيك انت بالجد الناس ديل خبرهم شنو ؟؟ ولا تكون النتيجة ظهرت والناس اتعينت وانت ماجايب خبر
==== الوالى خليه مع البصات احسن
الدقيق والرغيف دى بنشيل همهاانا وانت ومحمد احمد الغلبان |
والله اخوكـ رفع البوست..قلنا امكن يكون فى حكومة هنا..ولا فى زول عندو خبر اكيد اصلو الجماعة ديل يا كافى البلا لا عندهم موقع فى الانترنت..ولا عندهم زول ممكن تسألو الا تشد الرحال يوماتى لـ سباق الخيل..فى الخرطوم..اهو لسه منتظرين وكل يوم بنشوف عناوين الاخبار فى التلفزيون وبنراجع فى الجرايد البايتة.. تحياتى لك.. وللأخت.. منال..وقولى ليها شيلى الصبر..بس
| |
![Edit](https://sudaneseonline.com/db/blank.gif)
|
|
|
|
|
|
|