|
|
|
 Re: بورداب الخرطوم .... افيدوني بسرعة ارجوكم (Re: محارب)
|
الأخ محارب
شايف ناس الخرطوم مطنشين عشان
كدا نونسك لغاية ما يردو عليك:
دا سعر الهايس تويوتا ديزل يمكن يساعدك:
==
الموديلات دي في الرياض أسعارها تقريباً كالتالي:
موديلات من 95 إلى 2000 م لا يتعدي 30000 ريال
موديلات من 2003 إلى 2004 م لا يتعدي 52000 ريال
موديل 2004 في حدود 66000 ريال
=======
الجمارك تبدأ من 6 مليون إلى 9 مليون ودا حتى بالنسبة
للهونداي 15 راكب كمان نفس الشيء،،
====
لو أستفدت من المعلومات دي : عليك سمسرة بسيطة
عبارة عن مشوار الخرتوم - الأبيض وترجعنا،، بس،،
| |
 
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
Quote: الجمارك تبدأ من 6 مليون إلى 9 مليون ودا حتى بالنسبة
للهونداي 15 راكب كمان نفس الشيء،، |
عبد اللطيف يا اخوى لكن لو بتحرق بخور والا تقول برى وجزاك الله خير
على طريقتهم ممكن الجمارك تكون اقل من كده بى كتير!!!
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
اذيك يامحارب
تحياتي الحارة
ياخي دايرين نساعدك لكن علي الايمان دي عواسة ماعندنا ليها رقبة ببساطة إنت
محتاج زول بعرف المسائل دي نحن ممكن نساعدك بأنو نشوف ليك شركة تشتغل معاهم
ترحيل نشوف ليك ركاب كمساري سواق .. الحاجات المقدورة لكن ناس جمارك وأسعار
الحاجات دي المخول ليهم ينضمو فيها أتنين في البلد دي
1/ ناس المؤتمر الوطني
2/ سماسرة العربات طبعاً أنتو بتقولو ليها سماسرة (سيارات)
ومرحب بيك غايتو كان بي حافلة ولا كداري زي حالاتنا
خضر
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
Quote: عبد اللطيف يا اخوى لكن لو بتحرق بخور والا تقول برى
وجزاك الله خير على طريقتهم ممكن الجمارك تكون اقل
من كده بى كتير!!! |
ود الموج،،
ماعندنا مانع نقول جزاك الله خير على طريقتنا ،،
ونقول ليهم والله الجمارك دي حرام عليكم عدييييل كدا،،
لأنه من غير الممكن الناس في اليمن يدفعوا حوالي 5000 ريال
جمارك على البوكس الجديد دبل كاب ، ونحن ندفع 80000 ريال
أكتر من قيمة السيارة نفسها،،
مافي منطق ، ومافي عدالة وظلم كبير من دولة لمواطنيها،،
دولة تتعامل في هذا الملف مع المواطنين كأنهم أعداء؟؟
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
..
.
سلام يا محارب..
هونداى قريس موديل موديل 2000 وانت طالع
بتتراوح بين 25 - 30 مليون بحالة جيدة ( اورنيك )*
موديل 96م لو مستعملة بتكون مبهدله لكن لو كانت اورنيك
بتكون برضو فى حدود 20 - 25 مليون ..
_______________
* اورنيك يعنى عملو ليها رى كوندشن فى كوريا وجات السودان
لم يتم الترخيص بعد وانت تقوم بالاجراءات ..
سمسرة :
تايوتا هايس موديل 2002م ( معدل ) .. اورنيك لم تعمل الا اربعة شهور
للبيع .. السعر المطلوب كاش 35 مليون .. تنفع معاكـ
الوسطاء يمتنعون ؛ 
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: Tabaldina)
|
..
.
توضيح لناس الماسنجرات
يعنى الواحد يخت معلومه ما دقيقة
وانت طالع دى يعنى حتى موديل 2005م
2006م فى فرق و2007 دى لسه ما ادونا ليها
القريس دا النوع المرغوب فى السوق من 14 راكب
يعنى زى التايوتا هايس
الاجراءات المقصود بها الترخيص والتأمين وليس الجماركـ
هايس معدل دى معروفه ياخى ..يعنى الدريكسون كان يمين وقلبوهو شمال
وعملو ليها تجديد وجابوها السودان و90% من الهايس فى الشارع معدل
بتختلف فى الماكينة 5L , 3L والحمولة فى الطريق هناك 1000 كيلو و 1250 كيلو
وفى وضع الجربوكس ..
اى استفسارات اخر ..
_____________
يمكن مقايضة الهايس انفه الذكر بتايوتا كرولا موديل 2004 او 2005م
بحالة جيدة .. طبعا اسعار الكورلا كاش ارخص من الهايس كاش
بس بنتفق .. ما عندكم عوجة تب ..
فرق ارنبين تلاته ما بينا ..
قلت شنو!!
هايسك كن ما سقتها براك احسن تخارجها !!
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
..
.
Quote: تبلدينا سمساري وعوز يسمسر عليك.
