الأسلحة الكيميائية وحقيقة استخدامها في السودان في منتدى ميديكس للحوار
|
|
 وحان موعد الرحيل الى ارض الوطن هذا الاسبوع
|
كان من المنتظر بان اغادر الى ارض المملكة هذا الاسبوع بدعوة كريمة من الاصدقاء
لزيارة الى المملكة ولكن نسبة لظروف الحجز وعدم وجود حجز فى بعض من الخطوط السعودية والمصرية
وبداء موسم عودة الحجيج الى ذويهم
فقد قررت ان اغادر الى ارض الوطن وخاصة فى هذة الظروف الحرجة وخاصة فى الشان الحزبى والهم الوطنى
وفى تمام الساعة الساعة الواحدة صباحا اتحرك من مدينة السادس من اكتوبر شمال جنوب القاهرة
واتوجة شرقا الى مطار القاهرة الصالة رقم واحد واذا بالناقل الوطنى سينتظرنى هناك ليقلنى الى ارض الوطن فى تمام الساعة الخامسة صباحا بتوقيت القاهرة تعلن الرحلة 121 موعد انطلاقتها
الى سودان المحبة والوئام الى السودان ارض الجدود السودان الحر المستقل الموحد
وبعد قضاء حوالى 4اشهر بالتمام والكمال فى القاهرة المعز وخلال اجواء دراسية وفصل دراسى مرى مرور الطوفان لم احس بانى قضيت 4اشهر فى قاهرة المعز قاهرة جوهر
واحمدلله الذى وفقنى لتداية الامتحانات فى هذا التيرم واتمنى وان تكون نتيجة هذا الفصل نتيجة مرضية ترضينى وترضي اسرتى التى تحلم بتخرجى واسعدهم بها واسعد بها اصدقائى
وعندما تحلق بى الطائرة فى اجواء القاهرة مغادرة الى ارض الوطن اغنى فى نفسى
بتين يازمان العودة للسودان حرام يازمان افارق امدرمان
وياعزة الفراق بى طال وسال سيل الدمع هطال
وفى تمام الساعة الثامنة والربع صباحا بتوقيت الخرطوم وفى سماء الخرطوم تحلق بى الطائرة اغنى
ياوطنى يابلد احبابى فى وجودى احبك وفى غيابى
ولما اعود من الغربة قبال ناس بيتنا بمشيلك
ازيكم كفينكم انا لى زمان ماشفتكم
واهبط فى مطار الخرطوم الدولى واشاهد الخرطوم بالصباح والشمس ساطعة
والجو البارد ولكن لاظن برودة الخرطوم مثل برودة القاهرة هذة الايام
وعندما اكمل جميع اجراءتى فى مطار الخرطوم اتوجه للخارج لمقابلة الاصدقاء والاهل الذين سياتون ليستقبلونى
واتحرك من شارع المطار وامر مرور الكرام وامر من قرب نادى التنس الارضى الذى كنت امارس فية هذة الرياضة بصفة هاوى
واسير فى شارع المطار وامر من عند القيادة العامة للقوات المسلحة وتقاطع شارع السيد عبدالرحمن
وادخل من عند شارع البلدية واسير فى شارع المك نمر
واسير حتى القرب من الخارجية السودانية وشارع الجامعة على يدى الشمال واسلك شارع الجامعة
وواوصل سيرى حتى الوصول الى حدائق السادس من ابريل واسلك شارع النيل والنيل الهادى
ومقرن النيلين وادخل الى كبرى النيل الابيض واسير فية واصل الى البرلمان السودانى وقصر الشباب والاطفال
واسير واقترب من قولدن قيت واسير فى شارع الموردة واشتم رائحة السمك الجميل
وواصل السير واقترب من دار الرياضة امدرمان
واقترب قليلا من دار الامة دار حزب الامة القومى
الله اكبر ولله الحمد الله اكبر ولله الحمد الله اكبر ولله الحمد
