الأسلحة الكيميائية وحقيقة استخدامها في السودان في منتدى ميديكس للحوار
|
|
 الأمير والإمـــام فـي منافســــة «البولو» بســـباق الـخيل
|
ليست الرياضة وحدها أو الفروسية أو تقارب الأعمار هي التي تجمع بين السيد سمو الأمير الحسن بن طلال والامام الصادق المهدي الذي يقول لـ «الوطن» : إنها صلات قديمة اسسها الامام عبدالرحمن المهدي وأسرته مع اسرة الملك عبدالله حيث تواصلت العلاقات بعد ذلك والملك الراحل الحسين لتصل الآن وتتواصل من خلال الأمير الحسن والأسرة المالكة الكريمة.
أمس الثلاثاء عصراً شهدت «الوطن» وبدعوة كريمة من سكرتارية الامام الصادق تمرين الفروسية ومباراة البولو الشرفية بنادي سباق الخيل بالخرطوم جنوب حيث تنافس فريقان في الفروسية احدهما الفريق الأبيض ويقوده الامام الصادق ويضم السادة فيصل فؤاد احمد وجمال بشير النفيدي وصديق الصادق المهدي وجاه الدين خميس، والفريق الثاني «الازرق» وقاده مرحلياً الأمير الحسن حيث تواصلت المنافسة بقيادة راشد نجل الأمير الحسن لتنتهي المنافسة بعد ذلك بالتعادل الودي، وتم بعد ذلك تبادل الجوائز الرمزية، وقد أهدى سمو الأمير الحسن القبعات لعدد من المتنافسين لتنتهي المنافسة الحبية بعد ذلك بكلمات ترحيب وتقدير من الضيف الأمير الحسن ومضيفه الإمام الصادق المهدي.
وقال الصادق في كلمته الترحيبية بالأمير «الخيل معقود على نواصيها الخير».. ومن خيرها أن جمعتنا مع سمو الأمير الحسن.
وقال الأمير الحسن في كلمته: «من فضائل الفروسية استمد الانسان بعضاً من فضائله، وشمائله، وصحته الجسمانية، وكشف الأمير النقاب عن أن جده الملك عبدالله الّف كتاباً في الفروسية اسماه « جواب السائل عن الخيل الأصائل» .
لقد كان بحق زمناً عربياً اسلامياً حضره إلى جانب الإمام وضيفه الكريم الأمير الحسن العديد من قيادات السودان وفي مقدمتهم المشير سوار الذهب والشيخ احمد عبدالرحمن وأعضاء السلك الدبلوماسي.
|
|
 
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محمد عادل)
|
غايتو يا محمد عادل لو حبوبتنا ام النصر قامت من الترب كان ماتت تانى بسبب الخبر دة, لانو راجلها وولدها ماتو فى ابا والامام فارى, وعيال اخوانها بموتو فى دارفور والامام راكب حصانو وساكى بعكازو كورة جلد, وما بين فارى وساكى كورة يموتو الناس اوانطة, ياخى ما تعملو حملة تبرعات لناس المعسكرات ديلك تودو ليهم شوية فتريتة وكجيك!!!!!!!!!
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محى الدين ابكر سليمان)
|
الحبيب محى الدين
| Quote: غايتو يا محمد عادل لو حبوبتنا ام النصر قامت من الترب كان ماتت تانى بسبب الخبر دة, لانو راجلها وولدها ماتو فى ابا والامام فارى, وعيال اخوانها بموتو فى دارفور والامام راكب حصانو وساكى بعكازو كورة جلد, وما بين فارى وساكى كورة يموتو الناس اوانطة, ياخى ما تعملو حملة تبرعات لناس المعسكرات ديلك تودو ليهم شوية فتريتة وكجيك!!!!!!!!! |
دا اشياء خاصة
ورفهو عن انفسكم ساعة فساعة
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محمد عادل)
|
الحبيب محمد عادل
لا عليك ياعزيزى, لكننى فقط عندما استعيد تلك العذابات وهذى, احس باننا دفعنا لرفاهية الاسياد وترفهم اكثر مما تحتمل افئدتنا! لكن حتما ابنائنا لن يعتمروا العزباء ولن يلبسوا جناح ام جكو, ولم نسميهم باسماء تدل على ديانتهم حتى, ولن نخبرهم عن انتماء المستغفلين من اجدادهم!
