البورد دة بقى مقسم زى كيمان المرارة !!!

مرحبا Guest
اخر زيارك لك: 03-28-2024, 01:42 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الأول للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-20-2007, 05:23 PM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
البورد دة بقى مقسم زى كيمان المرارة !!!

    أعزائى نساء و رجال بلدى السودان

    لمن بدينا طرح أفكارنا و تبادل خبراتنا الحياتية والونسة و الدردشة "السايبرية" بداية بمنبر الأخ معاذ و بعده بسنة أو إتنين فى منبر العزيز بكرى قبل أكثر من 6 أو 7 سنوات ، لم تكن حالتنا شلش و صعبة زى أسى؟؟؟ليييييه ؟؟ الحصل شنو؟؟ و هل كل منا يحمل كميات من الغبن و الغيظ تجاه طرف ما؟؟ أم نحن بنعبر عن واقع معاش فى بلدنا أختلط معه الحابل بالنابل؟؟ و هل دة كلو من إفرازات حكم الإنقاذ علينا؟؟ سياسة فرق تسد؟؟ فالبورد إمتلأ بالقبائل و العنصرية و التى نريد لها الزوال و لكن باللت و العجن الحاصل دة عمرها مما ممكن تزول،، و لا يغير الله ما بقوم حتى يغيروا ما بإنفسهم،،فالكل هنا متفق على مبدأ واحد هو وحدة السودان و إستقلاله من الجبهجية الفاسدين و ضرورة إحلال الديمقراطية العادلة ،، و لكننا لن نستطع أن نقدم أى خير لبلدنا بكل هذه الإختلافات المضرة بقضية الوحدة،،

    ما تقولوا لى جاية تنصحى و تتفلسفى و حاجات من دى !! أنا سودانية و بتمنى كل الخير لبلدى لكى نرجع له فى يوم ما و نعيش فى سلام و طمأنينة و نربى فيه أجيال صالحة لكى تقوم بنهضته و تنميته،، و يجب أن نقتنع بهذا أولاً لأن فاقد الشئ لا يعطيه...


    أرجوكم و أرجوكم دعوا الخلافات و الشتائم و المعايرات و كونوا فقط سودانيين

    و ربنا يهدى سر الجميع

    "مفتى الديار" نوسة
                  

03-20-2007, 05:33 PM

هشام آدم
<aهشام آدم
تاريخ التسجيل: 11-06-2005
مجموع المشاركات: 12249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    ___________________

    الأخت : نوسة

    هي أمنيات جميلة ورائعة، ولكنها تظل يوتوبيا لا طائل
    منها ولا تحقق لنا شيئاً على الإطلاق إلا "طول السلامة"
    التي قال بها "جرير"

    Quote: الكل هنا متفق على مبدأ واحد هو وحدة السودان و إستقلاله من الجبهجية الفاسدين و ضرورة إحلال الديمقراطية العادلة

    فقط أحببت أن أعدّل لك الصورة يا أخت نوسة فليس الكل
    هنا يحلم بذات الشيء وإلا لما كان الخلاف الذي تتحدثين
    عنه. الديمقراطية والجو الديمقراطية يخنق البعض ممن
    لا يمكنهم العيش والحياة في ظلها.

    لقد توصلت لقناعة مفادها أن ما نحن فيه الآن إنما هو
    وضع طبيعي جداً ، وأكثر من طبيعي. ولكن فقط نختلف في
    مدى قدرتنا على تحمل هذا "القرف" والتعايش معه.

    لك التحية وخوالص الاحترام
                  

03-20-2007, 05:51 PM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: هشام آدم)

    سلام أخى هشام

    و لماذا فقط تظل إمنيات؟؟

    فليس شيئاً خارج من المألوف و العادة أن أحلم و أتمنى أن تتوحد جهودنا و نضالاتنا لنصرة بلدنا؟؟ ألست متفق معى بأن الكل أو "أغلب الكل لأكون دقيقة" هنا يريد وحدة السودان؟؟ أعلم أن البعض يجد فى الإنفصال الحل الأمثل و لكن لأنهم يرون أن السيل بلغ الزبىّ!! و شايفين أن لا حياة لمن تنادى و لذلك فضلوا خيار الإنفصال و دايرين يفرزوا "كيمانهم" عشان يعيشوا حياتهم و يسييروها بالطريقة الشايفنها الأنسب!!

