|
|
 مشيت السودان وجيت ما فهمت اي حاجة
|
مافي اي انطباعات
ما عارف الحاصل شنو ؟
البلد كويسة ولا ما كويسة ما تقدر تقول حاجة؟
الناس جارية جري الحصين (بيقولوا) مفلسين وبيصرفوا في الملايين؟
الشباب الكانوا متعطلين في اللساتك بقو تاكلين في (الاتوس و الاكسنت هيونداي والجياد )
|
|
 
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
Quote: لانطباع الرئيسي انه في البلد في خمسة حكومات
المؤتمر الوطني حكومة
الحركة الشعبية حكومة
ومناوي حكومة
والـ UN حكومة
والبنات حكومة |
| Quote: بعد اتفاقية السلام اتوقعت انه الخرطوم تكون عاصمة قومية وانه اهل الجنوب والغرب يكونوا قوة بشرية كبيرة في العاصمة بس لقيت العكس تماما .. |
الحركة الشعبية وناس مناوى بقوا جراقيس جلابة ولا شنو!
جنى
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
| Quote: الناس جارية جري الحصين (بيقولوا) مفلسين وبيصرفوا في الملايين؟ |
الحبيب أساسي
والله فعلاً ده الحاصل ياأخوي
السودانيين بقوا يشتكوا الليل والنهار من ضنك العيش ورغم ذلك بصرفوا في الكماليات أضعاف أضعاف مابصرفوا في الأساسيات ياأساسي ... يعني الواحد تلقاهو ساكن في بيت مكسر ومشلع وإحتمال 90% الخريف الجاي مايثبت مع المطره وبعد ده يكون شايل موبايل تمنه ماأقل من مليون ونص ويكون بكشط في اليوم أكتر من تلاته إسكراتشات .....
الشوفونيه في السودان رهيبه ياأخوي ودي الشوفونيه الجديده مع إني ماعارف القديمه معناها شنو  لكن الشوفونيه الجديده دي طلعتها أنا وجايه من شوفوني ..
بالله ياأخوانا واحد يسجل لي المصطلح ده بي إسمي
تحياتي ياحنين
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
ازيك يابلد وحمدا لله على السلامة فييي عضمك دا
ياخوى انا ذاتى مشيت بى هناك وقلت ليهم ياخوانا
انا مافاهم اى حاجة!!!!!
قامو قالو لى وانت داير تفهم شنو
احسن ليك ماتفهم ولا حاجة!!!
بالراحة كدا ياعمى احترمت نفسى ورجعت لى وليداتى!
بالمناسبة, مابقيتو تلاتة
ويلكمبيك مرة تانية
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
دي محاولة رخيصة من الكوز أساسي والكوز الجديد محمد فرح لتمييع القضايا الرئيسية بالبلاد.
قضايا الديمقراطية,حقوق الانسان, الحرب والفساد الذي يزكم الانوف. وخلينا هسع من قضايا الصحة والتعليم.
من المسئول عن خراب البلاد يا أساسي؟
بلاش لف ودوران و أستهبال معاكم.
دينق.
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: البحيراوي)
|
لك التحيه ...اساسي
الشكر لك مرة أخرى على انزال الأغنية في البوست....بس هل في امكانية نخليها لما نفتح البوست تشتغل طوالي...
معليش غلباوية
أما موضوع السودان.....فانا والله ذيك ...ولقيت حاجة غريبة انوا الناس الفي السودان هم المغتربين والله
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
يا أساسي
كلنا ما فاهمين الحصل
ياخي السلام بقى مختصر!!
السنة الفاتت سألت صديق قلت ليه البلدي دي حصل ليها شنو؟
قال لي تخيل إنك عازف أيقاع وقدامك نوتة
شغال تُم تُم من النوع البنوِّم داك
قلبت الصفحة لقيتها كلها بايو!!!
عشان كدا الناس الطولوا من السودان ديل حقو يختوا ليهم يافطة في صالة الوصول ويكتبوا ليهم عليها
خذ حذرك
أمامك جالوا
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
!!!!!!!
| Quote: مشيت السودان وجيت ما فهمت اي حاجة (Re: اساسي) |
ليك حق ما تفهم حاجة .!! إنت ما عارف البيجي السودان وما يقابل ناذر الخليفة حا يكون زي اللافي في صينية مرور ؟!
لو كنت سألت الجو قبليك كان حا يقولو ليك تصل ناذر قبل تصل أهلك عشان يوريك البلد و دروب حلاتا وجغامسا ومغارسا ومداخلا ومخارجا ..
صنفرة :
برضو سعدنا بي سماع صوتك 
| |
|
|
|
|
|
|
|
|
|
Re: مشيت السودان وجيت ما فهمت اي حاجة (Re: اساسي)
|
المحيرنى زى ماقلت يقولو مفلسين ويصرفو ملايين بجيبوها من وين دا سؤال ما لقيت ليهو اجابة ، وبعدين لاحظت تسميات الدكاكين والمحلات التجارية ؟يعنى معقولة بس زول يسمى صيدلية (مسك الختام ) ولا حافلة يكتب عليها (مسك الختام) كلنا زيك ما فهمنا حاجة عشان كده (اتفكفكنا) وبعدين دى بقت اللغة السايدة فى البلد من حدها لى عدها ، لغة ما محتملة وناس تحس انهم ما عارفين ماشين وين ولا بتكلمو معاك كان كسرت رقبتك ، ولا برووك الحاصل (فى قتاته فى السلوك ) مرة فى السوق العربى زول كبير وقفنى سالنى (يا بت العم الناس ديل بجو من وين )وما عرفت اجابة طبعا ، والبغيظ الشفع الما بمشو المدرسة وبيبعو فى المناديل ، وفرش الاسنان ، والاكل مختوت فى ا
والجزم فى الترابيز ، والنسوان البشحدو والاطفال برضو ، مشاهد تخلى الزول يقول الحاصل شنو ؟ مدارس واقعة مافى زول مهتم بيها ومجاعة حايمة مافى زول جايب خبرا ، وناس حقها مهضوم وما قادرة تتكلم وشايفة الناس العندها بنوك فى البيوت ، ومغسة تهد الجبال
| |
|
|
|
|
|
|
| |
اساسي
jini
عاصم ابوبكر حامد
محمد فرح
abuguta
hajhamad
خضر حسين خليل
سمندلاوى
Deng
البحيراوي
salma subhi
ناذر محمد الخليفة
سلمى الشيخ سلامة
فيس بوك
تويتر
انستقرام
يوتيوب
بنتيريست