|
نار الحروب (قصيدة)
|
نار الحروب
يكفيك يا نار الحروب الموقدة في تالا الجنوب
يكفيك ما جاك من حطب غاباتنا ويكفينا منك مر خطوب
الناس دوام ليه ما بتتوب من الحرب ولا الضرب
نتمنى لو برد السلام يغسل غبن كل القلوب
يوم هللوا الناس للحرب مفتينا قال: الحرب طبعاً فرض عين ما فيش كلام
ويوم وقعوا الناس السلام شفناه ذات المفتي قام بعاصاتو بي قفطانه داك بي شاله متقيف تمام قال:الحرب كانت حرام
وبعض الخلوق مستغربين في المفتي يوم بدت الحرب يرغي ويزبد في الكلام والليلة بي كل احترام مفتينا يجنح للسلام
فَرَحنا بي موت الشباب غنينا في الحزن الشديد زغردنا لي عرس الشهيد وعرضنا زين هزينا بي فرع الجريد والليلة قالوا كلام جديد
ناس السياسة أولاد حرام خدعوك بي حيلة كلام حفظ الأرض...صون العرض والجنة بي الطول والعرض ودوك لي الموت الزؤام
صفا انتباه... سير للأمام كلوا انضباط يأخدوا التمام
بعد الهتافات والغنى والعرضة والخطب المدبجة قذفوك بي وتر الحماس ورموك بعيد وسط الدواس لا تخشى شيء كل الوراك مؤمنة
و ما لقيت هناك كل الكلام القالوه داك لا الغابة بتكبر معاك لا الأرض بتبارك خطاك الدار دمار والناس سِواك من غير حرب في حالة أقرب للهلاك
ما كل شهيد الحاله بعد مؤمنة وما كلوا من مات واستراح ولا كلوا من عاش استفاد والرجعوا يتمنوا الممات ما الدنيا كلها بشتنه.
الطيب الشيخ [email protected]
|
|
|
|
|
|