|
فى برامج التلفزيون فى العيد داير تشوف منو وما داير تشوف منو
|
بوست كدا مبذول للغادى والرايح
فى برامج العيد مفتوح كل واحد يكتب يتمنى يشوف منو وزيادة فى الديمقراطية ماداير يشوف منو
الفرصة لاتنين بالسلب واتنين بالايجاب
انا غايتو
داير اشوف الهادى الجبل ومحمد طه القدال
وما داير اشوف
التجانى حاج موسى والامين عبد الغفار
كدى انتو ورونا
|
|
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
Quote: انا عايزة اشوف عمر الجزلى وهوعامل لقاء مع البشير وعايزة كمان اشوف احمد البلال الطيب وذيادة كده فى الخير عمر دفع الله وياريت لو تتم فرحتنا بشنان وكده ويكون فى لقاء طويل مع محمد عبدالحليم ويقول قصييدة ناكل مما نزرع وبعد الهنا ده كله نختم بحلقه من حلقات ساحات الفداء عيبو لى الكلام ده غايتو دى امنيتى فى العيد |
عيد مبارك Period
انا مع اختك ضدك ؟؟ هي بتجيب لينا حاجات حلوة وانتي من اول طلة جيبتي لينا الشينيين وفي العيد كمان ؟؟؟ انا حاشتكيك لماما جارة ؟؟ انتي اتعودتي تشوفي افلام الرعب اما نحن فغلابة وفيلم الرعب الوحيد الشفناه كان بطولة " ديانقو واميقو " ....واوع تجيبي اختك المحامية تدافع عنك (she shall be biased)...يعني ما حبكت معاكي الا تتمني تورينا البعاعيت في العيد ...
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
محمد سيد احمد انا ما عاوز اشوف التلفزيون السوداني كله و اصلاً ما عندي القناة المختطفة دي
لكن تضامناً معكم انده ربي انه طارق الجويلي بسفرته مع عقد الجلاد للقاهرة يكون طلع من البرمجة احسن حاجة شايف انور طالب عضوية المنبر لافراد الفرقة بمن فيهم جويلي ان شاء الله نبذل معاه جهد خارق علشان ينسي حكاية التلفزيون دي ويركز علي الموسيقي.. و ربنا ينجيكم من كمال حامد كمان
من العايدن
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
كل سنة وانت طيب يا محمد
أتمني أن أرى صديقي الأستاذالتشكيلي البالغ الروعة
البروفيسور أحمد محمد شبرين وتلميذه الصديق الحبيب
الفنان الجميل البالغ النبل ابراهيم العوام نمر وهما
في أتم صحة وعافية ..... ولو سمحت لي أزيد واحدة بس
وهي الفنانة المسرحية البالغة الالتزام الأستاذة تماضر
في قناة النيل الأزرق وهي تكشكش في دهبها بشرط ألا تكون
أم العيال معي عشان ماتشوف الدهب !!!!!!!!!!!!!
ولا أريد أن أرى لا السماني الوسيلة ولا سبدرات ولا أمين
حسن عمر والجزلي الى يوم الدين!!!!
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
العزيز أبو مصطفى
كل سنة وأنت وأسرتك الكريمة بألف خير وصحة وعافية
ليتني أرى حلقة من المدائح النبوية ( حية أو من الإرشيف ) بأداء المشايخ الأمين القرشي ، علي الشاعر ، الحبر ، محمد الطيب هاشم .
وليتني أسمع/أشاهد أغاني للأستاذ عثمان حسين .
Quote: انا عايزة اشوف عمر الجزلى وهوعامل لقاء مع البشير |
مرحباً بك الأخت العزيزة ماجدة وكل سنة وأنت بألف خير شكلك نويتي تلحقي الرجل أمات طه . تحضرني هنا طرفة للشاعر الفذ المرحوم ابراهيم العبادي . حيث قيل أن عمر الجزلي قد التقاه في مناسبة اجتماعية في أمدرمان وبادره ( والله يا عم ابراهيم لي زمن بدور عليك عشان أعمل معاك حلقات توثيقية لبرنامج أسماء في حياتنا ) فقاطعه المرحوم العبادي ( أنا زاتي يا ولدي والله كتا بدور عليك عشان أسألك إنت الناس البموتو ديل بتعرفهم كيف وتجيبهم في برنامجك دا ؟؟ )
Quote: واوع تجيبي اختك المحامية تدافع عنك |
الباشمهندس أبو بكر كل سنة وأنت بألف خير
أكان ما أخاف الكضب ، ماجدة دي ياهل زاتا المحامية أها شوف التخارجك ؟؟
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
دى غيرة ساكت الاتنين عيبم لى سالت رب العالمين يتم ليك فرحتك ويجيب ليك كل الذكرتهم
واشالله اى زول وقف ضدى مع ام ريشريش رب العالمين مابسهل ليه الايشوف الناس الشينيين وكمان شناتم عينه والناس الماعزيين منو كده مايكونو قربيين ليهم وهم بيشوفو منو كده رب العالمين بس تكون طليه الايام الجايه بس (سولمبوس ) لكين اخونا عاطف انا اتمنى ليك عيد سعيد تنعم فيه براحة البال وربنا يخلى ليك اولادك وانشالله ماتشوف شر
