|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: كل ارشفة وانتوا طيبين..! (Re: رشا سالم)
|
وانت طيبة يا رشوية
والكل اهل المنبر
حسي انت فرحانة بانك متأرشفة ؟
يختي التئرشف دا ماامانة ما بلوم ، وانت شغالة بالحكمة ( لا تؤجل عمل اليوم الى الغد ) القطع بيها ملاسي خشمي مرة كدا ؟
حسي انا هدا دربي اكتب لي بوست اعتذار طوييييييييييل عريض
| |
 
|
|
|
|
|
|
|
 Re: كل ارشفة وانتوا طيبين..! (Re: الجندرية)
|
الحبيبة الجندرية..
Quote: حسي انت فرحانة بانك متأرشفة ؟
يختي التئرشف دا ماامانة ما بلوم ، |
يا زوله التأرشف احسن من التقشف..
وبخصوص اللوم بس اقعي الماسنجر الداخلي ..
رسلي التعازي والتهاني وكل الحاجات وربنا يعينك يارب..
كل سنة وانتي متأرشفة 
| |
|
|
|
|
|
|
|
|
|
Re: كل ارشفة وانتوا طيبين..! (Re: رشا سالم)
|
سلام يا متأرشفة
Quote:
قرررررررررررررررررربت..!
يوم الخميس الجايي الما بيجي يستقبلني في مطار الخرطوم..
تاني لا بيني لا بينه... |
زمن طويل وانتي مختفية,
وال ما بودعـك ؟
أحمـد الشايقي
| |
|
|
|
|
|
|
|
|
|
Re: كل ارشفة وانتوا طيبين..! (Re: رشا سالم)
|
| Quote: اول مرة اكون متارشفة مع المتارشفين |
سلامات يادكتورة
البتأرشف الا يلقوه بالبحث
على فكرة الماسنجر بكري عملو 700 حرف والله انا اكتشفته اليوم بس
لأنو شايفك محتجة قبل كده على 200 بيني بينك دي الواحد يخلصها سلام بس
| |
|
|
|
|
|
|
|
|
|
Re: كل ارشفة وانتوا طيبين..! (Re: رشا سالم)
|
كل سنة وانت طيبة يارشوية
تصدقي انا في سنة رابعة أرشفة !!
هيييه
زمنا جاري
يقطع نفس الزول الواقف
يعرض زي إبليس بي سيفو
لا بنترا ولا بقول آسف
وبرضو
ماقربتي؟! ( سؤال ما زي حق ناذر)
(وش شمشاااار)
| |
|
|
|
|
|
|
|
|
|
Re: كل ارشفة وانتوا طيبين..! (Re: ملكة سبأ)
|
الملكة ...
كل سنة وانتي طيبة وانشالله تتارشفي للمرة المية..
Quote:
هيييه
زمنا جاري
يقطع نفس الزول الواقف
يعرض زي إبليس بي سيفو
لا بنترا ولا بقول آسف |
اتخيلتك متكية في عنقريب تحت ضل شجرة وشايلة ليكي عود
بتشخبتي بيهو في الرملة الحمراء المرشوشة...
يازولة ربنا يبارك في الاعمار وما ينقطع نفسك يا رب..
Quote: وبرضو
ماقربتي؟! ( سؤال ما زي حق ناذر)
(وش شمشاااار) |
انا دايره اديك حقوق البث الحصرية لكن خايفاك تكوني مشغولة!
لو بتقدري اديني واحد ماسنجر من ابو 700
| |
|
|
|
|
|
|
|
|
|
Re: كل ارشفة وانتوا طيبين..! (Re: رشا سالم)
|
Quote:
الاسم الحقيقى: رشا سالم محمد
الحالة الاجتماعية: Engaged
|
| Quote: قرررررررررررررررررربت..! |
ألف مليون مبروووك و ربنا يتمم بخير ,,,,,,
وتحياتنا للأخت ساره نوري ,,,,,,
| |
|
|
|
|
|
|
|
|
|
Re: كل ارشفة وانتوا طيبين..! (Re: محمد عثمان محمد طه)
|
محمد عثمان محمد طه
Quote: ألف مليون مبروووك و ربنا يتمم بخير ,,,,,,
وتحياتنا للأخت ساره نوري ,,,,,, |
يباركوا ليك سمح وليداتك...
