الأسلحة الكيميائية وحقيقة استخدامها في السودان في منتدى ميديكس للحوار
|
|
 لخلوختن من المشية القليلة تبطل !!
|
قد تعتبر النحافة عند بعض الناس نوع من الجمال .. وكثير هم الذين فضلوا الرشيقة على نؤوم الضحى:
"مريودة امها الماها الغليدة ام شلة ** ريد الما بريدك يوم بعشيك علة"
ولكننا نجد أن للبعض رأى آخر، فلو نظرنا في الشعر الجاهلي مثلا نجد قول الأعشى :
غراء فرعاء مصقول عوارضها ** تمشى الهوينى كما يمشى الوجى الوحل
كأن مشيتها من بيت جارتها ** مر السحابة لا ريث ولا عجل
أما شعرائنا فقد تطرقوا لهذا المعنى أيضا واجادوا:
"لخلوخة من المشية القليلة تبطل"
واخر قال " حلوة حلاتن تفتر ماشة بين بيتين" ونلاحظ انه قد سرق المعنى من بيت الأعشى واجاد.
حتى شعراء الحقيبة قد تطرقوا لهذا المعنى وابدعوا:
تيه فى تيه رفل ** نجم الليل زهاه بالبدر احتفل
موفور النفــل ** ساح نام فى الكفل
اسفل عاليه مرة ** واعلى الكان سفل
وفعلا لولا اختلاف الأنظار لتفشت العنوسة اكثر
|
|
 
|
|
|
|
|
|
|
 Re: لخلوختن من المشية القليلة تبطل !! (Re: على احمد النعيم)
|
Quote: غراء فرعاء مصقول عوارضها ** تمشى الهوينى كما يمشى الوجى الوحل
كأن مشيتها من بيت جارتها ** مر السحابة لا ريث ولا عجل |
أنا يبقى لي دا أصلاً ما خلى ليها فرضاً ناقص...
ولة رايك شنو يا شيخ العرب؟
شوف عليك الله يا ود النعيم...
كأن مشيتها من من بيت جارتها...
هاااااااااادية ورزينة وتقييييييييلة... ودي طبعاً عكس الخِفَّة المكروهة في حياة المرأة...
وأنا في نظري... الرزانة + العِفَّة = إمرأة ليها ضُل...
وبرضو نرجع ونقول... لولا اختلاف الأذواق لتفشت العنوسة في الجانبين!!!
كميات مودتي...
أبو الحســـــــــين...
| |
|
|
|
|
|
|
|
|
|
Re: لخلوختن من المشية القليلة تبطل !! (Re: على احمد النعيم)
|
ودالنعيم
Quote: غراء فرعاء مصقول عوارضها
تمشى الهوينى كما يمشى الوجى الوحل
كأن مشيتها من بيت جارتها
مر السحابة لا ريث ولا عجل
|
النحافة الصحية وليست المرضية هي معيار جمال اليوم ...مثلما كانت نؤوم الضحى (الغليده الماكنة)معيار الجمال والدعه والراحة والعز في الزمن السابق... ولا أظن ان من بين نساء اليوم من تتمنى أن تكون مشيتها كمشية الوجي الوحل...ومرورها كمر السحابة خاصة مع إيقاع الحياة السريع ومفاهيم الرشاقة والحيوية في مقابل معايير الوزن الزائد والكسل والخمول في الماضي ...
فالمرأة اليوم متعلمة وواعية ومثقفة ومدركة وتعرف ما تريد..
لكننا نتابع...
| |
|
|
|
|
|
|
|
|
|
Re: لخلوختن من المشية القليلة تبطل !! (Re: Ahmed Yousif Abu Harira)
|
شيخ على الليله جبت كلام ايوا مالك ومال البصل
المهم ياسيدى المره الماليه هدومه فى راى اخير
من النحيفه هسع المهره(ضم الميم ياعلى) الضعيفه زى المهره
السمينه انا فى راى نحن كسودانيين لانفضل هذه النحافه(الرشاقه)
والكلام كتير لكن داير قعده ولكل مقام مقال
بقيت كل يوم تجيبلك نادره
| |
|
|
|
|
|
|
|
|
|
Re: لخلوختن من المشية القليلة تبطل !! (Re: على احمد النعيم)
|
| Quote: ولا أظن ان من بين نساء اليوم من تتمنى أن تكون مشيتها كمشية الوجي الوحل...ومرورها كمر السحابة |
الغالى ابو حريرة
اتفق معك... ولكن الا ترى اننا نجد فى بعض طقوس الزواج عندنا وحتى الآن تلك الاغذية التى تعطى للعروس والتى تؤدى بدورها للسمنة وزيادة الوزن !! لماذا يا ترى؟؟؟
| |
|
|
|
|
|
|
|
|
|
Re: لخلوختن من المشية القليلة تبطل !! (Re: على احمد النعيم)
|
الأخ الكريم على أحمد النعيم
زى ماقال ودالمحرب كل يوم بتجدد
هسع زولك المصوبن داك
اكان شدولوا فوق مهراً جماح دحين تماسيحك الفى الجزيرة
ديك بتلحقو !!!؟
بعدين مقاييس الجمال بالسمنة والرشاقة دى زى المشلخة والمرهاء
ساقك من ركبتك صب عديلاً شمعة
وشلخك سته يوم يحبس غزير الدمعة
ماهو تكريع شرابك كمعة
هن وقعن حمودك لي بسيلك سمعة
ولكل دولة رجال ولكل مهرة خيّال.
| |
|
|
|
|
|
|
|
|
|
Re: لخلوختن من المشية القليلة تبطل !! (Re: سمية الحسن طلحة)
|
Quote: ساقك من ركبتك صب عديلاً شمعة
وشلخك سته يوم يحبس غزير الدمعة
ماهو تكريع شرابك كمعة
هن وقعن حمودك لي بسيلك سمعة
|
شكرا بت طلحة وتحياتى بلا حدود . بعدين زولى المصوبن داك مو نافع والله لو جابولو طيارة ما يقطعلوا فرقة.