أضرب تلفونات لأخوانك في السودان أضمن ليك من ناس تبلدينا دييل. |
والله يا دينق يا اخوى
انحنا بنعمل عمل الخير دا لله
لو معلومه ولا عمل اجتماعي وما بنجى نقول سوينا
اصلو السواى ما حداث !!
وانحنا الناس المشينا ليهم بخصوص البناء والبيوت
حق السمسرة ما ادونا ليهم وشايفهم بدوا فى الجد ..
اها انا دا خلينا شوف زولاً تانى ..
_____ خارج الاطار ________________
بالمناسبة ما علقت لى على صحبك الشداها معاى عشان قلت كلمة نصيحة
خلنا نضاير ليس خوفا ولكن لظروفنا الاجتماعية فى البلد
بس صحبو الاداهو اللينك بتاع مشكلة من الماضى اتعرف والفيهو اتعرفت
يا دينق هو الزمن دا يبقي فى خوة دى نظريات منابر ساااى ..
ونحن بنعمل لوجه الله وليس للمظاهر والعرض ..
تحياتى واحترامي؛
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
..
.
| Quote: عايز اعرف سعر الحافة 14 راكب هونداي ديزل موديل 96 بي كم |
| Quote: وشغلها كيف هناك بتغطي ولا احسن نبيعها وخلاص |
يا زول انت ما تركز !!
انت عايز تبيع ولا تشترى !!؟
على العموم نفترض انك تمتلك هذه( النقاطة العملت لاخوك مصران عصبي )
عارف يا حبيب ..
الاحتمال الاول :
لو( هوندايتك ) دى لقيت طريقة ايجار لشركة استئجار السيارات أو منظمة
او سفارة او اى جهة فى القطاع الخاص .. تكون انت محظوظ
ونقاطتك مضمونه .. شرط ما تكون مرخصة تجارى ... لازم ملاكى !!
ويتم الاستئجار فى حدود بين 3 – 3.5 مليون فى الشهر ..
والشركة والتأمين بكونوا
مسؤولين من كل شئ واجرة السواق تتم بالاتفاق بينكما بين 600 -750 الف والباقي
لصاحب السيارة ..
الاحتمال الثانى
ما حك ظهرك الا ظفرك ..
ودا عشان تشتغل فى الخط مواصلات عاديه( مرخصة تجارى او ملاكى ولكل مميزاتها )
يعنى لازم تسوقها انت او اخوك شقيقك او فردتك او صحبك داك .. او زولاً يخاف
الله فى نفسه ورزقه وحق الاخرين ..
الدخل المعلوم اليومى بين 120 -150 الف والتوريدة اليومية هنا ثابته
للمرخص 80 الف ولو ما مرخصة بين 80 – 60 الف ..
والسبب هو قطع ايصال المرور بمبلغ 30 الف وحسب
الحملات المرورية يعنى قطع ايصال بجيب ليك 60 الف ما قطع
و مره اليوم بسلامه يصلك 80 الف زى التجارى..
سواق مستجد !!؟
اها دا البجيب خبرك وبغطس حجرك .. وببهدل ليك غريس كيلى دى !!
هى غريس دى انت لقيتها ملح ولا حاجة !!؟
اولاً الكورى ما بتحمل زولاً مستجد ..
ثانياً الشوارع ضيقة ومزدحمة عربات وشاحنات وهايسات
بتجرى جرى الجن واقل خبطه ولا هبشة عربيتك بتتفرتق ..
ثالثاً المستجد دا ما بعرف ليك ناس المرور
ولا الزوغات ولا وقت الشغل او وقت الركلسه الا لو عايز تدربوا فى تعبك وشقاك دا !!
__________________
اسال مجرب وما تنسي الســواق !!
يا خلق الله هايس نضيفه بكرولا 04/05 هل من راغب !!؟
لا عندى سواقاً لا ضمنت لى شركة ايجار ..
يحلنا الحل بله؛
______________
آها يا محارب .. اكتفيت ولا نزيدكـ 
| |
|
|
|
|
|
|
|
|
|
Re: بورداب الخرطوم .... افيدوني بسرعة ارجوكم (Re: محارب)
|
تبلدينا يا حبيب
الظاهر عليك السواقين جابو ليك العصبي ؟؟؟
لو رجعت فوق تلقاني قلت انو الحافلة ركبت البحر وفي طريقها للسودان
لكن والله حكاية التاجير البي 3 أو 3.5 مليون دي حلة خلاص بس يلقوهم وين البأجرو كدة ديل
وتنصحنى ارخصها ملاكي ولا تجاري ؟
باقي لي احسن التجاري لانو شغل الشارع اضمن من انتظار الشركات ... ولا شنو ؟
اكيد شكري ،،،
| |
|
|
|
|
|
|
| |
يازولyazoalيازول
صديق الموج
خضر حسين خليل
عبد المنعم سليمان
Deng
ناذر محمد الخليفة
ملكة سبأ
فيس بوك
تويتر
انستقرام
يوتيوب
بنتيريست