بتعرف سارة نوري من وين؟؟؟؟؟؟؟؟
| |
|
|
|
|
|
|
|
|
|
Re: كل ارشفة وانتوا طيبين..! (Re: خالدة البدوي)
|
الاخت العزيزة خالدة..
كل سنة وانتي طيبة وحبيبة..
Quote: وانت طيبة يا رب والارشفة الجاية يكون معاك
متأرشف ،،،
|
يازولة كان جا واتارشف هنا بيشوف ناس ملكة سبا وناس سمرية
وانا خشمي بيبقي ملح ملح
| |
|
|
|
|
|
|
|
|
|
Re: كل ارشفة وانتوا طيبين..! (Re: سارة حمزة)
|
وأنت بألف خير يا أختي الحبيبة المتأرشفه. فمن لا يتأرشف يحرمنا من هذه الطلة البهية.
الله يوصلك بالسلامة وتجدي الأحباب كلهم في إستقبالك (تامين وسالمين).
ودمتي دائما متأرشفه
| |
|
|
|
|
|
|
|
|
|
Re: كل ارشفة وانتوا طيبين..! (Re: مي أبوقصيصه)
|
الحبيبة مي ابوقصيصة..
كل عام وانتي الحب...والتأرشف ذاته ياخ
| Quote: الله يوصلك بالسلامة وتجدي الأحباب كلهم في إستقبالك (تامين وسالمين). |
دعوتك حلوة وخشت قلبي طوالي..ربنا يقبلها
| |
|
|
|
|
|
|
|
|
|
Re: كل ارشفة وانتوا طيبين..! (Re: رشا سالم)
|
رشا سالم،،
ارشفة سعيدة ،،
أول مرة اكون ما زعلانة شديد لارشفة،،
آمل إنطواء كل الحاجات الما السمحة في بطنها،،
لكن عادة بتوجعني في قلبي،،
اصلي عندي اللياقة الشديدة و التعود علي ااااي شي،،
و بولف علي الحاجات البشوفها كل يوم،،ولي بتعامل معاها،،
يعني كيف اجي البورد و ما القي الكراسي متطايرة؟
ولي ما اشوف داهلين ،،
ولي ما اشوف بوست نجوم الغد،، ولي ولي ولي،،،
يلا،، النص الجاي احلا،، مش؟
| |
|
|
|
|
|
|
|
|
|
Re: كل ارشفة وانتوا طيبين..! (Re: Soumeta)
|
اااخ يا سوميتا...
Quote: اصلي عندي اللياقة الشديدة و التعود علي ااااي شي،،
و بولف علي الحاجات البشوفها كل يوم،،ولي بتعامل معاها،،
يعني كيف اجي البورد و ما القي الكراسي متطايرة؟
ولي ما اشوف داهلين ،،
ولي ما اشوف بوست نجوم الغد،، ولي ولي ولي،،،
|
نحنا مشكلتنا واحدة! انا ملاح ويكة في اللواقة...
والبتعود عليهوالله قال بقوله..
| Quote: يلا،، النص الجاي احلا،، مش؟ |
اكيد ...
| |
|
|
|
|
|
|
|
|
|
Re: كل ارشفة وانتوا طيبين..! (Re: محمد سنى دفع الله)
|
Quote: بختك يالأتألارشفتي
نحن لسه في طابور المتأرشفين واقفين
وتحية لكل الأرشفوهم
من المتأرشفين والمتأرشفات |
محمد السني دفع الله...
حتحسدونا علي ارشفتنا؟؟
كل واحد ياخد ارشوفته ويروح بيتهم...
اللي ما عندوش ارشوف يشوف له ارشوف...
| |
|
|
|
|
|
|
|
|
|
Re: كل ارشفة وانتوا طيبين..! (Re: Adel Sameer Tawfiq)
|
سعادة المستشار عادل سمير...