    و كلمة ديموقراطية دى أنا برضوا شايفاها مطاطة و يمكن تشكيلها حسب اهواء الناس،، فحكومة الإنقاذ شايفة نفسها أنها ديموقراطية بعد أن قمعت و أرهبت أصبحت الآن "تمن" على الناس ببعض الحريات، مثل حرية الصحافة "حسب فهمهم" و حرية اللبس مع أنها أشياء جوهرية و أساسية مثل الهواء و الماء !!


    وياخى الجابرنا نعيش فى "القرف" شنو؟؟ موش هو عملناهو بيدنا و لا نزل لينا من السماء ؟؟ إذا كان الناس الحاجات الربانية عايزين يغيروها ، يبقى الحاجات السببناها بنفسنا ما بنقدر نغيرها ؟؟؟

    حوارك جميل و أحترم وجهة نظرك

    تسلم
                  

03-20-2007, 06:16 PM

هشام آدم
<aهشام آدم
تاريخ التسجيل: 11-06-2005
مجموع المشاركات: 12249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    _________________

    الأخت : نوسة

    منذ اليوم الأول من يناير سنة 1956م أي قبل 51 سنة
    ونحن نحلم بالتوحيد والديمقراطية وضاعت نضالات الرجال
    -الذين سعوا بخيلهم ورجلهم لتحقيق هذا الاستقلال- هباءً
    منثوراً مع تعاقب الحكومات بمختلف مزاجاتها السياسية
    وبرامجها الانتخابية حتى الديمقراطية منها. أبعد هذا
    يمكننا أن نجدد الروح في الرفاة "الحلم"

    ما يحدث في هذا المنبر يا أخت نوسة، ليس إلا انعكاس
    طبيعي جداً لواقع أشد مرارة مما نتخيله. ليست المشكلة
    في أصحاب النزعات الانفصالية أو في طريقة تعاطي أصحاب
    التوجهات الوحدوية في الصراع الدائر، ولكن تكمن المشكلة
    في الشخصية السودانية معقدة التركيب والتي يتدخل في
    تكوينها عناصر كثيرة جداً هي السبب في استشراء العنصرية
    البغيضة وعدم مقدرتنا على الحوار الصحي القائم على الرأي
    والرأي الآخر مع احترامه.

    ولكن ورغم كل ذلك، أقول: "ولما لا .. فلنرفع هذا الشعار
    وإن كان سيظل معلقاً إلى أن تقوم الساعة دون أن يحدث أي
    تغيير يذكر."

    وسيذكر لك البورد هذه المحاولة بدون شكل

    لك التحية
                  

03-20-2007, 05:51 PM

Mustafa Shogar
<aMustafa Shogar
تاريخ التسجيل: 02-17-2007
مجموع المشاركات: 446

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: هشام آدم)

    نوسة

    تحياتى

    اللهم اجعل وطننامليئا بديمقراطيية فى كل شبر من المليون ميل مربع
    لا لمليون قوم
                  

03-20-2007, 05:54 PM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: Mustafa Shogar)

    شكراً أخى مصطفى

    و يا ريت لو بالدعاء بس تنال المطالب

    ربنا يغطى بلدنا و أهلنا من مخططات الشر التى تحاك ضدهم

    و يحفظ بلدنا وطن واحد يضمنا بين ضلوعو
                  

03-20-2007, 06:36 PM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    أخى الفاضل هشام

    Quote: ولكن ورغم كل ذلك، أقول: "ولما لا .. فلنرفع هذا الشعار
    وإن كان سيظل معلقاً إلى أن تقوم الساعة دون أن يحدث أي
    تغيير يذكر."

    وسيذكر لك البورد هذه المحاولة بدون شكل


    تفائل خير عزيزى

    و نحن ما محتاجين معجزة بس دايرين شوية "تنازلات" من أطراف لى أطراف أخرى ، و الحياة كدة مليئة بالتنازلات لأننا نحن البشر ديل أحياناً أحسن مننا الشياطين فى عنادنا و تزمتنا ، و برضو بقول كون هذا شئ بفعل يدنا فيمكننا التغلب عليه ، و كل شخص لو بدأ التغيير من نفسه سيسوغ مثل لغيره, و هى ليست محاولة منى بس إحساس و حبيت أنقلوا هنا عله يجد منصتين ،، و العقل هو ما يميزنا عن البهائم "مع الإعتزار عن شبه التشبيه"

    و دمت فى إنصاتك لى
                  

03-20-2007, 06:47 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    Quote: البورد دة بقى مقسم زى كيمان المرارة !!! [/




    انا غايتو متبرع اكون الااااااتي او العتي او ايهما اطعم
                      

03-20-2007, 06:56 PM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: عبد المنعم سليمان)

    عبد المنعم !!!!!

