«شهادة بحث» في حمد النيل..تراجيكوميديا من ثلاثة فصول
«الفصل الأول» - ناس البيت هوووي يا ناس. يا عشمانة. يا إخلاص. بنات كلتوم يا فوزية كيف حالكن مشتااااقيين سلاااام بالكوم .......... جات سعدية شايله شمار معاهو «التُوم» مشت شهرين تَنَفِّس بتها «الخمجانه» في الخرتوم ........ تمام شهرين بيوت الحله لا سمعت خبار لا شَمار ولا قرقر ضحك حلقوم. ولا طقطق لبان هيمان في مُبْخر بخور تيمان ولا شالن حريم فنجان وسيرة زول على قدوم. لا ضحكو الصغار في حجوة لا سهروا الكبار في حكوه واتمحّن وطار النوم. ...... نان سعدية بت جبريل كان عارفين؟! رويحة الحِلة والطلّة. لا قِدْمت ولا هِمْلت لا مسخت لخلق الله لا عِرْفَت بيوت الحله ليها متيل. ..... كان غابت تقول نامت عيون القمره أو ترتر وفات النيل. ....... هي المشاطه والحنانه والدلاّكه والدبّاره والشمشاره والسمساره. والطهاره بي موسا ما خلت في هذا الشان لِبت في الحله شي مطلوق.
03-22-2007, 01:26 PM
امير عبد الماجد امير عبد الماجد
تاريخ التسجيل: 06-25-2005
مجموع المشاركات: 318
اتعنكش في عود سعديه كل الناس. الشُفَع حريم البيت الجيران تقول نخله سبايط خيرها إتدْلّت وتِقلو خلاص. وهاك يا سلام وهاك يا شوق وهاك يا كلام إتجمّع في رمش العين هوى الأرحام واتجدّع وطال الضُل فَرش لي بِرشو لي قِدّام واتردّت رويحة البيت قلع توب زهجو بالايدين ... اتْفَرشت في غمضة عين عناقريب الأهل صفين وكم سجاده كم بنبر. ومن مبخر مستّف بي بخور تيمان طلع صَفّق سحاب دخان واتحكّر في نص تربيزه جك ليمون مندِّي قزازو زي حتّل دموع مكنون. ووسط الرجّه والضحكه إتماسك تمام الكون صِبِح موزون
03-22-2007, 02:22 PM
امير عبد الماجد امير عبد الماجد
تاريخ التسجيل: 06-25-2005
مجموع المشاركات: 318
Quote: إنْقَلَدن حريم البيت وانفقعن دموع وعويل ... صوت النخله بالمليان زِعِل كورك - يا نسوان بدل تبكن على الخرتوم بدل تبكن على امدرمان أخير تبكن على السوداااان
تسلم يا أستاذ هاشم من كل اذى وانت تسكب مايعانيه الشعب مدادا على الورق من وجدانك ومعاناتك مقاسما لهم بؤسهم وفقرهم وظلمهم .. آملين ان ياتي فجر الخلاص.. وتسلم يا أمير يا أسم على مسمي على هذه الهديه وابريل على الأبواب ولك خالص مودتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
امير عبد الماجد
عزالدين محمد عثمان
فيس بوك
تويتر
انستقرام
يوتيوب
بنتيريست