|
|
 اليوم 10/1/2007م .. عيد زواجنا السابع .. والهبات (عثمان،مرح،أيمن)
|
في العشرة الأوائل من الألفية الثانية
وبالتحديد في يوم 10/1/2000م والذي
صادف رابع أيام عيد الفطر المبارك وفي
ليلة شتوية بهيجة احتضن نادي أصحاب العمل
بالخرطوم بالقرب من الساحة الخضراء مراسم
احتفالنا بزواجنا الميمون .. وقد غرّد المرحوم
ابراهيم عوض بروائعه واضفى على الليلة نشوة
وبهاء وكان الحضور مميزاً وفرح الجميع لفرحنا
وشاركون الهناء وبادلونا السمر والسحر وتألقوا
جميعا واشاعوا السرور في انفسنا .. ومن حينها اعلن
انضمام السيدة بهجة تاج السر زوجتي المصون لآل الجمري
ولتزيد بهجتنا والقنا اثمرت زيجتنا في سنتها الأولى عن
ابننا البكر عثمان (عمو) اسميناه تيمناً بعمه المرحوم عثمان
الجمري .. وتوالت الهبات من رب العالمين لنرزق بابنتنا الأمورة
(مرح) في العام 2003 ويأبى أيمن الا ان يكون هبة ثالثة من الوهاب
المعطي ..
ونحتفل اليوم بعيد زواجنا السابع رافعين الأكف ان يرزق كل عازب
ببنت الحلال ويرزق كل آنسة ولدالحلال وان يرزق الجميع بنيناً وبناتاً
وكل سنة والجميع بخير وصحة وعافية
|
|
 
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: نصار)
|
صديقي أمير الجمري
أهنئكم من كل قلبي بعيد زواجكم الميمون
أنت وبنت جيرانا بهجة ،،
طبعا أسبقك في عدد سنوات الأحتفال ( 17 ) سنة
والحمد لله ، بعدين طبعا بما أنني سعيد
وسعيد جدا وفي غاية السعادة وراضي
عن أم العيال ,,, لذا وفي كل عيد زواج
لازم أجيب ليها هدية وتكون قيمة جدا جدا
ولذلك أصطحب زوجتي الحبيبة إلى ( سوق الذهب )
في 19 يوليو من كل عام وأشتري لها
بما قيمته 7 ألف ريال من الحلي هدية لعيد الزواج
وأعتزر ليها لأنو مفروض أقدم ليها أكثر من ذلك
طبعا أنا متأكد أنو في ناس بتحب الفلسفة
و ح تقول ليك الهدية ما بقيمتها ولكن بمعناها
لكن أنا برضو متأكد أنو الفلسفة دي حبلها قصير
وحنرجع تاني ( لسوق الدهب ) وإنت أنا عارفك كويس
بتقيم الحاجات دي وحتودي بت جيراننا اليوم
للسوق إياه ولن ترجع بأقل من 10 ألف من المشغولات
الذهبية ،،
وما تكون بس فالح تحتفل لينا في البورد !!
طبعا هذا البوسط سأتبرع بطباعته وأحضره لك
في البيت اليوم عشان تتذكررررر
عيد زواجكم ميمون وسعيد وكل سنة وأنتو طيبين 00
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: عادل جبارة)
|
الغالي / عادل جبارة
تحياتي
| Quote: طبعا أسبقك في عدد سنوات الأحتفال ( 17 ) سنة |
يااا راااااااجل قول كلام غير ده ..
Quote: والحمد لله ، بعدين طبعا بما أنني سعيد
وسعيد جدا وفي غاية السعادة وراضي
عن أم العيال ,,, لذا وفي كل عيد زواج
لازم أجيب ليها هدية وتكون قيمة جدا جدا
ولذلك أصطحب زوجتي الحبيبة إلى ( سوق الذهب )
في 19 يوليو من كل عام وأشتري لها |
حسب علمي وبما ان العيال وامهم في السودان وبيجوا يجددوا
الاقامة ويرجعوا للدراسة وبما ان الدراسة تبدا في السودان بداية
شهر يوليو من كل عام فاعتقد ان 19 يوليو تكون ام العيال بتراجع
في دروس وليداته وانت صايع من دار الصحافة لي دار هاشم خلف الله
وما اظنك بتتذكر اليوم ده الا لمن يجيبو سيرة هاشم العطا ..
(قال سوق الدهب قال !!)