حزب الامة امل الامة حزب الامة اذاح الغمة
واقترب من هذة الدار التى شهدت لى نشاطات سياسية منذ صغرى وانا فى قطاع الطلاب شعبة الثانويات
واقترب من حوش الخليفة عبدالله الذى اتمنى يوم من الايام ان يعلن فية الامام الصادق وحدة حزب الامة هناك وحتى يرى العالم كله قوة الانصار وجماهير الحزب والكيان
واقترب من قبة سيدى الامام المهدى علية السلام
مدد يامهدى الله مدد
انا القبة بتضوى الليل وتهدى الناس سلام وامان
واسير من قرب من مستشفى احمد قاسم التعليمى واقترب من سجن امدرمان وادخل من عند شارع السجن شمال
وواصل المسير وارى حى الملازمين العريق
واسير نحو صينة ازهرى ومنزل ابوالوطنية ازهرى واقترب من حى وددرو
واسير واقترب من ميدان الهجرة حى ودنوباوى العريق ومسجد الانصار او مسجد الامام عبدالرحمن
وحالف كل صلاة جمعة فى هذا المسجد وتبقى بيننا الانصارية القوية
واسير فى شارع الدومة واقترب من شارع الوادى يمين
واسير فى شارع الوادى واقترب من سوق ودنوباوى ونادى ودنوباوى واسير واقترب من مقابر احمد شرفى
واقترب من جامعة الخرطوم كلية التربية
وادخل الى مدينة الثورة العريقة باهلها وناسها
واقترب من شارع الوحدة شارع بيتنا
واغنى نور بينا شارع بيتنا يوم جيتنا
ويكون يادوب الجرائد طلعت ونمشى نشتريها
نشترى السودانى والصحافة والراى العام واخبار اليوم والانتباهة والصحافة والصدى وقوون
غايتو اليوم داك نفطر بفول مدكن بالجبنة وذيت السمسم
والعجب الغداء والعشاء
وحاشنا ياوطن
ويازينة رجوع الحى ولى دياركم يعود الحى
هى لسودانكم ولى امدرمانكم
هى لثوراتكم يعود الحى
ياعزة الفراق بى طال وسال سيل الدمع هطال
|
|
 
|
|
|
|
|
|
|
 Re: وحان موعد الرحيل الى ارض الوطن هذا الاسبوع (Re: محمد عادل)
|
عادل تحياتى
Quote: واذا بالناقل الوطنى سينتظرنى هناك ليقلنى الى ارض الوطن فى تمام الساعة الخامسة صباحا بتوقيت القاهرة تعلن الرحلة 121 موعد انطلاقتها
|
اذا الناقل الوطنى انتظرك انا ذاتى بنتظرك
Quote: وعندما تحلق بى الطائرة فى اجواء القاهرة مغادرة الى ارض الوطن اغنى فى نفسى
بتين يازمان العودة للسودان حرام يازمان افارق امدرمان |
دى اظنها بتتقال لمن الواحد
يغادر امدرمان وليس العكس
Quote: واقترب قليلا من دار الامة دار حزب الامة القومى
الله اكبر ولله الحمد الله اكبر ولله الحمد الله اكبر ولله الحمد
حزب الامة امل الامة حزب الامة اذاح الغمة |
وواصل كمان دفاعنا الشعبى ياهو ديل حررنا كبويتا ياهو ديل
ما عارف بس زكرتنى بائع السمن
قال بعد ما ابيع سمنى هذا
سوف اشترى نعجعة والنعجة تلد نعاج
ابيع النعاج واتزوج اقوم اجيب ولد
كان الولد ما سمع كلامى فرت طقه بعصاتى
دى برميه يكركب قام ضرب برمة السمن والسمن اندفق وضاعت تلك الاحلام
امنياتنا ليك باجازة سعيدة
| |
|
|
|
|
|
|
|
|
|
Re: وحان موعد الرحيل الى ارض الوطن هذا الاسبوع (Re: waleed500)
