بالامس الاول وقع البروفيسور الزبير بشير طه وزير الداخلية السوداني و السيد/ سعيد صيام وزير الداخلية بالسلطة الوطنية الفلسطينية اتفاقا ينص على تبادل المعلومات و المجرمين بين الدولتين كما ندد الوزير السوداني بالظلم والتنكيل الذي يتعرض له الشعب الفلسطيني من المحتل الاسرائلي
انتهى الخبر
صحيح انا رجل مسكين قدر حالي ااكل الطعام وامشي الاسواق واحيانابقرأ سودانيز اون لاين- يعني ما فاهم اي حاجة في السياسة لكن والله الله يقطع ضراعي لو فهمت الغرض من الاتفاقية دي
02-25-2007, 11:48 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
طبعا منو هايمسك منو وكيف ويسلمو لمنو.. ده يجي في الإتفاقية الجاية.. لما السلطة الفلسطنية مع الإنقاذ يتقابلوا ويسلمو ا علي بعض بالأحضان والقبلات ويعملوا الإتفاقية..
واهو الناس بتعمل حركة اقليمية ومرات عالمية علشان يكون في حراك سياسي!
واحد يسلم للتاني اصولي ارهابي واضح و التاني يمسك اسرائيلي واضح و يسلمه طبعا منو هايمسك منو ده يجي في الاتفاقية الجاية
يا منى يا اختي كان تخليني في حالي- اها يقطع ضراعي التاني معاهو رجلي ما فهمتني حاجة
قال تبادل المجرمين الفلسطينيين قال ؟؟ الشعب الفلسطيني يتعرض لابشع جرائم القتل والتنكيل من قبل الحكومة الاسرائيلية فمن اين له مجرمين- ولا دي قلة شغلة ساي
Quote: يا منى يا اختي كان تخليني في حالي- اها يقطع ضراعي التاني معاهو رجلي ما فهمتني حاجة
طيب انا هافمك كيف وانا نفسي مافاهمة?
طيب ايه رأيك ياحامد نرفع البوست ده فوق لغاية مايجي واحـد "متفتح القريحة" يشرح لينا انت وانا?
ولا كـده واحد انقاذي يجي بمعلومة.. ومامهم تكون معلومة كاملة بس اهه حاجة احسن من مافي... ولغاية الوقت داك خلينا في الإصولي الإرهابي..والاسرائيلي المجرم وما أسخم من ستي الا سيدي..
كده مابيجونا يعبرونا الإنقاذيون.. هم مشغولين بأنفسهم..مش هم اعـداء واحنا بنسأل الله يشغلهم بأنفسهم? وبالعقل كده ياحامد.. ده وقت نتكلم فيه عن السودان وفلسطين واحنا مزنوقين الزنقه الفظيعة دي? أديهم يومين تلاته كده من حتة ليطمئن قلبي .. وبعدين أسأل تاني وأنا أسأل معاك..
كده مابيجونا يعبرونا الإنقاذيون.. هم مشغولين بأنفسهم..مش هم اعـداء واحنا بنسأل الله يشغلهم بأنفسهم? وبالعقل كده ياحامد.. ده وقت نتكلم فيه عن السودان وفلسطين واحنا مزنوقين الزنقه الفظيعة دي? أديهم يومين تلاته كده من حتة ليطمئن قلبي .. وبعدين أسأل تاني وأنا أسأل معاك..
ولا رأيك شنو? [
عزيزتي منى
والله حبابك كتير
يعني افهم من كدا انو الناس في شنو و انا في شنو ؟؟
اذا ترفع الجلسة...... عفوا يرفع البوست الي يوم الاربعاء
خايف يجيني واحد يقول لي جلسة يا حاقد يا بتاع لاهاي يا عميل مع اني قاصد اقول يرفع البوست
و ليه بس يوم الاربعاء بالتحديد......؟ ما حاقولو ليك
02-26-2007, 06:19 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
عندما كنا صغارا و ندرس الاناشيد والقصائد عن فلسطين كنا نظن بان يافا وحيفا وصفد مدن نحن منها لكن اغتصبها الاسرائيليون - هذا الاحساس التربوي انغرس في وجداننا لذا ما ذلنا نعشق تلك المدن ونحن اليها كانما ولدنا فيها
هكذا فلسطين والفلسطينيون في وجدانناو مع كل يد عون تقدم اليهم لكن لم استطيع فهم مغزى هذه الاتفاقية من قبل بين الداخلية السودانية
واحد يكون مطلوب في المحكمة الدولية تقوم الخرطوم تقول ليهم ده مسجون على ذمة التحقيق في رام الله وVis Versa ما الدنيا بدأت تبقى ضيقة للمجرمين وأي مكان يسافروا ليه هناك أحتمال أعتقال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
فيس بوك
تويتر
انستقرام
يوتيوب
بنتيريست