|
|
|
 Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
أقيس محاسنك بمن?
Listen to RASHA, Aguis Mahasnik Biman
_____________________________________________________
1971, Khartoum, Sudan. Descended from a long line of intellectuals, artists and musicians (all of her 19 siblings are involved in the arts in some way), Rasha worked in production for the theatre, television and radio while singing, composing and studying music in her spare time with the intention of turning music into a career. Realizing that there were very limited opportunities for professional musicians in war-torn Sudan, she moved to Cairo in 1991 and subsequently to Spain, joining other family members who had already emigrated there, including one of her brothers, who plays with Radio Tarifa. Settling in Madrid, Rasha enrolled at university and took a number of day jobs in order to support herself. In the evenings she sang in local bands and developed her own musical ideas. Finally turning professional, she released Sundaniyat in 1997. The album used a selection of Sudanese to reflect the diverse Arabic and black African influences of the musical culture of her homeland, while also adding external influences (jazzy saxophones, reggae, Afro-Cuban rhythms) and showcasing her versatile and sensuous voice.
DISCOGRAPHY: Sundaniyat (Intuition 1997)****.
Encyclopedia of Popular Music
Copyright Muze UK Ltd. 1989 - 2004
http://www.mystrands.com/artist/33154/biography
| |
 
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Kostawi)
|
الاخ بشاشا
سلامات وكل سنه وانت طيب
جهد مقدر لهدف نبيل نتمني لكم التوفيق وانو الحفل ينجح ويحقق اغراضه
مساله تعليم الاطفال في الغرب وربطهم بالوطن الام مساله شائكه وتحتاج
عمل شاق
طبعا الطرف من المعادله (او السؤال) لماذا لايذوب السودانين في المجتمعات
التي هاجرو اليهاوتنتفي بذلك الحوجه لهذه المدارس وهذا موضوع جدل طويل
____________
بخصوص بوادر صراع الحضارات التي بدات بوادره بين East cost و ًWest cosat
نحن مواطني Mid -west سنلعب دور الحكم
| |
|
|
|
|
|
|
|
|
 Re: المبدعة رشا شيخ الدين، حفل العيد، راس السنة، لوس انجلوس! (Re: Omar Bob)
|
Quote: كل فنانين السودان، جو البلد دي من الWest side
من وردي الصغير، ساطور في 87، مرورا بالموصلي، وحتي وردي الكبير! |
لا كويس يا بشاشا..
شايفك خليت الأمور الإنصرافية بتاعت ( أبو الهول .. وحورص ) وارتقيت شوية ( وملصت ) العراقي بتاع الجلابة ولبست البدلة التشريفية .. بتاعت الفرنجة
بس باقي ليك حاجة واحدة .. ( لذيق الأغاني )
عيييييييييييك
.. فاهمني طبعا..
إذا اهتميت بالأمور الإنسانية بتاعت المشاريع التربوية دي ، من مدارس لي دور عجزة ومسنين وساهمت حتى لو بي بوستات زي دي .. كده ح نقوم طوالي نشيل منك لقب الجلابي ( الناطي ) منو دا .. وبي كدا تستحق لقب الأمير الكوشي عن جدارة وربما في التشكيل الوزاري بي التقوييم الكوشي القاطعو من راسك ده نعينك ( كاهن .. على معابد وإهرامات الثورة بالنص )
واقع ليك ؟؟
يلالا خلي الكرمبا ده يساعدك ولذق لينا غنوة غنوتين من الحفلة دي
| |
|
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
| Quote: بقيت تلمع في مغنواتي الجلابة يا جلابي |
كوستاوي،
احنا ناس ديمقراطيين، بس مابالمعني بتاع ناس عصام جبرالله اوخالد العبيد، ولهذا نحترم خيارات الكميونتي. بعدين انا ماناكر تب اني جلابي، ولكن سابقا! صاحب سوابق يعني! ولكني سالك في طريق الRedemption!
to de-arabize and re-Negronize
ماطلعنا برة الموضوع:
Westcoast Ruuuuuuuuuuuuuuuuuuuuuuuuuuule
عزيزي القارئ،
عشان ماتكون في الصورة معانا، في اوساط الافارقة الامريكان، هناك تنافس شديد، مابين ساحل امريكا الغربي، العاصمتا كالفورنيا، بالذات مدينة كامتون، الشهدت انتفاضة "رادني كنج" العنيفة، والساحل الشرقي، العاصمتا، نيويورك، باللتحديد في مجال صناعة موسيقي، الراب العالمية!
البيض ماعندهم الحاجات دي، زي اهلنا!
| |
|
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
عمر بوب،
كرقي، انج نل، وو اسود!
ترجمة فورية من الكوشية لهجة دنقلا، والي العربية:
كل عام وانت بخير ياقريبي!
كيف نزوب في مجتمعات المهجر ياعزيزي، لنضحي مسخ، فوق للمسخ الاحنا اصلا جينا بيهو من بلدنا؟
حتي لوجيت تذوب في المجتمعات دي، فلن تذوب ذوبان كامل، بل حتظل حي كميت!
