|
|
 تضامنا مع الزميل نيكول منديل
|
في يوم السبت الماضي خرج الصحافي نيكول منديل وهو صحفي يعمل مراسلا لسودان راديو سيرفس الذي يبث من نيروبي لتغطية احداث المهندسين
لكن نيكول لم يعد الي المكتب حتي السابعة مساء ,وقام بارسال رسالة عبر الموبايل يقول فيها (انا اتقبضت )وعندما حاولنا الاتصال به كان الهاتف مغلقا وبحسب صحفية كانت معه قالت ان مجموعة من القوات النظامية الذين كانو يرتدون (مبرقع بني)اقتادت نيكول الي مكان لم نتعرف عليه بعد رغم اتصالاتنا المكثفة
ومنذ اربع ايام ما زال نيكول مختفيا ولا نعلم الجهة التي اقتيد اليها
ما زال البحث جاريا لكن لا توجد معلومات عن (المبرقعين )الذين اعتقلوه
نيكول صحفي سوداني كان يعمل في نيروبي
اتصلنا باتحاد الصحافيين ولم يفعلوا شئ حتي الان ,اتصلنا بالحركة الشعبية وما زال مصيره مجهولا ,اتصلنا بالزملاء في الصحف الاخري لتكوين حملة البحث عنه
نصحونا بفتح بلاغ لكن نخشي ان نفتح بلاغا عند الجهة التي تعتقله حينها سيكون الامر مضحكا
|
|
 
|
|
|
|
|
|
|
|
Re: تضامنا مع الزميل نيكول منديل (Re: arif elsawi)
|
الزميل عارف الصاوي ، تحياتي
اذاعة سودان راديو سرفس تتبع للمعونة الاميركية ، هل تم اجراء اتصال مع ادارة الاذاعة
في نيروبي ، حتي تقوم هي كذلك بالاتصال ، معرفة القانون او المادة التي تم بموجبه تم الاعتقال ، واظن
ان التلفيق ممكن ان يتم ، توكيل محامي من الذين يشتغلون في قضايا الراي وحقوق الانسان
نعلن تضامننا مع الزميل زالصديق العزيز نيكول منديل
| |
|
|
|
|
|
|
|
|
|
Re: تضامنا مع الزميل نيكول منديل (Re: arif elsawi)
|
نطالب بمعرفة مصير هذا الصحافي
واطلاق سراحه...دون تقيد او تاخير او شرط
كما نرجوا عند القبض على الصحافين اخطار النقابة فورا
(لو كان لابد من قبضهم)
وعلى النقابة ايضا ان تتحرك فورا وتخطر مراكز حقوق الانسان..
وتعين محامي له..
مافي حاجة مضياعكم يا الصحافين غير انكم اكوام اكوام..
والتحية ليك يا عارف..
وخلينا متابعين بالله..
| |
|
|
|
|
|
|
|
|
|
Re: تضامنا مع الزميل نيكول منديل (Re: Muna Khugali)
|
الزملاء الاعزاء
طبعا ما ممكن تتخيلو الخزي الذي قابلت به كثير من الجهات اعتقال الصحفي نيكول
اولا هو تم اعتقاله اثناء تادية واجبه وطوال اربع ايام نحن نبحث عنه دون ان نعرف الجهة التي اعتقلته وحتي الشرطة فسها انكرت اعتقاله في البداية ثم قالت انها لاتعرف شئيا عنه
وزي ما قلت ليكم اتصلنا بجميع الجهات التي يمكن ان تساعدنا في البحث عنه لكن دون جدوي وهاتفه مغلق
امس فقط اكدت لنا زميلة من صحيفة اخر لحظة انها كانت معه حينما اقتادته الشرطة ولم نعرف مكانه الا صباح اليوم
حيث قمنا بزيارته لكن المسؤولين رفضوا لنا مقابلته
_________
الزميل مصطفي سري
طبعاجاءنا اتصال من زملائه في نيروبي ومتوقع حضور وفد من هناك اليوم حسب معلومتي متوقع وصول تانزا واخرين
فيما يخص المامين لم نتحدث معهم الا اليوم لسبب بسيط نحن كنا قلقين علي مصيره خصوصا ما عارفين الجهة التي اعتقلته
__________
شئ اخر اخبرنا مسؤول في الامن تابع للحركة الشعبية ان الشرطة قالت انه كان يصور في مكان احداث المهندسين وحسب معلوماتي ان نيكول ليس مصورا ولا اعتقد انه كان يحمل كاميرا
بالمناسب يا دكتورة بيان ,موضوع النقابة ده قصتو عجيبة ما تتصوري كانوا بتلاعبوا كيف تسال زول يقول ليك كلم فلان تمشي لفلان يقول ليك والله احسن تتكلم مع فلان ,,,,وغايتو قصة عجيبة
التضامن مستمر ولا يجب نترك الامر هكذا
بالمناسبة حتي اسرة نيكول هنا في الخرطوم لم نجد طريقا لها وهذا عيب بس خلوها (الخجل يقتل )
| |
|
|
|
|
|
|
|
|
|
Re: تضامنا مع الزميل نيكول منديل (Re: arif elsawi)
|
| Quote: بالمناسب يا دكتورة بيان ,موضوع النقابة ده قصتو عجيبة ما تتصوري كانوا بتلاعبوا كيف تسال زول يقول ليك كلم فلان تمشي لفلان يقول ليك والله احسن تتكلم مع فلان ,,,,وغايتو قصة عجيبة |
ربنا يقويكم بس رصوا البنيان وساوا الصفوف
وشوف لو زول يهزكم تاني..
| |
|
|
|
|
|
|
|
|
|
Re: تضامنا مع الزميل نيكول منديل (Re: محمد حسين آدم)
|
طبعا المشكلة انو الشرطة فوق للقانون يعني ببساطة تعتقل اي زول وما تكون سعيدة مطلقا لو في زول سالا اعتقلتي لي
عشان كده المشكلة كبيرة
الحاجة الغريبة انو الزملاء الكانوا مع نيكول تم اطلاق سراحهم فورا وفي نفس اليوم ونحن بعد تلاتة يوم عشان عرفنا (مجرد العلم بالشئ )انو معتقل لدي الشرطة
بس ربك يلطف
________--بالمناسبة كان عندي قصة مفترض تنشر في الصحافة عن اعتقال نيكول وحاولت اسال ناس الشرطة قالوا ما عندهم معلومة بس ادونا لحدي بكرة نوريكم الحاصل شنو ,ناس الجريدة قالوا لو ما الشرطة اتكلمت ببقا التقرير ناقص وكلامهم صاح .............لكن تسال منو ؟؟؟؟
| |
|
|
|
|
|
|
|
|
|
Re: تضامنا مع الزميل نيكول منديل (Re: arif elsawi)
|
عارف
مساء الخير
امس اجرينا اتصالات مع الشرطة والتي اكدت وبواسطة ضابط بانه سيطلق سراحة
اليوم علما بانهم قد لفقوا له تهمة مقاومة السلطات والاخ رمضان الرائد
بالحركة قد بدا الاتصالات وبحضوري والاخت هنادي .
بلد تحير واتحاد تيتاوي يمكن ما سمع بالثصة من الاساس
والله يخزي الكيزان
| |
|
|
|
|
|
|
| |
مصطفي سري
Mustafa Mahmoud
bayan
doma
Elmoiz Abunura
Muna Khugali
محمد حسين آدم
عبد المنعم سليمان
فيصل محمد خليل
فيس بوك
تويتر
انستقرام
يوتيوب
بنتيريست