الأسلحة الكيميائية وحقيقة استخدامها في السودان في منتدى ميديكس للحوار
|
|
 وزير الدولة بوزارة الشباب والرياضة كان يتمنى فوز الزمالك
|
في الاستطلاع الذي أجراه التلفزيون السوداني عقب تأهل فريق الهلال على حساب
فريق الزمالك المصري مع السفير السوداني ورئيس نادي الهلال ووزير الدولة
بوزارة الشباب والرياضة محمد أبو زيد مصطفى وبعض الجمهور السوداني، وتم بث
الاستطلاع أمس في برنامج الرياضة ، صرح وزير الدولة بوزارة الشباب والرياضة
بأنه كان يتمنى فوز فريق الزمالك لأنه فريق كبير ولكن جاءت الرياح بما لاتشتهي
السفن.
لم أصدق في البداية أن من يتكلم يمكن أن يكون سودانياً بل ومسؤولاً عن أمر الرياضة
في البلد التي ينتمي إليها فريق الهلال ولكن هذا ما حدث وهو بالتأكيد يعكس قمة عدم
المسؤولية والفوضى من هذا المسؤول الأخرق الذي لا يعرف مسؤوليته ولا يجيد فن
الكلام.
من حق أي إنسان سوداني بصفته كمواطن أن يتمنى الفوز للهلال أو حتى للزمالك،
ولكن أن يتمنى وزير مسؤول عن أمر الرياضة في السودان بفوز فريق ينازله فريق
سوداني فهذه مهزلة وفضيحة كبيرة لأن الوزير تم استطلاعه بصفته الرسمية
لا بصفته الشخصية، ولا أدري لماذا لم يتم حذف هذا الكلام الأشتر من الوزير الأشتر
طالما أن الاستطلاع لم يكن مباشراً وكان يمكن تلافي مثل هذه السقطة.
بالله في كارثة أكبر من كده؟
|
|
 
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: ودالعباسية)
|
Quote: والله يا نصرالدين ،،،
عملة واضحة الراجل دا ،،،
والله خجلته ليه امبارح لمن شفته الاستطلاع ،،
لو لاحظته بتاع قناة العربية شال المكرفون من قدامة طوالى ،،،
انتو ما دام ما بتعرفو تتكلموا بتتضهبو مالكم ،،
زمن ،،، |
يا ود العباسية مراسل قناة العربية أدرك أن كلام الوزير شيء
لا يشرف وغير جدير بأن ينقل للمشاهدين لذلك لم يكلف نفسه عناء
الوقوف أمامه وسحب نفسه بهدوء..
لكن ماذا نفعل نحن مع التلفزيون السوداني؟..
وزي ما قالوا عش رجباً ترى عجبا..
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: Abdulbagi Mohammed)
|
Quote: يا زول ما في عوجة الهلال فاز
والحكمة
حلايب سودانية وكمان قطاع غزة |
الأخ الحبيب عبد الباقي
عندما اعترف أدروب بأنه سكران وشيوعي وزاد عليها بأنو حلايب مصرية
عذرناهو وقلنا دي طرفة منو وإنو السكران في ذمة الصاحي رغم إنو كلامو كان صاح
لكن والله ما ممكن نعذر وزير يقول ضمنياً بإنو حلايب مصرية
وهو في نفس الوقت ينتمي لحكومة ما زالت تصر بأن حلايب سودانية.
العزاء في انتصار الهلال...
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: ALGARADABI)
|
Quote:
الزول ده من ما اتعين اول مرة يتكلم للتلفزيون
أعذرو ياخ
ما لاقي فرصة مع عبدالقادر محمد زين و محمد يوسف
عشان كده لما جاتو الفرصة جلبط |
الأخ العزيز القرضابي
والله إذا كان كلامو بهذه الطريقة أفضل ليهو يسكت
وبعد ما اتكلم انطبق عليهو المثل القائل (صمت دهراً ونطق كفراً)..
عبد القادر ومحمد يوسف ناس بيعرفوا يخاطبوا الناس
والحمد لله إنو ما قاعدين يدوهوا فرصة..
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: الواثق الصادق)
|
Quote:
يا أخوي ديل وزراء التوالي ... لا فهم لا نضم ... |
تحياتي الأخ الواثق
طبعاً فهمنا التوالي مع الحكومة، لكن زولكم (سابقاً) خلانا وإتوالى مع المصريين
يظهر إنو الراجل ده متوالي شديد خالص.
| Quote: كسرة : طبعاً الزول دا أنصار سنة لكن تبرأنا منه بعد تحالفه مع الكيزان |
ليكم حق تتبرأوا منو، لو كان معاكم للآن كان حايتعبكم بالاعتذارات..
والله بصراحة الراجل بالغ كتير وعمليتو كانت واضحة..
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: معتصم عبدالرحيم)
|
Quote:
يانصرالدين مالك حاكيها شديد كده
الراجل سكران حتي النخاع بفوز الهلال
ماكنت شايفو متلخبط كيف ومش علي بعضه
لكن العتب علي ناس التلفزيون مفروض يمنتجو الحكاية دي |
الحبيب معتصم
صباح الخير بتوقيت هلسنكي
الوزير جنى على نفسو بكلام خارم بارم غير مسؤول
لا يصدر من إنسان عاقل ناهيك عن أن يكون وزيراً
هل معقول الوزير ده يكون سافر على حساب وزارة الشباب
والرياضة السودانية ليشجع فريق مصري يلعب ضد فريق سوداني؟
أنا والله خجلت ليهو..
نسأل الله أن يهدينا ويهديهو..
