|
|
 تخيّل كيـــف يكون الحال لو ما كنت ســــوداني
|
كنت ح تلتزم بالمواعيد..
كنت ح تتصل بالتلفون قبل زيارة أحد في منزله
(بدري شوية، مش وإنت في خشم الباب  )..
كنت إنتظرت دورك في الصف..
ولم تتفنّن في تجاهله أو الوصول إلى مقدّمته بأي صورة..
كنت ح تنهر أولادك لمّا يبهدلوا ليهم بيت زول ..
وكنت ح تتردد في أخذهم معاك المرّة الجاية لنفس البيت..
علشان يبهدلوه مرّة تانية..
كنت ح تدفع الshare بتاعك في العشاء الجماعي دون ملاحقة ..
أو سّك من منظمي المناسبة المتوكحّين بالفاتورة..
كنت ح تتردد في إعطاء رقم تلفون أو عنوان شخص ما دون إذنه..
كنت ح تتكلم بلسانك وليس لسان كل من يحمل الجواز الأخضر..
كنت ح تتوقع ح يحصل شنو لمّا ترقّد طفلك الصغير..
دون بامبرز.. في سرير في بيت ناس ..
كنت ح تلبس حزام الأمان في السيّارة..
وكنت إمتنعت عن السماح بجلوس طفلك الرضيع في المقعد الأمامي
على حجر والده أو والدته..
كنت ح تتردد في زيارة شخص ما أنصاص الليالي وصابح يوم مدارس وعمل..
كنت ح تخّلي الصغار في البيت عندما تكون المناسبة مناسبة كبار..
كنت إتونّست بصوت معقول..
خصوصا عندما يكون الطرف الآخر قاعد جنبك في نفس الكنبة..
ويا حبذّا عندما يكون الطرف الآخر ساكت..
كنت إمتنعت عن التدخين في منزل شخص آخر..
أو على الأقل إستأذنت (قبل ما تولّع )..
كنت ترددت في إرسال حاجات وزنها خمسة كيلو (وما فوق)
مع كل من تسمع بأنه ماشّي السودان..
كنت رجّعت القروش الإستلفتها في وقتها..
(أو في الحقيقة... رجعّتها وبس )..
كنت إمتنعت عن زيارة أحدهم في مكتبه.. للونسة
أو مناقشة أمور لا صلة لها بالعمل...
كنت خجلت من عدد المسكولات التي تعملها..
مش كمان تقول "شنو يا فردة..خمسة مسكولات ما ترّد عليها؟ والله الفيك إتعرفت"
|
|
 
|
|
|
|
|
|
|
 Re: تخيّل كيـــف يكون الحال لو ما كنت ســــوداني (Re: نجوان)
|
احب اسماعيل حسن
واحب هذه القصيدة
ودخلت فرحانة ومأملة شديد فى قراءة الاشياء الجميلة
التى تناسب هذا المقطع فى اجمل ما كتب اسماعيل حسن
ولكن ,,,,
اتخذلت
وحرام عليك
حرام عليك
حرام عليك
البعملوا كده ما سودانيين ديل حثالة من البشر
وطلعوا من بيئة تانية
ام وضاح
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: محجوب البيلي)
|
قال صديقى القطرى
والله انا أحب السودانيين
بس عندكم حاجات تفشل (تخجل)
قلت زى شنو:
قال مثلا اشلون تكون فى حرمة بتلود وكل الرجاجيل موجودين زاحمين المستشفى ؟
اشلون كلكم تزوروا المريض فى وقت واحد وتجلسوا عنده بالساعات وتحكوا بصوت
عالى بدون مرعاة له كمريض ناهيك عن الاخرين؟
وبعدين هذا الشىء المقرف الذى تحطونة فى فمكم واسمه التنباك ليش ماتستخدمونه
داخل البيت ليش تقرفو الناس بدون سبب؟
وليش دايما تحبون الصراخ كلامكم مع بعض صراخ حكيكم فى تلفون صراخ حين تبكوا صراخ
وحين تضحكوا صراخ حين تتفقوا صراخ وحين تختلفو صراخ حين تاكلو صراخ وحين تلعبوا صراخ
حين تشربوا صخراخ حين تتخاصموا صراخ وحين تتصالحوا صراخ وحين تحزنو صراخ حتى حين تكرموا
الضيف وانتم كرام تكرموهو بصراخ ووولخ؟
سوف اعود لاحقا لاسئلة صديقى القطرى و لمحاولاتى فى ايجاد اجوبة لاسئلته لو رغبت صاحبة الدار
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
هلا بام وضّاح..
