ا ولاول مرة من تاريخ انضمامى لهذا المنبر( نضم سياسة)

Quote: دعونى احلم مرة اخرى بمستقبل لاولادنا واحفادنا

Quote: مع احترامي لوجهة نظرك لكن المشكلة في المنهج زاتو ! ياتو منهج ؟ وكل زولن عنده منهج ! منهج الإنقاذ ؟ ول الحركة والسودان الجديد ، ول برنامج الصحوة وسيدي الصادق ، ول منهج مولانا السيد محمد عثمان ميرغني الختم أطال الله في عمره ، ول اليسار وعلى رأسهم أصدقاءنا الشيوعيون ، الماعارفين امشوا على وين ؟ بعد ان ماتت نظريتهم في بلد المنشأ ، ول منهج الإسلاميين والترابي بعد ما وصلنا لي تلاتين يونيو ، رجع تاني افكك فيها مسمار مسمار ، ول أصحابنا البعثيين الراحت عليهم ( شنق في العلن ) والكل ساكت ومحللك سر ، ولى نبقي يهود مع اليهود ونكون اختصرنا الطريق ، ولى أمريكان ونكون قطعنا منه خمسين في الميه ، يا تو منهج ؟

Quote: ولسة خلي عندك أمل زيي

Quote: : ا ولاول مرة من تاريخ انضمامى لهذا المنبر( نضم سياسة)

Quote: معنى كده يا بت الكارب مولودة بى سنونك..كان ده اول نضمك،،،،

Quote: تحياتى يا رباب وكيف الحال أنا شخصيا عرفت الفيها، من بداية جيتنا فى المنبر هنا قبل ستة سنوات عرفنا إنه النضمى فى السياسة هنا ما حيجيب همه ولا حيوصل الناس للشى المقصود وبدل المصلحة المرجوة والمطلوبة للناس والبلد، دائما يتحول الكلام لأشياء شخصية ويبعد تماما عن جوهر ولب الموضوع ده الغالب طبعا، وعشان ما نظلم الناس كلها بالتعميم، فى أقلام جادة ورؤاها سمحة وواضحة وطرحها عقلانى، ودى الأقلية عشان كده حرمنا النضمى فى السياسة، إلا ما ندر تصدقى يا رباب معظم الناس هنا ما عارفين إنه أخوك كان فى يوم من الايام "كادر جماهيرى" و "أخصائى تجنيد" كمان، وما حيصدقو طبعا لو قلت ليهم كده يا حليل ايام السياسة وناس السياسة أحييك يا رباب على الطرح المتفائل والرؤية المضيئة وتحياتى للأهل كلهم ا

(عدل بواسطة Rabab Elkarib on 03-21-2007, 03:20 PM)

Quote: الاعزاء ما فهمت من حديث الاخت/الابنة رباب ليس رفضا لتناول السياسة ( فهذا مضمون عام في كل اقوال واحاديث البشر ) ولكنها ترفض عشوائية القول وشخصنة القضايا العامة لصالح حوار او "شكلة"

Quote: سعدت جدا لانك يا رباب جدعتي مثل صمت دهرا ونطق كفرا في الكوشة.. كلامك سمح شديد... لكن الكلام دا بدخلك في قدد انا ذاتي بديت زيك كدا عايزة اعرف اها اسع بقيت كوزة عديل كدا... لو زول جاك بعكاز بس كوركي $$$$$$$$$$$$$$$$$$$$$$$$$$$$$$ طوالي بكون عندك بعكاز مضبضب دي تسخينة واظهار مناصرة لمان نجيك.. الاخت رودا..... تعالى نبدأ من جديد

Quote: الأخت العزيزة رباب الكارب يجب تصنيفنا من الأوائل لأننى مثلك أول مرة .... ولأننى لاأحب سياسة المنابر بل التطبيق العملى والفعلى على أرض الواقع لك التحية أيتها الفائقة البهاء .