Quote: وأشتري لها
بما قيمته 7 ألف ريال من الحلي هدية لعيد الزواج
وأعتزر ليها لأنو مفروض أقدم ليها أكثر من ذلك
طبعا أنا متأكد أنو في ناس بتحب الفلسفة
و ح تقول ليك الهدية ما بقيمتها ولكن بمعناها |
منو القال ليك دي فلسفة والله يكفي كلمة حلوة ووردة حمراء
Quote: وحنرجع تاني ( لسوق الدهب ) وإنت أنا عارفك كويس
بتقيم الحاجات دي وحتودي بت جيراننا اليوم
للسوق إياه ولن ترجع بأقل من 10 ألف من المشغولات
الذهبية ،، |
هييييييييييييييع انا ابوك يا عثمان
| Quote: عيد زواجكم ميمون وسعيد وكل سنة وأنتو طيبين 00 |
وانت طيب يا حبيب ولك كل مودتي
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: عامر تيتاوى)
|
اخي الغالي / عموري
وانت تنعم برفقة الأهل والأحباب بالسودان
ومع امنياتي بلقاءك قريباً..
Quote: العزيز امير الجمرى وحرمه المصون وزهراته الثلاث
كل عام وانتم بخير وربنا يديم عليكم نعمة الصحة والعافية
والمحبة وان شاء الله دايما تامين ولامين وزايدين باذن الله
ياامير .. |
آمين يا عامر وربنا يديك العافية ويخلي ليك وليداتك وامهم ويخليك ليهم يا رب .
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: ماجدة عوض خوجلى)
|
الأخت الامتدادية الأصيلة
الماجدة بت عوض خوجلي
تحيات كبار ومراحب بيك في المنبر ونورتيه واكملت الزهرات ثلاث وتمجّد المنى فكان المنال
Quote: عقبال ماتتحتفلو بالسنه المية وربنا يديم عليكم نعيمه ومايحرمكم من بعض ويخلى ليكم
اولادكم ويبلغلكم كل مقاصدكم قادر ياكريم |
آمين وجمعاً يا ماجدة وربنا يديم عليك السعادة والهناء والمحبة .
| Quote: تحياتى لبهجة وربنا يخليكم لبعض وتكون ليك دايما اسم على مسمى وحبايبى الصغار |
تحياتك وصلت لبهجة وهي سعيدة جداً بيك وبتشكرك كتير وقلت ليها ديل ياهن بناتنا الامتداديات ودي حلاوتن ودي روعتن .. عثمان ومرح وايمن يبتسموا ليك ببراءة .. لكنها لاتخلو من شقاوة ..
دمتي يا ماجدة
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: abdulgafar mohd saeed)
|
اخي الحبيييب عبد الغفار
تحية واسعد الله ايامك
| Quote: حبيبي امير و العزيزة بهجة دامت ايامكم جميلة مليئة بالبهجة و المرح في حضرة عثمان و ايمن ,,, و ربنا يخليكم لبعض |
أبهج الله ايامك وادام عليك "سرورها" ولك مني "أسمى" آيات الود و "حمّدك" الله بالرابع والخامس والاززززز ..
| Quote: انا كنت عايز اؤكد علي كلام عادل جبارة و الهدية لكن خفتك تطلب مني نفس الطلب في عيد زواجنا القادم |
عادل جبارة طبعا زول جميل وبحب الحاجات الجميلة وبموت في الناس الجميلين ومستعد لاسعادهم في اي بؤرة في الأرض كان سودان كان رياض وانشاء الله في "جدة" ذاتها .
| Quote: عشان كده انا معاك باعتبرا الهدية مقبولة لو كانت حبة فولة ( بس لازم تكون فولة سودانية ) |
يا سلام عليك والحمد لله غايتو الوردة الحمراء قبلوها .. ومنتظرين الهدايا وطبعاً كل زول هديتو حسب اقتراحو وشيل شيلتك يا عادل (الدهب ابو عشرة الاف محمدك ) وانا حا اعمل ليك تخفيض واخليهو زي حق المدام وقبلانين بي ابو سبعة .. ويا عبده قبلنا الفولة بس زي ما قلت لازم سودانية .
تسلم يا غالي
| |
|
|
|
|
|
|
|
|
|
Re: تهنئة وتهنئة (Re: رأفت ميلاد)
|
الأخ العزيز رأفت
كل سنة وانت طيب وماري كريماس وعيد ميلاد مجيد
Quote: عيد زواج سـعيد
وعمر مديد
ويخلى ليك الوليدات وأم الوليدات |
لينا وليك يا غالي وربنا يمد في ايامك ويجعلهل تنعم بالخير والسرور
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: Salah Waspa)
|
الأخ الفاضل / صلاح واسبة
تحياتي لك ولكل احابنا في كندا
وكل سنة وانتو طيبين
| Quote: كل سنة وإنت وهذه الآسرة الجميلة بخير |
وانت بألف خير يا صلاح وحقيقة سعدت كثيراً لاتصالك بأخونا عادل جبارة
واطرائك على ليلة تكريم عثمان حسين وذو النون وفيصل ةونتمنى ان تجمعنا
الأيام ونحتفل بكل ما هو جميل .
