|
|
 بيواغرافيا......ناس بتعدل راسك ومقامك..محسن طه(لاكو)1
|
مابعد منتصف تسعينيات القرن الماضي ,كان نهارا غائظا وملئيا بالتوتر ويتسرب منه الاحباط طعما مع العرق (ويتقطر في عرق المساء )دعانا صديقنا الي زيارته في الديوم بحري
وهناك تهيأت كل المشاعر لافتراضات كثرة خصوصا عندما دخلنا الي ذلك (الحوش )فاجأتنا فتاة متمسحة بما يجعلها المع من (نجوم الغد)وتمسك لاوي الشيشة بابداع حريف ,ودون ان تتضاير او تلم قعدتها حيتنا دون ان تزيح ابتسامتها ,ثم حيت صديقنا بتحية خاصة(وين يا نسيب )ومانعرفه ان صديقنا غير متزوج ولكن يحب
انتهت بنا الدعوة داخل نقاش محتدم عن الهوية والديمقراطية حتي جاءنا المساء فخرجنا في فناء بحي الديوم بحري حيث كانت جلستنا متواصلة عن الحرية والديمقراطية وثقافة المدينة وايييييييييييييك
بجوارنا اتلم سائقو الحافلات وم في شانهم مهدودي الحال وجوارهم مباشرة كان رجل يدعي الفكي يواصل تذكره وصلاته علي النبي الذي يحبه اكثر من كل شئ (لم اري رجلا يصلي اكثر من الفكي )وهو غسال قادم الي الخرطوم من دنيا اخري ,وهو يضحك في مبارك بعد ان يسكر ويردد ربنا يهديك ,ولوسالت مبارك لقال لك ان اكثر رجل يحبه هو الفكي ولو سالت الفكي لقال لك (مبارك ده زول جنة بس لو خلا الكضب وكت يسكر ,والفكي لا يطالب مبارك مطلقا بالتخلي عن السكر بقدر ما يطالبه بالتخلي عن الكذب وحاياته الكثيرة عن سهراته مع المسؤولين حتي انني صدقته في كثير من الاحايين
كانت الديوم في ذلك الوقت نموذجا لما كنا نحكي عنه ,ثم نمنا في الشارع جميعنا ,اصحاب كل المزاجات وقبل ان ننام جاءت فتاة وجلست معنا ان تثير انتباه احد وضحكت كما يضحك مبارك ,حتي ان الفكي قدم لها من براد الشاي كوبا وقال لها مازحا ,لما يجي وقت العشاء ماتكلي من اكل مبارك لانو بضرك بالشطة كلميني اجيب ليك عشاء
في الصباح كان صديقنا وهو محسن طه (لاكو )يحكي لنا قصته في الديوم بحري
وهناك عرفناه ولدا جدع ومن فرط حساسيته اصابته القرحة وتسلل اليه احباط الناس دون ان يشله ويتخلي عن ميزاته في الاناقة والتعليقات الساخرة
يقرا الفلسفة بجنون ويكتب بحرية وبساطة ويتحدث في الاركان والندوات بعمق ,وهو صاحبك كما تتمناه عزيز علي نفسه والاخرين
يااااااااااا ذاك الشاب الاسمر ابن قبيلة الشلك يحكي عن نفسه فيفسر تناقضات الهوية متمثلة في ذاته ويحكي عن هذا الوطن فيضعك دون ارهاق ذهني عن مفارقاته الحقيقية
لاحقا سكنت الديوم بمحبة ,وجاورته في السكن ,جاءني مرة ليكمل مللوج كان قد بداه وهو يسير من الخرطوم الي بحري قال لي انني تحدثت بصوت عالي غنيت وقرات شعر العرب ,ثم وصل الي الديم وكانت القرحة في هيجانها ,ذاك المساء كان حبه متوهجا وطموحه يكاد يقتله ,فكر في الهجرة بالم لم اتخيل في شخص ,ثم شجعني عليها ,لان هذا الوطن بات لا يحتمله وهو نفسه لم يعد يحتمل (هذا السخف)
|
|
 
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: سفيان بشير نابرى)
|
صديقنا نابري.....انتظرنا بالقرب
المكان:
مرة اخري الديوم بحري
الزمان ...غير معلوم لاحد هو فقط المساء الحزين والنهار الذي يملا الدنيا بالكابة
وعلي طول الشارع الترابي المتفرع من شارع المعونة ببحري وحتي ما تصل الي الخور تمر بالشخصيات الاتية وهي دنيا ادخلنا فيها محسن طه صديقنا الذي قال كلمة في حق الوطن وانصرف,اذ ذات مساء ودعنا بهدؤ تسبقه الي القاهرة عشرات الامنيات والاصدقاء وحبيبة قررت ان تبحر الي الدنيا الجديدة مع هذا الاسمر الوجيه الذي امتلات نه حبا فتدفق شعرا ونثرا وكتابة علي السليقة