Quote: اتخذلت
وحرام عليك
حرام عليك
حرام عليك
|
ما عاش اليخذلك .. خصوصا في صباح جميل زي دة
معليش.. وآدي بوسة على راسك..
الكتبته.. جانب مظلم لسودانيتنا.. ولكنه موجود..
جملة وتفصيلا..
ويا ريت أعرف إنتي ساكنة وين.. عشان ألملم عزالي
وأتوجّه صوبكم.. الظاهر في عوالم ازهى أنا ما جايبة خبرها..
وبعتذر ليك بالجد..
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
سلام ود الأمير..
مرحبا بإضافاتك ..
Quote: اشلون كلكم تزوروا المريض فى وقت واحد وتجلسوا عنده بالساعات وتحكوا بصوت
عالى |
وثقافة المستشفى عندنا.. موضوع عايز بورد بحاله..
ده أكتر مكان الناس بتّكّل فيهو... ولا تهريب العواميد والسرامس..
قول لصاحبك كمية...مش "إشلون" واحدة ولا إتنين..
| |
|
|
|
|
|
|
|
|
 Re: تخيّل كيـــف يكون الحال لو ما كنت ســــوداني (Re: نجوان)
|
والله يا نجــوان امس بالليل الساعة اطناشر كنت بتكلم مع زول أول ( مرة اقابلو )* ..في سودانيتنا بي تفاصيله المعقده دي .. والله قال لي بالنص المسالة بتاعت ( أعمدة المستشفى ) والتكسير لي انتظار الولادة القالة بدرالدين الأمير دي ...
لكن وصلنا لي حل أنو الشتارة بتاعتنا دي .. هي الوصلتنا لي كيف يكون الحال .. لو ما كنت سوداني .. يعني بنحب تفاصيلنا دي ..
في كلامنا مع بعض طبعا نظرنا تنظير شديد جدا .. وعن كيف بتقدر تفرز السوداني والسودانية من بين مليون بشر بتفاصيل غير السمات المميزة والشبه ... بالمشية السودانية مثلا والمقابل ليها ( القدلة ) .. أحيانا بقابل لي نوعية كدا . والله بتبسط عديل كدا من المشية لدرجة اني ببطل اي حاجة وامشي وراهو مسافات طويلة لو كان ماشي بي رجولو ..  والحركة دي برضو حقو تضيفيها لي القائمة لانو اكتشفت انو في كمية بتاعت أنك تضيع زمنك في الفارغه والمشي ورى الناس في حين أنو يكون عندك إجتماع يا حاجة ضرورية تجيها بعد ما تبتدي بي الساعة الضيعتها ماشي وراء الزول ده من غير سبب ..
( أول مرة أقابلو * ) دي برضو ما تمري فيها ساكت .. لانو فيها شغل سوداني برضو .. تكون مستعجل برضو ولاحق ليك حاجة مهمة يطلع ليك واحد من وين ما تعرف يقوم يشبهك على زول .. المسالة تتطور ، يطلع قريبك وتتطور اكتر وما يطلع قريبك لكن واحد فيكم بيصر على التاني أنو الفكرة دي تتوسع بعداك يقوموا يطلعوا أهل يا قرايب .. والله متمني بس انا في البلد القاعد فيها دي .. الاقي لي اي واحد من الجنسيات دي يقول لي عندي ود خالتي هنا عازمني غدا ..
