|
|
|
 Re: قصيدة بلد مسروق (Re: Osman Musa)
|
Quote: وبكره نروق
ننضف صفحة الترعه
ونحش السعدة والعميوق
ونكتب فى جدار الدنيا
سودانية مية المية
دايما للمعالى نتوق
نتوحد
ونتوحد
ونتوحد
ونصبح لى سمانا بروق |
شكرا يا عثمان على القصيدة المعبرة والمفعمة بالأمل منذ ذلك الوقت الذي كان فيه حكم الجبهة في قمة جبروته وتسلطه على الشعب المغلوب على أمره
عمر
| |
 
|
|
|
|
|
|
|
|
Re: قصيدة بلد مسروق (Re: Omer Abdalla)
|
سودانية مية المية
دايما للمعالى نتوق
نتوحد
ونتوحد
ونتوحد
ونصبح لى سمانا بروق
عزيزي عثمان،
قرأت وأسماء هذه القصيدة الجميلة، المعبرة عن واقع حالنا كأبلغ ما يكون التعبير.
هي بالقطع مما يمكن أن نسميه بالسهل الممتنع. موسيقاها جميلة الأيقاع، يلفها لحن فطري بديع.
أرجو أن تستمر في رفدنادائماً بجديدك.
| |
|
|
|
|
|
|
|
|
|
Re: قصيدة بلد مسروق (Re: Osman Musa)
|
الأخ عثمان موسى ... تحياتى ...وشكرا على المهاتفة من أمريكا
القصيدة فيها رائحة حميد من حيث السرد والتحريض وانتقاد الواقع المرير ... وعمل جيد
الأخ عثمان ... تحياتى ...
عمل جميل جدا .... هل تكتب الشعر العاطفى الممزوج بالوطن ... ,ارجو أن تعطينا نموذج
| |
|
|
|
|
|
|
|
|
|
Re: قصيدة بلد مسروق (Re: بهاء الدين سليمان)
|
وسابت نخلة ليها اصل
وليها فصل
وليها عروق
وبكره تطل نجايب النوق
تعالو تعالو
ابقو مروق
نزال الانتخاب الحر
تعالو الليلة يوم المر
البلد العزيز فيو ناس ومافى فروق
البلد الجميلة غنية
والمخزون بيفيض وبيحوق
وبكره نروق
ننضف صفحة الترعه
ونحش السعدة والعميوق
ونكتب فى جدار الدنيا
سودانية مية المية
دايما للمعالى نتوق
نتوحد
ونتوحد
ونتوحد
ونصبح لى سمانا بروق
wonderful
thank you very much
more please
dr mustafa mahmoud
ــــــــــــــــــــــــــــــــــــــــــــــــــــــــــــ
| |
|
|
|
|
|
|
|
|
|
Re: قصيدة بلد مسروق (Re: Elmosley)
|
أخى الاستاذ الموصلى
لك التحية
شكرا على المجاملة الظريفه
سوف ارسل اليك القصيدة التى اعطيتها
الى ألاستاذ المرحوم مصطفى سيد احمد
أخيك عثمان عبد الرحيم موسى
| |
|
|
|
|
|
|
|
|
|
Re: قصيدة بلد مسروق (Re: Haydar Badawi Sadig)
|
Quote: وبكره نروق
ننضف صفحة الترعه
ونحش السعدة والعميوق
ونكتب فى جدار الدنيا
سودانية مية المية
دايما للمعالى نتوق
نتوحد
ونتوحد
ونتوحد
ونصبح لى سمانا بروق |
سلام السودان
بلدا سمح وضاح