انت بولو دة ياتو فى ايال سيدى!
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: عبد المنعم سليمان)
|
Quote: Quote: ومباراة البولو الشرفية بنادي سباق الخيل
غايتو انا لي قبل بوست محمد ده كان قايل البولو سيارة (عربية)
بس يا محمد اي لعبه يلعبها الامام انا معاه !!
بشجع اللعبة الحلوة يا محمد !!!!!
شنكل : يا ربي لنا جات بالبولو عشان تحضر البولو
الله يعلم
تحياتي يا محمد
منعم |
الحبيب عبدالمنعم
الله يخليك مابتقصر
وربنا يزيد محبتك للامام
الاميرة لنا مشت بطيارة مامشت با بولو
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محمد عادل)
|
!!!!!!!!!!!
Quote: موش عامل فيها ساكن خروم 3 ودالعاصمة وكدا وقريت فى الهند
ممكن تكون تعرف اللعبة دا |
وين خروم تلاتة دي !! والله لا سكنتها لا بعرفا !!
قصدك خروم خمسة ؟!! ولا حي تلاتة خروم !!
بعدين يا حبيب مالك متشنج !! ليس في السؤال والإجابة حرج .. لو ما عارف اللعبة البيلعبا حبيبك وأميرك قول ما عارف وخلاص !! ما في داعي لي خروم تلاتة وخرم واحد ..
الواحد لمن يكتب حاجة حقو يكون فاهما وعارفا عشان لمن يسألوهو منها ما يتشنج زي تشنجك دا .. هسي أمكن البولو دي قمار ولا نبزة ولا حاجة كعبة .. ما تلفح ساي وتكتب .. هسي الخبر دا أنحن نستفيد منو شنو ؟ حتى لو كان مجرد خبر ساي ما إستفدنا منو لأنو معظم السودانيين ما بيعرفو لعبة البولو دي ولا شافوها حتى !!
والله لو كانت المنافسة على سكج بكج كنا إستفدنا وأخدنا وأدينا معاك في النقاش على الأقل بنعرف سكج بكج هي شنو وبيلعبوها كيف .. الفائدة الوحيدة الكان مكن نجنيها في البوست دا إنو على الأقل نعرف قواعد اللعبة البيلعبوها (أمراءنا وأمائمنا) كان ربنا قدرنا نلعب زيهم نفس اللعبة لكن برضو دي ما حصلت وما وريتنا اللعبة دي بيلعبوها كيفن !!
شنكل :
غايتو خدمة مني زور الموقع دا عن أصول وقواعد العبة :
www.polohorse.com[/B]
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محمد عادل)
|
تسعدني جدا مثل هذه العلاقات لسبب بسيط هو عدم اهتمام السودانيين بها ،والمتتبع لتطورات السياسيةالعربية يلاحظ اثر المصاهرات العربية بين قادة العالم العربي واثر ذلك على العلاقات الخارجية للدول ،رياض الصلح مع السعوديين ، الملك عبد الله مع الفلسطينيين ، وشقيقه الامير حمزة مع الاماراتيين ،والشيخ محمد بن راشد ال مكتوم ،مع الاردنيين .. السودانيون اشتهروا بتواضعهم الصوفي الجميل وهو تواضع للاسف لن يحقق مبتغاه في العلاقات مع الاخر ،خاصة في مجالات التعاون الاقتصادي والسياسي ..تذكروا ايضا ان الرئيس الامريكي وحتى في كارثة سبتمبر المشهورة لم يتخلى عن عطلته الاسبوعية وممارسة الرياضة ، يحزنني جدا هجوم البعض على الصادق المهدي لمجرد كونه يعشق ممارسة الرياضة .