والله يا نجوان انا كان علي .. راضي بي الجوطه دي كلها واحمد الله الخلقني
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: Muna Khugali)
|
ســـــلام يا تمبس..
والله الشغل السوداني عندك
| Quote: والله يا نجــوان امس بالليل الساعة اطناشر كنت بتكلم مع زول أول ( مرة اقابلو )* |
يعني كنت ح تتكلم معاه لمتين لو دي ما أول مرّة تقابلو؟
معاك والله.. سودانيتنا فيها دفء كتير..
بس كمان في حاجات زي الحاجات الفوق دي
| Quote: انا كان علي .. راضي بي الجوطه دي كلها |
راضي ولا ما راضي.. وين ح تمشي يعني؟
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
| Quote: يعني كنت ح تتكلم معاه لمتين لو دي ما أول مرّة تقابلو؟ |
بطلي السودانية بتاعتك دي .. ما في اقتراح بتاع انو سامع بيهو قبل كدا لكن الظروف ما جمعتنا وما اتلاقينا ( فيس 2 فيس ) ولا لمحتو ماشي في الشراع وقمت مشيت وراهــو وضيع لي برنامجي .. ..
..| Quote: معاك والله.. سودانيتنا فيها دفء كتير .. |
| Quote: راضي ولا ما راضي.. وين ح تمشي يعني؟ |
انا امشي وين اسيب الدفء الكتير ده يا نجــوان
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
ياخ دي كان حتكون حاجة سمحة سماح ...
لا حبوبات ولا طين بحر ولا قيفة ولا فطور الجمعة
ولا نسابة خيلانك ولا عصيدة دُخن ولافاطمة أحمد إبراهيم ولا دق ريحة
ولا كسلا ولا عقد الجلاد ولا بنات خجلانات وغياظات ولا الكاشف
ولا الشوق والريد ولاهم يحزنون ...
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: Ibrahim Algrefwi)
|
نجوان وتمبس لكم الود
من الحاجات المحيرانى ليه السودانى مابش مع
زوجته جنب لجنب دايما بتكون خلفه بمسافة
والتانية ليه بنتونس مع الضيوف ونحن نودعهم
على الباب اضعاف زمن الزيارة وبصوت عالى طبعا
ناهيك ثقافة شراب الخمر الذكورية والقرار المسبق بالوصول لحالة السكر أى ماشين نسكر
ولو تأملنا موسيقانا بنجد فيها الكثير من ضجيج الألات وكل عازف داير يكون صوت آلته هو اعلا
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
كم عدد المس كولات المفروضة حتى يكون الواحد ماسوداني ؟
كتب عثمان ميرغني في عموده اليومي
ام شخصا عمل له اكتر من مس كول ولان عثمان ميرغني كان سايق العربية فما رد على الراجل
المهم في الاخر المتصل اصر على الاتصال مما اضطر عثمان ميرغني ان يرد عليه فاذا بالمتصل يقول ليه انه ولده عمل حادثة وان المتصل هو من صدم ابن المهندس
انتهى
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: د.محمد حسن)
|
هلا بباشمهندس هاني عربي محمد..
الف شكر على المرور ورفع البوست..
والمؤازرة..
___
أبو الحسين..
أحلف ليك انه ما سمعت بكلمة قواسيب دي إلا عندك!
___
سلام يا جريفاوي..
دي كانت كوميديا.. يمكن سوداء..
بس مالك قلبتها لينا دراما؟
كل القلته على العين والراس..
ولولاه لما كنّا ولا كانت لمتّنا دي..