    إنتى عارف، أنا عشان بكره المرارة عشان كدة قلت التشبيه !!!

    تيجى إنت كمان تزيد الطين "بولة" قصدى بلة و تقول لى شنو ما عارفى الأتى والحاجات الغريبة دى ؟؟؟
    ياااااااااااااااى
                  

03-21-2007, 02:48 AM

Dr. Ahmed Amin

تاريخ التسجيل: 02-20-2007
مجموع المشاركات: 7616

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    نوسة



    الكمــــونية " الشعور"...

    "وجعلناكم شعوبا وقبائل لتعارفوا"...

    يا حلييييييييل أيام زمان
    الزمن الجميل
    القلوب الصافية

    يا ترى هل يعود ذا الزمن ؟؟؟


    وأقعدو عافية
                  

03-21-2007, 03:34 AM

سيف الدين حسن العوض
<aسيف الدين حسن العوض
تاريخ التسجيل: 02-13-2007
مجموع المشاركات: 3403

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: Dr. Ahmed Amin)

    العزيزة / نوسة
    حقيقة البورد ما مقسم زى كيمان المرارة
    لانو المرارة ما بتقسم كيمان كيمان
    وانما لانها غالية وجميلة وسمحة جدا
    بتوزع حته حته حته حته ..... الخ
    ولكن البورد بتاع اخونا بكري ده
    مقسم زى لحم الرأس
    زى الباسم
    واكيد ما بتعرفي الباسم
    لو شفتى لحم الباسم طامع بشكل
    ولوجربتيهو مرة ما اظن ح تخليهو تانى
    عودة الى بدء
    نحن علشان نكون موضوعيين
    الكيزان والشوعيين والطائفية البغيضة
    وكل الاحزاب القديمة دى نرميها الخور
    ونأسس احزاب جديدة زى اخونا عادل عبد العاطى ما عمل
    والحشاش يملأ شبكتو
    انا ما عارف السودانيين ديل سياسين كده ليه
    ياريت يخلو اللت والعجن ده وينسو حاجة اسمها حكومة
    ونقعد في وطنا معززين مكرمين
    لكن اذاكان في اى بلد في العالم عندنا سودانى
    وما عاجبو البيحصل في البلد
    متى يكتمل البنيان تمامه اذا كانت الحكومة تبنى
    والسودانى يهدم
    والله ياخت نوسة
    انا اتفق مع الاخ هشام آدم انو الحاصل ده
    ما من هسع
    من زمان جدا
    وعلشان تغير الحاصل ده عاوزين كم سنة
    صيام من السياسة
    تعالوا نتكلم في الادب والذوق والهوية
    ونخلى السياسة دى لى ناسا
    رأيكم شنو
                  

03-21-2007, 07:27 AM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: سيف الدين حسن العوض)

    الأخ سيف الدين

    صباح الخيرات

    Quote: لانو المرارة ما بتقسم كيمان كيمان
    وانما لانها غالية وجميلة وسمحة جدا


    هى بالله غالية؟؟ و الله ما عارفاها، بس أهو تشبيه يعنى

    Quote: زى الباسم
    واكيد ما بتعرفي الباسم


    ليييييييه ياخى ما بعرف الباسم؟؟ أى نعم ما أكلتو و لا أظن ح آكلو بس بعرفو

    Quote: نحن علشان نكون موضوعيين
    الكيزان والشوعيين والطائفية البغيضة
    وكل الاحزاب القديمة دى نرميها الخور



    طيب ما نديهم Second chance موش أحسن ؟؟؟ و نشوفهم شايتين وين بعد داك !!

    Quote: تعالوا نتكلم في الادب والذوق والهوية
    ونخلى السياسة دى لى ناسا

    المشكلة أخى الكريم كل زول شايف نفسو بيفهم فى السياسة أحسن من "ناسها" و هاك يا لت و عجن و خبز و نبز و شتيمة، كأنو السياسة دى هى حرب لا هوادة فيها ؟؟ طيب لو الناس شايفة إنو فكرتهم لازم تصل بالضرب لييه ناكرين و شاجبين فكرة إنتشار الإسلام بحد السيف؟؟ فما هى الفكرة الأعظم هنا؟؟ الإسلام versus السياسة؟؟؟


    أبوحميد

    سلامات ، عجبتك المرارة دى؟؟؟ ياخى و الله نفسى فى شية جمر زى زماااااااااااان ديك

    الله يرحم أيام زمان
                  

03-21-2007, 07:40 AM

Dr. Ahmed Amin

تاريخ التسجيل: 02-20-2007
مجموع المشاركات: 7616

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    تتحياتنا

    رايكم شنو تخلو السودان الإجازة ده
    وتجونا بيجاي
    ونعمله شية X شية

    إيه رايك ؟؟

                  

03-21-2007, 08:30 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: Dr. Ahmed Amin)

    سيبك انت يا ننوس وتعالي ناكل شية جمر سوا..
                  

