الم يخيرونا كنوبيين بين الجنسية السودانية او المصرية عند بناء السد الهالك

الذكرى السادسة والثلاثين لاستشهاد الأستاذ محمود محمد طه منطقة واشنطن
مرحبا Guest
اخر زيارك لك: 01-18-2021, 07:55 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-30-2010, 06:33 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
الم يخيرونا كنوبيين بين الجنسية السودانية او المصرية عند بناء السد الهالك

    الم يخيرونا كنوبيين بين الجنسية السودانية او المصرية عند بناء السد الهالك

    فلماذا يفرض على الجنوبي اما الرحيل او نزع الجنسية السودانية؟؟

    وهم اصحاب ارض لآلاف السنين مثلنا تماما

    ومن هذا الذي يوزع صكوك الجنسية؟؟ آخر الوافدين!!

    محن
                  

09-30-2010, 06:38 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)

    الم يفرضوا علينا التشرد في المشروع الفاشل المسمى خشم القربة؟؟

    ولجأنا زرافات ووحدانا الى جمهورية الكلاكات المتحدة

    فلماذا لا يخير الجنوبي ايضا؟؟ بين البقاء في الشمال وبين الرحيل الى الجنوب

    ارض الشمال التي هي ارضه التي هي ارضه رغم انف الوافدين
                  

09-30-2010, 06:46 AM

Al-Shaygi
<aAl-Shaygi
تاريخ التسجيل: 11-16-2002
مجموع المشاركات: 7904

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)


    Quote:
    وهم اصحاب ارض لآلاف السنين مثلنا تماما

    وأكتر
    Quote:
    ومن هذا الذي يوزع صكوك الجنسية؟؟ آخر الوافدين!!

    ومن قبل وزعوا صكوك الجنة ووزعوها جنان وقصور وفلل بحسب الدرجة والهوى
    يعني شنو صكوك الجنسية دي...
    (الواجعني أنه ناس الجيش ما أدوهم فيها ولا حتى مساحة زنزانة،، ولا إنشاء الله قوف شماعة)...

    زمان أيام حرب الخليج ظهرت نكتة نسب للراحل د. عوض دكام بتقول أنه جا ماشي لقى ليهو واحدة بتبكي وقف سألها بتبكي ليه يا حاجة؟؟؟
    أشرت ليهو على واحد بي كرش ودقن،،، وقالت ليه الزول ده شتمني وقال لي يا خادم!!!!
    رد عليها د. عوض مطيباً خاطرها ،،، يا حاجة ديل شتموا خادم الحرمين ما دايراهم يشتموك أنتي؟؟؟؟

    وكل سنة وأنت طيب ونشوفك يا بن عوق بعد الأرشفة....

    الشايقي

    http://www.youtube.com/watch?v=WjNosdjuv7s

    فاوضني بلا زعل

    [email protected]
    http://alkatwah.com

    .
                  

09-30-2010, 06:54 AM

قلقو
<aقلقو
تاريخ التسجيل: 05-13-2003
مجموع المشاركات: 4742

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: Al-Shaygi)

    الأخ احمد ابنعوف ,
    Quote: الم يخيرونا كنوبيين بين الجنسية السودانية او المصرية

    صرنا كالمستجير من الرمضاء بالنار .
    كان يجب ان تكون النوبة جمهورية قائمة بذاتها .
                  

09-30-2010, 07:03 AM

ترهاقا
<aترهاقا
تاريخ التسجيل: 07-04-2003
مجموع المشاركات: 6914

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: قلقو)

    Quote:

    ومن هذا الذي يوزع صكوك الجنسية؟؟ آخر الوافدين!!


    الدخلاء على الوطن
                  

09-30-2010, 07:50 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: ترهاقا)

    اخوي الشايقي
    Quote: ومن قبل وزعوا صكوك الجنة ووزعوها جنان وقصور وفلل بحسب الدرجة والهوى

    وفي النهاية قالوا عليهم راحو فطيس ساكت

    Quote: يعني شنو صكوك الجنسية دي...

