|
Re: بدون زعل أو عنصريه .. يا ناس (الأنقاذ) .. وناس (منى) .. مالكم على أم درمانا ؟؟؟ (Re: تاج السر حسن)
|
عايز اقول كأحد ابناء ام درمان الذين تضرروا نفسيا من هذا الحادث .. انا لا افهم مثل هذه الأتفاقيات التى تسمح لمواطنين بحمل سلاح داخل الأحياء ويخرجونه فى اقل خلاف أو مواجهة تحدث .. انا لم اوقع على اى اتفاق بهذا الشكل .. وانا ضد تعيين 1000 مساعد رئيس جمهورية بل ضد من عينهم نفسه .. !!
لكن !!
ومهما كان الأمر مر كطعم العلقم ومع كل اعتبار لهيبة رجل الشرطه . وهيبة رجل الشرطه البعض لا يهتم بها بل يهتم بملء الجيوب حتى لو ساعد فى هروب (مجرم) !!
لكن هل كان من الصعب التعامل مع تلك الحاله بعمل (كردون) على البيت ومحاصرته حتى يتم القبض على من بداخله اذا كانوا مخطئين ؟؟
الم نرفض من قبل قتل ابناء صدام حسين وحفيده وما ادراك ما صدام حسين وابنائه ، على ذات الطريق الذى قتل به اتباع (منى)، كانوا معتدين ومخطئين أم لا ؟؟
لكن برضو ؟؟
ما لقيتو الا أم درمان .. من ناس ديل .. وناس ديل (وااسفاى)؟؟
| |
|
|
|
|
|
|
Re: بدون زعل أو عنصريه .. يا ناس (الأنقاذ) .. وناس (منى) .. مالكم على أم درمانا ؟؟؟ (Re: تاج السر حسن)
|
شكرا أخى/ خالد هذا خليل فرح أبن (حلفا) .. جاء منها وكتب أعظم اشعاره فى أم درمان.
Quote: ويح قلبي الما انفك خافق فارق ام درمان باكي شافك يا ام قبائل ما فيك منافق سقى أرضك صوب الغمام في يمين النيل حيث سابق كنا فوق اعراف السوابق الضريح الفاح طيبه عابق السلام يا المهدي الامام من فتيح للخور للمغالق من علائل ابروف للمزالق قدله يا مولاي حافي حالق بالطريق الشاقي الترام |
وكتب:-
Quote: اذكر بقعة ام درمان وانشر في ربوعنا امان ذكر يا شبابي زمان، دارنا ودار ابونا زمان وفيها زمان جدودنا كمان ما ننساك خلقه ضحان، جنه وحور حماك أمان بطرى الأسسوك زمان، كانو نحاف جسوم ما سمان كانوا يحلحلو الغرمان يساهروا يتفقدوا الصرمان كانوا جبال تقال ومكان، نزلوا اتربعوا الأركان
|
وكتب:-
Quote: في السودان فتيح معروف، ولسه ابعنجة خوره سروف ودنوباوي زول معروف، باقي وديك مشارع ابروف |
| |
|
|
|
|
|
|
Re: بدون زعل أو عنصريه .. يا ناس (الأنقاذ) .. وناس (منى) .. مالكم على أم درمانا ؟؟؟ (Re: تاج السر حسن)
|
وهذا الشاعر ابن (أم درمان) من حى (بيت المال) والرياضى المطبوع (الفاتح حمدتو) كتب فيها:-
Quote: عشقنا ترابا يا سودان زرعنا أمامنا في الأركان رسمنا حروفا بالألوان و كنا وكانت أم درمان عزيزة و غالية يا أم درمان
شعار شلناهو جيل عن جيل شعار ما بقبل التأويل سلام ممزوج بموية النيل بنور قرآنا و الإنجيل كتبنا فصولو في أم درمان
بديتي الوحدة بالأرحام و كنتي منارة الإسلام قبايل نحن عشنا كرام مع الأقباط هنود و شوام قسمنا اللقمة في أم درمان
و نهر النيل سعيد لاقاك وكان يا أم در بدايتو معاك نتوه في الدنيا ما بننساك و نرجع تاني ليك نرعاك نصون العشرة يا أم درمان
شتات الفرقة طعمو مسيخ أريت لو يرجع التاريخ تقيد نيرانا قبة و شيخ هلالنا يعانق المريخ نقول للدنيا دي أم درمان
تكون جلستنا جنب النيل تدق النوبة حمد النيل نشيل ألواحنا للترتيل و نمشي هناك نقيم الليل نضوق العافية في أم درمان
