|
|
 إستقالة.. لمن (لا) يهمه الأمر
|
السلام عليم ورحمة الله
أعلن عن إستقالتي من الحزب الإتحادي الديمقراطي
ومن إنتمائي القبلي كجعلي أو كجلابي أو كمستعلواتي..
وأعلن اليوم عن حزبي الوليد (أبوسنينتين)
عشان أبو سن واحدة ما يضحك فينا..
حزب المكاواة..
حزب الكاظمين الغيظ والعافين عن الناس..
شعارنا:
أرسم بسمة في خد صديق،
وأزرف دمعة من عين عدو..
فمن الآن وصاعداً يا جماهير سودانيز أون لاين الوفية...
أنا أمثل نفسي وحزبي المكاواتي..
فمن له غرض أو منفعة، فليقضيه معي وحزبي (حزب المكاواة)
كما أيضاً، نوضح لأخوتنا في العمل المعارض، إن حزبنا حزب غير متوالي..
لا يعترف بقانون الأحزاب الأخير ..
ولا تربطه علاقات خارجية..
حزب وطني من أجل أمة غيّاظة..
وسوف يكون حزبنا بالمرصاد لكل من يمد (قرعته) في غير موضعها..
وسوف يشتري حزبنا كل النعوت الإسفيرية ليوزعها علي شعبنا الصابر بعدالة..
__________
الحزب سوف يصدر كتيباً في حجم كتاب "الحصن الحصين"..
نوزعه وقفاً لله، ليستهدي به جماهير شعبنا الوفي لكظم الغيظ والعفو عن الناس..
صدر تحت توقيعي:
ياسر طيفور المكاواتي
تورونتو - كندا
12 مارس 2007
|
|
 
|
|
|
|
|
|
|
|
Re: إستقالة.. لمن (لا) يهمه الأمر (Re: فيصل نوبي)
|
نوبي
يحتفل الحزب بإنضمام الغياظ الدولي فيصل نوبي...
وبهذا يعيد المكتب التنفيذي ترتيب أماناته ليتبوأ نوبي مكانه الطليعي..
______
نبذة، فيصل نوبي من الشخصيات المستقلة التي أسهمت إسهاماً مقدراً في خلق حياة سياسية وإجتماعية راشدة، ونوبي فنان تشكيلي نادر
يرسم بالضوء والضُلُمة..
سوف نعرض بعضاً من أعماله قريباً
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Yassir Tayfour)
|
وعقبال يلحقك في الاستقاله
المتعوس احمد عبد الله لانه كتاباته تسيء للحزب كثير.
وكمان ينضم لك في الاستقاله من الجعليه ناذر خليفه
لان كتاباته تسيء للقبيله كثير.
وبي كده تعلن هذه المجموعه انها صارت (ثور الله في برسيمه)
وتعلن جمهورية بكري ابوبكر مكانا للفارغه و المكاواة.
تراجي.
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Tragie Mustafa)
|
Quote: 
وعقبال يلحقك في الاستقاله
المتعوس احمد عبد الله لانه كتاباته تسيء للحزب كثير.
وكمان ينضم لك في الاستقاله من الجعليه ناذر خليفه
لان كتاباته تسيء للقبيله كثير.
وبي كده تعلن هذه المجموعه انها صارت (ثور الله في برسيمه)
وتعلن جمهورية بكري ابوبكر مكانا للفارغه و المكاواة.
تراجي. |
وفي زيارة (تنميطية) غير متوقعة، زارت الدكتورة تراجي مصطفي أبوطالب رئيس الصداقة السودانية الأسرائيلية مقر الحزب المكاواتي
وإلتقت الزعيمة برئيس اللجنة المكلف المكاواتي ياسر طيفور..
وتبادلا الهدايا والصور..
تسلمت الزعيمة درع سيدة نساء الخور.. وقدمت بدورها دعماً مالياً مقدر لنهضة الحزب.. 2 مليون شيكل أي ما يعادل بالسوداني 50 ميل مربع..
______
عاش غياظ الأمة السودانية..