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
Ibrahim Algrefwi يا جميل
Quote: لا حبوبات ولا طين بحر ولا قيفة ولا فطور الجمعة
ولا نسابة خيلانك ولا عصيدة دُخن ولافاطمة أحمد إبراهيم ولا دق ريحة
ولا كسلا ولا عقد الجلاد ولا بنات خجلانات وغياظات ولا الكاشف
ولا الشوق والريد ولاهم يحزنون ... |
تساؤلي قديم وصادق ... ولاعلمي:
هل في نصفي الكرة الشمالي والجنوبي من يمتلئ جوّاه بالحاجات العجيبة حتي يفيض ... غير السودانيين؟
تااااني: يا جميل
------------
بدر الدين الأمير
صاح .. صاح ... صاح...
Quote: من الحاجات المحيرانى ليه السودانى مابمش مع
زوجته جنب لجنب دايما بتكون خلفه بمسافة |
لا أنسى منظر ذلك السوداني الذي صادفته في شارع خلفي بمدينة الرباط منتصف الثمانينيات. كان ـ للغرابة ـ يرتدي جلابية بيضااااء تسر الناظرين ومركوب.
وكانت هي خلفه ... بمسافات. لم يكن ينظر إلى الخلف، وكانت هي تجاهد لتبقي المسافة ثابتة، رغم الزحام الشديد الذي يصاحب خروج الموظفين مع المغيب.
ولولا أنه أخيرني بأن "الأولاد" معه لما انتبهت لوجودها.
Quote: والتانية ليه بنتونس مع الضيوف ونحن نودعهم
على الباب |
الأفضل أن نودعهم ونحن بنتونس معاهم
| Quote: ولو تأملنا موسيقانا بنجد فيها الكثير من ضجيج الألات وكل عازف داير يكون صوت آلته هو اعلا |
دي بالذات قضيت 86% من عمري أحاول اكتشاف سرها.
وعانيت منها ... بالتجربة. الغريب أن العازفين يكونون مهذبين ورقيقييييين ومتفهمييييين، وما أن يبدأ العمل حتى يعمد كل واحد، تدريجيا، وبخبث، إلي رفع صوت آلته.
يخيل لي أن السبب (بجانب حب الظهور والاستفراد بالجو)، هو نوع من عدم الثقة غير المبررة في حس المتلقي وسلامة ذائقته ... وأذنه.
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
نجوان الظريفة جيتك تانى
وجيت عديل الليلة لى ود البيلى بتاع الشبك ده .
اول حاجة اهلك القاعد معاهم ديل قارن بيننا واتكلم بصراحة ,
انا عشت معاهم فى الامارات على جميع مستواياتهم فى مقارنة بيننا ؟؟ عشت معاهم
فى المكتب سبعة ساعات وعشت معاهم جيران باقى اليوم كله شعب حدث ولا حرج .
والله والله والله نحن احسن واجمل من يمشى على وجه الارض .
من كل النواحى على الاطلاق وحاجتنا الذكرتوها دى وزايدنها كوز او قولى كوزين
دى امكن حاصل جزء منها لكن على مستوانا نحن السودانيين , يعنى تعاملنا مع اى جنسية تانى تعامل راقى ويضرب بنا المثل .
انا عشت فى الامارات عشرون عاما وعاشرت اكتر من كم واربعين جنسية كنا فى المقدمة والى الابد حنكون فى المقدمة وحاواصل معاكم عشان تعرفوا العاوز يتعامل مع الناس بالطريقة الصحيحة ويجبروا على ان يتعامل هو معاه كيف قاااادر يعنى التعامل الصحيح راجع ليكم انتوا البتتفاصحوا ديل .
وانا شخصيا بتعامل هكذا بمعنى :
عندى مواعيد الساعة الخامسة ما جانى فى المواعيد خمسة وخمسة برجع وبشطب الشخص
من قاموسى نهائى .
جونى ضيوف من غير موعد اذا انا موجودة فى البيت مافى مشكلة لكن لو عندى ارتباط
بعتذر للضيوف وهم بكيفهم ما قبلوا مع السلامة قبلوا يكونوا بفهموا وحصلت مئات المرات
جاتنى واحدة ولدها ما لابس بامبرز بقول ليها ولدك ده لو نام حتكونى شايلاه فى رجلك لما يصحى او ارسل اجيب ليها بامبرز واديها درس تانى ما بتكررها .