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: Faisal Fadhlallah)
|
Quote: الراجل الكبكابه ده خانو التعبير أنا قايل (كنت متابع للبرنامج)
والله أنا أراهن إنو الزول ده ما ناقش أبو النوم عن الكوره وكمان فوق ده كلو رهبة المايكروفون كان ليها تأثير عليهو.
بعدين ما يهمك يا نصر
الهلال أكبر من أن يتحدث عن أفراحه هكذا وزراء.
|
العزيز أبو باسل
عاطر التحية ومشتاقين يا أخي
لكن يا فيصل الكلام اللي إتقال مش كويس لا في حق الوزير ولا في حق الهلال
ولاحظ ده برنامج الرياضة ويوم الجمعة ممكن يكون أغلب الرياضيين شاهدوهوا
واستوعبوا واستنكروا ما قاله ولو عاوز يصلح غلطتو يعتذر بشكل صريح للهلال
ومشجعي الهلال.
وكما قلت الهلال أكبر من أن يتحدث عنه من هم على شاكلة الوزير المخلوع..
ما تطوّل الغيبة يا فيصل..
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: Hani Arabi Mohamed)
|
Quote: مصيبتنا في بلدنا كبيرة
ممكن الوزير يورينا الأسباب إلي اتمنى بيها هزيمة الهلال
في مباراة رسمية و دولية ؟ ؟ ؟ ؟؟ ؟
و ياتو أسباب ؟؟؟؟؟؟؟؟؟؟؟؟؟؟؟؟؟
دي ما عندها أي مبرر إطلاقا |
فعلاً يا هاني مصيبتنا كبيرة في البلد والقائمين عليها..
حتى لو الاستطلاع ده كان قبل المباراة والنتيجة كانت مضمونة 100%
لصالح الزمالك ، ما في سبب واحد يخليهو يتمنى فوز الزمالك
اللهم إلا إذا كان هو وزير الدولة بوزارة الشباب والرياضة المصري
وليس السوداني..
معظم المسؤولين السودانيين إذا تحدثوا تقول ليتهم سكتوا..
كتير ما نسمع الوزير أو المسؤول الحكومي يكون بيتكلم لأجهزة الإعلام
عن شأن بين السودان ودولة أخرى فيقدم اسم الدولة الأخرى على اسم
السودان بطريقة غريبة، فنسمع الوزير يقول العلاقات بين سوريا والسودان
أو التعاون بين السعودية والسودان وهلمجرا، مع إنو من الواجب أن
يقدم اسم بلده على اسم البلد الثاني..
لكن نقول شنو؟ كريم وأدى غشيم..
ولا اعتراض على حكمو..
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: Nasruddin Al Basheer)
|
الحبيب نصر الدين
اولا والله مشتاقين جدا
قربت انزل بوست اسال عنك
ومبروك انتصار الهلال
اولا الوزير ده انصار سنه
وجماعته زعلانين منو قالوا هم بتاعين اصلاح ما سياسه وحكم
اظنو خاف اتمنى فوز الهلال تتكتب ليه سيئه والجماعه كمان يمسكوها عليهو
وبعدين انصار السنه ديل بشوفوا الكوره دى ضياع زمن ساى وما فيها اجر
والله انتصار الهلال اهم لينا من وزارته زاتها
وده خليهو يودوه وزاره الدين زى ماقال جون قرنق
واصلوا الوزاره هى قاعد تعمل شنو وبتدعم الفرق دى بشنو
وعليك الله غير الهلال القاعد افرحنا شنو
جلال ناصر
| |
|
|
|
|
|
|
|
|
|
Re: وزير الدولة بوزارة الشباب والرياضة كان يتمنى فوز الزمالك (Re: جلال ناصر)
|
Quote: الحبيب نصر الدين
اولا والله مشتاقين جدا
قربت انزل بوست اسال عنك
ومبروك انتصار الهلال
اولا الوزير ده انصار سنه
وجماعته زعلانين منو قالوا هم بتاعين اصلاح ما سياسه وحكم
اظنو خاف اتمنى فوز الهلال تتكتب ليه سيئه والجماعه كمان يمسكوها عليهو
وبعدين انصار السنه ديل بشوفوا الكوره دى ضياع زمن ساى وما فيها اجر
والله انتصار الهلال اهم لينا من وزارته زاتها
وده خليهو يودوه وزاره الدين زى ماقال جون قرنق
واصلوا الوزاره هى قاعد تعمل شنو وبتدعم الفرق دى بشنو
وعليك الله غير الهلال القاعد افرحنا شنو
|
صديقي العزيز جلال
كيف وعساك والأولاد بخير
عرفت من أحد البوستات إنك كنت موجود في اليابان وبالجد افتقدت وجودك
في هذا الحوش الكبير، وأنا مشاركاتي قليلة نسبة لزحمة العمل عشان كدة
بتحسب في عداد الغائبين..
على العموم حمداً لله على السلامة وإن شاء الله ما تفقدك شينة..
ومبروك انتصار الهلال وعقبال مزيداً من الإبداع والعروض الفنية الراقية..
أنا في الأول افتكرت الوزير ما بفرق بين الهلال والزمالك، ولو الهلال
كان مهزوم ممكن نقول هو كان بقصد الزمالك وكلامو حايكون مقبول
لكن الهلال انتصر . بس إنت في النهاية جبت لينا حسن تعليل كويس وظريف.
الله يديك العافية يا جلال ويديم عليك انتصارات سيد البلد..
| |
|
|
|
|
|
|
| |
Nasruddin Al Basheer
abas
Abdulbagi Mohammed
ودالعباسية
ALGARADABI
معتصم عبدالرحيم
Hani Arabi Mohamed
جلال ناصر
الصادق صديق سلمان
Moawia Mohammed
فيس بوك
تويتر
انستقرام
يوتيوب
بنتيريست