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
دة عربي يا مرسي .. دة شنو ؟؟ لو الواحد فينا غلت في الاعراب تقولو بربري؟ اها شينين تشوفيهم انتي براكي ؟؟ انا كسرت التلفزيون زي ماواحد اذاعي مشهور-الله يرحمو- كسر الراديو بتاعو بعدما كبير الشينيين غلت في اسمو ؟ في واحد بيغلت في اسمو غير الشينيين اصحابك ؟ انشاء الله العايز الشينيين يكون "هوم الون" وكل البيت شاشات تلفزيون فيها الشينيين والبعاعيت ؟
| |
|
|
|
|
|
|
اها (Re: mohmmed said ahmed)
|
اها الان وفى اول ايام العيد التجانى حاج موسى هسا على شاشة السودانية
وياماجدة ان شاء الله بطنك تكون بردت
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: Adil Osman)
|
ظهر الهادى ودالجبل باغنية واحدة لكن برضو القحة ولا صمة الخشم
لقاء جميل مع الفنانة نانسى عجاج فى النيل الازرق صوت جميل واداء راقى الاحساس
حوار فى السودانية تحدث فيهو عبد السلام جلود اولا جلود دا طلتو كترت هو زول بيقول نكت مرات بتضحك لكن نصب كمتحدث فى موضوعات مختلفة حظه فيها قليل
طبعا فى السودان الفنان لازم يتكلم والممثل يتكلم ما يمثل والملحن يتكلم ولاعب الكورة يتكلم
منتظرين لقاء وردى اليوم فى النيل الازرق الساعة 11ونصف بتوقيت الامارات
| |
|
|
|
|
|
|
Re: فى برامج التلفزيون فى العيد داير تشوف منو وما داير تشوف منو (Re: mohmmed said ahmed)
|
محمدسيد أحمد لك الود
تخيل حظي العاثر الليلة وقعني في التلفزيون كنت مع جماعة .... تخيل البرنامج الكان شغال أسماء في حياتنا والضيف هو المذيع عمر الجزلي ذات نفسه وقع ليك... والله هذا ما حدث هو نفسه الضيف يعني عمر الجزلي الان أسم في حياتنا نحن البائسين ... ووحاتك قرأ شعر ( خاص بيهو ) وغني عديل غنوة لي أحمد المصطفي طبعا فجيخ ضبان ساكت .... وطلب أغنية للكابلي .... دة عيدنا مع المسلمين يا محمد
| |
|
|
|
|
|
|
امس (Re: mohmmed said ahmed)
|
استمتعنا مساء الامس بسهرة وردى الغريبة فى نفس الوقت بثت السودانية لقاء مع وردى لماذا لا يتم التنسيق بين النيل الازرق والفضائية السودانية الطريف اغنية عصفورة الجديدة كلمات هاشم صديق بثت فى نفس الوقت فى القاناتين كان فى فرصة للمقارنة من ناحبة الاخراج كان افضل فى النيل الازرق المخرج نجح فى بث حيوية للقطات بالطواف على الحاضرين وتصوير انفعالاتهم ومشاركاتهم فى السودانية المخرج كان بيكرر بشكل ممل ثلات لقطات كلوز اب على وجه وردى ثم لقطة للاوركسترا ثم لقطة للنافورة لقطة الكلوز كانت قبيحة وهى تظهر فم الاستاذ وردى من الداخل شفنا كل شى اللسان ةالبلعوم والمرى يعنى مافى اى جمال فى اختيار اللقطة اللقطات كانت تكرر برتابة مزعجة وكان هناك الة مبرمجة
| |
|
|
|
|
|
|
Re: امس (Re: mohmmed said ahmed)
|
أخى محمد سعيد أحمد و الجميع
كل عام و أنتم بخير .. و حقق الله تعالى جميع الأمنيات ،
Quote: لقطة الكلوز كانت قبيحة وهى تظهر فم الاستاذ وردى من الداخل شفنا كل شى اللسان والبلعوم والمرى يعنى مافى اى جمال فى اختيار اللقطة |
دى فعلا مبالغه !! و من رأيى المتواضع أنو المخرج و من يقف خلف الكاميرا هذا ليس مكانهم .
| |
|
|
|
|
|
|
Re: امس (Re: mohmmed said ahmed)
|
محمد سيد أحمد وعبد الرحمن سوركتي
في الأول كل سنة وانتم طيبيب وربنا يمتعكم بالصحة والعافية وأسركم الكريمة
وإنشاء الله تكونو إتفشيتو جابو ليكم ود الجبل ياعنصريين لكن عجبني ليكم جابو ليكم كل المادايرنو فضل ليكم في الحساب أحمد البلال بس بعدين حلمكم ده مفروض ما يكون لتلفزيون السودان لانو لو اتحقق حيكون تلفزيون حتة تانية ما حق السودان عشان كده خليكم منطقيين في احلامكم ولا أقول ليكم لاتحلموا بعالم سعيدفخلف الجزلي في التجاني ووراهم البلال وععععععععععععععععععععععععععععععععيك لحدي حماميزو
تحياتي ومودتي
| |
|
|
|
|
|
|
|