طبعا الحاجات كتيرة برجع للبوست وبناقشها معاك واحدة واحدة .
بدر الدين الامير قريت ليك شكر كتير من اهلك ناس الدوحة مالك دايرنى اشاكلك عشان انت
فى فطر مفروض تكون عارف قيمة السودانيين لمن تقارن مع جماعتك ديل الما بعرفوا حتى ياكلو الخليج بيئة لا حول ولا قوة الا بالله عاوزين مليون سنة عشان يعرفوا ابجديات الحياة وانت فى قطر يعنى الامارات متقدمة عن قطر بمليون سنة يعنى انتوا حالتكم تكون كيف بالله ؟؟؟
انا راجعة ليكم تانى انت ونجوان وود البيلى محجوب .
ولو ما كنت سودانى وا اسفاى وا مأساتى وا ذلى
عليك الرحمة اسماعيل حسن العظيم .
تحياتى ليكم كلكم ,,
ام وضاح
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: essam&amal)
|
هلا هلا .. بأم ورضّاح .. حبيبة القسا..
وعلي بال... بالله ما بتمشي إلا تضوقي اللقيمات..
جيتك تساهل الإنتظار..
وود البيلي قد يكون بتاع شبك وممسوخ
لكنه ناقش كنه البوست ده ..
بس يا ستي نقد الذات لا يعني مسح كل ما هو جميل في سودانيتنا..
عندنا legacy في اشياء نبيلة نتميّز بها عن دون خلق الله
وأيضا عندنا legacy في أشياء زي الفوق دي..
وكلها كان ما منقوصة كوز كوزين.. ما مزيودة
وأضيف ليك كمان ..
جزء كبير من سبهلليتنا باطنه لا شئ غير الطيبة وحسن النيّة..
| Quote: دى امكن حاصل جزء منها لكن على مستوانا نحن السودانيين |
طيّب ده ما ياهو الهارد قلبنا ذاتو! إذا عندنا المقدرة على التعامل الراقي -على حّد قولك-
ليييه ما تكون شئ ثابت؟
| Quote: جاتنى واحدة ولدها ما لابس بامبرز بقول ليها ولدك ده لو نام حتكونى شايلاه فى رجلك لما يصحى |
دي عجبتني شديد.. بس غيرك بياكلها.. مرّة وإتنين.. وأسألي المراتب وملايات كانون
بالجّد.. لو الناس بنتبه وتنبّه بعضها (مثل هذا البوست )
يمكن أن يحدث تغيير.. ولو قليلا..
Quote: تعرفوا العاوز يتعامل مع الناس بالطريقة الصحيحة ويجبروا على ان يتعامل هو معاه كيف قاااادر يعنى التعامل الصحيح راجع ليكم انتوا البتتفاصحوا ديل .
|
بعضنا بيحاول ..
الف شكر ليك .. وما تطوّلي الغيبة..
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
أم وضاح
أم وضاح
يااا أم وضاح...
يخيل لي (أوقن!) أنك لم تحسني فهمي كما يجب.
| Quote: اول حاجة اهلك القاعد معاهم ديل قارن بيننا واتكلم بصراحة , |
اول حاجة أنا قاعد في الامارات. ولا مجال للمقارنة مع أهلي... الهنود.
أما إذا كنت تقصدين أهلي المغاربة، فلا أرى سببا لزجهم في الموضوع، علماً بأنني عندما نقلت كلام أخينا الجريفاوي (الجميل)،Quote: لا حبوبات ولا طين بحر ولا قيفة ولا فطور الجمعة
ولا نسابة خيلانك ولا عصيدة دُخن ولافاطمة أحمد إبراهيم ولا دق ريحة
ولا كسلا ولا عقد الجلاد ولا بنات خجلانات وغياظات ولا الكاشف
ولا الشوق والريد ولاهم يحزنون ... |
فمن باب أننا شعب فريد ومتفرد، وأنه ليس هناك في نصفي الكرة الشمالي والجنوبي من يمتلئ جوّاه بالحاجات العجيبة حتي يفيض ... غير السودانيين.