مروا هكذا دون استئذان وخلفهم كان الشارع ,يبدا بالفكي من دنيا لا تعلمها ومكان في هذه الاض تتنوع اروايات حول اصله وكلها تتفق بعد مداولات انه (رجل اصيل )وبجواره عثمان سيد الدكان جاء من الجزيرة وفتح دكان ,وينام علي عنقريب وياكل بتقشف (ويسردب للملاريا )مستخسرا ثمن حبات البندول ليس لعدم ثقته فيها وانما خوف علي المال الذي يجتهد في لمه وفوق ذلك هو رجل حشري علي خلاف مواطني الديوم بحري فتعرض مرة الي ضرب مبرح لانه تدخل فيما لا يعنيه ولم تنقذه الشرطة (من شفاتة الديم)في مرة قال لي بجدية متناهية ,صاحبكم داك وين ؟؟؟كان يقصد محسن طه صديقنا الذي هو في كندا الان بتعبير حسن موسي .قلت له في كندا ثم سالني ,وين كندا دي ؟فاحترت في الاجابة لانني لم استطع ان اقول له وراء البحار وابعد ما تتخيل صورت الامر لنفسي كمهمة شاقة عسيرة علي الشرح
رد علي (صاحبكم ده فاهم جنس فهم )مرة تحدث مع زول بالانجليزي .....ولم ادري كيف فرز الانجليزي من بين لغات العالم ,لان محسن يجيد اكثر من لغة بطلاقة
اما صديقنا جاركول فهو يعتقد جازما ان محسن هذا سيصبح سفيرا في وقت غريب وتبريره لذلك انه شاب سياسي
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
كان محسن طه (لاكو )مستفزا لجهة اثارة الاسئلة الصعبة وحادا في تفكيك المسلمات
اكثر ماكان يؤرقه سؤال الهوية وبناء ثقافة السلام والتسامح وكان لديه فلسفة خاصة يعبر عنها بطريقته الساخرة واللاذعة
في مرة من المرات قال لي ان مسالة الاخوة الجنوبيين دي استنكاح نخبوي ساي لكن الناس العادية دي مافاهمة الحاصل شنو وعشان اوريك الكلام ده تابع معاي
كنا في الحافلة من بحري الي الخرطوم جاء الكمساري وفرطق اصابعيهو العادة ,مد محسن الف جنيه وساله الكمساري (كم؟)يعني كم نفر ,رد محسن معاي الاخوة الجنوبيين ,,ولك ان تتخيل كل الدهشة وهي مرتسمة علي وجه الكمساري البسيط وهو يتلفت في الحافلة مبديا عدم استيعابه لما قاله صديقنا محسن
وبعد دقائق كان الكمساري يسال (الاخوة الجنوبيين ديل شنو ياخوي )
وضحك لاكو ملتفتا الي وقال (اها ماقلت ليك ده وهم ساي
نواصل
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
كان محسن طه (لاكو )مستفزا لجهة اثارة الاسئلة الصعبة وحادا في تفكيك المسلمات
اكثر ماكان يؤرقه سؤال الهوية وبناء ثقافة السلام والتسامح وكان لديه فلسفة خاصة يعبر عنها بطريقته الساخرة واللاذعة
في مرة من المرات قال لي ان مسالة الاخوة الجنوبيين دي استنكاح نخبوي ساي لكن الناس العادية دي مافاهمة الحاصل شنو وعشان اوريك الكلام ده تابع معاي
كنا في الحافلة من بحري الي الخرطوم جاء الكمساري وفرطق اصابعيهو العادة ,مد محسن الف جنيه وساله الكمساري (كم؟)يعني كم نفر ,رد محسن معاي الاخوة الجنوبيين ,,ولك ان تتخيل كل الدهشة وهي مرتسمة علي وجه الكمساري البسيط وهو يتلفت في الحافلة مبديا عدم استيعابه لما قاله صديقنا محسن
وبعد دقائق كان الكمساري يسال (الاخوة الجنوبيين ديل شنو ياخوي )
وضحك لاكو ملتفتا الي وقال (اها ماقلت ليك ده وهم ساي
نواصل
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: خضر حسين خليل)
|
سلامات ياخضر
لا تقل لي انك التقيت بطارق عبد المجيد ولم تذكروا ذاك الشاب الذي كان بينكما (اقصد فون)
تسلم ياسيد وماجاتك عوجة
لكن انت عارف يا خضر لمحسن خصائص اخري غير تلك المتعلقة بالسياسة وهذا ما ساحكيه هنا
