|
نظريات في التربية السودانية !!!
|
دائما ما كنت ولازلت ابحث عن الجين السوداني الذي يربط الابناء والبنات بامهاتهم السودانيات علي وجه الخصوص بتلك الصورة الغريبة !!
وكنته دائما بحلم بانو بنتي او ولدي حاربيهم تربية نموذجية علي حسب تخطيطي يكون فيها الولد او البنت منظم ومرتب من هو صغير ياكل بكل ادب ويقعد في مكان واحد وينوم طوالي في سريره وفي غرفة تانية ويفهم جميع كلامك واومرك حتي قبل ان يتعلم الكلام.
خيال مش كل زول حر في انو يتخيل
وكنته بعجب جدا لمه اشوف ولد/بنت اي جنسية تانية ماعندهم الارتباط الشديد بوالديهم زينا كسودانيين يعني مثلا تلقه الولد/البنت في السوق مثلا ومركبين ليهو العضاية وقاعد في عربيتو وخشموا ما بفتحوا. ممكن الوالد/ الوالدة - لهذا الطفل اعلاه - يطلعوا مثلا مشوار ويخلوه مع اخوانه الاكبر منه شوية عااادي جدا. ممكن لمه يجوا ضيوف مثلا بكل ادب تلقه الاولاد قاعدين في غرفتهم بكل ادب وطاعة وسماع كلام مش زي اولادنا شكل ومضاربة قدام الناس ومستحيل مستحيل يقعدوا براهم في البيت.
وحته لو حيقعدوا ما اظن نحنا ثقافتنا حتسمح لينا نخليهم براهم
مليون خاطر وخاطر حيجينا
وده اعتقد واحد من مشاكلنا وهو الخوف الشديد الزائد علي اولادنا لدرجة خوف يقيد حريتهم
ما تلعب بتقع - ما تطلع الشارع - ما تطلع السلم - انزل - لا لا لا لا
هل نحن غلط ؟؟
دعوة للنقاش
|
|
|
|
|
|