صحيح أنني سقته في شكل تساؤل، لكنني كنت أرمي للتأكيد ... أو التوكيد.
شخصيا، لا شك لديّ ـ وبدون قسَم ـ | Quote: أننا احسن واجمل من يمشى على وجه الارض |
وكنت وما زلت أقول:
هناك في هذه الدنيا ... كرم
وهناك شهامة
وهناك شجاعة
وهناك نخوة
وهناك مروءة
وهناك ـ بالمقابل .... سودانيون
ما أعنيه، أن فهمنا وتمثّلنا وممارستنا لكل هذه القيم (أعلاه) مختلف، بما يعطي لكل صفة مواصفات خاصة.
الكرم السوداني غير ... والشجاعة غير ... وغيرهما غير.
و الحاجات العجيبة التي تملأ دواخلنا حتى تفيض (أو تشع)... أحسبها وقفا علينا.
كلامي هذا فيه الكثير الكثير من العاطفة. أعني أنه غير خاضع للمنطق أو التحليل العلمي.
وأنا أيضا عاشرت عددا كبيرا من الجنسيات، واكتشفت أننا مختلفون.
بل إنني اكتشفت أن الآخرين يعرفون عنا هذا الاختلاف. . شيء ما في جياناتنا ربما. وفي وقت ما، استقر في ذهني ما يشبه الاقتناع بأننا نتاج (كدت أقول "ضحية" )دعوة ما. دعوة صالحة أطلقها واحد من أسلافنا، سأل فيها الله أن يجعل أفئدة من الناس تهوي إلينا.
زميلي Mandingoo عضو البورد يعرف هوسي بجمع الحكايات التي تتحدث عن (توثّق؟) للخصال الجميلة للسودانيين. ومنذ مغادرته المغرب أواخر السبعينيات درج على تزويدي بنتف وقصاصات مما يُنشر في هذا الاتجاه في صحف السعودية. وما زلت أحتفظ بقصاصات أخبار وكتابات لثريا العريض وأشعار لا أذكر أصحابها. هذا عدا عن الروايات الشفاهية.
ربما لأنني عشت بعيدا عن السودان فترة طويلة. والسودانيون بالمغرب قلة، مقارنة مع بلدان المهجر الأخرى.
وما يدهشني (ويثلج صدري) في نظرة الآخرين إلى شعبنا أنهم يرونه الأحسن. الأحسن على الإطلاق. يأتي قبل شعوبهم هم أنفسهم في كثير من الأحيان!
أم وضاح
لست من هواة جلد الذات، ولا ركوب الموجات مهما كان الدافع أو المنطلق.
والحالتان اللتان أمّنت عليهما من كلام الأخ بدر الدين الأمير واقع، وإن شئتِ فهُـما خاصية سودانية ...تغيظ. ولا بأس إن كان ثمة طريقة للتخلص منهما.
تاني حاجة ...
| Quote: ولو ما كنت سودانى وا اسفاى وا مأساتى وا ذلى |
تالت حاجة ...
ارجعي لي نجوان وبدر الدين والجماعة
قال شبك قال
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: محجوب البيلي)
|
نجوان
البوست ده حلو شديد
تسلمي.
تعرفي التفاصيل العجيبه دي البنشوفها ماجميله لو مالقيناها بنحس بي ضياع عحيب جداً
وأنا من الله خلقني ماكنت بكره غير المظليين البجونا من البلد ويتكسروا لينا في البيت بالشهور لكن لمن عدت كم سنه وماجوا حسيت بي إنو البيت فاضي وكأنه بيت أشباح ..
الترجمه:
المظليين : هم الجماعه الذين يأتواللخرطوم من البلد ربما للدراسه أو للعمل أو لإستخراج وثيقه حكوميه وتطول مدة إقامتهم
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: محمد فرح)
|
هلا بمحمد فرح..