بس ادوني فرصة وما تلموا لي البوست ده جوة كده لحدي ماانتهي من قصة ما في دارفور وحقو تثرثروا هنا لحدي ما اجيكم
مع مودتي ياصديق
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
لم يبق شئ سوي الذاكرة
محسن طه
لم ولن تسقطه الذاكرة ابدا
بل يملاءها حد الشبع
ولم ارتوي بطعمك يا محسن
يا عصير من خليط الدهشة الاولي
رغم بشاعة ذلك الزمن الا أن محسن كان يوفر لنا ظل وريف
عارف الصاوي لك وافر الشوق
وعظيم التقدير لاستضافة واستدعاء الرائع محسن طه
ولنا عودة لاجترار ذاد الذاكرة (محسن طة)
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: مجدي شبندر)
|
والذاكرة لا تحتمل الكثير من الضغط بقدر انها تتعذب حينما تحدث فراغات فيها ,وهكذا كان صديقنا يعمد علي تنشيطها بحضور ما ,هو مثقف ومستدعي لتساؤلات مستفزة بصورة او اخري ,وكلما كنا نجلس تجد فكرة مفارقة لسياق ماهو عادي تنفلت وينظر الي الجانب الاخر(المهمش من الحقيقة )كما ينظر الي الاطراف المهمشة وبقدر ماهو قاسي علي نفسه هو قاسي علي هويته كونها تعجز عن المقاومة ,فنهضت فيه خاصية نضالية واعية وخاصة تختلف عن هتافية الجميع
في مرة شهدته يتحدث الي مجموعة من ابناء جنوب السودان بكلمات لاذعة (انتو عبيد وهم قايلين مسالة التحرر دي امنيات ساي امشو جيبو قروش عشان تاسسوا طبقة وسطي وطبقة راسمال وطني )وكان مقتنعا بشئ ما ان عملية تكوين هوية قومية تتطلب بناء قدرات شعب الجنوب ليس بعطايا من الشمال بقدر الوعي الحقيقي وهذه مسالة لدي محسن تحسب بالورقة والقلم
وكلما اسرفنا في الحوار واصابنا الترف والتداعي كانت له خاصية الارتباط بالواقع والاستشهاد بما يجري حولك ,فتاتي الملاحظات ذكية لها قدرة علي النفاذ الي جوهر المسالة
في الجانب الاخر هو انسان لديه قدرات اختراق الناس بطبائعهم وثقافاتهم
خرج من الخرطوم دون ان يكمل وداعها ودون ان تكتمل فكرته عن العالم الخارجي هو يدري انه يجب اعادة تاهيل الذات لتلعب دورها في مقاومة الظلم وباستمرار كان يقول لي (انت قايل نحن بالتكاسل بنقدر نعمل حاجة )ثم اخيرا كان يعتقد ان مشروع الجبهة الاسلامية استطاع ان يربط الناس بحلقات من الموضوعات المتخلفة واننا للاسف صدقنا تلك الالعوبة وصرنا نناقش مسائل مثل علمانية الدولة والديمقراطية كخيار جاذ وفي غفلة من الزمان ارهقونا بمناقشة البديهيات حيث كانت اكثر الكلمات ترددا علي لسانه (شرح البديهيات مضني)وهي مقولة مستلفة من الفيلسوف الالماني كانط)
نواصل
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: حبيب نورة)
|
حبيب نورة
حبابك مليون
واقعد عافية
اها نواصل
لاكو ....كان انيقا وحبيبا هكذا لوجه الريح يوانس (الديكة)صباحا ويقرأ الشعر ويعجب بفصاحته وفوق ذلك تنتابهحالات من القلق كفيلا بحشر الشعب السوداني في متاهة ماركيز الدائرية
واكثر من تحتاج الحديث معه في قمة حزنك كان هو ببساطة لانه يستطيع ان يفسر لك بساطة العالم وتعقيده متي ما احتاج الي ذلك
وهو يهم بالسفر للحصول علي هوية عالمية ظل يتساءل عن المدة الزمنية لاستمرار هذه المغالطة الطويلة (عن من نحن )وقتها كانت الانظار تتجه جنوبا فقط لتدلل علي ثنائية الهوية التركيبية ,وهو ساخر من كل هذه الغلوطية يدلني واصدقاء اخرين انه من العبث تدليل الجنوبين ليستحقوا احترام الشماليين وتلك هي مفارقته المضحكة
لكن حينما يحين الوقت لتداول الافكار بجدية تراه قريبا من دراما معاشة تدلل علي قية الحرية والتنوع ويستطيع حساب ذلك رغم بلادته في الحساب