Quote: وستكون لك تهنئة سنوية مجانية في صحيفة الرحيل لهذا التوافق في
التواريخ |
والله ده شرف كبير اعتز وافخر به ما دمت حياً ان صادف تاريخ زواجي تاريخ انطلاقة
جريدة الرحيل الحائطية .. بتحرير واخراج الأستاذة عواطف .
| Quote: ولا شنو يا أستاذة عواطف . |
وسواء ان وافقت الأستاذة عواطف ام لا فلها مني التحية والتقدير على هذا المجهود الجبار واتمنى لها دوام التوفيق والسؤدد والى الأمام .. ودعيني انحني امامك لأزداد غروراً
دمت يا صلاح وسلمت
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: لؤى)
|
الرااااااائع حقاً / لــــــــؤي
سلمت ايها الفنان وان تشنف آذاننا دائماً بالروائع من أغنياتنا العميقة
وتعطّر فضاءاتنا الرحبة بأريج الحاننا العذبة..
| Quote: ربّنا يجعل الحُب ، السّعادة ، التّفاهم ، الإنسجام ، الثّقة ، الصّدق ، الإحترام ، الاستقرار ، الأمان ، وراحة البال ، ربّنا يجعلها جميعها أعمدة لدارك ودار الأخت بهجة والزّهرات الحلوة عثمان ، مرح ، وأيمن .. |
آمييييييييييييييييييييييييييين يا لؤي .. ودار تلك أعمدته لا شك سيكون الثبات والأمان والوئام هو حاله .. ويا رب يا لؤي تكون انت كما قلت وتعيش ديارك حال الروض التي تغنى به فناننا الراحل المقيم ابراهيم عوض وتكون دارك روضاً يتعشق بعضه (لؤوي وعيال ومداد) .
لك موفور مودتي
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: ahmed khidir)
|
أخي وصديقي الراقي الأنيق الأمير / أميــر
أحلى آيات التهاني القلبية الصادقة أزفها إليك مع إطلالات عيدكم السعيد وربنا يمد في أعماركم وتكملوا لينا العام المائة بعد المائة الأولى .
ربنا يحفظ ليك أم عثمان وعثمان والأمورة مرح والشبل الصغير أيمن . ولك مني أحلى آيات الحب الأخوي السامي . وكل عام وأنتم في أسعد أيامكم ولحظاتكم .
تخريمة :
والله يا أم عثمان ربنا يديك العافية ساكت قدرتي تتحملي الأخ ده كيف سبعة سنوات ما عارف . لك مني وسام الصمود والشجاعة والتضحية .    وعاش صدام حسين ، أهي هو ما مات .  
| |
|
|
|
|
|
|
|
|
|
Re: اليوم 10/1/2007م .. عيد زواجنا السابع .. والهبات (عثمان،مرح،أيمن) (Re: عماد محمود علي)
|
صديقي الحبيب / العمدة أبو حسام
Quote: أحلى آيات التهاني القلبية الصادقة أزفها إليك مع إطلالات عيدكم السعيد وربنا يمد في أعماركم وتكملوا لينا العام المائة بعد المائة الأولى .
ربنا يحفظ ليك أم عثمان وعثمان والأمورة مرح والشبل الصغير أيمن . ولك مني أحلى آيات الحب الأخوي السامي . وكل عام وأنتم في أسعد أيامكم ولحظاتكم . |
يا سلام عليك يا عمدة يا نقي يا سامي المكانة وتسلم انت ويسلموا ليك حسام واخوانو وامهم
يخرم راسك .. مالك ما كنت ماشي كويس .. كدي النشوف تخريمتك المرة دي شنو وعارفم انا تخريماتك ..
| Quote: والله يا أم عثمان ربنا يديك العافية ساكت قدرتي تتحملي الأخ ده كيف سبعة سنوات ما عارف . لك مني وسام الصمود والشجاعة والتضحية . وعاش صدام حسين ، أهي هو ما مات . |
ما قلت ليك انا عارفك ما بتجيبه لي بر تدردق فيني ساكت عشان تملطشني .. لكن شايف ام عثمان بتضرب لي ام حسام تاخد منها نصائح أصلها ام حسام خبرة في قوة التحمل الله يديها العافية .
| |
|
|
|
|
|
|
| |
امير عوض الجمري
نصار
عامر تيتاوى
انعام عبد الحفيظ
ماجدة عوض خوجلى
abdulgafar mohd saeed
أبو الحسين
Muna Khugali
طارق جبريل
ALGARADABI
ghariba
د.محمد حسن
رأفت ميلاد
عبد المنعم سليمان
Salah Waspa
لؤى
معاذ حسن
عبدالكريم الامين احمد
ahmed khidir
بهاء بكري
فيس بوك
تويتر
انستقرام
يوتيوب
بنتيريست