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Tragie Mustafa)
|
Quote: وعقبال يلحقك في الاستقاله
المتعوس احمد عبد الله لانه كتاباته تسيء للحزب كثير
|
ام رشيرش
افتكر انه حزب ود طيفور حقوا تستقليهوا
تفتشي عريس لصاحبتكـ تجيبيها كندا ( تمر الفكي شايلو و مشتهي )و
تتلمى التعيسة علي خايبة الرجاء وبعد يومين
تنبذيها وتشيلي حالها بالاسافير .........
_____________________________________
ام رشيرش
بطلي خفة وقولي بسم الله
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Ahmed Abdallah)
|
ومن اهم وثائق الحزب الاتي :-
1- تسجيلات صوتية لام رشيرش في القرى المجاورة تتحدث فيها عن راعي الغنم
2- تسجيلات صوتية لام رشيرش في القرى المجاورة تتحدث فيها عن سوداني كندا
3-تسجيلات صوتية لام رشيرش في القرى المجاورة تتحدث فيها عن (اعوذ بالله)
4-تسجيلات صوتية لامير الكوشةفي القرى المجاورة يتبرا فيها من ام رشيرش وعمايلها
5-تسجيلات صوتية لامير الكوشةفي القرى المجاورة كابي الجرسة
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Ahmed Abdallah)
|
الحمد لله ان فضحكم بمستوى طرحكم
Quote: ام رشيرش
افتكر انه حزب ود طيفور حقوا تستقليهوا
تفتشي عريس لصاحبتكـ تجيبيها كندا ( تمر الفكي شايلو و مشتهي )و
تتلمى التعيسة علي خايبة الرجاء وبعد يومين
تنبذيها وتشيلي حالها بالاسافير .........
_____________________________________
ام رشيرش
بطلي خفة وقولي بسم الله |
والحمد لله ان هذه مصادرك التثقيفيه في الحياة ان تقرأ بورد ساره منصور
وتآتي مردد لجرائمها ونسيت سيادتك انك اول من قدم راي قانوني لناذر الخليفه
عن تسجيل المكالمات ,وانه جريمه في حد نفسه وازيدك انا من الشعر بيت
بأنه لا يعتد به قانونيا,وجاي هنا بلا خجله تتفاصح كل يوم بما تقرأه هنا.
Quote: ومن اهم وثائق الحزب الاتي :-
1- تسجيلات صوتية لام رشيرش في القرى المجاورة تتحدث فيها عن راعي الغنم
2- تسجيلات صوتية لام رشيرش في القرى المجاورة تتحدث فيها عن سوداني كندا
3-تسجيلات صوتية لام رشيرش في القرى المجاورة تتحدث فيها عن (اعوذ بالله)
4-تسجيلات صوتية لامير الكوشةفي القرى المجاورة يتبرا فيها من ام رشيرش وعمايلها
5-تسجيلات صوتية لامير الكوشةفي القرى المجاورة كابي الجرسة |
هذا احد مسؤلي الحزب الاتحادي بالولايات المتحده
وهذا مستوى طرحه
ويجيك حسه ود محجوب ناطي ولا كمال عباس ويقول لماذا اقحمتم الحزب الاتحادي
نعم سنقحمه
لاني اي حزب يفترض ان اعضائه هم من يروج له ومبروك عليك مستوى ترويج احمد عبد الله بالمنابر.
اتمنى ان يسعى الحزب الاتحادي لتطوير ادائه بالمنبر العام,لكن هذا بئس الاداء.
تراجي.
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Yassir Tayfour)
|
| Quote: وسوف يشتري حزبنا كل النعوت الإسفيرية ليوزعها علي شعبنا الصابر بعدالة.. |
سوف يقيم الحزب معرضاً (دلالة أو مزاد) لتداول و(تسعير) النعوت والأوصاف..
_______
سوف يقدم الحزب الدعوة لكل الأدباء صانعي النعوت، مُغيظي الولاد والبنوت..
ويقدم الهدايا الإكرامية والميداليات...
نحو عدالة إسفيرية شاملة..