Quote: أغلب البيحصل هنا ماليه دعوه بالمنهجيه ..فش غبينه وبس.. وأي فكره تعرض.. وتخالف رأي البعض..لا يناقشها هذا البعض بل يتعداها للهجوم علي حاملها أو كاتبها.. البعد عن الموضوعيه لا يساعد علي تفتيح الأذهان وتبادل النقاش المفيد المثمر..ولقد وضعتي يدك علي الجرح المزمن فينا.. والبعد عن الموضوعيه في حـد ذاته فعل متأخر..يدل علي الضعف وعدم القدره علي استيعاب الفكره.. الوعي بها.. ثم القدره علي النقاش.. وربما يرجع ذلك الي التربيه السياسيه بوجه عام والتي تفتقر الي حد كبير للديموقراطية المؤسسه والممارسة..وانعكاسها علي جـوانب تربيتنا الإجتماعية والثقافيه... وكذلك الأنظمه الديكتاتوريه التي لا تستمع للآراء الأخري وتستخدم في ذلك العنف.. وبالطبع العنف فعل غير موضـوعي..

Quote: العزيزة رباب لو تجملت حياتنا السياسية بقلب يسع اهل البلاد كلهم لما كان هناك" نضم سياسي" ولكن "حميمية سياسية " ... لك شكري ومودتي ابوبكر

Quote: انا مستمتع بهذا النقاش الجميل وشكرا لك يا رباب وانت تذكرينا بالبديهيات ودي ..

(عدل بواسطة Rabab Elkarib on 03-26-2007, 11:33 AM)

Quote: الي مزيد من التدبر والنظر الي اصل المشكلة وهل يجدي الدواء الان اصبح الوطن في حالة صياع كبري وكله بفعل الدولة الدينية سيئة السمعه

Quote: مشكلتنا الرئيسيه أنه ناس (نضم السياسه) أصبحوا رواداً لأشجار النيم وظل الشتاء وونسات البصات والمحطات ,,,وعشان كلامك يجد من يسمعه لابد من قوة مال أو سلاح

Quote: بالعربى كدة تعبنا من الشكل (بفتح الشين والكاف) ودايرين نقاش شوية جاد بحجم مشاكلنا التي (تهد جبال) ادايرة احلم بى سودان فيه نظام ومنهج واحد يحكمنا كلنا باعرافنا وادياننا المختلفة... بى الوننا وسحناتنا ولغاتنا ولهجاتنا على اختلافها بى احزابنا وتجاربنا الانسانية المختلفة جدا بي غنانا ومسرحنا وشعرنا وحجى حبوباتنا دايرة احلم بى منهج بي منهج بى منهج بعيدا وبعيدا جدا عن شخصنة القضايا والكل يعلم كل حى آخره الموت لكن المنهج ح يقعد ما يموت دعونى احلم مرة اخرى بمستقبل لاولادنا واحفادنا رباب

Quote: اشاطرك الأحلام وليتها تكون

Quote: رباب سلام مادام نضمت ونضموا معاك كم نفر دي بشارة هو الساكتين ليها شنو المنهج زي ما قلتي ما بجي براهو وما بجيبوا زول واحد سمح انتظموا وختوا النهج نورالدين

(عدل بواسطة Rabab Elkarib on 03-28-2007, 12:33 PM)

Quote: مؤسسة او نظام لممارسة الديمقراطية والحفاظ عليها

Quote: المؤسسة الاولي التي يجب ان تقوم هي" مؤسسة التخاطب السلمي "

(عدل بواسطة Rabab Elkarib on 03-28-2007, 12:34 PM)

Quote: رباب الحبيبة دة ما نضم سياسة و بس دة كمان نضم كياسة

Quote: خليك هنا يا ابو بكر فالبوست بوستك والبلد والهم واحد

Quote: بينما تراثنا دائما يشير الي سودانيين عرفوا بالموضوعية في التخاطب مما اكسبهم احترام الجميع وبالتالي سمح لهم الجميع بان يكونو قادتهم المحليين كنظار او عمد او مشايخ فان خطاب من يصل الي سدة الحكم مشرعا او منفذا باية وسيلة يفقد هذه الموضوعية فتكسر ابتلاءات البلاد والعباد في شكل قهر وتعسف وفرض راي بالقوة ....