|
|
 فطور العريس وملحقاته !!!!!!!!!!!!
|
إن سلوكنا الاجتماعي كأفراد وكأسر قد أصبح يثير الاشمئزاز ويثبت المقولة السودانية الحكيمة (القلم ما بزيل بلم) فبالرغم من تكاثر عدد المتعلمين والمتعلمات وحملة الشهادات العليا والألقاب العلمية فإن السلوك الاجتماعي يتدنى يومياً ويعكس عقلية غارقة في التخلف وعدم الإحساس بالواقع المأساوي الذي يعيشه أغلبية أبناء الوطن... ففي الوقت الذي يعاني هؤلاء الأغلبية من الفقر الحاد ويبحثون عن أبسط متطلبات البقاء من طعام وملبس نجد أن مناسباتنا الاجتماعية قد امتلأت بكثير من السخف... فإذا تجاوزنا مناسبات العزاء التي أصبحت احتفالات نتبارى فيها في عرض أشهى المأكولات وتتنافس النساء في ارتداء أجمل الثياب ورسم أجمل أشكال الحناء ورش أزكى العطور... إذا تجاوزنا كل ذلك وتوقفنا عند مراسم الزواج فسنجد الكثير من السخف الاجتماعي... بدعة فطور العريس... يأتي العريس ببعض المواد الغذائية فيتم إعداد الطعام بكميات خرافية وفي أواني أسطورية وتغلف تلك الأواني بأوراق ملونة تكلف لوحدها الملايين لدرجة أنه قد ظهر (اختصاصيو تغليف فطور العريس)... ولا أبالغ إذا قلت أن كميات الطعام التي ترسل إلى منزل العريس تكفي لإطعام جميع سكان الحي وتفيض... فهل يمكن تصور قيزان مليء بملاح (نعيمية) مثلاً... وقدرة فول كبيرة وقيزان فراخ وقيزان لحم محمر...الخ ... والذي يحدث أن معظم هذا الطعام يتم التخلص منه ببساطة لأنه من المستحيل حفظه دون أن يتلف... فليس هناك منزل به مخازن مبردة لحفظ هذه الكميات الكبيرة من الطعام. ويتوالى موكب السخف الاجتماعي ليمتد لأيام... حنة العريس... حنة العروس... الجرتق... سد المال... القيدومة... العقد... حفل الزفاف... رقيص العروس...الخ وفي كل يوم من هذه الأيام تصرف الملايين وتفيض الولائم وتستقر في النهاية ببراميل القمامة.
|
|
 
|
|
|
|
|
|
|
|
Re: فطور العريس وملحقاته !!!!!!!!!!!! (Re: فدوى الشريف)
|
إنه لمن المؤسف حقاً أن تنتشر هذه السلوكيات وسط المقتدرين مالياً فيتشبه بهم الآخرون من ذوي الدخل المحدود فيستدينوا ويبيعوا ممتلكاتهم لإقامة أفراحهم مثل أفراح المقتدرين مالياً...
وإنه لمن المؤسف أيضاً أن يكون العريس متعلماً والعروسة متعلمة ووالدا الطرفين من المتعلمين بل وقد يكون حبوبات الطرفين من المتعلمين... فأين الخلل؟.
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: فدوى الشريف)
|
في تقديري أن المجتمع السوداني قد أوكل للمرأة السودانية مسؤولية تنظيم المناسبات الاجتماعية تقديراً منه لها... ولكن للأسف جنحت المرأة السودانية نحو تنظيم وتنفيذ هذه المناسبات الاجتماعية بعقلية متخلفة للغاية محورها (الفشخرة) والتباهي والبحث عن كل ما هو شاذ مهما كلف مالياً دون حياء اجتماعي ودون تقدير لواقع المجتمع... بل ودون تقدير للواقع المالي للأسرة نفسها وللأسرة الصغيرة الوليدة التي ستتكون بعد مناسبة الزواج وتصبح في حاجة لكل جنيه يتم صرفه في مهرجان (الفشخرة) والتباهي الكاذب.
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: فدوى الشريف)
|
أننا في حاجة إلى تصعيد حملة توعية مكثفة وسط أفراد المجتمع تقودها منظمات المجتمع المدني وفي مقدمتها المنظمات النسائية لمحاربة العادات الاجتماعية الضارة في المناسبات وأن يكون شعارنا هو (زواج اليوم الواحد فقط) في هذا اليوم يتم عقد القِران وحفل الزفاف بالشكل التقليدي أو الحديث وأن نحارب بدعة فطور العريس ونقلل الصرف على هذا اليوم قدر الإمكان...