    ياها المصيبة الخدرا الاسمها شهادة الجنسية
    Quote: (الواجعني أنه ناس الجيش ما أدوهم فيها ولا حتى مساحة زنزانة،، ولا إنشاء الله قوف شماعة)...

    ياحليلك يا الشايقي، هو نان قالولك في جيش، انت ما سمعت عبدلارحيم محمد حسين
    بكورك قبل كم شهر وقال ما عندي عساكر وبنادي الناس للتجنيد

    Quote: زمان أيام حرب الخليج ظهرت نكتة نسب للراحل د. عوض دكام بتقول أنه جا ماشي لقى ليهو واحدة بتبكي وقف سألها بتبكي ليه يا حاجة؟؟؟
    أشرت ليهو على واحد بي كرش ودقن،،، وقالت ليه الزول ده شتمني وقال لي يا خادم!!!!
    رد عليها د. عوض مطيباً خاطرها ،،، يا حاجة ديل شتموا خادم الحرمين ما دايراهم يشتموك أنتي؟؟؟؟

    وما يفوتك الزول الكان بنبز في خادم الحرمين رجع وطلع في الكفر تاني

    وكل سنة وأنت طيب ونشوفك يا بن عوق بعد الأرشفة....
    Quote:
    Quote:
    قلنا نديهم حبة قبل الارشفة زي حبة قبل النوم ديك

    تحياتي

    æãä åÐÇ ÇáÐí íæÒÚ Õßæß ÇáÌäÓíÉ¿¿ ÂÎÑ ÇáæÇÝÏíä!!


    ÇáÏÎáÇÁ Úáì ÇáæØä
                  

09-30-2010, 07:55 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)

    العزيز قلقو
    تحياتي
    Quote: صرنا كالمستجير من الرمضاء بالنار .
    كان يجب ان تكون النوبة جمهورية قائمة بذاتها .


    وحدودها معروفة، من الشلال الاول (قرية ادفو جنوب اسوان ب 5 كبلومتر) الى سوبا

    ووكت خربانة خربانة ام بناية قش، حقو نشرع في المشروع دا فورا
                  

09-30-2010, 08:02 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)

    العزيز ترهاقا
    Quote: الدخلاء على الوطن

    ياهم ناس دخلوها وصقيرها حام

    باي حق في الدنيا يريدون نزع الجنسية من الجنوبي؟؟
                  

09-30-2010, 08:19 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)

    Quote: الم يخيرونا كنوبيين بين الجنسية السودانية او المصرية عند بناء السد الهالك

    وده برضو الحصل لِلمِصْرِيين الكانو في السودان ... خَيروهُم ... وبعدين النوبِيين الفي جنوب مِصر (أسوان) بِشكِلو تِلِتْنا والنوبِيين وأقباط مِصر هُم "مِصر" ما غيرُمْ ... وبين النوبِيين والمِصرِين حين جاء خِيار إخْتِيار الجنسِية لم يكُن بينهُم دِماء ... لكِن بين الجنوبِيين والشِمالِيين دِماء بدأت عام 1955م وإنْتهت عام 2005م وبلغت يَوم الناس هذا [2] مليون قتيل و[2] نازِح ومُشرد ومُضطهد ... لِذا إذا حصل الإنْفِصال -بِإذن الله تعالى- لابُد أن يكون إنْفِصال تام كامِل شامِل ، على الأقل في الفترة الأولى ، الهيجا الأولى ... الصدمة الأولى ... خُلعه البِداية ... بعدين لِقِدام نشوف حِكاية إزدِواج الجِنسِية وترتيب أوضاع الزيجات الحصلت بين الشِمالِيين والجنوبِيين وعُقود العمل والإسْتثمارات ... هكذا