ولذلك من نبع حوارات خاصة قفذت الي اذهاننا في ذلك الوقت اقتحام مجتمع القيم الجديدة ولفائدة ما كان يقودنا الي شخصيات تسمي قاع المدينة لنعرف مفارقات مدهشة في التشكيلة الوطنية والقومية ,وهم شخوص يتحركون في عالم حقيقي
مرة واحدة دخل علينا عيسي ناصر مدعيا جنونه (ولواطه )وشذوذه وسكره وتمثله بالجنون في حالاته المتمردة مستلهما من ميشيل فوكو في تاريخ النون التبريرات اللازمة لحوار فوق المسلمات ومتمثلا بجا جينيه في قمة تحرره من سلطة القيم
كان ذلك بالجامعة الاهلية وركن نقاش محتدما وهادئا حول كل شئ الا الصمت
وبذات التمرد قال عيسي (التحية للشكش واللوايطة والناس الدقوا عمر نورالدائم...رحمه الله)
كانت ورطة لتنظيم سياسي في قيمة وجوده ومنبره وتعاليه علي الشارع العام رغم ان عيسي لم يكن عضوا في تنيظيمنا لكنه ادخلنا في ورطة الحفاظ (علي الذوق العام)
والي ان اعود لاخبركم كيف كان التصرف
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
في صباح اليومالثاني لفجيعة عيسي ناصر الاخلاقية كانت الجامعة تتعبا ضد مروجي الالفاظ النابئية ومجموعة من التنظيمات اتخذت حديث الرجل ذريعة للمحاكمة الاخلاقية ,وكان محور الاهتمام هو كيف يتسني لتنظيم مسؤول ان يحي (الساقطين والساقطات)وبالتالي جرونا الي حلبة خطاب اخلاقي ماييره وادواته فيها كثير من النظر
كان التقدير اما الدخول الي حلبة الصراع وتفكيك الخطاب الاخلاقي نفسه وبالتالي يجوز للمتلقي ان يدمغنا باننا نتبني رؤية عيسي في تحيته تلك
او الانصراف عن الامر وممكن برضو يكون هروب مقنن
المهم في الامر الوحيد الذي اخذ المسالة باعتبارها شخصية وعامة في مفس الوقت هو محسن طه لاكو ,صديقنا الذي يكتم كثير من التعبيرات وما ان تخرج حتي تعتبرا انت اصيلة في فرد وليس منظمة
اها الحكاية زادت ورطة عندما انقادت الجامعة كلها للاختيار مابين ليرالية منفتحة واخري مهادنة
تذكرنا شارع الديوم وهو الحي الذي كنا نسكن فيه وامامنا عشرات الكتب عن الاخلاق والثقافة الليبرالية والحريات والعلمانية في موقفها الاخلاقي
الحي كان ملئ بالناس والخطاب هو مالاشك فيه خطاب الشارع رمزه الدين الفكي (قلت ليكم الراجل ده يصلي طول الوقت )وهو بكل المعايير رجل متدين في حاله لكنه بن هذا الشارع ولا ترتفع حواجبه بالدهشة وهو يسمع مجدي مثلا يصرخ في وجه ابنه (يا معرص)بل يضحك وهو يدعوه ان يعلمه بالتي هي احسن ولا يستنكر اللفظة ولكن الاسلوب في التربية
بعد تلك المناكفات تنعقد ورشة المقارنات
وجاء اليوم الموعود,انا شخصيا ما كنت عارف محسن حيدخل للموضوع كيف لكن السؤال المفتاحي الذي جعل الناس يحتارون وهو ما يسمي بصدمة الخطاب وحدود تاثيره هو
لو كان هناك فعلا شريحة من الناس (بعملوا قلة الادب)ومختلفين في اسمهم )بالانجليزي ممكن تقولا عادي وتمر ,يعني لوقلت (الهمسيكشول )الموضوع عادي يعني ولو قلت الجنس برضو عادي لكن في ناس بقولو الموضوع ده بلغة تانية وهو نفس المعني فهل الهشة في اللغة ومحتواها ولا في المعني المقصود
(بالمناسبة انا اتورط في الموضوع ده)
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
عارف الصاوي
مشتاقين
تتذكر يوم 14 يناير 1998 الساعة سبعة ونص مساءاً، كان آخر يوم شفت فيهو الديوم لمن جيت أودعكم وأنا مسافر وأفتكر انتو كنتو في أوضة قسم السيد في نفس البيت الكان فيهو (صلاح حسن والطيب اوسطة) وبعد داك الطيب أجر الأوضة براهو لأنو كان ما شي يعرس.