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محمد عادل)
|
..
.
كريمة من سكرتارية الامام الصادق تمرين الفروسية ومباراة البولو الشرفية بنادي سباق الخيل بالخرطوم جنوب حيث تنافس فريقان في الفروسية احدهما الفريق الأبيض ويقوده الامام الصادق ويضم السادة فيصل فؤاد احمد وجمال بشير النفيدي وصديق الصادق المهدي وجاه الدين خميس،
امراء وائمه وبولو وقبعات واحبه واشياء اخر
والناس فى شنو .. وآل البيت فى غيهم يعمهون ..
البولو الشرفية دى .. نوع من انواع البولو
ولا بمعنى على شرف ..... امير الحسانية ..
يا وطنى يا بلد احبابي؛
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: Tabaldina)
|
Quote: امراء وائمه وبولو وقبعات واحبه واشياء اخر
والناس فى شنو .. وآل البيت فى غيهم يعمهون ..
البولو الشرفية دى .. نوع من انواع البولو
ولا بمعنى على شرف ..... امير الحسانية ..
يا وطنى يا بلد احبابي؛ |
الحبيب تبلدينا انت زعلان عشان ماتوجهت ليك الدجعوة ولاشنو
ماتخاف المرة الجاية حنوجه ليك الدعوة
ونغنى معاك ياووطنى يابلد احبابى
فى وجودى احبك وفى غيابى
| |
|
|
|
|
|
|
|
|
|
Re: الأمير والإمـــام فـي منافســــة «البولو» بســـباق الـخيل (Re: محمد عادل)
|
| Quote: تذكروا ايضا ان الرئيس الامريكي وحتى في كارثة سبتمبر المشهورة لم يتخلى عن عطلته الاسبوعية وممارسة الرياضة ، يحزنني جدا هجوم البعض على الصادق المهدي لمجرد كونه يعشق ممارسة الرياضة . |
يعني عشان الرئيس الامريكي _ الذي نايم فوق عزو_ يمنح نفسه اجازة نهاية الاسبوع ، يقوم الامام الصادق قدس الله سره يلعب البولو مع الامير الحسن
..
.....
............
طيب الرئيس الامريكي حينما يرجع لمكتبه البيضاوي عقب انتهاء اجازته الاسبوعية سيكون كل العالم تحت تصرفه ، على الاقل يستحق ان "يفك" عن زنقته شوية بعد كد ستة ايام بلياليها .. لكن قل ما الذي ينتظر الامام المهدي عقب فراغه من لعب البولو ؟؟ وهو الشيخ الذي احتفل مؤخرا بعامه السبعين..
من المؤكد ليس هنااااك ماينتظره حتى وان كان هنالك ماينتظره فهو لن يلق اليها بالا .. فما الذي يهمه من الاموات الذي تفتك بهم الطائرات في الغرب .. فهو كل ما يهمه ان يلعب البولو مع الامراء والشيوخ والسادة ، اما "السواد الاعظم من الفقراء والمريديين " فهم على قفا من يشيل حا يمشوا وين يعني
في نهاية الامر سيذهبون طواعية الى صناديق الاقتراع لانتخابه اماما ورئيسا عليهم ..فلماذا يزعج نفسه بهكذا امور وشعب سلم امره الى السادة والامراء والائمة ..
| |
|
|
|
|
|
|
| |
محمد عادل
ناذر محمد الخليفة
????
Rakoba
waleed500
عبد المنعم سليمان
.gif)
د.عبد المطلب صديق
فاروق حامد محمد
فيس بوك
تويتر
انستقرام
يوتيوب
بنتيريست