    هسِع الشِمالِيين الدايرين "وحدة" ديل وبِكوركو الصباح الصباح "وحدة وحدة" "منقو لا عاش مَن يفْصِلُنا" "ماف جنوب بِدون شِمال وماف شِمال بِدون جنوب" أكان سألتُهم في زول فيكُم شاف الجنوب ... الجنوب الحقيقي خليها جوبا وواو والزِيارات الخاطِفة ، ناس [مشيت إسبوع كِده مع رابطة الكُلِية] لو سألتُهم بِتعرِف إسم أكله جنوبِية واااحدة ... أكلتها ... لو سألتهُم إنت مُتزَوِج جنوبِية ... في زول مِن أهلك مُتزَوِج جنوبِية ... طَيِب ياخ بِتعرِف ليك شِمالي بِالإسم مُتزَوِج جنوبِية ... خليهو ده في جنوبي مُتزَوِج واحدة مِن أُسرتك ... مِن عائِلتك ... كدي النَوسِع المسألة ... في جنوبي مُتزَوِج مِن قبيلتك ... هوووي ها هوووي ها إصلو "الوحدة" دي كيفِنها! قايلِنها نُصوص ومقالات وشِعارات ولا قميص بِتْلبِس ... الوحدة فِعل ... عمل ... نتيجتو : ثِمار بِنْحصِد ... ونحنا كشِمالِيين لا فعلنا ولا عملنا .. أكان دايرين نحصد ثِمار بعد ده ، تبقى دي عوارا حرم ساااي

    (عدل بواسطة عزام حسن فرح on 09-30-2010, 08:31 AM)

                  

09-30-2010, 08:07 AM

Al-Shaygi
<aAl-Shaygi
تاريخ التسجيل: 11-16-2002
مجموع المشاركات: 7904

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)


    Quote:
    ياحليلك يا الشايقي، هو نان قالولك في جيش، انت ما سمعت عبدلارحيم محمد حسين
    بكورك قبل كم شهر وقال ما عندي عساكر وبنادي الناس للتجنيد

    هو أصلاً عسكري لامن يدور العساكر

    حليل العسكرية
    زمن ضابط حرس الشرف البيكسر السيف في التحية!!!
    ولا البيشرط البوت لامن يقولوا ليه إنتبااااااااه....

    قائد يدخلوا ليه كم تاتشر من تشاد لغاية أمدرمان ودي سفرة أسبوع بالبر أقله...
    وبعد ده مرة يقول أستدرجناهم ومرة يقول ما مروا بنقاط الجيش !!!!
    لا أحسن يجوك في مكتبك في القيادة ويوقولوا ليك هاك أقبضنا؟؟؟؟
    جاتنا نيلا في حظنا الهباب

    الشايقي

    http://www.youtube.com/watch?v=WjNosdjuv7s

    فاوضني بلا زعل

    [email protected]
    http://alkatwah.com

    .
                  

09-30-2010, 08:55 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: Al-Shaygi)

    عزيزي عزام
    تحياتي
    كلامك كله على العين والراس، وان كنت انا نفسي ادعو للانفصال لكن لاسباب
    مختلفه تماما، فانا اريد لهذا الجنوبي الفكاك من الورطة الاحنا فوقا
    في الشمال دي.

    لكن اذا قرر الجنوبي اي جنوبي البقاء في الشمال لسبب او لآخر، لماذا
    لا يمنح حق اختيار الجنسية لاي دولة يريد، وين مبدأ حرية الاختيار للفرد
    الحر؟؟

    الجنوبي صاحب ارض في حوض النيل كما النوبي تماما صاحب ارض في حوض النيل

    نزع الجنسية سيخلق بلبلة لا ليها اول ولا آخر، فماذا يسعون لتأجيج الصراع
    عشان سيل الدم يبدأ مرة تانية؟؟ اي ابليس هذا الذي يسكن في دماغ هؤلاء

    اها قالوا لن يوقعوا مع الجنوب اتفاقية الحريات الاربعة الموقعة مع مصر اساسا
    طيب، ادوهم الحق دا على اقلو

    تحياتي
                  

09-30-2010, 09:16 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)

    Quote: نزع الجنسية سيخلق بلبلة لا ليها اول ولا آخر، فماذا يسعون لتأجيج الصراع
    عشان سيل الدم يبدأ مرة تانية؟؟ اي ابليس هذا الذي يسكن في دماغ هؤلاء

    اها قالوا لن يوقعوا مع الجنوب اتفاقية الحريات الاربعة الموقعة مع مصر اساسا
    طيب، ادوهم الحق دا على اقلو