الكلام الفوق دا أنا كتبتو عشان أقول ليك إنو أنا لمن غادرت الديوم إنت ظهرت في الديوم وأنا حقيقة داير أعرف الحصل بعد ما أنا سافرت شنو، عشان كدة أنا حأخليك تكمل كلامك وبعد داك أنا حأكتب، ولحدي الوقت داك أنا عايز منك حاجتين:
1- تكتب عن المرحوم (كدايسو)
2- من هو (ابو جمبة)؟؟؟؟؟؟؟؟؟؟؟
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
لم يكن المساء هنا يحمل اي توترات نفسية ,وكلما كنت تهم بالخروج علي هؤلاء الناس يفاجئونك بمحبتهم التي تقصم ظهرك
كان في واحد من انبياء العصر الواحد وعشرين ,ببساطة هو يفعل اشياء لا يمكن ان تخطر ببالك ,فهي ليست كرامات ولا خوارق ,فقط كان لديه الاستعداد لفعلها ولشدة ولع الناس به ,تزوج من بنتين في يوم واحد ,واجابته ببساطة (اصروا علي )يبدو انكم تعتقدون ان الرجل فاكيها في روحو ,لكن هذا غير صحيح في يوم عرسه جلسن يتبادلن الضحكات واحدة عن شماله وواحدة عن يمينه
هذا الرجل جرئ ..........انتهت الحفلة وانفض المعازيم وتابعت العيون (كلها)مسار ابراهيم مع عروسين في يوم واحد ,وعلي طرف الخيمة جلس مجموعة من الشباب ,جعلهم(الدخان)يغرقون في التفاصيل وكان السؤال كيف سيتصرف ابراهيم مع هاتين الفتاتين ,ينط واحد ويقول ..ديييييييييييييييييييييييييييييينننننننننننننننننننننناك اتنين في يوم واحد (فقري يا ابراهيم ...ختري
الثاني يسال ,لكن ياجماعة تفتكروا ابراهيم ده حينوم معاهم الاتنين سوا
التالت:لا لا ياخ ما ممكن الزول ده عاقل
الرابع :يعني فيها شنو يونسهم كده لحدي الصباح ويعملوا اجتماع يضعوا فيهو الجدول
الاول:جدول شنو يا مان
التاني:جدول الحصص..يضحكون بخبث
الاول :لكن يا جماعة القصة دي وراها سر
التاني :كيف يعني ؟
الاول :يعني ما ممكن بتين حلوات ورقيقات ومتعلمات يرضن يعرسهوهن كده في يوم واحد
وابراهيم هناك ولاهمو ماسك دي بيد ودي بيد وطالع من الصيوان فيما الموسيقي تودعه الي مكان ماماشي
سالنا الفكي 0ما راي الدين فيما فعله ابراهيم ؟
فاجاب
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
الديوم بحري، شكل العلاقات فيها يختلف عن باقي المدينة المسماة بالخرطوم، هل يمكن أن تكون مجرد (غيتو) آخر، يحمل بصمة إستعلاء البعض العرقي والطبقي؟ ربما كانت الإجابة سهلة يا عارف، لكن الناس هناك جميلون، هكذا رايتهم، وهكذا أذكرهم إلى الآن، حتى (أنصار السنة أصحاب المطعم) لم يكونوا كبقية أنصار السنة، فتأمل؟؟
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
| Quote: أنصار السنة أصحاب المطعم |
صادق إسماعيل
الراجل صاحب المطعم ده تحفه والله
بلاي العظيم انا كنت بمشي اتعشي عندو واقرأ
اصدارتو الحائطية ايوة والله يا ناس الزول ده
عندو جريدة في بورد بتاع خشب بطلعه عادى ويختها
زيها زى طربيزة العشاء وزي السلطات والمويه
بعدين الزول ده جنو وجن زول مسلم ياكل مع زول مامسلم
وطبعاً صاحبنا (لاكو) باعتبارو زبون دايم للزول ده ومشاكس
درجة اولي لهذا الرجل كان بينهم ود كبير جداً وتعليقات غاية
في الطرافة ، بس الراجل ده ما كان بيقدر يستوعب اننا نحنا
المسلمين ديل (انا وعارف) كيف ناكل في صحن واحد مع زول (كتابي)
زي (لاكو) ده وفي مرة قال لينا :- حتي صاحبكم ده زاتو ما (زمي)
عارف الصاوي قال :- دي بالعربي والا الانكليزي وطبعاً (لاكو) ولا شغال
بالفارغه يضرب في العشاء ويضحك ويتبسم ويقول ليهو :- والله كان انت
بتعمل زي ماتقول مفروض عشاك ده تقفلو لانو هنا بيجوك كل الا زميين
وناس الخانات والشربات والشيكات والجلكسات ويضحك وكتير جداً سمعتو
بيدعو (لاكو) للاسلام والدين وبيقول ليهو انت زول ما هين والناس بتحبك
ودي محمدة وكرامة تمها بنعمة الاسلام .
