|
Re: DKEEN يُوسِع الشيطان رجماً. (Re: walid taha)
|
الحمد لله كثيرا الذي يسر لنا السبيل فادينا الفريضة..
وياوليدطه والله الحجة دي ماكانت في البال.. قبل يومين فقط من عرفة قتا في نفسي ياخي الحج المبرور قالو ماعندو جزاء إلا الجنة.. وسبب واحد يخلي حجتنا غير مبرورة مافي وانا زول فاضي لاعندي مرة تبقى لي في رقبتي ولاعندي اولاد اخاف عليهم من نوائب الدنيا بعدي.. والعيد طالما حتقضيهو بعيد من امك فما حتفرق في اي مكانٍ قضيته... قمتا كتبتا وصيتي وشددت الرحال متوكلا على الحي الي لايموت..
وزي ماشفتا من يوم نويت وكل شي تيسر بعون الله.. السيارة والرفقة والطريق والجبال والبرد..
كانوا مسلمين كتار..وكانت حجة ميسرة.. ربنا يتقبل مننا ومنكم صالح الاعمال..
عقبالكم ياشباب..
وليد قالوا البحج وعليهو ديون حجتو فيها كلام.. ولذا كانت من ضمن الوصية انو قسمتا القروش العندي في البيت كيمان كيمان كوملي الوالدة وكوم لي الوالد وكوم لي الغالية سداد دين مقيم وكوم سغير حرباشات ديون غير هالكة..وكوم مصروفات نقل الجثمان الى مقبرة الاجداد (كلتوس) في شمال السودان.. وكوم ليك تفك بيهو زنقتك الابت تنفكا دي.. اها هسي رجعنا سالمين.. يعني حظك كعب بصراحة.. لوكان متا في حجتي دي والله كان وصلك خير عميم..
| |
|
|
|
|
|
|
Re: DKEEN يُوسِع الشيطان رجماً. (Re: walid taha)
|
السنة الفاتت في مثل هذا الوقت كانت الاخت بت الاحفاد قداكملت حجتها وعادت الى بلادها
اها قامت اتزوجت السنة دي ... قتا كدي النحج يمكن بعديها بي سنة نعرس..
ولاإله إلا الله وفي امان الله
| |
|
|
|
|
|
|
Re: DKEEN يُوسِع الشيطان رجماً. (Re: DKEEN)
|
Quote: السنة الفاتت في مثل هذا الوقت كانت الاخت بت الاحفاد قداكملت حجتها وعادت الى بلادها
اها قامت اتزوجت السنة دي ... قتا كدي النحج يمكن بعديها بي سنة نعرس..
ولاإله إلا الله وفي امان الله |
حاج دكين
حجا مبرورا و سعيا مشكورا لكن ذنبا مغفورا ما ظنيت تحصل ... ذنوبك كلها من لسانك و كيبوردك المطلوقات ديل.. لكن لذاذ
بت الاحفاد ساعدت حجتا بالاخلاق و الملافظ الكويسة اها ديل انت تجيبم من وين؟
ما دام الحج بجيب العرس كان تسوق معاك المدعو تمبس ... من البورة لما عفن ذاتو
رجم الشيطان؟ اول مرة اسمع بي زول يرجم نفسو
سلام يا حاج
| |
|
|
|
|
|
|
Re: DKEEN يُوسِع الشيطان رجماً. (Re: walid taha)
|
دكين أمبس كل عام وانت بالف خير و القابلة تااانى عرفة .. أو كلتوس ربنا يتقبل سعيك و طوافك و دعواتك خالصا لوجهه الكريم ويغفر ذنوبك
............ بالمناسبة ..
ان شاء الله تكون دعيت لينا .. عندى احساس انو دعواتك مستجابة ما عارف ليه ...؟؟
و عام سعيد
| |
|
|
|
|
|
|
Re: DKEEN يُوسِع الشيطان رجماً. (Re: walid taha)
|
حجّـاً مبروراً و سعيــاً مشكــوراً و ذنبا مغفوراً و تقبل الله طاعـاتـكــم يا دكين.....
شنكل :
لمن فلعتو ما طلع ليك ظااااطو وردمك بالحجار وقال ليك هانت الزلابية حتى إنت داير تفلعني
| |
|
|
|
|
|
|
Re: DKEEN يُوسِع الشيطان رجماً. (Re: Sayed Bekab)
|
دكين يا اخوي حج مبرور بٌإذن الله. الجماعة حاسدينك في حجتك، ودي من علامات القبول والصلاح.
شنكل مستلف من ناذر:
أنتو يا اخوانا الفوق كلكم أنسعلكم: دكين ده مالو؟ سوا شتو في الدنيا دي ؟ كده اليتطوع واحد يقول لينا البني آدم ده من ياتو صنف من أصناف البشر؟ شمار ساي كدي نعرفه للدنيا والزمان.
دوموا بخير..
محمدنور
| |
|
|
|
|
|
|
Re: DKEEN يُوسِع الشيطان رجماً. (Re: تولوس)
|
دكـــــــــــين بالأول كل سنة وانت طيب وربنا يحقق جميل الأمنيات وحجا مبروراً وسعيا مشكورا أما بعد الإنسان السودانى له أربع ساعات مفصلية-على حسب ظنى الكثيره إثم- ساعة يوم ميلاه، ساعت يوم زواجه، ساعت يوم حجه، وساعة يوم مماته.. أها انت بحجتك دى (جُطت) لى تسلسل برنامج المنشأ والممات كونك تقدم الحج على الزواج ____________ وانت بترجم فى الشيطان ، كان إحساسك شنو؟؟؟ يخُيّل لى يا دكين إنك رجمته مع كثير من الرحمة
| |
|
|
|
|
|
|
Re: DKEEN يُوسِع الشيطان رجماً. (Re: محمد نور أحمد)
|
دكين تلقى الشيطان قال ليك حتى انت يادكين
ياداخل هذه الدار صلى على النبى المختار.. ومدخل حوش الطين مضروب الجير.. والنسوان طالعات مارقات.. وشايلات الطواقى والسبح وموية زمزم فى ظرف ابيض... شفت حجك دا ناقص كيف
يامؤمن مبروك...
| |
|
|
|
|
|
|
|