ع/ اللجنة التمهيدية
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: عبدالله وداعه الامين)
|
وكما سيمنح حزبنا المقاتل
الجسورة تراجى مصطفى تفويضا كاملا
للتحدث باسمنا فى كل المحافل الدوليه
وبهذا نكون قد قدمنا اولى اسهاماتنا
فى حل المشاكل الداخليه للتنظيمات الصديقه
وبالتالى مساعدة زملاء العمل
فى تنظيم رابطة دارفور بكندا
بحماية اسمهم من الانتحال
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: osly2)
|
خطاب داخلي:
يا أوسلي الدعم القدمتو دكتورة تراجي ..
ال 2 مليون شيكل..
بالمناسبة، ما تديها أي تفويض تتكلم بإسمنا ما لم تجيب لينا الجزء التاني من المنحة...
الزولة دي واصلة، بس مشكلتها ما عندها جماهير.. تجيب لينا 2 مليون شيكل تاني، وجمهورنا تحت إيدها...
مؤتمر صحفي:
بعد إجتماع المكتب القيادي لحزب المكاواة الديمقراطي..
أشاد كمال أوسلي القائد الميدان والناطق الرسمي بإسم المغيوظ عليهم والتانيين، بزيارت الدكتورة وبدعمها المقدر..
وأصر علي تسليمها وسام الحزب من الدرجة الأولي(حريق)، إلا إنه فضل أن يفعل ذلك حينما يتسلم الجزء الثاني من الدعم...
_________
عاش السودان حراً غياظاً بين الأمم
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Yassir Tayfour)
|
يا شقيق البسوس وليس أم رشيرش ( أم ريشيرش دى جميله )
دى البصيرة ام حمد بين قوسين ( البســـــــــوس )
مشكله فلسطـن بعد سنه سوف تحل ،،،، البسوس دخلت وسط اليهود وسف يسرى
مفوعلها ، ولذلك اطلب من الاخوة الفلسطنيين الهدوء !!!!!!!!
ياسر ضيفور ،، الرجاء رفض هذا الدعم والا سوف انشئ حزب اخر للمكاواتيه؟
| |
|
|
|
|
|
|
|
|
 Re: إستقالة.. لمن (لا) يهمه الأمر (Re: كمال مبارك)
|
ياسر طيفور..
كيفنكـ يا زول..
بكده أعتمد ترقيتكـ من ديكـ مكوة لديكـ عدة..
| Quote: ومن إنتمائي القبلي كجعلي أو كجلابي أو كمستعلواتي.. |
تعرف جاري طوالي في السكن جعلي (متنبر كل حاجة يقول ليكـ نحن أولاد بلد نقعد نقوم على كيفنا..
ونحن عيال المكـ نمر الحرق سماعين باشا)..
كان في واحد طالبو قريشات قام زرزرو ليكـ زرزرة الله يلاقينا..
المهم جاهو من جهتو البتوجعو وقال ليهو ديل موش إنتو ذاتكم الجدكم نمر حرق سماعين باشا..
صاحبكـ نقش الخدعة ورد ليهو بنفس المكر..
قال لو: هو يا زول خلاص إنتو صدقتو يعني..
يا زول حرم المكـ حرق ليهو قطية قش وكتل ملف خلى العار فوق جبين أهلو..
وضحكـ الطالب من بديهية ذكاء المطلوب..
إنتهت الزوبعة بهذا الفكاهة..
تعرف يا ياسر خايف بمكاواتكـ دي..
تاني تمرقو فينا دفتردارات الألفية الثانية المتربصين لا يخلو فينا يمين ولا شمال..
وتور الشيل بعد الشافو في جلدو الله يرحمو ما أظن تاني بقدر يرد لينا شرفنا الضاع..
والمؤمن لا يلدغ من جُحر مرتين ولا شنو..
تعرف؛
يا ياسر طيفور..
الحكمة إقتضت بأن تُطعم الناس مما تحب..
فإن كان سقفك من زجاج فلا ترم الآخرين بالحجارة..
وليس عيباً أن تسقط مرة وإتنين وتلاته وربك قابل التوبة..
ولكن العيب أن تبقى حيث سقطت يا شقيق..
ودمت حيث كنت..