وفي يوم مساء شديد طلعنا نتعشي في نفس المطعم ده أنا وعارف ولاكو وكان
معانا ريتشارد (ريتشارد ده يا صادق كان الكادر الخطابي لشباب النصر التقنية
مسيحى ملتزم من أم ذات اصول كينية واب ذو اصول مصرية ) وكان اول يوم يمشي
يتعشي معانا في المطعم ده طبعاً مشينا سلمنا علي صاحبنا سيد العشاء وانا طوالي
اتحركته علي العدد الجديد من الجريدة وبديت اقرأ وصاحب المطعم بيزبط لينا في العشاء
المهم اتعشينا تمام وطبعاً الجريدة فيها مادة ثابته بتتكلم في (حكم الاكل مع غير المسلمين) انا طوالي ناديت ريتشارد يقرأ قرأ بانتباه شديد لدرجة انو صاحب المطعم قال ليهو :- اخوانك ديل انا كلمتهم وانت جديد بتمنى انك تعرف الكلام ده وتفهمو كويس
ريتشارد قال ليهو :- انا مسيحي الراجل رفض يصدق ريتشارد قام كفكف يد القميص ووراهو
الصليب وطلع السلس بتاعو من الرقبة وراهو ليهو صاحب المطعم شال كل حيرتو ورماها فيني انا وعارف الصاوي ده .
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: الصادق اسماعيل)
|
الصادق اسماعيل
سفيان بشير
قايلين القصة دي بتنتهي ؟؟؟؟يلا نواصل
تاسيس:
طبعا قصة الديوم دي ممكن تنفع بحث او دراسة عن تطور المدينة ,واول ملاحظة لفتت انتباهي ونحن بناول نكون فكرة عن المدينة بمفهومها الاجتماعي والثقافي ,خصوصا ونحن قرويين حتي الثمالة ,لكن كتب ما وكتاب اشقياء فعلوا فينا فعل المزامير
المهم جئنا الي الجامعة ونحن نكون الاسئلة الاولي ربما تلك المرتبطة بالوجود وعلي شاكلة (من نحن ؟)لكن رويدا تسربت الي ادمغتنا حوارات مابعد النهضة والثورة الصناعية فخلنا الامر ترفا ان نتحث عن الخرطوم بالصورة الذهنية التي كنا نتخيلها عنها قبيل مجئنا اليها او اثناء زارات خاطفة ونحن مازلنا يافعين ,كانت بالنسبة لنا العاصمة وعلي قول محسن طه(محل الرئيس بنوم والطيارة بتقوم)وهنا في هذه الارض تكاثر البشر ,ومع بعض اراء ومشاهدات وكتابات خلنا الخرطوم (بس غرسلي علي اكبر)وغرسلي هذه قريتي التي تقع في حضن النيل الازرق فخصبها وحبلت منه موز ومنقة وجوافة وبطيخ وبصل وجرجير
انها قريتي التي كانت لا تحتضن الاسرار وتغتاب في 3الف شخص ليلا ونهارا وهي في ذلك كسائر قري وارياف السودان لكني لم اكن اتصور ان الخرطوم هي قرية كبيرة تشتغل بالناس اكثر من شغلها في الماكينات والصناعة والكارثة انني بعد زمن طويل اكتشفت ان اكثر من 7 مليون نسمة يسكنون الخرطوم هم يعرفون بعضهم بطريقة او اخري ولا تنظر الي الجانب الاجابي في هذه المسالة ولكنها (معرفة شمارات )في فراغ الوقت والفاقة
المهم عندما عدت الي الخرطوم كنت اتوقع انني ساختبر حريتي هنا ,ومحكي حيث (الرئيس بنوم والطيارة بتقوم )وفعلا وجدت الرئيس نائما والطيارة بتاعتنا قامت والناس بالناس نضمي في الفارغة والمقدودة وعيون مبحلقة في اسرار الناس بانتهاك مبالغ فيهو ,الف بوليس يراقب النوايا والف لحية توصلك الي الجنة في الاحلام والف ناصح وواعظ وعوالم تدخلها ليلا ونهارا دون ان تقرع الباب
حتي جئنا الديوم بحري كانت البيوت مفتوحة في بعضها وقلوبهم كذلك وفخورين بانهم (ديامة)كانت تجربتي الاول في حفلة ذهبنا ع محسن بتنظيم جيد من بت جميلة اسمها (نجاد )ونجاة هذه تشاركها في السكن بنت جميلة اخري كنا نظن انها شقيقتها (ومظنتنا من سؤ خيالنا وريفتنا الغليظة)تقدمت فتاة مني عشان تحنني ولا يفوتكم انني حتي تلك اللحظة لم اعرف المناسبة حتي لحظة دخول فؤاد عبدالرحيم قبل زوااجه الحقيقي بعام فهو كان شاغل الناس بعرسوا القرب فانتهزت نجاة الفرة عشان تعمل خفلة ولما ما لقت مناسبة قالت خلاص حنة فؤاد وهو نفسه متفاجئ