03-21-2007, 10:59 AM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: Muna Khugali)

    العزيزة منى خوجلى

    غايتو "قردك" دة يقطع الخميرة من البلد

    كدى إنتى تعالى بى جاى فى البحرين و "نوعدك" بى شية جمر على أصولها و بين الأحباب كلهم ؟؟ أها رأيك شنو ؟؟
                  

03-21-2007, 10:56 AM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: Dr. Ahmed Amin)

    ابو حميد يا عشا البايتات

    تسلم بس دبى دى يا حبيب حااااااااااااااارة أحر من جمر الشية فى الصيف....

    كدى النشوف شهر خمسة قبل الحر ما يستعد كان العمر فيهو باقى
                  

03-21-2007, 08:47 AM

د.محمد حسن
<aد.محمد حسن
تاريخ التسجيل: 09-06-2006
مجموع المشاركات: 15194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)
                  

03-21-2007, 09:15 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: د.محمد حسن)

    سلام يا ام الحلوات

    زمااااان ايم سودان نت الناس ما كانت بتقرأ وراء السطور
    وتفتش ضمائر الناس..

    كانت المواضيع البتطرح مواضيع فكرية عميقة
    تذكري كتابات ود البلد وتصورة لاخراج السودان من ورطته؟

    يا حليل زمان وايم زمان
    هو الهنود الحمر ديل الا يبقو في امريكا..
                  

03-21-2007, 11:06 AM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: د.محمد حسن)

    أخى د/ محمد حسن

    سلامات

    نحن هنا فى البحرين بنحلم بلمة زى دى، من غير تحفظات و مظاهر فارغة،، و كأننا لم نأتى من وطن واحد "ندعى" حبه؟؟ الناس هنا منشقين و مقسمين أكثر من "كيمان هنا دى" شلل و فرق ،يا ليت نتجمع و لو مرة كل ستة أشهر و ندع أطفالنا يحبون وطنهم بحبنا لبعضنا !!

    دة حلم يا ربى ؟؟؟
                  

03-21-2007, 11:09 AM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    سلامات يا د/بيان

    شفتى بالله الأيام ديك كانت كيف؟؟
    كانت أول معرفتى للدردشات النتية و منها تعلمت الكثير من أسرار الكمبيوترات و الإنترنت

    الله يرحمها تلك الأيام

    Quote: يا حليل زمان وايم زمان
    هو الهنود الحمر ديل الا يبقو في امريكا..


                  

03-21-2007, 05:11 PM

Isa

تاريخ التسجيل: 11-29-2004
مجموع المشاركات: 1321

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)

