|
|
|
 Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: عبد الخالق امن الله)
|
Quote: يا تراجي معليش
الناس بتكلمو عن زولة ما عندها باسويرد في المنبر
وما غلطت في زول
فما تحسبيها بنواحي تانية |
ما قلنا حاجه يا عبد الخالق
انا ما رفضت الادانات انا بس بوضح
ازدواج المعايير و السقوط الاخلاقي امامي شخصيا.
وانا لم كان بيكتب العبيط دكين لي يا ام ضراع
لم اكن اعرفه حتى؟؟!!ولليوم لا اعرف ماهي منطلقات خلافه معي.
يا عبد الخالق الاخلاق لا تتجزأ
لكن الجماعه الفيهم اتعرفت بس.
اها انت برضو زل جديد زي معاويه عشان كده ما بلومكم.
كلامي مع العضويه القديمه. بالذات مقنعي الكاشافات ديل!!
| |
 
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: Tragie Mustafa)
|
Quote: معاويه محمد فرح ما شغالين بيه كتير
بكرى ابوبكر ويييييييييييييييييييييييين،،،، |
شوف يا معاوية عمك صديق ده مما عمل عملية الازالة والحمدلله بصيرتو
عال العال ركزلنا علي بكري
ركز علي من قال فعل
انا مع حرية التعبير و لكن عندما تساء هذه الحرية يجب ان تكون
العقوبة صارمة و لا تقبل اعتذارات بدون جبر الضرر
رشا شيخ الدين لو في وزير ثقافة واعلام يفهم طبيعة عمله
تؤدي دور للسودان لم يستطع جيش الملحقين الاعلامين المدعوم
بالميزانيات المفتوحة تحقيقه
رشا شيخ الدين ثروة قومية و معلوم من معالم السودان يعرف
السودان بها في بعض اركان اللاتينية
| |
|
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: محمد عبد الماجد الصايم)
|
معاوية تحياتي .....
كتبت مداخلة طويلة في بوست (وهبة):
هكذا يتحدث الأمنجية عن الفن والفنانين (لعناية بكري أبوبكر)
ولما عملت Enter .... لقيت البوست (إتلحس)
وهذه مداخلتي في بوست عُمر الفاروق:
إلى المدعو محمد فرح .....
طُلب منك كثيراً أن توقف القرف الذي تلقي به وسط العالم.
إن رشا شيخ الدين، فضلاً عن حب الكثيرين لها، فهي شقيقة زملاء لنا في هذا المنبر، هم:
1) تماضر شيخ الدين.
2) هشام شيخ الدين (يا زول)
3) الصادق شيخ الدين (أبو مريم).
4) تبارك شيخ الدين.
إذاً فهي شقيقة لكل أعضاء المنبر (لا تحسب نفسك).
لم يتّخذ أمين الموقع تجاهك أي إجراء فيما قمت به من قبل، وكما فعلت من قبل، ستجدني متصدياً لك في كل بوست تفترعه أو مداخلة في بوست تحشر نفسك فيه.
الله يقرفك
| |
|
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: ريهان الريح الشاذلي)
|
تراجي مصطفى سلامات ....
ليس هناك إزدواجية في المعايير. إضافة لإنو المدعو محمد فرح هاجم شخص لا يملك عضوية هنا كما قال الأخوة، فهذا الكذّاب يمارس وباستمرار أسوأ الممارسات، وليس فيديو محرقة الشُلُك ببعيد.
إذا أساء لكِ شخص إساءة شخصية، لك كل الحق أن تردّي ومطالبة الآخرين بالوقوف إلى جانبك وإدانته. لكن هذا المحمد فرح ذهب أبعد من ذلك، وأساء إلى قبيلة بكاملها (الشلك) واستمر ينفث سمومه، فليس أمامنا سوى المطالبة بإخراجه من هذا المكان.