الف فنان وفنانة والف متبرع بالساوند سسيستم والف جالب للحظ والف بنت والف كاس من الخمر والف ابتسامة وفرحة (تقول بكرة مافي شغل )البنت التي يفترض ان تحنني هي اجمل من زهرة السوسن مع الاحتفاظ بحق الاقتباس وهي اشهي من ال......... لكني كنت متخيلا سيناريو اخر عندما زادت الغراميات بيني وبينها في تلك الامسية ولانها جميلة بالتاكيد حايسلبط شباب الحلة فينا وهذا مالم يحدث في الديوم ابدا
وهذا مدخل لمناقشة اخري متعلقة ربما بالقيم
اما قصة ماحدث بيني وبين البت فده حيودينا لحتت الشمارات وبلاش
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: الصادق اسماعيل)
|
توجهنا بالسؤال الي الفكي عن رجل تزوج امراتين في يوم واحد وبحسب الروايات المتواترة انه سيدخل معهما الاثنتين اها راي الدين شنو
ضحك الفكي وقال (ابراهيم ده راجل ادييييييييييييييل)والله كيفني عديل
لكنها الديوم تشبه المدن عندما تتعدد فيها القيم الاخلاقية ويعترف الجميع بمعايير الاذي الاجتماعي والجماعي دون اسقاط محاكمة قيمية علي البقية
كانت المساءات ومازالت في الديوم وحيا من القانون الخاص تتدخل فيها علاقات الناس الشعبية والاجتماعية وفي نفس الوقت الفرد منظومة قيمية في حد ذاته غير مندمج بالكامل في الجماعة مع انه عضو اصيل فيه
الجمعة الماضية ذهبنا كابو وانا الي مسرح الاحداث القديم
غرفتنا التي كانت اجمل من قصر مشيد باعتبار انها غرفة حرة وبابها مفتوح ولا احد يسال عن الداخل الخارج منها وتحتفظ بخصوصيتها دون اغلاق الباب (كان يسكن فيها بكري الجاك من قبل وقسم السيد وجعفر بشير وقسم السيد )
وهذا ما سنتحدث عنه (غرفة في المدينة )
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
| Quote: (غرفة في المدينة ) |
غرفه عجيبة
في آمان الله تكونو 4 نفر لحدي 11 مساء
تنوم علي كده تصحي نص الليل عشان
تمشي(....) محل تخت رجل تلقي زول !!!
وياويلك لو كمان شفته الممددين بره
الحوش وخشم الباب لانو بترجع ما بتلقي
حتتك .
طبعاً يا عارف ويا صادق ويا شباب كلامي
ده ما عن الغرفه (شديد) لانو لي وكت قريب
كنا محتفظين بيها بس لما نصل لنهائية
الحديث عن (غرفة في المدينة) حيكون في
كلام مهم عنها وبالواضح كده انا راي انو
(غرفة المدينة) دي ضيعة عارف الصاوي صاحب
البوست ده زاتو والكلام ده بتمني يكون في النهاية
يا عارف ونشوف !
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: سفيان بشير نابرى)
|
في العام 1997 حرضتنا الجامعة الاهلية علي تجاوز الاسوار وان نفعل شئيا يخص الوطن ,كانت النداءات تكثر والخطابات الساياسية تتشابه الي درجة الارباك ,وبما انها فترة استقطاب سياسي كان حريا بنا ان نستمع وان لم نجد احدا يتحدث كان حريا بنا ان نهتف او نفعل شئيا يجعلنا سياسييين فليس هناك شئ يدعو للاستكانة
الاسئلة الي تتقافز امامك هي من نوع الاسئلة المباشرة والاجرائية في الاجابة علي سؤال السلطة الجبهة وكعوبيتها ,ثم اتفقنا علي هذا وجئينا الي النقطة الثانية التي تتعلق بكيفية النظر الي ازمة السودان