    الأخـت مـولانا نوسـة، مفتية الديار البوردية،، سـلام وشـكر..صحـيح البورد في بدايتو، أو في سودان دوت نيت من قبل لم يكن فيه صـراع فكـري أو سياسي أو خلافات حـادة، وأعتقد كمتابع لأنو الناس البكتبو نفسهم ما كانوا مختلفين كتير بل كانوا مكمـلين لبعضهم في الطـرح الفكـري والسياسي أو غيره،، ثم اتسعت المساحة وزاد عدد المشتركين والمتابعين أيضا وما يزال في إزدياد، وطبيعي أن يكون هناك خـلافات فكرية وصراع سياسي وأحـزاب وجماعات وتنظيمات و(شعوب وقبايل) برضـو داخل البورد،، إذ يستحيل أن يجتمع ألف أو ألفين زول على فكرة أو رأي، وفي نفس الوكت يستحيل أن يكون كل واحد بي رايو براهـو،، عشان كدة الحكاية بقت كيمان كيمان..( ياخـي إنتي لامن ما بتحبي المرارة ما كان تقولي كيمان شـية أحسـن: ونحنا وعكس البروف عبد الله عليه رحمة الله، نحب ثلاث شينات في العربية: الشاهي والشية والشطة: الله لا كتلنا بي شوقهن!)...المهـم: شـي جميل وظاهرة صحية وديمقراطية أن يكـون هناك خـلاف سياسي وفكـري داخل البورد،، بل وثقافي وإجتماعي أيضاً،، فقط المطلوب في راي أن يكـون هناك إحـترام للآخـر، وفي نفس الوقت المطلوب تحمـل النقد والرأي الآخـر مهما كان قاسياً..والرد والجـدال، بل والصـراع (بمعناه الحقيقي والمجازي)أوالدواس، ولكـن بعـيدا عن الشتايم (العنصرية خاصة)،، ورأينا في الديمقراطيات الغربية العتيدة كيف يختلفون وينتقدون آراء وأطروحات بعـض بقسوة، ولكن بنزاهة وقناعة،، طبعا دايما وأبدا برضو، وحتى في الديمقراطيات الغربية التي ذكرتها مثلا وقدوة،، نجد هناك المتطرفين والمتعصبين والصقور الخ...
    ما أريد أن أنتهي إليه إنو البورد في رأي ما يزال بخـير،وفيه الكثير من الطرح والنقاش الجيدوالمفيد سواء كان سياسي أو إجتماعي أو ثقافي أو خلافو،، فيه كثير من الناس الفاهمين الذين يطرحون أفكارهم بجـراة ووضوح وإخلاص ويقبلون النقاش حولها ونقدها،، مثلما فيهو بعـض الطـرح الأقل نضجاً وجدية وموضوعية، فيه القليل من الذين تفـوح من كتاباتهم العنصرية في أبغض صورها،، فيه الذين يدافعـون عن الإنقاذ بطريقة غبية تقـوم على إستغباء الآخـرين، وليس الجميع كما ذكـرتي:
    Quote: متفق على مبدأ واحد هو وحدة السودان و إستقلاله من الجبهجية الفاسدين و ضرورة إحلال الديمقراطية العادلة
    ،، معك أدعـو إلى المـزيد من الإرتقاء بروح الحـوار والإختلاف،، ومعك نأمـل ونعمل أن نسعى كلنا بما نطـرحه لأجل الوطن،، ولكي التحية..
    عيسى
                  

03-21-2007, 08:10 PM

نوسة
<aنوسة
تاريخ التسجيل: 09-30-2002
مجموع المشاركات: 825

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: Isa)

    أخى عيسى

    كلامك كللللللللللللللو فى محلو ...

    بس أنا ما ضد الإختلافات الفكرية أو حتى العقائدية و الطائفية النزيهة و المثمرة و التى نتاجها يكون خيراً علينا، أنا مشكلتى فى التكتلات العنصرية الفظيعة " و عشان ما أكون غير عادلة هى ليست كبييييييرة" بس غير صحية,, و زى ما أنا قلت فى واحد من البوستات هنالك آراء و مواضيع تطلع الواحد من طورو و تجده يشتم و يرجم بدون فرز "الله يكافينا شرهم" الناس البتعمل كدة دة ...

    Quote: ..( ياخـي إنتي لامن ما بتحبي المرارة ما كان تقولي كيمان شـية أحسـن


    ما هو يا ظريف عشان ما بحب المرارة ، و ما عاجبنى الحاصل " و اللبيب بالإشارة يفهم"

    تقعد عافية و مشكور لدعمك للمفتية
                  

03-21-2007, 08:41 PM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: نوسة)


    نوسة

    يانديتي.....المنبر دا كل مرة تظهر فيهو كميان وبعد شوية يتشكا تاني وتاني تجي كيمان....اصلك ما تزعلي .. طغت عليهو السياسة... والسياسة عندنا دا حالا... نتكوم ونتبوم ونتلوم
                  

03-23-2007, 09:30 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: سجيمان)

    نووووووووووووسة !!!

    معزتي ,,,

    أتمنى أن يزدهر هذا البورد بالحب والجمال والمودة لأن الخلافات والفجور في الخصومة والغيرة المافي
    محلها تعكس الروح الشريرة ولا أعتقد أن أي شخص منا يود أن تكون روحه شريرة ,,

    والذي نفسه بغير جمال ,,,
    لا يرى في الوجود جميلا ,,,

    ويا ريت كلنا نعمل بقول الشاعر:
    يخاطبني السفيه بكل قبح ,,,
    فأكره أن أكون له مجيبا ,,,
    فيزيد سفاهة وأزيد حلما
    كعود زاده الإحراق طيبا,,,
                  

03-23-2007, 09:35 AM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: البورد دة بقى مقسم زى كيمان المرارة !!! (Re: عواطف ادريس اسماعيل)

    Quote: البورد دة بقى مقسم زى كيمان المرارة !!!

    ابدا هو مقسم متل الراتب
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de