كما أعتقد أنه من الضروري أن يتدخل الرجل في تنظيم وتنفيذ المناسبات الاجتماعية وألا يترك الأمر بكامله للمرأة التي قد تضعف أمام ضغوط العادات الاجتماعية الضارة السائدة في المجتمع... هذا بالإضافة إلى ضرورة أن يكون هناك التزام شخصي وسط العناصر المستنيرة من الرجال والنساء والشباب من الجنسين بمقاومة أي نزعة للصرف التفاخري على الأفراح... وأنا هنا لا أقول بألا نفرح وإنما أقول فلنفرح ونغني ونرقص ونحتفي ولكن بمعقولية فالفرح والابتهاج لا يعني هذا (الخمج) الذي يثير الغثيان فيذهب الفرحة والبهجة.
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: فدوى الشريف)
|
أقول للأعزاء من الأهل والأخوات والأخوان والأبناء والبنات نحن دولة متخلفة بمعنى الكلمة ( متخلفه عديييييل ) وما زلنا ندور في دهاليز التخلف لأننا لم نتعرف بعدُ على المخرج...
ولا أطلب منكم أن تذهبوا إلى دارفور ولا إلى الجنوب ولا إلى الشرق ولا إلى الشمال ولا إلى الجزيرة لتدركوا معنى ما أقوله وإنما أطلب منكم أن تذهبوا إلى أطراف مدينة الخرطوم لتروا بأعينكم البؤس مجسداً
وعندها ستشعرون بأن سلوكنا في الأفراح هو سلوك مخجل وطنياً وإنسانياً ودينياً... فالذي لا يشعر بمعاناة الآخرين ويتصرف وكأنه وحيد في العالم هو ببساطة ليس إنساناً
ياجماعه في مشاكل كتيره تسببت فيها عادات تكاد تكون اسخف من سخيفه
عزوف الشباب عن الزواج ومشكلاته ( الزواج العرفي ) الاحباط البيلاقوه زوي الدخل المحدود وهم لايستطيعون الزواج بهذه الطريقه
اذا معاً لدحر وابادة هذه العادات حتي يتمكن الجميع من الزواج
| |
|
|
|
|
|
|
|
|
 Re: فطور العريس وملحقاته !!!!!!!!!!!! (Re: فدوى الشريف)
|
الأخت فدوي فعلاً موضوع يحتاج للنقاش لكن فلتعلمي لليستقيم الظل و العود اعوج
| Quote: وعندها ستشعرون بأن سلوكنا في الأفراح هو سلوك مخجل وطنياً وإنسانياً ودينياً... فالذي لا يشعر بمعاناة الآخرين ويتصرف وكأنه وحيد في العالم هو ببساطة ليس إنساناً |
منهج وطريقة التفكير في إدارة شئون المجتمعات هي التي ترتفع بسلوك وممارسات المجتمع وفي نفس الوقت يمكن أن تحط من ممارسات المجتمع إذا لم يكن المنهج علمي و مدروس كمنهج المشروع الحضاري المرتجل الذي قادنا لأسواء من الممارسة التي تطرحينها الأن
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: فدوى الشريف)
|
الأخت فدوى سلامات
فعلاً الموضوع يستحق النقاش والعلاج ،لكن قبل ذلك فلتعلمي لا يستقيم الظل والعود أعوج
| Quote: وعندها ستشعرون بأن سلوكنا في الأفراح هو سلوك مخجل وطنياً وإنسانياً ودينياً... فالذي لا يشعر بمعاناة الآخرين ويتصرف وكأنه وحيد في العالم هو ببساطة ليس إنساناً |
النهوض بالمجتمعات لا يحتاج إلى نوايا حسنة فحسب بل يحتاج منهج علمي مدروس بدقة ، لا بالمشاريع الحضارية المرتجلة والموغلة في الظلامية والعنصرية ، فهذه الظاهرة ليست وليدة صدفة ، بل وليدة طبقة طفيلية فاسدة منهجها الكسب السهل السريع ، مما إنعكس على كل ممارساتنا الإجتماعية .
| Quote: ولا أطلب منكم أن تذهبوا إلى دارفور ولا إلى الجنوب ولا إلى الشرق ولا إلى الشمال ولا إلى الجزيرة لتدركوا معنى ما أقوله وإنما أطلب منكم أن تذهبوا إلى أطراف مدينة الخرطوم لتروا بأعينكم البؤس مجسداً |
و أجدني أسف لأنني في مداخلات سابقة أعتقدت أنك تفكرين كالطيب مصطفي لا في معاناة الآخرين .