إحترامي
| |
|
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: انعام حيمورة)
|
يعنى عشان غنت يا سودان معليش حكموك ناس الجيش وفى قلب الخرطوم قلت أحسن تقول شكلها ما حلو , ياخى نحنا ما قلنا ليك أخطبها قلنا أسمعوها ( تسمع قيقم و شنان بركة محمد عثمان
قبل شهر تحديدا و فى أشهر الأسواق الشعبية بلندن ( بورتبيلو ماركت ) و الذى يحج اليه السواح من كل حدب و صوب كانت رشا هناك صوتها يداعب المارة و هم يتراقصون و يبتاعون تسجيلاتها فهى اذا سفيرتنا فى تلك العوالم التى تحتفى بالنغم و الجمال و تحارب القبح الداخلى. وعلى مستمعينا فى الهضاليم مراعاة فروق الحس.
| |
|
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: حبيب نورة)
|
زمان لمن كان زول يسيء لواحدة من بنات الحِلّة أو يشتِمها..
كُنا بنمشي ليهو مكان ماهو ساكن وبنناديهو ونمسِكوا نلطِّشو وبعد داك بنجي سايقنّو عشان يعتذر للبِت..
تعرفوا ما كُنّا بنلاوِز ليه؟ لأننا ومن خلال تجارُبنا وخبرتنا التراكُمية دي كُنا متأكدين من حاجة واحدة..
إنّو الزول البيسيء لى بِت أو يشتِمها أو يقِل أدبو عليها – مهما وهبه الله من بسطة في الجسم - دة زول خايب/ رجالتو ناقصة/ ما راجِل..
ودي حقيقة عايشناها ولا زِلنا..
وما كُنا بنعتمد رجالتو من جديد إلاّ بعد ما يعتذر للبِت قدّامنا..
فالمدعو محمد فرح يا يجي يثبت لينا رجالتو ويفتح بوست إعتذار للأخت رشا هِنا..
أو أنا واحد من الناس لو لاقيتو وجهاً لوجه في أي مكان في الدُنيا وعِرِفتا إنّو دة المدعو محمد فرح..
حأمسِكو ألطِّشو لحدّي ما يفهم حاجة..
والحمد لله عافيتنا الزمان لسة موجودة، ومع إنّو الزمن إتغيَّر كتير لكن ما غيَّر فينا كتير..
المدعو محمد فرح يجي يفتح بوست الإعتذار..
ويتحمَّل بالتالي كل البصق المتوقَّع من كل مَن طالته شظية غضب جرّاء كلماته القبيحة..
أو فلينتظر ويمشي جنب الحيط وليتأمّل متفحِّصاً الرايح والجاي في الشارع..
لأنّو حيتلطَّش حيتلطَّش لا محالة..
أنا والله ما حصل ليْ الشرف إنّي أتعرَّف على الأخت رشا أو أحد أفراد أُسرتها..
ولا هي بتعرفني ولا الأخت تماضر ولا أخوانها تبارك والمقداد وهشام والصادق..
من زمن وأنا بسمع عنّهم وعن أسرة الأستاذ الفاضِل شيخ الدين جبريل..
رغم إننا حالياً من نفس الحِلّة في الثورة الحارة السابعة..
والميزة دي براها بتديني الحق الحصري في إنّي ألطِّش هذا المدعو محمد فرح في حالة إصراره على عدم فتح بوست للإعتذار..
أنا ما حأتكلَّم عن توقفيفه أو إبعادو من المنبر..
لأنّو دة شأن إداري لا ناقة لي فيه ولا جمل وللأخ المهندس بكري فقط تقرير ما يراه مناسباً..
ربما كانت هذه الإساءة وهذا التجريح المتعمَّد في حق الأخت رشا سبباً جعلني أبحث عن أُغنياتها وأستمع لها للمرة الأولى..
وبقدر ما تألمت لذلك الكلام المُسيء في حقها وحق إخوتها زملاء المنبر ومعارفها وأصدقاءها والمستمعين لفنها..
بقدر ما أسعدني إستماعي لها ولفنّها لأول مرة..
ولم أستغرب، لأنها من أُسرة فنيّة محظوظة أُتيحت لأفرادها مساحة كافية من الجو الإبداعي لممارسة هواياتهم الفنية..
