الأسلحة الكيميائية وحقيقة استخدامها في السودان في منتدى ميديكس للحوار
|
|
 نِقّْيــــر علي بـــاب النِهَـــار ... !!
|
نِقّْير علي باب النِهَار ... !!
نقرة أولى :
فتر ...
ضُل الشجر
من الوقوف
مضاري من عين الشمس
كاتم الآهات وساكت
منتظر ....
لحظة تضاري الشمسة عينا
وتنكسر
خجلانة
أو
زعلانة
مااااا فَرَقَتْ ....
نقرة ثانية :
طَنْطَنْ الدَادَابْ
وكِت جافاهو وارد الموية
ضُهْرِيّة
زعلان
بحاسب نفسو إيش سوالو
شان يضّارَى
أو
يرسم ملامح للغياب
إنكسر
لما ما قَفّْت مراسيلو
بَيَّت بياكل في خواطرو
وساكت ....
نقرة ثالثة :
قَعَدنْ بنات النمل
في ضل ضَحَوَة يتساقن
فناجين الصَبُر
قهوة
من وجع الخريف
يتْحاكنْ
وسط صخب الفناجين
واللي فات من عمرهنْ
عن فِعل آخر مطرة
في الحوش الكبير
(وفي وسط هذا البهو
تدلى
خيط العنكبوت ينبئ بالإفتراس)
رَبَطَنْ خواصرن النحاف
وإتلبدن
.
.
.
بنواصل النِقّْير قريب ....
.
.
.
مرفق :
محبتي للجميع
بـــــادي
|
|
 
|
|
|
|
|
|
|
|
Re: نِقّْيــــر علي بـــاب النِهَـــار ... !! (Re: مهند الجيلي بادي)
|
ود الجيلي
قبضتك !!!!
........!
الجابك بيجاي الليلة الشوق!!
واللا حنينك مادي علي الفرح العزري
كدي خليني أدس جواك (بروس)
نبت شيطاني في حشا الكلام البنقِّر عود جمالاً داخرو فيك
ود الجيلي
حضورك الجميل
كعكة جيتك
وقطعة الشوكولا الممدودة للشفع في عيد الصباح
ملمح شديد للروح
أنتظرتك في شارع المهجة الممددة في الفراغ
زمنين صراع
وتاني مضطر أحبك في نزيفك
عشان يطلع خريفك
انت فرح أفتراضي فظيع
طلّعت معاك الوجع الخافي فرّة سن أتنين بيحبو
طلعت بي وراك الشمس الفكرة
طلّعت مداين جوة الجوف
فاضلة أفلاطون كانت أفتراضية لي حوجة مشروعة
أتضارت وراها حاجة أنانية في التنظير المُمعن في نفسو
جدليات منسية تطرح من خلال كلام تلقائي
وفاضلة ود الجيلي بتفرض نفسها كحتمية
لا أعترف بحتمية أيي شئ
سواك
أجمل مافيك أمتدادك فيني
أنت الفرح الأزرق
وانا أبيض موية
والشوق متوسط
لابعرف دمياط لا الأسمو رشيد
أسوأ مافيك
أعتيادي علي جياتك في الكيبورد
والماوس بنقر هم الدنيا عزاب
شت داون كل أنينك!!!
أديني حنينك
الطلّع دين الناس
وطلع دينك
...........!!!!!!!!!!
| |
|
|
|
|
|
|
|
|
|
Re: نِقّْيــــر علي بـــاب النِهَـــار ... !! (Re: مهند الجيلي بادي)
|
حبيب نورة الحبيب ،،
حضّرتك ..
محلول من حب
ورتبتك ..
كلمات منسوخة من الإلفة
وغنيتك ..
أنغام في المغرب
ونص الليل
لولاي للشفع
ساعة قلق الروح
قبل ما يوتروا ساعة صفو
يا زول من شوق
ما تقعد ساي
(جوط مجالس ألقلب .. أو عيد الترتيب)
حبيب نورة ،،
جاييك تاني
مرفق :
حبي الكبير
بــــادي
| |
|
|
|
|
|
|
| |
مهند الجيلي بادي
إسماعيل حميم
حسين يوسف احمد
د.محمد حسن
حبيب نورة
فيس بوك
تويتر
انستقرام
يوتيوب
بنتيريست