اسهل الحلول واقلها تكلفة، واكثرها عملية، هو اعطاء اطفالنا جرعات تطعيم ثقافي، تقيهم وبائيات المجتمعات الجديدة، او من دون ذلك، فاكد انو طفلك، هالك، هالك، لانو التيار جارف، اوهو لم يعد للعوم في دميرة ثقافة من فرط قوة اندفاعا، غطت اليابسة، اوجرفت كل الثقافات، قداما!
من الجانب الاخر، برضو خطر جدا، تنشئة اطفالنا، ليتعاملو مع هذا العالم القاسي، كسودانيين!
طبعا ده انتحار عديل كده!
شخصيا بفضل اتعامل داخل محيط ثقافتي السودانية كسوداني للطيش!
اماخارج نطاق مجتمعي السوداني، فبحاول اكون امريكي، للاخر!
باعتبار انو دي لغة التواصل الثقافي، السائدة!
يازول نهاية الدوام، بقلع المنطلون، ادرع عراقي، احدر الطاقية الحمرا علي الجنب اليمين، السكينة في الضراع الشمال، والسفة دقار لوري، والقلوب فوق الكتف، واليدين مدلدلات يازول من فوق للقلوب، اغشي العمدة الميج، من دون تلفون ولامواعيد..اونسوي الفاقة والونسي، والخاطر يطيب ياحبيب!
يازول لحظات ذي دي بالدنيا!
صراحة لدينا حياة، في حلتنا الصغيرة بومونا، اللهم زيد اوبارك!
في السودان زاتو ذي المودة البينا في حلتنا دي، ماموجودة!
قدرنا ننجر حياة سودانية صرفة، في خضم محيط معادي، هادر!
يعني لوالكيزان ديل مافاتو، يازول يانا المتوهطين قبلنا، في سودانا الصغير النجرنا، نجر، اوقلعنا قلع، من فك تمساح الخواجات العشاري!
| |
|
|
|
|
|
|
|
|
 Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
| Quote: الدواس في العيد، محرم عندنا في الفقه الكوشي |
ما طالبني حليفة يا بشاشا
ضحكته لمن اتكومنا أنا والكرسي في ( ال و ا طه ) ..
والله أنت زول تحفه عديل كــده .. غايتو كان لقيت ليك فرقة كده مع الاجازات بتاعتكم دي حقو تنزل على ( متحف الشمع ) تخلي الناس ديل يشوفو ليك طريقة ( يجيهو) ليك حاجة تليق بي عظمة جلالك ..
وما عندك مشكلة بننسق منع بكري أبوبكر يعمل ليك شهادة من الموقع هنــا
وما تشيل هم .. ( ورق البردي ) مني انا القدامك ده ..
أهــا استلم .. جاك الكرمبــا .. قاعد ينزل ليك في الردود اتنين اتنين
( معيدييين ) .. تحمدوا سيدكم .. اهـــا ياني ( المعيد ) معاكم في البوست ده وما طالع منو 
| |
|
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
الحبيب يوسف، مشتاقين، اوساعلين منك بشدة.
عرفت انك اوساطور شاركتو بالزيارة لواحدة من الانشطة للمدرسة.
التحية للفنان، العازف احمد باص اوحرمو المصون، لدورم الكبير جدا في قيام هذا الصرح.
احمد باص هو استاذ الموسيقي، بهذا الفصل الدراسي، وبفضله رفرف علمنا او ادو اطفالنا نشيد العلم، ربما للمرة الاولي في الولايات المتحدة!
حامر علي اسماء الجنديات والجنود المجهولين القايمين بالعمل الجبار ده، وبالذات اخواتنا.
المجد للمراة السودانية!
ولن نفلح كقوم، مالم نولي امرنا، لامراة!
| |
|
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
والله انتو ناس محظوطين يا بشاشا
حتشوفوا رشا وكمان علوية ..بتهها واحتمال كبير تماضر
ههههه
اتمنى لكم سهرة ممتعة
وانا كنت دايرة أكتب البوست ده قبلك ..لكن طالما سيقتنى ..ليك الفضل...
بس عندى اضافة صغيرة انه للناس الدايرين يتفقوا مع رشا لحفلات أخرى يشاوروا المهندس أحمد زكريا ..
وتلفونه فى الموقع بتاع سند ...
| |
|
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
نسيبتنا، تماضر، "شفتي الفتة؟"
كل سنة انتي والاسرة بخير.
عارفك تماما، حتجي جاكة تصبقيني علي السبق ده، عشان كده فضلت لابد، او خرتك، شر خرتة!
اها الاحكي ليكي قصة معبرة عن هذا السباق المحموم، بينا:
ايام ابعاج، لمن العبادة لله، بقت وظيفة بي مرتباتا، في "مسيد" حلتنا، الاسمها "المواد*" مشيخة "كنكلاب*"
نشب في مسيد الحلة صراع حامي الوطيس حول وظيفة المؤذن، بين شاب ورجل مسن كان في ستيناتو حينها!
