أنا وصديقي معمر الماجدي قلنا نغير البرنامج شوية ونمشي سيراً علي الأقدام حول الخرطوم وكانت الخريطة كما يلي التحرك من دار الشرطة ، كوبري كوبر ، منتزه عبود ، المغتربين شارع الزعيم الأزهري ، كبري شمبات ، الشهداء ، شارع الأربعين ، المهندسين كبري الفتيحاب ، جامعة السودان ، ميدان ابو جنزير
ونواصل
03-24-2007, 02:42 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
العزيزة مني العزيز ناذر الفكرة بدأت فى التفكير فى كسر الرتابة والملل وعن يا ريت لو نقدر نعمل مخيم نبيت يوم فى الخلاء قرب النيل أو أي مكان تاني
معمر قال لي تعال نمشي لحدي الحصاحيصا كداري ؟؟؟؟ قلت ليهو خليك واقعي شوية تعال نمشي حول الخرطوم أول حاجة وبعد داك نشوف تاني ممكن نعمل شنو
حياتنا باهتة كل يوم زي القبلو إتفقنا نتلاقي يوم الخميس بعد المغرب مباشرة جمب نادي الشرطة منطفة وسطي بين المنشية ( سكن معمر ) ومكتبي وسط الخرطوم يعني أنا من المكتب طوالي
03-24-2007, 05:52 PM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
كأني كنت مجمع هموم إسبوع بي حالو عشان أنفس عنها بالمشية دي أصلو المشي بينفس الهموم المهم إستيفن كوفي فى كتاب السبع عادات قال : (ابدأ النهاية فى ذهنك ) عشان الحافز الذاتي وكدا لكن فى اليوم داك كلما أحاول أتخيل نهاية المشوار أو علي الاقل لو إاخيلتل إنو وصلنا لكبري الفتيحاب بشيل هم زيادة عشان كدا نظريتي أنا الخاصة إنك تحدد هدفك لكن تركز بس فى اللحظة الإنت فيها وتعملا كأحسن ما يكون
قبل ما نتحرك قعدت أتذكر منو القبلي كدا مشي مشوار طويل من الناس البعرفهم جان فالجان فى رواية البؤساء عمك كنتي ( أبو كونتا ) فى كتاب الجذور أطنو كنتي ذاتو كان معاهو
طبعاَ ديل مشو ايام وأيام لكن مشوارنا دا كنا متوقعين ليهو 6 ساعات
وبعدين دي بالنسبة لي حاجة جديدة والدليل .....
علي العموم ... توكلنا علي الله
03-25-2007, 06:38 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
بي صراحة الخرطوم دي لو لقت شوية إهنمام بالليل ح تبقي حاجة تانية خالص زفت فى ا
ولمبات فى عمدان الكهرباء
أكتر شئ عجبني فى اليوم دا منظر الأسر بأطفالها علي شارع النيل والهواء العليل بقي برنامج ثابت شارع النيل طوالي مزدحم بالناس فى الليل عربات ما تديك الدرب فرشات بلاستيك وترامس شاي وقهوة ناس من كل الأجناس ومختلف الأعمار
وأجمل حاجة النجيل شبه نضيف والزهور ( الطبيعية ) قاعدة فى محلها شفع الزمن دا فرق من شفع زمان ( جيلنا وإنت طالع )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Fadl Karrar
ناذر محمد الخليفة
Muna Khugali
شهاب الفاتح عثمان
فيس بوك
تويتر
انستقرام
يوتيوب
بنتيريست