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: Abdulbagi Mohammed)
|
الاخ Abdulbagi Mohammed
المحترم
اشكرك للمداخله
| Quote: النهوض بالمجتمعات لا يحتاج إلى نوايا حسنة فحسب بل يحتاج منهج علمي مدروس بدقة ، لا بالمشاريع الحضارية المرتجلة والموغلة في الظلامية والعنصرية ، فهذه الظاهرة ليست وليدة صدفة ، بل وليدة طبقة طفيلية فاسدة منهجها الكسب السهل السريع ، مما إنعكس على كل ممارساتنا الإجتماعية . |
اجل المجتمعات ترقي وتتخلف بشعوبها ومجتمعاتنا السودانيه بالتحديد هي في يدها السودان يمشي لي قدام ولا لا
اجل في حاجات كتيره غيرت عادات وتقاليد السودانيين وكمان في حاجات اكتر ممكن ترجع الناس للاصل
بي يتفهموا المشاكل ويحلوها بي تكاتف
اما بخصوص
| Quote: أجدني أسف لأنني في مداخلات سابقة أعتقدت أنك تفكرين كالطيب مصطفي لا في معاناة الآخرين . |
والله صدقني لو ما كتبت ماكنت حااعرفك دا انت ولا حد تاني لاني مابخت حاجه في قلبي وديك وجهة نظرك ودي وجهة نظرك وانا اهم حاجه عندي احترام وجهات النظر مهما كانت حتي لو بالنقد وماعندي اي قشه مره مع حد هنا
فقط اتمني الناس تفهمني صاح
فتك بي عافيه واتمناك متداخلا اكتر
لك كل الاحترام
| |
|
|
|
|
|
|
|
|
 Re: فطور العريس وملحقاته !!!!!!!!!!!! (Re: فدوى الشريف)
|
| Quote: اذا معاً لدحر وابادة هذه العادات حتي يتمكن الجميع من الزواج |
متااااااااااابعة...
وفي إنتظار رأي الأُمهات...
الكلام دا كلام حريم يا بتنا فدوى...
والله العِرِس الشباب دايرنوووووووووووو لكن...
في إنتظار رأي الأُمهات على الكلام أعلاه...
مودتي...
وربنا يعدل الحال... ويلم كل شاب ببت الحلال...
أبو الحســــــــــين...
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: waleed500)
|
| Quote: هو الواحد بيتزوج كم مرة يا استاذة؟؟؟؟؟؟؟ |
لو جينا للحق الواحد ممكن يتزوج اربعه مرات وممكن اكتر
لكن قول الفرحه الاولي مره واحده ومابتتكرر
صاح وانا معاك
وماقلنا حاجه افرح وافرح وافرح وكل الناس حاتفرح معاك
بس لو انت مقتدر كده وجبت الشله 24 24 وعملت الفرح في اكبر صالة افراح
في ناس ماعندهم دا كلو اوكي جيب زي ماالناس بتجيب سته سته والباقي ختو في بيتها لما تتزفها لي بيتها تلقاه قدامها هناك كده بتكون سهلت علي الباقين وبعدين بصراحه لما تجيب كده
خواتها بارو عارف ليه لو واحده جاييها زول حالو ميسور بس ماقدر كده ويعرف اختها جابو ليها كده ماحايصل
ليه ؟
لانو مابقدر يعمل الانت عملتو
اتمني تكون المعلومه وصلتك
القاك بخير
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: sunrisess123)
|
الاخ sunrisess123 المحترم شكرا كتير ودا من كرمك واصلك واشادتك محل تقدير
في مثل بيقول اليد الواحده مابتخج البحر
يعني صوتي وصوتك حايتسمع وين
لكن ممكن ننادي للقريب ويسمعنا ويسمع الباقين
وكده بالتاكتف ممكن تندثر كل الحاجات الشينه
والمابنقبل بيها حتي لو هي حلو بس وراها اقبح
تسلم كتير
القاك بخير
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: أبو الحسين)
|
الاخ ابو الحسين
اولا شكرا للمداخله ومعالليش للتاخير في الرد
ثانيا
الامهات مابراهم انتو كمان الكلام في يدكم
يعني الواحد لما يجي لي اهل العروس ويقول ماعايزين فطور يبقي خلاص القصه وانتهت وتاني مافي زول بيتدخل
ويتخايل لي الاهل في الساعه دي وهم فرحانيين مابيرضوا يزعلوك لو اصريت
يعني الحبال في يدك
تسم ياسيدي
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: فدوى الشريف)
|
الترعة وسط الرمل زي صبت عسل ... جابوها في صينية لفطرة عريس
تخريمة :
اخت العريس لاخت العروس : ما جبتو لينا الفطير في الفطور
أخت العروس لاخت العريس : ما جبتو لينا شوال دقيق في الشيلة .