|
| Quote: اذا الناقل الوطنى انتظرك انا ذاتى بنتظرك |
الحبيب وليد 500حبابك الف اشاءالله نتقابل ياحبيب
Quote: دى اظنها بتتقال لمن الواحد
يغادر امدرمان وليس العكس |
ولمن الواحد يكون مشتاق لى مدينة امدرمان برضو ياحبيب
Quote: وواصل كمان دفاعنا الشعبى ياهو ديل حررنا كبويتا ياهو ديل
ما عارف بس زكرتنى بائع السمن
قال بعد ما ابيع سمنى هذا
سوف اشترى نعجعة والنعجة تلد نعاج
ابيع النعاج واتزوج اقوم اجيب ولد
كان الولد ما سمع كلامى فرت طقه بعصاتى
دى برميه يكركب قام ضرب برمة السمن والسمن اندفق وضاعت تلك الاحلام
امنياتنا ليك باجازة سعيدة |
دفاعك الشعبى دا انتهى نهاية البطل وكبويتا عند سلفاكير ياحبيب
والله النعاج خلينها لى ناس الجبهة نحن بنشترى ابل
اللهم امين ياحبيب اتمنى بان تكون اجازة سعيدة
| |
|
|
|
|
|
|
|
|
|
Re: وحان موعد الرحيل الى ارض الوطن هذا الاسبوع (Re: محمد عادل)
|
| Quote: وحان موعد الرحيل الى ارض الوطن هذا الاسبوع |
تتهورون!
ما لقيت حجز للسعودية مشيت السودان ليه الغلبة والجوطة!
السيدين الحبيبين مشوا قبلك ايش نابهم غير وجع القلب وادمان الفشل يا بطل!
لمن تبدل القروش الشايلة معاك بى 69لاجنيه سودانى جديد وتتبخر فى يومين ما تفنجط واركز!
جنى
| |
|
|
|
|
|
|
|
|
|
Re: وحان موعد الرحيل الى ارض الوطن هذا الاسبوع (Re: jini)
|
Quote: تتهورون!
ما لقيت حجز للسعودية مشيت السودان ليه الغلبة والجوطة!
السيدين الحبيبين مشوا قبلك ايش نابهم غير وجع القلب وادمان الفشل يا بطل!
لمن تبدل القروش الشايلة معاك بى 69لاجنيه سودانى جديد وتتبخر فى يومين ما تفنجط واركز!
جنى |
الحبيب جنى
ماتتهورون
بل ترجعون
فعلا لم اتمكن من حجز للملكة لا غلبة ولاجوطة ياحبيب
السيدان لما يفشلا ياحبيب ونحمد الله مافى واحد فيهم جاهو وجع قلب ولا ادمان فشل
ماحتفنجط بل حركز وانت ياريت تجى السودان وبرضو نرحب بيك
| |
|
|
|
|
|
|
|
|
|
Re: وحان موعد الرحيل الى ارض الوطن هذا الاسبوع (Re: yagoub albashir)
|
Quote: الحبيب محمد عادل تصل بالسلامة
تحياتي لأسرتكم الكريمة
و تحياتي للأحباب في الإصلاح و التجديد جميعهم .
خالص تحياتي
يعقوب |
الحبيب الامير يعقوب البشير
الله يسلمك
ويبلغ باذن الله
وعلمت بان الاميرة لنا ستمدد اجازتها
وهى فرصة نلتقى بيها
وياريت لوكنت معانا والتقينا بيك
ياحبيب
| |
|
|
|
|
|
|
|
|
|
Re: وحان موعد الرحيل الى ارض الوطن هذا الاسبوع (Re: محمد عادل)
|
الحبيب محمد عادل
Quote:
الحبيب الامير يعقوب البشير
الله يسلمك
ويبلغ باذن الله
وعلمت بان الاميرة لنا ستمدد اجازتها
وهى فرصة نلتقى بيها
وياريت لوكنت معانا والتقينا بيك
ياحبيب |
بالله بلغ لنا تحياتنا وقول ليها الحكاية شنو السودان البرجع ليهو ما بطلع منو
| |
|
|
|
|
|
|
| |
محمد عادل
waleed500
hanadi yousif
jini
saif massad ali
فيس بوك
تويتر
انستقرام
يوتيوب
بنتيريست