قدر ماحاولو مع الشاب حينها يتنازل للشايب، حلف مايتنازل، لانو اصلا كان من المناوبين علي الاذان بحكم قرب بيتم من مسيد جدنا "صبيان تود"، والشاب ايضا كان بتاع دلاليك، او بطان، درجة اولي!
طبعا ماكان في غرابة في وضعية ذي دي خالص، فيماقبل بزوغ فجر الاسلام السياسي!
اها ياستي، تم الاتفاق، انو البقوم ابدر او ياذن بكرة، يختارو للوظيفة، اوياخد المرتب!
جدنا المسن، "شيخ ادريس منوفلي"، علي حظو الكعب، بيتو بعيد من الجامع، مقارنة بي بيت الشاب حينها، "علي جوي" علي مرمي حجر، من الجامع!
"استراتيجية" جدنا شيخ ادريس منوفلي، رحمه الله، قامت علي رهان انو، علي جوي حينوم لانو شاب، اوهو بحكم السن حيقوم ابدر!
اها، ياستي، مع الدغش، جدنا شيخ ادريس قام بعد الوضو توكل، مهرولا للفوذ بالسبق، ولكن علي جوي، كان له بالمرصاد!
لذلك لمان علي جوي ظهر، لي جدنا شيخ ادريس منوفلي، اسقط في يده، ودار بينهم التالي:
شيخ ادريس منوفلي:
الي جوي، ار تيب من ياخي؟
ترجمة: علي جوي اقيف ياخي!!
علي جوي:
ملر تيبري؟
ترجمة: او اقيف ليه؟
عندها، يئس جدنا شيخ ادريس، وبسرعة شديدة هداه تفكيره الي تصرف غريب بعض الشئ، حيث توقف عن الهرولة فجأة وهو بعيد عن الجامع، اوطوالي قال ليك:
الله اكبر، الله اكبر!
ايوا، بدا ياذن طوالي، اوهو بعيد جدا من المسيد!
علي جوي، اوبي نفس الطريقة، بعدما وصل برضو بدا الاذان، ليتداخل الاذانان، تداخل شديد جدا!
مابتذكر، اللجنة فوزت منو، ولكن حاضرب السودان بعد شوية، فحاسال بالضبط ماذا كانت نتيجة السباق، حينها!
جاييكي لي احمد زكريا!
*هذه الاسماء "المواد"، "كنكلاب" كوشية "نوبية" اوما مفردات عربية ولذا لزم التنويه. في الابتدائي، كنا بنخجل شديد، من ذكر اسم منطقتنا، لان الاخرين كانو بعيرونا باستمرار، بي اضافة صيغة "الكانو كلاب" لي مفردة كنكلاب!
واحنا صغار، دي كانت مشكلة كبيرة، لازمت بعضنا الي اليوم!
دي واحدة من اساليب تعريب الثقافة الافريقية، والتاريخ في السودان!
وذلك بنطق المفردات الكوشية، باعتبارها عربية، وبالتالي تفسيرها بالمعني الحرفي الظاهر للنطق العربي، لمفردة اصلا ماعربية!
طبعا النتيجة، كانت كارثة محققة!
ده موضوع عاوز ليهو، بوست، لوحدو!
| |
|
|
|
|
|
|
|
|
 Re: المبدعة رشا شيخ الدين، حفل العيد، راس السنة، لوس انجلوس! (Re: ابوعسل السيد احمد)
|
أطن أحمد زكريا هذا زميلى بالثانوى وله شقيق آخر مهندس إسمه محمود زكريا درسا بمحمد حسين الثانويه وتخرج أحمد من المعمار وربما من مصر تخرج ذلك المحمود الذى كان صديقا لنا وصديقه الصادق نقطه يا بشاشا العيد مبارك عليك والعفو لله حتى تخطأ ثانية وسلم على أحمد زكريا وأسأله عن محمود شقيقه أين مكانه فى الكون ورشا مبروكه عليكم
منصور
| |
|
|
|
|
|
|
|
|
|
Re: المبدعة رشا شيخ الدين، حفل العيد، راس السنة، لوس انجلوس! (Re: Bashasha)
|
منصور يامفتاح، مرحب.
احي روحك النبيلة، والاختلاف اطلاقا، من جانبنا، لايمس قدسية الوشائج الانسانية، بينا كسودانيين، بالذات مع الناس الفرسان الذيك، الغير فاجرين في الخصومة.
في دواسنا، بالله نوصلو الحد، ولكن في نهاية اليوم، نرجع عادي، كان لم يكن.
اؤمن تماما بحرية التعبير، واؤمن اكثر بقيم الخصومة بالطريقة السودانية، الماقبل انغاذية.
الاسلام السياسي ادخل في وسطنا كم هائل من القيم الوافدة الفاسدة، والدخيلة، اوكمان باسم الاسلام!
بقية زوار الخيط جاييكم.
| |
|
|
|
|
|
|
| |
Bashasha
Saifeldin Gibreel
النذير حجازي
Kostawi
Omar Bob
tmbis
Elmosley
altahir_2
Tumadir
تبارك شيخ الدين جبريل
ابوعسل السيد احمد
munswor almophtah
فيس بوك
تويتر
انستقرام
يوتيوب
بنتيريست