على قدر ما جاب العريس يؤتى له ..
مع احترامي لموضوعك يا اخت فدوى المسألة ليست في فطور العريس فليست الشيلة كانت سببا في قيام حياة زوجية او عدمها فكثير من مناسبات العرس في السودان ينتهى العرس بمراسم عقد النكاح .. وكثير منها العاقبة عندكم في المسرات وكثير منها شكرا .
مدد ..
سمعنا انو في واحدة بأجروها للزغاريد
العندو قرش يحنن اي حته في جسمو ...
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: علاء الدين حيموره)
|
فدوي
يا أختي القادر بسوي
والسمح سوّي السمح جاب السمح
النبي عليك الله الغنية دي ما غنيتيها أكتر من متين مرة؟؟
واللا هو كلام والسلام
عريسنا حالف يضبح تور
ودفع المية للمشاطة ( ممكن تعتبريها مية أسترليني!!)
عليك الله ما أتبوبرتي وانتي بتوصفي في شيلة واحد من أولاد أهلك
او شيلة واحدة من بنات أهلك؟؟؟
فدوي
يا بت أمي دة مقدررررررررة و سيطرررررررررة
تلاتة أرادب سرتية
تلاتة أرادب محلبية
نسيبتوا قالت شوية
حرمان ما يدخلن عليّ
النسيبة دي ممكن تكون في يوم من الايام شخصك الضعيف زاتو
وممكن تكون الوالدة ووممكن تكون الاخت وهكذا
أصلكن أنتن لا بعجبكن العجب ولا الصيام في رجب
قبُلكن يا يمة
هسة الواحد لو جاب في الشيلة تلاتة تلاتة
تشيلن حالو
وتقولن بِس الناقص المتباقص
ولو ما عمل الحفلة
تقولن عموا شنو المات ؟؟ وحاة الله قالوا ليك الشيلة زاتة جابة شيرنغ!!
أصلكن أنتن شيالات حال و دقاقات طار
يا أختي هييييي
القادر يسوي
والعندوا قرش محيروا يجيب حمام و يطيروا
في شنو والمافي شنو!!!!!!!!!
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: حبيب نورة)
|
| Quote: يا أختي القادر بسوي |
ودا الخارب الحكايه
Quote: النسيبة دي ممكن تكون في يوم من الايام شخصك الضعيف زاتو
وممكن تكون الوالدة ووممكن تكون الاخت |
انا شخصيا لو كنت ام العروس
ماحايكون في اي كلام فارغ زي دا
هو لو قادر يقدم ليها حاجاته ويتفشخر في بيتها هناك
والسعاده الحقيقه موش جاب وجاب !
ولكلًًًٍ فرد وجهة نظرو
تخريمه
مشكور
ياخفيف الدم ( تلج تلج هههههههه )
| |
|
|
|
|
|
|
|
|
|
Re: فطور العريس وملحقاته !!!!!!!!!!!! (Re: علاء الدين حيموره)
|
Quote: اخت العريس لاخت العروس : ما جبتو لينا الفطير في الفطور
أخت العروس لاخت العريس : ما جبتو لينا شوال دقيق في الشيلة . |
وعشان الكلام دا والحوارات البايخه دي انا فتحت البوست دا
ونادين بالقضاء علي العادات دي لانها فعلا بايخه
| Quote: مع احترامي لموضوعك يا اخت فدوى المسألة ليست في فطور العريس فليست الشيلة كانت سببا في قيام حياة زوجية او عدمها فكثير من مناسبات العرس في السودان ينتهى العرس بمراسم عقد النكاح .. وكثير منها العاقبة عندكم في المسرات وكثير منها شكرا . |
اجل الموضوع مافطور العريس بس لكن بيندرج في قائمة عادات وتقاليد دخيله في مناسبة الزواج
تسببت في تخلف وعزوف كتير من الشباب عن الزاوج ودا بيخلف وراه مشاكل اكتر واقبح واولها الزواج العرفي المنتشر اليومين ديل
ودي حقيقه مابنقدر ننكرها
ومشاكل كتيره اخري
اتمني ان يسمع الجميع ندائي هذا والتكافل وحل المشاكل والنظر بعقلانيه لامور قد تصبح في زاتها تافهه بعض الشئ ولكنها تسبب مشاكل حقيقه
مشكور ثانيه
| |
|
|
|
|
|
|
| |
فدوى الشريف
Abdulbagi Mohammed
أبو الحسين
waleed500
علاء الدين حيموره
حبيب نورة
إيمان صالح
فيس بوك
تويتر
انستقرام
يوتيوب
بنتيريست