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: كمال مبارك)
|
كمال مبارك
| Quote: ياسر ضيفور ،، الرجاء رفض هذا الدعم والا سوف انشئ حزب اخر للمكاواتيه؟ |
ده كلام شنو يا (كويو*)
نحن دايرين نوحد الأمة في كيان واحد، وإنت داير تعمل لينا إنقسامات من قولت تيت..
أرفع كلامك ده في إجتماع المكتب القيادي next week
____________
كويو تقابل كلمة زميل، رفيق، حبيب، شقيق.. كما تصنع الأحزاب الأخري..
ونحن إخترنا كويو لكي لا نرتبط بالسودان القديم..
وكل التنظيمات النشأة قبل حزب المكاواة، هي سودان قديم
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Yassir Tayfour)
|
أم رشيرش ...
Quote: وكمان ينضم لك في الاستقاله من الجعليه ناذر خليفه
|
أنا كم مرة قلت ليك أنا قاعد في المنبر دا نظام (يا فيها يا مفسيها) ..
كنت داير أشرح ليك معنى الجملة الأخيرة دي لكن قلت أكيد وكت بتعرفي تحلبي الليمون بتكوني فاهمة يا فيها يا مفسيها معناتا شنو ..
أم رشيرش ..
أنا الأيامات دي نفسياتي عااالية وعرسي قرب ..
كدي عايناني جاي وقولي لي :
ممكن تطلعي سلكك من فيوز حياتي شهرين تلاتة ولا ما ممكن ؟!!
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Tabaldina)
|
يا أبو رزقة
إنت بتلت وتعجن في شنو؟
موش قلنا ليكم
أنا لا إتحادي
ولا جعلي
تاني في شنو؟؟
ما تخليني أنزلك صورة..
________
وأنا كقيادي في هذا الحزب
بقول ليك:
صوتك ما دايرنو..
ولو جيت تاني دار الحزب ده، ما تجينا كفرد، نحن نتعامل مع المؤسسات... جيب جماعتك وبرنامجكم...
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Tabaldina)
|
تبلدينا
ما تخلو حزبكم ده لليسوا والما يسوا، ولكل من هب ودب
______
دايرنك تكون ناطق رسمي للحزب، بس ناس العربية، ما تديهم وش..
إتخيل، يدو ناس -أقل مننا كماً وكيفاً- فرصة يخاطبو العالم ده كلو، ونحن يقولو لينا hmmmm let me think!
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Yassir Tayfour)
|
كان في واحد طالبو قريشات قام زرزرو ليكـ زرزرة الله يلاقينا..
المهم جاهو من جهتو البتوجعو وقال ليهو ديل موش إنتو ذاتكم الجدكم نمر حرق سماعين باشا..
صاحبكـ نقش الخدعة ورد ليهو بنفس المكر..
قال لو: هو يا زول خلاص إنتو صدقتو يعني..
يا زول حرم المكـ حرق ليهو قطية قش وكتل ملف خلى العار فوق جبين أهلو.
-------------------------------
| |
|
|
|
|
|
|
|
|
|
Re: إستقالة.. لمن (لا) يهمه الأمر (Re: Yassir Tayfour)
|
أم رشيرش قوود إيفيننق ..
هسي كان في داعي لي جنس كلامك دا :
Quote: والحمد لله ان هذه مصادرك التثقيفيه في الحياة ان تقرأ بورد ساره منصور
وتآتي مردد لجرائمها ونسيت سيادتك انك اول من قدم راي قانوني لناذر الخليفهعن تسجيل المكالمات |
مش إتفقنا إنك عاملا لي طوطش في دماغي وتجري سلكك منو ؟!
ليه عملتي كدة ؟ ليه بنهرب من مصيرنا ؟!
تاني أكرر .. ممكن تختيني بي الله واحد كم شهر كدة بخصوص النفسيات بتاعتي ؟!
أم رشيرش ..
كدي عايناني جاي وقولي لي ..
مصرة يعني على المقابضة ؟!!
| |
|
|
|
|
|
|
| |
Yassir Tayfour
فيصل نوبي
Tragie Mustafa
Ahmed Abdallah
Mubarak kunna
osly2
عزان سعيد
كمال مبارك
A.Razek Althalib
ناذر محمد الخليفة
فيس بوك
تويتر
انستقرام
يوتيوب
بنتيريست