في امسية من اماسي الخرطوم الكئيبة والتي تحاصرها رائحة التبصص والتجسس ذهبنا بدعوة من صديقنا محسن طه الي الديوم بحري ,زقاقات في زقاقات دخلنا غرفة صغيرة شبه مظلمة بها دولاب ابيض وبعضا من ستائر وفي الخارج اناس يتحدثون في الهواء الطلق ,يتحدثون في كل شئ ولا يتجاوزون السياسة (السودانيين ديل عجيبين )لا يمنعهم شئ من الحديث والثرثرة )كان يجلس في منتصف السرير وهو ثاني سرير في الغرفة الصادق اسماعيل وبيده مسودة جدلية المركز الهامش واجتهد في اختصار ذلك الكتيب ,في ذلك الوقت كان هناك شاب يجلس منكفئا علي كتاب اظنه رواية لماركيز او ا شابه ,كان لا يتحدث ويبدو مازوما حاملا اصعب الاسئلة ولم يفتح الله له بكلمة واحدة طوال جلستنا واحيانا اظنه يراقب الحديث ويتململ ليقول كلمة وسرعان ما يغير رايه من الحديث فيما بعد كان هذا الشاب هو جعفر بشير
مكثنا وقتا ليس بطويل فدخل شاب اخر اسمر لون لم يكف عن الحديث وحتي وهو يبدل ملابسه كان يتحدث ويبدو انفعاليا وبسرعة فائقة التقط حديثا من الصادق اسماعيل فاستطرد بالحديث لا اخفي عليكم فقد اعجبتني سرعة البديهة والذكاء في اصابةالموضوع فكان هذاا الشاب هو بكري الجاك
وقبل ان نلملم اوراقنا كان قسم السيد يفرش ما تبقي من ورق لتبعبد ويصلي فقاطعه بكري بعد ان جلب له (شوال سكر فاضي من الدكان ليصلي عليه,وقال له (لما تقيف قدام الرب خليك محترم وجادي
انتهت الامسية لتبا قصتنا مع هذه الغرفة العجيبة
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
Quote: غايتو أنا حأقعد أرفع في البوست دا لحدي ما ننتهي
سفيان تعال بجاي وماتغيب |
سلام يا صادق واشواق
تصدق يا صاحب قبل نص ساعة من لحظة كتابتى دى صادفته عمر الفاروق سيد كامل ؟!!
اي والله عمر الفارق بذات شحمه ولحمو وعلي فكرتو لسع طبعاً ببساطتي العادية قلته ليهو :-
اوووووو اووو السيد القُنصل وضحك ضحكتو ديك وبالاحضان وكان شائل طفلو في ؤقبتو فوق اي والله في مولد حوش الخليفة ده وقزينا كيعينا زي زمان بس غزة هينة ما زي غزة لما (يصلبك) فوفو مثلاًُ .
عموماً يا صادق يوم الليلة فعلاً كان عجيب اصلاً كان مقيل معاي العارف بامور الخستكه :- حسن بابلونيا وتعال شوف انا لا عرفته اراقبوا لاعرفته اتونس معاهو واجمل والزه حاجة قال شنو ؟ قال بقي مصور في صحيفة السوداني تصدق دي ؟!!
اها يا الصادق دي جية خفيفة ومستني عارف يتم موضوع الغرفة دي اصلي راقد لي فوق راي!
محبتى لك وللجميع هنا
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: سفيان بشير نابرى)
|
سفيان
العزيز
ياخى إنت زول (نبي) عديل كدة، عارف أنا قلت أرفع البوست بشنو (بفكِّر في حاجة عشان أكتبها منها البوست يترفع وفي نفس الوقت تكون مفيدة)، ففكرت في حسن بابلونيا قلت أسألك منو، أجى ألقاك كاتب عنو.
المهم بابلونيا مصور بارع (ولامناص له في أن يكون كذلك)، وخلى بالك منو.
الشئ التانى
منتظرين (رأيك بفارق الصبر)
| |
|
|
|
|
|
|
|
|
|
Re: بيواغرافيا......ناس بتعدل راسك ومقامك..محسن طه(لاكو)1 (Re: arif elsawi)
|
محمد ابراهيم علي بواسطة عصام البلوم
شتتوا العيش خلوا الحمام يجي (الصادق ,شبندر ,كابوكي , جحفوظ(جعفر),بكري الجاك,فؤاد,ابكر,عربي,عمر الفاروق,حمزة , تجاني )
تخريمة: المقام عن الاشخاص ولكن على ذكرهم تأتي الاماكن
علي حس غرفة الديوم يأتي ذكر منازل اخري على سبيل المثال بيت حاجة زهرة (الثورة الحارة 13) وسكانه الغائبون ال ضو البيت (الطيب بوس واحمد), امتداد ناصر,مزرعة سوبا وود الجبل , الدروشاب وغرفتها التي نجت من السيل وأبو الأماكن مكتب صابر عابدين (الصادق : غير مسموح بالخوض في تفاصيل رحلة الفاو وسيء الذكر مشروع توريد الدبارة الخاسر!!!!!!!!)
| |
|
|
|
|
|
|
| |
سفيان بشير نابرى
الصادق اسماعيل
خضر حسين خليل
مجدي شبندر
حبيب نورة
ateif abdoon
Imad Khalifa
فيس بوك
تويتر
انستقرام
يوتيوب
بنتيريست