المبروم ضميرو وعقبان متبر ساقو
دابو الليلة ابتلو بالنويح عشاقو
خشمك عكت النحل الدلق شقاقو
ريقو بسوى لهافة الكبد للضاقو
| |
|
|
|
|
|
|
|
|
|
Re: لخلوختن من المشية القليلة تبطل !! (Re: على احمد النعيم)
|
الليل والنهار اقدام تدج مى فاتره
ونوناى ونميمي مع الهبوب الخاتره
تزكار لعبة الجاهله ام حمزة داتره
ورت عينى سهره ودمعة متباتره
دى فى رايك ياود النعيم فيها شى من البطيل
ياريح الشمال الجيتى من سلوم
وصحيتنى وكمان يالليل غفرت نجومك
انا يالزى حرير النافشه ناعمه جسومك
وقلبى طويتيه زى طى الردف لى هدومك
| |
|
|
|
|
|
|
|
|
|
Re: لخلوختن من المشية القليلة تبطل !! (Re: خالد المحرب)
|
Quote: ياريح الشمال الجيتى من سلوم
وصحيتنى وكمان يالليل غفرت نجومك
انا يالزى حرير النافشه ناعمه جسومك
وقلبى طويتيه زى طى الردف لى هدومك |
رائعة شديد يا ود المحرب ، ودى والله ذكرتنى واحدة شبيهة :
عربا لينا قاموا وعكرولى صفاى
وحب الجاهلة اصبح فى القلب شواى
لوحة فاطرك وروبة قرنك النداى
مشيك سنيد وكفلك للهدم علاى
| |
|
|
|
|
|
|
|
|
|
Re: لخلوختن من المشية القليلة تبطل !! (Re: خالد المحرب)
|
Quote: المبروم ضميرو وعقبان متبر ساقو
دابو الليلة ابتلو بالنويح عشاقو
خشمك عكت النحل الدلق شقاقو
ريقو بسوى لهافة الكبد للضاقو |
لا حول ولا قوة يا ود النعيم اتسود خوتك ده شنو الجبتو لينا ده
شوفوا واتفرجوا يا اخوانا ود النعيم شن قال
المبروم ضميرو يعني الخصره ضيق وعقبان يعني وكمان ومتبر ساقو اظن ود النعيم بيقصد المراة الساقه مليانه ناس البادية عندهم جمال المراة في سيقانها ومليان السيقان دلالة على جمال مواضع اخرى في المراة - لكن الواحدة اكان ساقها بقى زى سويقات الهنديات وووووووووووووب منها راحت فيها .
دابو الليلة ابتلوا بالنويح عشاقو - المعنى واضح هنا
خشمك عكت النحل الدلق شقاقو - حى منك ود النعيم النحل الدلق شقاقو ده النحل الوهط دلوهو جوة الشق وعادة شق البادوبة السوداء لان العزاز والاراضي الرملية دى وا شوقها لشقاق تتنفس بيها .
وهذا يذكرني بقول الشاعر
وامطرت لؤلا من نرجس وسقت وردا وعضت على العناب بالبرد
| Quote: ريقو بسوى لهافة الكبد للضاقو |
يا الله ايضا بذكرني بقول الشاعر البدوي الذي قال
ريقك برتكان نفسك بسقي الصائم
اما موضوع اللخلوخة بذكرنى بالشاعر محمد ود الدرويش من دنادرنا حينما قال في المحامية الجميلة التي كانت تتدرب في مكتبي الاتي :
يا لخلوخة القيف البغمر هيفك
ما تكرمشت جسمك في شتاكي وصيفك
انا مرضان بهضرب من ملاقاة طيفك
امسى الليلة يضرب في المكاتل سيفك
تحياتي
| |
|
|
|
|
|
|
|
|
|
|
Re: لخلوختن من المشية القليلة تبطل !! (Re: سمية الحسن طلحة)
|
Quote: سرّحتي وقلوبنا مسرّحات بارياك
ردفاً عالي برّاق الغمام بَسْمَاك
أسود يومو باظاً في الطريق لمّـاك
ياالفتانة ماقعدن قلوبنا وراك
|
جاهلة ولا الرشاش بريبة دابا سخلة
حلوه حلاتن اطعم من ثمار النخلة
الباظ شالها ماادانا فرصة ومهلة
مودوعة الجدع طوب القبر فى السهلة
وهادو حال الدنيا يا بت طلحة يوما باظها يجمع ويوما يفرق.
تحياتى عاطرة
| |
|
|
|
|
|
|
|
|
|
Re: لخلوختن من المشية القليلة تبطل !! (Re: الطيب شيقوق)
|
Quote: كتر خيرك ود النعيم البيت ده فيهو مراعاة لحقوق الناطقين بغيرها -
اها يا باش العرب رحلوا على بلدك عدييييييييل قول هييييييييييييييع |
شكرا ود شيقوق
ونحن برضو كمان بنحب النخل جدا والله شدة ما بنريدو يا ود شيقوق الواحد فينا تقول والداهو نخلة.
بلحة بت تمودة الصافية مى عزالة
بصم خشمى عليها ونيتى ما بيا كمالا
| |
|
|
|
|
|
|
|
| |
على احمد النعيم
أبو الحسين
Ahmed Yousif Abu Harira
خالد المحرب
الطيب شيقوق
فيس بوك
تويتر
انستقرام
يوتيوب
بنتيريست