برعاية والدهم الأستاذ شيخ الدين في وقت لم تكن فيه مثل هذه المساحات مُتاحة للكثير جداً من أبناء وبنات ذلك الجيل..
لكِ منّي العُتبى والإعتذار أختي (بِت الحِلّة) رشا بِت شيخ الدين ود جبريل..
لكم مني التقدير والتحايا والإعتزاز أبناء وبنات الأستاذ الجليل شيخ الدين جبريل..
لا تلتفتي رشا لمثل هذا النقص.. لأنه من البديهي جداً أن يتعرض المبدعون في شتى ضروب إبداعهم للطعنات وربما للسب والشتم كنوع من التنفيس عمّا يجيش في نفوس هؤلاء المرضى من حسد تجاهِك أو ربَّما تجاه ما تحمليه من أفكار..
تذكَّري أن الناجح يرتقي درجات سلّم النجاح بكل سهولة ويترك تحته ساقط الحِس والذوق قابعاً يبحث عن ساقِط القول بين أكوام القمامة..
وتذكَري دائماً أنَّ مذمّة الناقص للمبدع هي الشهادة التي قال فيها الشاعر :
وإذا أتتكَ مذمّتي من ناقصٍ ...... فهي الشهادةُ ليْ بأنـّي كاملُ
فمحاربة كل ناجح هي مهمة كل ناقص وأن الشجرة المثمرة هي التي تُـقذف بالحصى..
وأخيراً..
إذا وقع الذباب على طعام ...... رفعت يدي ونفسي تشتهيه
ولا تردُ الأسود حياض ماءٍ ...... إذا كن الكلاب ولغن فيه.
عميق إحترامي
تحيّاتي معاوية وشكراً ليك
| |
|
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: معاوية عبيد الصائم)
|
سلامات يامعاوية
المحير فعلا نحنا بنحارب الظلال
في زول من شحم ودم وروح بيعمل
جنس العمايل البيعمل فيها
محمد فرح ومشاييع جهاز الأمن
دي أدوار مقسمة ومدفوعة التمن
يعني عمل لا يخضع لمعايير
الاخلاق والحس والضمير
اللائحة طويلة ولن ينتهي الهدر
الموجه للإنسان السوداني
الشريف من قبل هذه المنظمة
التي تتخفى كأفراد بيننا
الفنانة رشا شيخ الدين لا يهزها مثل
هذه التفاهات وأنا على يقين من
إنها تدرك تماما مصدر هذه
الرسالة الموجه على لسان
الظل المدعو محمد فرح .
التحية للمبدعة رشا شيخ الدين صوتا
نابضا بالفن والإبداع الذي يتجاوز
حدود الوطن ليتمدد على إتساع العالم
التحية لرشا الإنسانة التي تعبر عن
ملايين الغلابة والمقهورين وتنتظر
معهم بين كل الازقة إنتظارا لأمنا الشمس .
| |
|
|
|
|
|
|
|
|
|
Re: بوست واضح؟؟؟؟ كل زول جملة للشبح محمد فرح !!! اعتذار لرشا بت شيخ الدين!!!! (Re: معاوية عبيد الصائم)
|
أيها الجمع الكريم:
كل ما فتحت هذا البوست، وقرأت المداخلات التى به، تساورنى مشاعر وأفكار مختلطة ومعقدة. فالغضب والاحساس بالاستياء الذى نتج من جراء الحادثة كان مربكا لنا (اغلبنا) سوى كنا من الأسرة أو من أصدقاء الأسرة أومن قراء نابهين أو من معجبى رشأ أو من أعضاء فى هذا المنبر من الاشخاص ذوى الحساسية والشفافية تجاه الانسان.
اما أوضح هذه المشاعر بعد قراءتكم هنا فهو: الامتنان والشكر فلى منكم ( اعتقد أننى يمكن أن أنوب عن رشأ هنا وأفراد الأسرة اغضاء المنبر) ومنهم عظيم أمتنانى ومحبتى لوقفتكم الجسورة تجاه الموقف المسىء الذى أتى به هذا الشخص المعروف.
