|
|
 وثيقة تاريخية عن ود شيقوق صاحب الشمار المدقوق -
|
اخى ابو بكر سيد احمد - اخى فاروق ود حامد - هذه الوثيقة تم العثور عليها فى درج اللورى التيمس الذى يقف حاليا بجوار النهر الجاف -مدونة بقلم كوبيا وغير معروفة التاريخ - صياغتها صياغة قانونية وما فى احد قانونى فى البردانة الا ود شيقوق -سوف يكون تعليقنا بعد سماع ود شيقوق
ارسل المحامى ود شيقوق خطابا لحبيبته -يشكو -فيه من ديونه -المؤجلة - قال فيه حبيبتى وقضيتى الرابحة -جنايات-طبعا حجبنا الاسم الحقيقى دواعى النشر - اكتب اليك اليوم وانا كلى اسى فلم استطع على الحصول على - حكم بالاخلاء - من الفقر لذلك من الصعب ان يجتمع شملنا فى الوقت الحاضر لاننى اعتبر ان هذا الفقر - خصم ثالث- ومسبب لى -اشكال كبير فى حياتى - ومعيشنى وكاننى فى - سجن - دا الواحد تعب من كترة ما لف للبحث عن عمل وكل مكان اسال فيه ما الاقى غير - القذف - والبهدلة مع انى - مقبول شكلا - ودى حتى الفلوس الى معايا ما -توكلنى -دقة وانتى عارفة البيت تقل -بمضى المدة - وصاحب البيت - المجرم - بيلزمنى بالمصاريف - ودائما فى - نزاع - مستمر معاياوباضطر كل يوم اقدم ليه- مذكرة تفسيرية- بالحالة الصعبة الى انا فيها عشان كدا انا بطالب -بتاجيل النظر - فى قضية جوازنا الى حين -وضع اليد- على مبلغ محترم من المال -لنكسب القضية بحكم نهائى وذلك بحصولنا على -افراج - من الفقر اللعين-
الدقة يا ابوبكر معناها الشطة القبانيت الحارة والقبانيت جبال تزرع فيها الشطة بالقرب من جبال بنى شنقول -
هذه الوثيقة صورة طيق الاصل -وواضح انو ود شيقوق استغل برعاته القانونية وكبا الزوغة -
|
|
 
|
|
|
|
|
|
|
 Re: وثيقة تاريخية عن ود شيقوق صاحب الشمار المدقوق - (Re: الطيب شيقوق)
|
يا ود شيقوق - يا ايها القضاء الواقف -نحن قلنا مكتوبة بقلم كوبية مش الة طابعة واكد لنا شيخ النعام صحة الوثيقة - وثانيا الوثيقة تم الحصول عليها فى قعر درج التيمس الذى تقف فى ظله الصغير المتاليب والضالع والمهومرة والكاشر - بعيد يا ود شيقوق نصبت نفسك حاكم علينا وبديت بجمع التوقيعات لطرد اخونا ود المحرب من غير سبب -ود المحرب مش كفاية عليهو الانقاذ الرحلوا اهلوا من دردوق لا ايدن ولا كراعن يعنى ضيق عليك فى البورد الواسع دا -عشان كدا نحن خوفنا الرطانى والجموعى ما ورانا قبائلا بساندونا - عليك الله ما سمعت على محمد على قشيب قال شنو قال انا وراى قبيلة مستعدة لحماية كان بسمح وكان بشين - احنا مساكين لينا الله يا ود شيقوق - لى عودة وليك سلام كتير ولابراهيم وام عبد الله -
| |
|
|
|
|
|
|
| |
احمد حماد ادريس
الطيب شيقوق
فيس بوك
تويتر
انستقرام
يوتيوب
بنتيريست