Quote: تعرفي التفاصيل العجيبه دي البنشوفها ماجميله لو مالقيناها بنحس بي ضياع عحيب جداً
|
صدق من قال "الكلب بريد خنّاقو"
| Quote: المظليين : هم الجماعه الذين يأتواللخرطوم من البلد ربما للدراسه أو للعمل أو لإستخراج وثيقه حكوميه وتطول مدة إقامتهم |
مشكور على التوضيح.. أنا قلت الجاب سيرة سلاح المظلات شنو؟
الف شكر يا محمد..
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
نجوان انا برضو زى الجماعة الفاتو مفتكر دى القصيدة بتاعت اسماعيل حسن
ولكن حتى قصيدة اسماعيل حسن بعد الانقاذ اصبح السودان لايغرى
وهنالك نكتة بحكوها عنهم.
قالوا واحد ناس الانقاذ قبضوه وختوه فى بيت الاشباح وتلتلوه ويوم
اثناء التحقيق قال ليهم يا جماعة انا عايز اعرف تهمتى شنو
قام المحقق قال ليه لانك سودانى قام الراجل ردد ليه قلت ليك
تهمتى شنو المحقق قال ليه ما قلنا ليك لانك سودانى
فرد الرجل التهمة يا سعادتك ما العقوبة..
وبعد ده تقولى شنو وتقولى منو!!!!
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
نجوان
كل ما ذكر من صفات خاصة بالسودانيين كوم وهذه كوم لوحده:
Quote: كنت ح تدفع الshare بتاعك في العشاء الجماعي دون ملاحقة ..
أو سّك من منظمي المناسبة المتوكحّين بالفاتورة.. |
الإستملاح والميتجة أعتقد أنها صفة دخيلة او كانت غير ملاحظة أيام الزمن السمح
وهى تتناقض مع ما نفتخر به من كرم وجود و تكافل إجتماعى
وفى الغربة بالذات وضحت معادن السودانيين ويوجد تفاوت كبير بين
كرماء وأدعياء كرم ومستملحين ومكفنيين ميته
أما ما ذكر عن علو الصوت المبالغ فيه والنفس الحار كان فى ونسه، نقاش، أو ترحاب
تجربتى فى الغريه والتعامل مع الشعوب الأخرى خاصة الغربيين إقتنعت بأنه طبع فيه جلافة وعدم تحضر
وأنه يؤثر على حساسية السمع عند السودانى الذى تعود على الزعيق (اضان تقيلة)
أما بخصوص الرجل السودانى يمشى أمام المرأة فلا ألقى بكل اللوم على الرجل
فالكل كسلان السودانى يتقدل والسودانيه تكاد تزحف ـ
ده طبعاُ بعد ما شفنا الناس التانية بتمشى كيف وخاصة النساء
وأضيف للصفات إياها: ماسودانى لو ما أفهم الفاهمين فى السياسة
و أفهم فى الكورة من أحسن مدرب عالمى أو أشهر ناقد رياضى (بتاع كلو)
ملحوظه حاولت أن أعلق على بعض ما قد يعتبر سالباً ـ موضوع البوست ـ وقطعاً هنالك إيجابيات
والسودانيون أكثر ما يميزهم خاصة فى الغربه التراحم والتواصل الإجتماعى
لكى وللمتداخلين تحياتى وبالصوت العالى!
نادر الفضلى
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: khaleel)
|
| Quote: بعدين حي ووب حي دي جات من وين |
خليل..
أنت من زمن حي ووب؟
البكيات دخلت عصر الحداثة ياخ..
وإستُبدلت حي ووب بعبارات أخرى لا يتسع المجال لذكرها ..
لا .. حقيقي..
التعبير عن الفرح والحزن.. بقى غير..
وبعض التغييرات إيجابية بالتأكيد
(قبل ما ناس أم وضّاح يجوني طايرين )..