ولعلى أعطى نفسى الحق أيضا فى مصارحتكم بباقى الافكار والشعور المترتب عليها:
1- لماذا لم يزيل بكرى الاساءة والتى ظل البعض يعيدها ويدورها وهو مطلب بسيط قاله أحدهم فى وقت باكر؟
الاساءة ما زالت هنا وفى كل مرة يترتب عليها نفس الأذى.
2- ذكر المسيىء/المعتذر ان ردة فعله آتية من "موقفه السياسى". موقفه السياسى؟؟ وهل نحن فى حالة حوار سياسى؟؟
فالدولة فى يده والنظام والقانون والسلاح والمال وكل شىء، كيف نتحاور مع من يملك كل شىء؟؟ وبعد ذلك يرسل لنا هنا فى موطننا الحالم هذا من يناوشنا ويحط من قدرنا ونحن لانملك الا الذى نملك: الفن والكتابة؟
3- حتى الفن الذى ننتجه بتداولونه ويعجبون به ويسرون به عن أنفسهم ( لقد استمع للحلقة كما ذكر وأعجب بها)
4- الذى يأسرنى ويفتت قلبى هو "امه" أيتها الأم السودانية الجميلة دعينى أعنيك برسالة ...وأحترمك وأشكرك على اعجابك برشا ... وعلى وقتك الذى قضيته تتمتعين بأغانيها وأرسل لك معها تحية.
5- لأمى مثل تردده دوما " الاعتذر ليك يا خافك ياختشاك"...أى يجب أن تقبل اعتذاره وهو فى الحالين أضعف منك، هذا هو الشأن الذى يرهقنى. أحسست بضعف موقف المسىء جدا، خاصة وأننى عندما زرت السودان وجدت أولاد من الاقرباء، لهم بساطة الانسان السودانى الجميل، ولهم مودة ذوى القربى و صلة الرحم، تسألهم أين تعمل وتكاد تسقط مغشيا عليك عندما تكون الاجابة "امن النظام" ...هكذا كما يقول لك نجار أو ميكانيكى، وهو يداعب شعر طفلة أو يهز الثلج فى كوب عصيرالليمون. (يا راجل؟)
- المعايش ياخى والله تقولى شنو؟ والغريبة أن أغلب الناس لا يلقون بالا لهذه المسألة ولا تزعجهم.
كم عدد هؤلاء؟؟ وما أبعد استعدادهم للمضى؟؟ .......
مرات يجيئنى الظن بأن (مسيئنا) ، من هذه الشاكلة خصوصا بعد أن قرأت اعتذاره، اقصد من شاكلة " المعايش ياخى والله تقولى شنو؟" ويتفطر قلبى ...
فيا أهلى الكرام ...هنا
لن أقبل اعتذاره لوحدى ...فأنا هنا لا أتحرك وحدى ...ولكننى أحثكم على قبول اعتذاره ...وتفهم ظرفه ( الذى افترضته)، فلنستخير الفضيلة، ولنختار ما هو جميل.
لكنى أطلب من سيد الحوش المهندس بكرى بازالة الاساءة كليا من كل البوستات التى نزلت بها، وهو مطلب عادل جدا.
اضافة لتنفيذ العقوبة اللازمة عليه
( بلا أشباح)
لكم محبتى واحترامى.
| |
|
|
|
|
|
|
| |
معاوية عبيد الصائم
صديق الموج
Tragie Mustafa
عبد الخالق امن الله
Elmuiz Haggaz
cantona_1
Yassir Tayfour
ناصر احمد الامين
عبدالرحمن الحلاوي
osman righeem
doma
محمد عبد الماجد الصايم
محمد أبوالعزائم أبوالريش
ريهان الريح الشاذلي
معاوية الأرباب
البشير دفع الله
فدوى الشريف
طارق جبريل
Mustafa Mahmoud
انعام حيمورة
عزالدين طه
الامين موسى البشاري
حبيب نورة
علاء الدين صالح
mekki
محمد يوسف الزين
بخاري عثمان الامين
محمد عمر الفكي
Tumadir
فيس بوك
تويتر
انستقرام
يوتيوب
بنتيريست