السيد بكري ..الاخوان بالمنبر تحية واحترام.. الصيدليه نهي محسن حلفاويه من بنات دنفر ولاية كلورادو سابقا من بنات الحاج يوسف .. صاحبة قلم جرئ واراء عميقه تود ان تشارككم بها ارجوا تتقبلوها وان تساهموا في فتح الابواب لها حتي تستطيع الدخول..
الاخت المحترمة انعام ، يعني الا تتدخلي في كلامي اها خلي صحبتك التانية تجي ، ارسلي عنوانك البريدي بشكل واضح وما تتاخري يعني اربعين ساعة فقط ، والا سيكون هناك تدخل دولي
03-30-2007, 00:34 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3796
السادة المتقدمين سري انشاء تمام وينك ماظاهر شايفك جادي شديد كده حليل ايامك!! كمال عباس المورده والمريخ واحد نغلبهم نتغلب منهم مافي مشكله انته مالك!!؟؟؟ السيد معاويه داير لي اغاني بصوت صفوت الجيلي انشاء الله تلم لي في اي شئ وحات اعز شئ عندك !!! المسؤول الكبير انعام وينك يافرده.. كيفك وكيف اسمهان انشاء الله تكونوا بخير ...!! انا الان مع ناس نعمات محسن وهي بتظبط في القراريص واللحوم المشويه ... والسيده نهي الصيدلية تمام التمام وبتسلم عليكم شديد جدا.. وهي طبعا نجحت في الامتحان بتاع (التكنيشن) وهسه بتفتش في الشغل دعواتكم معاها يا شباب !!! وعقبال الترخيص بالعمل الصيدلي بامريكا.. انعام كيفك تاني وكيف حزبكم!!؟؟ شايف الجماعة بدو يمشو الحركه اوعي يكون في فك تسجيلات ونحن ماعارفين..!! غايتو كان دايرين ليكم باك خطير ..نحنه مستعدين!!!
ارجوا من الباش مهندس بكري ان لايحرمنا من نهي ...!!! ومنتظرين ومنتظرين........ومنتظرين.....ومنتظرين...
مصطفي سري بتكم بتزبط قراصه خطيره جدا جدا جدا ... الحلفاويين كلهم كدا .. وطبعا بعد القراصه تجي عملية الزكريات والاهليه وبيت الزعيم.. وفي خضم الكلام ده كلوا لا ننسي عمنا الفول والهجره نفر والجان مع زيادة الجبنه والزيت ... اما الكوتش فحدث بلاحرج... ايام ..
Quote: في هٍَََِده اللحظات التاريخيه ... وبعد القراريص بالاملحه والشطوط والشواشي.. نحن الان في انتظار القراصه بالسمن والسكر
ما تاكل كتير يا حجازي عشان القصة دي ما تحميك الغداء والله بختك انت الليله أوف من الشغل ولا شنو انت صفوت الجيلي دا ببيع شنو ولا بلعب وين لانو ما سمعت بيهو قبل كدا غايتو يا حجازي بتجيب ليك جنس أسامي بتعرفا براك
العزيزة نعمات مبروك النجاح والعقبال لوليداتك الأخت د. نها ان شاء الله يكون همك برد وشدي حيلك والشغل ساهل باذنه تعالي وربنا يوفقك بالله يا ناس تحيات خاصه جدا للزعيم أمجد شرف الدين السيد بكري أبوبكر نحن مازلنا في انتظارك
03-31-2007, 03:04 AM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
الاخ احمد حجازي ، ازيك يازول وكيف الاهوال (ضغطت ليك علي الهاء شديد ) انا ما مسجل غياب لكن انت يظهر بتلم في القروش ، ويا زول قراصتنا داير سنون نوبي يعرف يقضمها كويس ، وفيها شوية تحويصة انت قايل بتتاكل ساكت ، وبناتنا ديل ما داير يرسلو السلام ، احلف اسع واقول لبكري وقف انا في انتظار هاتف منزلك ، وعنوانك البريدي ، في الماسنجر ( والله ماسنجر تجيني زي الكسمبر ما عارف العلاقة شنو ) سلامي لنعمات ونهي وكل الذين معك ، ولبشير ابو سالف
يا سري التهايا (مع التركيز علي الهاء كما المحت سابقا) واصلاك من الجماعه كلهم.. رسلته ليك الميل (بتائي) و (وبتاء) نهي تلفوني موجود في البروفيل (بتائي) والعنوان ذاتوا هناك.. التجله والتحيه للتجمع وللشايقي وابوسالف و اؤمر كلف الله!! لازالت النكته بتاعت الشايقي لمن نادي صبي الاورنيش بالجامعه الاهليه عالقه بالذاكره.. لمن قال ليهو انته وليد حزب امه؟ قام الولد قاليهو لا طيب اتحادي ديمقراطي؟ فقاليهو لا طيب حزب شيوعي؟ قاليهو ايضا لا فقام تهجم الشايقي قائلا.. اوعي تكون مؤتمر طلاب مستقلين!!!
الكسمبر اتزوج في الكسمبر وعامل ليهو قالو بوتيك سماهو (اسمهان)!! البوتيك في شارع الخرطوم - مدني!! يعني ناس الجيلي التجاني -شاكين - قمصان اخر موضه.. كان مفروض احضر زواجه لكن فرقت في الايام السودان جميل بيناسو كيف الانجليز معاك والشباب كلهم وكيف احمد طرزان - ضيقوا ليتسع الطريق!! انشاء الله شوارع انجلترا بقت شايله الناس !!!
تتزكر النكته بتاعت البرلمان ..!!! بحكيها المره الجايه...
نهي محسن ابو راس..اسم ما غريب علي ابدا..واعتقد اني لاقيتا مره لما جيت في دينفر مع اهلي في مناسبه شهر 8 الفات..بتذكر كنا قاعدين بنات كتار مع بعض و واحده سالتني انتي من وين في السودان .اول ما قلت انا من حلفا لقيت نهي عاينت لي وبدأت تسالني وفوجئت بانها بتعرف اهلي كلهم وعرفت اهلها برضو بس للاسف ما لاقيت نعمات اختها علي ما اتذكر كانت في السودان وقتها
يا بكري ما توقف نهي كتير علي الباب ودخلها لينا سريع تحياتي لكي يا نهي ولكل من معك
04-01-2007, 06:56 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
حباب نهى لكن يخيل لى المنبر بعد شوية بحتاج لمترجمين ياخى مرحب بيها قبال تدخل ونناشد السيد بكرى بقبول عضويتها حتى لو يرفدوا حمزاوى خصما من حصة المحس،،،،
احمد حجازي ، التحايا طرزان في الخرطوم ، وانت بكري ما جايب خبر وللا شنو انا قلت ليك زح من هنا لان نهي نوبية وقريبتي ، يعني شاهدتك \ مجروحة ومنقوصة ، تحياتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفي سري
kamalabas
Moawia Mohammed
انعام عبد الحفيظ
صديق الموج
فيس بوك
تويتر
انستقرام
يوتيوب
بنتيريست