عشقا مليح لماح
عزا تقيل أرجاح
بلدا صاح
حزنك فى الختام أفراح
حبك للقلوب مفتاح
نصطفيك وريدة فيك
وإنت فينا
سارية وضمير
قادل أمير
ونعمك لقاح
خطانا فى طريقك
أنغامنا من نشديك
قديمنا لي جديدك
جديدنا من فريدك
وفالنا بيك سلاح
سودانا يا سلامك
تسلم تطيب
تضوق العافي
التشد حيلك
وإصح ميلك
وتنتر من جديد
زي برق لواح
كفانا هم وأذى
كفانا حروب ونهاز دروب
ضاع من عمرك عمر
كلب فى جلدك فقر
شاعت محن
وإتمددت أتراح
سال الدم فى ربوعك
جال الهم بين ضلوعك
طالت مداك العتمة
وأزهقت أرواح
إتفتق الشمل الكبير
إتكوموا الناس قبايل
عانوا الفرقة والهوائل
والبطش كال والنوى
لي جراحنا جراح
مصيرنا فى المجهول حوى
دوينا الفي التاريخ زوى
وادينا الفي الجغرافيا إتمدد
بالطوى... مهدد
ووطنا إتنهد نواح
وعشان ده كلو
لازم نعدل ونمشي صاح
نخت النقاط فوق الحروف
والشتول طي الجروف
الغمود تأوي السيوف
والقرار للبرلمان
والبرلمان لأهل السودان
وده إلتزام وما فيش مزاح
سودانا يستحق كل السلام
وإستاهل الخير والفلاح
عيالنا لازم تشعر بالامان
حبانا واجب نعتزل
صنائع التمزق والنواح
حيلنا لابد إتشد وإشيل
لحد الميس
حوبة السودان
بي جمال ناسو
والامل فواح
لازم نجترح أفضل الحلول
ونقول ما ليس يقال
نواجه كل المظالم
نتفاهم بي إرتياح
نكبر نسع كل الافئدة
نرتق الخروق
... نفوق
ونمشي صاح
والعشم فوق للغشم
يا سودانا بالجد تبقى فوق
نمشي مشوار حصادك
ونرمي فى سلتك أفراح
نتعايش بكل رحابة
نبسط الأمان ... سلطان
نتساوى فى الحق والواجب
أتعالج المريض وإرتاح
إتعلم الطالب
إتربى فى الأحضان محارب
تمتد للظلمات كهارب
نتواصى للخير والنجاح
نقسم الثروة بالنصاب
والسلطة بالانتخاب
القانون ساري ومهاب
والسلام بزة ووشاح
نتوفر لي مختلف ثقافاتنا
وأديانا ورؤانا
نحتكم للديمقراطية
وليصح الصاح
ويله نعمل للوئام
يله نتحاور
نعزز ثقافة السلام
نشيد أرائك للحمام
ونوسع للعشيرة براح
ومن ضروعك يا بلد
نحلب دوانا الصاح
نتوافد لي حضرتك
نعيشك لحظة ريانة
ونتحقق فى عزاك أرباح
ويا زمن أحرس مقاديرنا
والعهدة فى الذمة
وجمايلك يا وطن دين
وخيرك يلج ... ينداح
بس لازم نعدل
ونمشي صاح
وحا نمشي صاح
وحا نمشي صاح
عزيزي ... عثمان موسى
لم أجد غير ... الشعر بالشعر ,
فكانت كلماتي ... من وهج صحوك ,
وكان إختياري فى ذات الوطن الشهية ,
فلنأتلم ... حيث الناس مطرحنا ... وحيث
الكلمة فوح الذخيرة والعبق ... ودمت عزيزي .