حضنتي خليل وود بطران وفيكي كرومة عاش فنان طربتي مع الأمين برهان و صوتك عم كل مكان إذاعة تقول هنا أم درمان
سلام للرقدو في البكري أمان في شرفي من بدري تروم ارواحنا ما بندري و ريدتك في العضام تسري محبة شديدة يا أم درمان
سلام يا أم در عظيمة الشان سلام يا أم در أرض شجعان سلام يا أم در كرم حيشان سلام يا أم در عشا الضيفان سلام يحميكي يا أم درمان سلام ينجيكي يا أم درمان سلام يا درة السودان |
| |
|
|
|
|
|
|
Re: بدون زعل أو عنصريه .. يا ناس (الأنقاذ) .. وناس (منى) .. مالكم على أم درمانا ؟؟؟ (Re: تاج السر حسن)
|
الاخ تاج السر اعجبني سردك واصل واحكي عن امدرمان لا اسكت الله لك حسا بروف شوقي فقد ذبلت حكاويك قتيلة الشنطة ما اجمل السرد عندما يتالم القارئ للحديث عن الدماء ثم تنفرج اساريره بنكات تشق الصدر Quote: (السر السفيه) .. أحد ظرفاء دار الرياضة بأم درمان .. زول عكليته .. كان يعمل فى جامعة الخرطوم (عاملا) .. يسخر منه اصدقاؤه فى دار الرياضه بأم درمان قائلين له:- شغال 14 سنه فى جامعة الخرطوم .. لو كنت ( بتتاوق) بالشبابيك كان بقيت دكتور!! |
مثلك مكانه في حضن امدرمان انها مغص الزمان اكتب مرة اخري يعجبني اتجاه قلمك فقد حرك صداعي النصفي الي قلبي
| |
|
|
|
|
|
|
Re: بدون زعل أو عنصريه .. يا ناس (الأنقاذ) .. وناس (منى) .. مالكم على أم درمانا ؟؟؟ (Re: تاج السر حسن)
|
Quote: عايز اقول كأحد ابناء ام درمان الذين تضرروا نفسيا من هذا الحادث .. انا لا افهم مثل هذه الأتفاقيات التى تسمح لمواطنين بحمل سلاح داخل الأحياء ويخرجونه فى اقل خلاف أو مواجهة تحدث .. انا لم اوقع على اى اتفاق بهذا الشكل .. وانا ضد تعيين 1000 مساعد رئيس جمهورية بل ضد من عينهم نفسه .. !!
|
الاخ / تاج السر
سردك سرد المتمكن الماسك بقيثارة لغته .. لك الشكر على امتاعنا.
ام درمان في قلوبنا جميعا. نحبها كما تحبناوكما تحبونهايا ابنائها. انها السودان كله (انا امدرمان انا السودان)
اتفاقيات الاخوة الاعداء لا تحمل في ثناياها الا تدميرا للوطن ولترابط ابنائه. الدولة اي دولة مناط بها حفظ امن مواطنيها ولان الانقاذ حولت كل الاجهزة الامنية الى تابع للمؤتمر الوطني سنرى المزيد من سفك الدماء وسنسمع لعلعة السلاح.
معالجة الاجهزة الامنية لاي موضوع متعلق بحزب سياسي لا تخرج من كونها مصارعة بين المؤتمر الوطني والاخرين.
سؤالي: كيف نعيد للاجهزة القومية قوميتها؟
عفوا ان قلت لك دخل الجنجويد مدينة الفاشر واستباحوا اسواقها نهارا جهارا لعدة ايام ولم يتحدث احد عن امن المواطن الذي لا ينتمى للانقاذ ولا للحركات.
| |
|
|
|
|
|
|
Re: بدون زعل أو عنصريه .. يا ناس (الأنقاذ) .. وناس (منى) .. مالكم على أم درمانا ؟؟؟ (Re: Zoal Wahid)
|
العزيز / زول واحد تحية طيبة انت زول واحد ولا 1000 زول .. على وزن 1000 مساعد رئيس جمهوريه .. هسه فى زمتك لو كل مساعد رئيس فكر يمر ويسلم على باقى الزملاء بدون ما يقول أى كلمه.. اليوم كله بكفيهم سلام ؟؟
زمان فى أم درمان كنا بنسمع بمساعد حله .. ومساعد حكيم .. وكلمة مساعد دى ما فى زولها بقبلها .. وكانوا بشبهوا الزول الأضينه الأصلوا ما ممكن يتخذ قرار بذاته بأنه زى مساعد الياى عمرو ما يبقى (ياى) !!
| |
|
|
|
|
|
|
|