كل سنة وانت طيب..
Quote: كل سنة وانتي مؤرشفة يارشا..
وعقبال مية أرشفة..
و....الأرشفة المناسبة لســـــــــــــــنك |
انا قررت ارفع عليك قضية ..بس ما عارفه يكون التهمة اسمها شنو!
انا حاتصل بعادل عثمان عشان هو كويس في الانجليزي ..
المهم التهمة بخصوص الايذاء النفسي البتسببه
لي كل ما تجيب سيرة العمر!
اصلو بطنك ما بتبرد كان ما جبت السيرة دي..
غايتو من هسه حاول توفر عشان تدفع لي التعويض
الحتقرره المحكمة..
| |
|
|
|
|
|
|
|
|
|
Re: كل ارشفة وانتوا طيبين..! (Re: Kamel mohamad)
|
الاخ كامل ..
كل سنة وانت طيب..
| Quote: والسنة الجاية نشوفك مأرشفة ماجستيريآ في جامعة هارفارد أو أكسفورد |
يازول انا تاني الا اقرا اليافطات ..لكن كتب وسهر ..نهائي
Quote: وجهزي نفسك حنرشحك لرئاسة جالية الرياض عشان تساهمي في وضع حلول لمشاكل السودانيين الكتيرة دي................... بشخصيتك البارزة وروحك الجميلة وإنسانيتك المرهفة.
|
مشروعي الانتخابي حيكون متضمن ضريبة علي اي سوداني بيلبس جلابية
وبفوقها جاكيت بتاع بدلة ياخ الحركة دي ثقيلة ثقالة..
لو بردان البس جاكيت ولا بالطو ومعاهو بنطلون ...
تاني حاجة اي كوز ما حيكون ضمن الجالية السودانية..
كلام واضح وصريح..ومافيهو اي ديقراطية..وكان عجبكم يا ودالباوقة
نشوف ليهم جالية افغانستانية ولا شيشانية ..
تالت حاجة حيكون من مهام الجالية الملحة تزويج دكين المكين
ومعتصم دفع الله وتمبس اخوي..ومن هسه القروش حنستقطعها من ضريبة
الناس اللابسين جلاليب بجكتات
| |
|
|
|
|
|
|
|
|
|
Re: كل ارشفة وانتوا طيبين..! (Re: رشا سالم)
|
كل ارشفة وانتى طيبة يارشا
بالمناسبة انتى مفروضة تكونى ( محبوسة ) برضو ولا انا غلطان
لكن شايفك لسة قاعدة خارج السودان ، عرس الزمن دا بقى مابحبسوا
ليهو العروس ولا شنو؟؟؟؟؟؟؟؟
الف مبروك مقدما وربنا يتمم على خير
أحمد العمار
| |
|
|
|
|
|
|
|
|
|
Re: كل ارشفة وانتوا طيبين..! (Re: احمد العمار)
|
و إنت طيبة يا دكتورة
1000 مبروك و ربنا يتم ليكم على خير و يهنيكم
إكتشفت إنك من الصحافة شرق مربع 37
و إسم الوالد "سالم"
يا ترى إنت أخت المهندس راشد سالم- دفعتى؟
تانى بهنيك و العريس
و لو بتستني لحدي ما أتعلم رفع الأغانى حا أهديك حاجة جميلة تليق بيك ...
كيمان ود كبيرة خلااااااااااااااس و شوية للعريس
| |
|
|
|
|
|
|
| |
رشا سالم
ناذر محمد الخليفة
أبو الحسين
الجندرية
أحمد الشايقي
ملكة سبأ
محمد عثمان محمد طه
خالدة البدوي
Muna Khugali
Soumeta
عبد المنعم سليمان
لؤى
محمد سنى دفع الله
Adel Sameer Tawfiq
Yassir Tayfour
شهاب الفاتح عثمان
Aymen Tabir
Kamel mohamad
محمد البشرى الخضر
فيس بوك
تويتر
انستقرام
يوتيوب
بنتيريست