| |
|
|
|
|
|
|
|
|
|
Re: قصيدة بلد مسروق (Re: Osman Musa)
|
Quote: أتشتتنا فى المهجر
شمع محروق
بقينا نزازى فى البلدان
عمر ممحوق
شنو الاخبار؟
ولا نفاج امل مطروق؟
وين نتلمه
كيف بنروق
وقدمنا البلد مسروق
شــــــــــــــــــــــــــــــــوف
ماانو البحر دافر
وماانو المتر ناتر
وماانو البرق قبلى
والفاضلين بلوكو النار
وماسكين مقبض الواسوق
وبى كلو
البلد مسروق
شــــــــــــــــــــــــــــــــــــــوف
الله ادانا تب مانسانا
لكن الحكم طايش
فى القصر الكجر مطلوق
العيش فى الشرق باير
والعيش فى الجنوب معدوم وموفى السوق
ولا فى السوق
ويوم تعتر تلاقى عجين ها ها ها
الصاج يعدم الطايوق
واحدين العضام تنشاف عليها تخاف
رهـــــــــــــــــــــــــــــاف
وخفــــــــــــــــــــــــــــاف
لطـــــــــــــــــــــــــــــاف
وظــــــــــــــــــــــــــــراف
أواحدين التبن مدلوق
مافيش زوق؟
بين المشوى بين المحشى والمسلوق
بين الحالى والمحدوق
والشعب الجميل صابر
يغنى يمازح القمره يحبها لى شعاعها يسوق
يصوم مريوق
ماانو البلد مرزوق
يكد الدوم ويصبح فى عيونه شروق
يضارى الهم
ويخفى الغم
وسابت نخلة ليها اصل
وليها فصل
وليها عروق
وبكره تطل نجايب النوق
تعالو تعالو
ابقو مروق
نزال الانتخاب الحر
تعالو الليلة يوم المر
البلد العزيز فيو ناس ومافى فروق
البلد الجميلة غنية
والمخزون بيفيض وبيحوق
وبكره نروق
ننضف صفحة الترعه
ونحش السعدة والعميوق
ونكتب فى جدار الدنيا
سودانية مية المية
دايما للمعالى نتوق
نتوحد
ونتوحد
ونتوحد
ونصبح لى سمانا بروق
ــــــــــــــــــــــــــــــــــــــــــــــــــــــــــــ
عثمان عبد الرحيم موسى
بروكلن فى 3/8/1998 |
فلما إرتفعت هذه المرة ... أعدت قراءتها , فتجبر خاطري , فرحت للشعر
وللشاعر ... فيما حزنت للإهمال ... قليلة هنا كانت دقات التكاتب الإسفيري ,
وضنينة سواحل الترحاب فى ظل وطن يجتاحه الرهاب ... والإرهاب ... وإنسكاب
الدم خارج العروق ... فهذا من جهود الإحساس بالوطن في معتقله الإستثنائي ,
وهذا مقدار من التفاعل لمن { يعتني } بأهله ووطنه فى ظل خيارات أخر , أقلها
{ وطن بديل } ... وهذا إنفعال { شاب } من أبناء السودان ... لم ير نفسه إلا
عبر بلده { المأزوم } ... بل هذا صنع { هاوي } يتحسس طريقه فى مناخ الأدب
العسير ... هو الكلمة { المشعورة } ... يبتدء من عل ويتوسل النصب المقيم .
فلماذا ... يهمل ... {علما بفرضية الحرية } . وكيف تنبثق النجوم وتتآلف مسيرة
الإبداع ... إن لم يتوفر فى لحظة التكشف ... العارف والمستبين لعرى الوصل والدافع
فى إتجاه الصعود ... أين بشرى الفاضل فى ألمحيته النقدية الأدبية المهيلة , أين
فضيلي جماع ... وهو يتوسد جبلا من الخبرة والتواتر الشعري المبين ... أين المعجبين
بالشعر الوطني , وكذا معجبي التوقيع { البلدي } للمشاوير الشعرية وللتواصيف
البيئية وللإحتمالات الكسر/جبرية ... فى ظل مفاصل تتراوح بين الوطن والسيرورة والقيم .
هذه ... قصيدة ضامة ومعبرة ... تستحق الإهتمام ... والتداول ... فيما يستحق صاحبها
التشجيع والتبصير ... لترتفع بمضامينها وعلى مشاجبها النقدية المستصحبة ... وأربا
بها من الروافع الميكانيكية { فوق } .... كلزومية ضامرة لإستشعار خجول .
| |
|
|
|
|
|
|
|
|
|
Re: قصيدة بلد مسروق (Re: HAYDER GASIM)
|
أستاذى حيدر سلام شديد
منك ألانارة
و ألاستنارة
من زمن وانت أساسا لنا ولغيرنا
شروق منبسط
وبذور نعدها لحقول سوف تفلح وتزدهر
لك الشكر , أستاذى حيدر وانت تتابع
اخيك , عثمان
| |
|
|
|
|
|
|
| |
Osman Musa
Yassir Tayfour
Omer Abdalla
Haydar Badawi Sadig
بهاء الدين سليمان
Mustafa Mahmoud
Elmosley
HAYDER GASIM
فيس بوك
تويتر
انستقرام
يوتيوب
بنتيريست