    أحمد يا خوي إنت بِتفْترِض ليه إنو "الجنوبي" دايِر جِنسِية يِقعُد بيها في الشِمال وبِتفْترِض ليه إنو الجنوبي دايِر مع الشِمال "إتفاقِيات"؟

    البين الجنوب والشِمال دم [2] مليون قتيل وتاريخ طويل مِن الإسْتعْباد والإضطهاد والتهميش واللجوء والنُزوح ... ما أظِن في "جنوبي" عاقِل حيقبل بِالعَيش في السودان ما بعد الإنْفِصال ، بِأي شكل مِن أشكال الإقامات (إزدِواج جنسِية/عقد عمل ... إلخ) إذا كان الجنوبي مِن 1956 ولغاية يوم الليلة شاعِر -وده حقيقي- إنو مُواطِن درجة تانية وفي جُزْلانو في بِطاقة وجنسِية وجواز سفر وشِهادة ميلاد ، كلها بتثبِت وتقول إنو "سوداني" ظنك بعد الإنْفِصال والإنْعِتاق حيكون دايِرلو مع الشِمال جنسية أو إتفاقِية تِجارِية؟!
                  

09-30-2010, 09:45 AM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: عزام حسن فرح)

    عزيزي عزام
    Quote: أحمد يا خوي إنت بِتفْترِض ليه إنو "الجنوبي" دايِر جِنسِية يِقعُد بيها في الشِمال وبِتفْترِض ليه إنو الجنوبي دايِر مع الشِمال "إتفاقِيات"؟


    كلام زي العسل وفي الصميم

    انا ما بفترض، انا العلي بسويهو، بديهو (الحق) شاء من شاء وابى من ابى ان يقبل
    بجنسية الشمال او الجنوب او يلقي بكلاهما في اي ملف ويسعى جنسية ثالثة فهذا ليس
    شاننا

    والحق البديهو ليهو ليهو دا لا صدقة لا منحة، دا حق بدخل في تعريف الحقوق (الطبيعية)

    واظنك يا قريبي عزام تعلم تماما الفرق بين الحقوق الطبيعية والحقوق التي تمنح منحا
    اي محاولة لانتزاع حق طبيعي بيواجه بالقوة مباشرة، زي حق الحياة

    انا شخص ساعي لتفادي الدم يا عزام، الترحيل القسري عمره في اي بلد ما جاب غير الدم

    بعدين بعرف لي جنوبيين دايرين يقعدوا في الشمال بعد الانفصال، زاتو ما عندهم محل يمشوهو
    في الجنوب

    وبالمناسبة جزء من اهلي النوبيين اخدوا الجنسية المصرية، لانهم كانوا مقيمين بالقاهرة
    لزمن طويل قبل بناء السد العالي، فلمن جاء السد كان الامر تحصيل حاصل بالنسبة ليهم
    ففضلوا الجنسية المصرية طالما هم خلاص هاجروا من بدري، ما امكن نفس الوضع ينطبق على
    بعض الاسر الجنوبية في الشمال
    تحياتي
                  

09-30-2010, 09:56 AM

ناصر المحسى
<aناصر المحسى
تاريخ التسجيل: 12-30-2009
مجموع المشاركات: 7262

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: أحمد ابن عوف)

    Quote: ومن هذا الذي يوزع صكوك الجنسية؟؟ آخر الوافدين!!


    دجاجة الخلا تطرد دجاجة البيت
                  

09-30-2010, 02:04 PM

Medhat Osman
<aMedhat Osman
تاريخ التسجيل: 09-01-2007
مجموع المشاركات: 11207

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الم يخيرونا كنوبيين بين الجنسية السودانية او المصرية عند بناء السد الهالك (Re: ناصر المحسى)

    عزيزي احمد سلام
    .
    .
    .
    النوبين اصل والجنوبين اصل في وادي النيل....

    التقي الزعيم جون قرنق بفنانه المفضل الزعيم محمد وردي وتبادلوا القفشات والابتسامات.
    بس شوف الناس الحاقدين البي وراهم ديل عايزين يبكوا كيف من هذا اللقاء المميز.


    werdisudangrang.jpg Hosting at Sudaneseonline.com
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de