عبد المنعم سليمان..!!

Quote: ربنا يديك الشقق ويبعدك من الشبق

)..
ده طرفي منها ليوم الدين..

وعشان كده نادينا زولكـ [الأفرنجي] القايمة أنفاسو كتاحة شيتاً نبز على الكل..
وشيتاً غايتو لهسعي ما عارفو تفريغ ولا الفيكـ بدر بيهو..
وما عاجبو العجب ولا الصيام في رجب..
دايرنو يهدى شوية..
ويجي يخد مدماكـ صبر عشان نعرف نتكلم معاهو..

لكن منعم بحكاية الشقق دي..
غايتو عرفنا البير وغطاها..
من الله يا منعم..
ربي وربكـ ورب كل شيء..
القادر ومريد مالكـ الكون الفسيح ده يا صاحبي تقوم تطلب لي شقة بس..
صحى الضيف ما بدور الضيف..
ونحن في الدنيا الفانية دي كلنا ضيفان..
ياخي كان تطلب لي حاجة قصر..
إن شاء الله قال ليكـ أرض فضاية ساكت وأبني لي فيها راكوبة..
والأرض عرض..

أو على الأقل أطلب لي من الله القادر ومريد فلة بس..

وإنت عارف إنو دعوة الأخ لأخيه على ظهر الغيب مجابة..
وبعدين تعال النص بالنص..
وحب لأخيكـ كما تحب لنفسكـ..
والمبادئ السامية ديكـ..
والأحلام العريضة بحجم الدنيا..
والواضح ما فاضح..
عشان ربنا يديكـ ويدينا..

بدون مكاواة..


قول آمين..

Quote: أهل الكتاحة يمتنعون..

Quote: حقيقة نحتاج الى محاورة الأخ منعم حول بعض المصطلحات والإيضاحات بعيداً عن الجو المشحون بالكتاحة خطوة بخطوة.

والكلمة الطيبة صدقة..

Quote: Quote: أهل الكتاحة يمتنعون.. اخاف اكون من اهل الكتاحة

يا راآآآآجل..