فاز الهلال مساء اليوم علي الاسماعيلي (المرهق) بثلاثة اهداف مقابل هدف وحيد.. وكعادة المصريين لعبوا بصورة جادة ووقفوا ندا قويا للمريخ (كبير البلد) ثم عادوا والارهاق يملأ اجفانهم ويتواضعوا امام الهلال. عموما مبروك عليكم الفوز وعقبال الممتاز .. لكن يا ربي مع مريخ اتوفيستر دا بتقدروا تعملوا حاجة؟؟؟؟؟!
اخى الظريف كمال عوض .تحياتى وشكرا على الصور الجميله المنوره المنبر.ولا تبخسوا الناس أشياءهم ومبروك للأخ محمد عادل الذى بانت هلاليته الجميله .الهلال عظيم عظيم رغم أنف الحاسدين.وشكرا مره أخرى ياظريف.
ايمان صالح: سلامة نظرك يا اختي .. لكن والله العظيم انا مريخابي .. بس غلب الهلال للاسماعيلي عجبني شديد .. عارفة ليه؟؟ عشان تطمنوا لحدي ما يجي الزمالك ويصحيكم.. ويجي العجب وايداهو يخلعوكم .. وبعدها لعيبتكم من العرضة شمال للتجاني الماحي طوالي .. خالص تحياتي
02-18-2007, 02:15 PM
إيمان صالح إيمان صالح
تاريخ التسجيل: 11-02-2005
مجموع المشاركات: 1811
Quote: كمال عوض ده وحاة نظري هلالابي ولاعب بخطة مختلفة
ِ ايمان
هو اصلا عامل كمين لكيجا وراكوبة...لكن راكوبة زول محترم...بختفى فى لحظات الحرج
انت كشفتى الراجل.. بضحتك سنونك التى تشبه الهلال يوم يزعل الخصم... تعرفى امس كلاتشي كل ما يشوف الفنلة صفراء عاوز يجيب هدف قالو كفاية الناس ديل ضيوف...قال واه واه...دا ما هو مريج..بتاع كمال اجب
اخونا كمال انت مريخابى راقى...مش زى كيجا ..ومزمل ..غلبوهم داخل استادهم وحارسهم الملوص...شالو منهم الكاس خلو خشمهم ملح ملح..وجاءو عشان يبخسو نصر الهلال
العزيز ابو قوتة: شكرا ليك كتير.. تعرف مشكلتكم انكم بتضخموا انتصاركم وتصدقوا انو فريقكم قاهر العمالقة .. عشان كدا لما تتغلبوا ما بتستحملوا .. والدليل اخر مباراة مريخ هلال وبعد كرباج العجب البمبان قرب يدور لكن الله ستر .. تواضعوا يرفعكم الله ( حكمة قديمة جديدة).. اما حكاية الكمين دي .. انا بعتقد اي زول بشجع المريخ (كبير البلد) بكون حسو عال وببتعد عن البوستات المفخخة.. خالص تحياتي
02-18-2007, 04:26 PM
محمود الدقم محمود الدقم
تاريخ التسجيل: 03-19-2004
مجموع المشاركات: 14624
Quote: التجاني الماحي؟ الرسول فوقك في ذمتك دي في زول عاقل يلبس احمر بي اصفر؟
يا ايمان .. شوفي ليك مرجعية كويسة في الالوان وشوفي الاحمر والاصفر بيرمزوا لي شنو؟!! الغريبة كل اللعيبة بقوا يتمنوا يلبسوا الاحمر حتي شعار السودان بقي احمر..
يا محمود والله صورة المنتخب الوطني دي قدر ما عاينت فيها يعتر لاعب من المريخ .. قلق, العجب, دامر , علاء الدين يوسف (قبل انتقاله للهلال) ......... وعيييييييك.. كان تشوف واحدة فيها لعيبة غير ريتشارد وهيثم لانهم خلاص بقوا جدود وكان انتهي الموسم دا شوفوا ليهم كورسات مدربين ساي ...
02-18-2007, 04:43 PM
محمود الدقم محمود الدقم
تاريخ التسجيل: 03-19-2004
مجموع المشاركات: 14624
عباس اخوي: والله مريخ اتوفيستر دا بقي لما يلعب مباراة بجيني احساس انو دا بايرن ميونخ!! اما الحسادة انتو مكملنها .. كل ما فريقكم يغلب تقولو الله يجيب لينا المريخ لانو عقدتكم هي المريخ .. اعدادكم.. معسكراتكم .. تسجيلاتكم .. كلو عشان المريخ .. (كبير البلد) ووالله انتو تركبوا صاروخ ما بتحصلوهو تحياتي
سيف اخوي.. سلامات: شكرا لعرضك هدف ريتشارد في بهاء الدين ( ملوص ).. لكن بيني بينك والله الزول دا ما بشبه المريخ كلو كلو .. وبقولوا تحت تحت ( عامل كواديك ) لي مجلس الادارة عشان يستمر .. شوف .. بهاء الدين دا طفش شيكوزي من البلد .. وخلاص المعز عايز يسجل للمريخ فجاة وقدام بوابة الاتحاد العام رجع للهلال .. مش بالله حكاية تحير .. الله يخارجنا منو الليلة قبل بكره امين يارب امين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عادل
محمود الدقم
نادر محمد الراضي
ismeil abbas
إيمان صالح
abuguta
abas
saifkeli
فيس بوك
تويتر
انستقرام
يوتيوب
بنتيريست