|
|
 العنب .. العنب .. العنب (دنقلاوى) وبمــوت فى المنــــقه !!!!
|
(سيد الناس وكل الناس)
____________
بتستغرب ....؟؟
وتسأل عن سؤالنا عليك وتستعجب ؟
منو القال ليك ......
بلاك الدنيا ، تصبح دنيا ،
فى عينينا شايله جمالها من عينيك ؟
منو القال ليك ...
حروف كلماتنا تتعطر
وتلبس توبها تتمخطر
وتمشى هوينا تتبختر
تضم الحانها
بى حنيه تتوزن وتصبح غنيه
ترحل ليك؟
منو القال ليك
حلم طول وكان منيه
نشوفو الليله فى الواقع
وزى قمرا توهط فى السما السابع
وحاتك أنت يا رايع
جمال الدنيا فى عينيك
بتستغرب .... ؟
وتسأل عن سؤالنا عليك وتستعجب؟
وأنت هوانا والأنفاس
وأنت الطيبه والأيناس
وروعة رنة الأجراس ؟
منو الأداك عيون حلوات
وللحلوات بقت مقياس ؟
منو الأهداك جمال أحساس؟
بتستغرب وتستعجب
وأنت الناس وسيد الناس وكل الناس؟
|
|
 
|
|
|
|
osly2
فيس بوك
تويتر
انستقرام
يوتيوب
بنتيريست