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نادر الفضلى)
|
سلام نادر الفضلي..
| Quote: ومستملحين ومكفنيين ميته |
أوكي.. ده يظهر كلام زول مقروص..
ظاهرة الزوغان من الshare تم سماعها من مصادر
لا تعد ولا تحصى..
وأتفق معاك.. قد تكون دخيلة..
كلمة ’ملح‘ بالمعنى ده.. جديدة الى حد ما..
(أعتقد تكفين الميتة تعبير أقدم )
الف شكر على المداخلة..
Quote: لكى وللمتداخلين تحياتى وبالصوت العالى!
|
ونرّد عليك التحيّة بأعلى منها..
ّ
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
ما دعانى لفتح هذا الخيط فرح طاغ، أن رأيت "حلف فضول" تعاهد عليه أفاضل وفضليات،هم أحفاد من حكى لى عنهم "شيخى": قال أنه قرأ فى مذكرات أحد ضباط جيش الحلفاء أن إحتفالا أقيم فى ليبيا بعد إنتصار الحلفاء فى الحرب العالمية الثانية، شاركت فيه قوات رمزية من الدول المتحالفة، قال أنه لاحظ تصفيقا وهتافا حارا قوبلت به القوة السودانية الرمزية ولما سأل عن السبب قيل له: لأنهم الجنود الوحيدين الما كانوا بعتدوا على أعراضنا!! بل كانوا يمنعون من تسوّل له نفسه أن يفعل ذلك من أن يفعل ذلك!!
أستأذنهم هؤلاء الأماجد لأزين بكلماتهم النيّرة المنورة هذا البوست:
Randa Hatim
اقسم لك بالله العظيم الذى لا اله الا هو .... حينما رايت هذه الصوره وانا لم اره من قبل ... انهمرت دموعى لصدق وحرارة هذا العناق الابوى .......وظللت اتامل وجهه وانا اسال نفسى ... يا ترى احقا ما يقال عنه وهو يفيض بهذه الطيبه وابتسامه المحنه ....... هل هو كما تقول انت عنه!!!!!!
-------------
محمد عبدالرحمن
...بالله شوف الحنية الفى سلام الاستاذ محمود
دا ..والله المشهد دا ذكرنى ابواتنا واعمامنا وخالاتنا ..ياهو
دا سلامنا كدا ..واذا عايز تشكك فى الصورة دى .. الشك سيطال
كل من ينتمى اليك والينا.. والا نكون ماسودانيين .....
...لكن الناس ديل (مهذبين ) و(اولاد ناس ) ومحمود
رغم اختلاقنا معاهو سودانى وودبلد
-------------
ودرملية
هذه الصورة "فرح كوني" .. تلطف المكان والزمان .. ابتسامة كرائحة الامهات .. نبل وطهر وعفاف ..الرجل وجهه "نور" وابتسامته "حنو اطفال العالم" الله يشهد هذه الصورة "تعمل قشعريرة الجسد" من شدة ضياءها وجمالها ..
الاستاذ يا**** لا يفكر "كمثلي ومثلك" اطلاقا .. "الاستاذ" اب لبنتين هذا من باب الشريعة ولكنه اب لكل "بنت ام" مشت علي ارضنا الحبيبة هو اطهر بكثير من "لوث النوايا" واعف بكثير"من ان ندافع عنه بروث القول" ..
بالله عليك يا **** ماهذا "يعلم الله قد اذيتني شر الاذية"
فى ذكرى الأستاذ: السودانيون ملح الأرض
| |
|
|
|
|
|
|
|
|
|
Re: تخيّل كيـــف يكون الحال لو ما كنت ســــوداني (Re: نجوان)
|
Quote: كنت ح تنهر أولادك لمّا يبهدلوا ليهم بيت زول ..
وكنت ح تتردد في أخذهم معاك المرّة الجاية لنفس البيت..
علشان يبهدلوه مرّة تانية.. |
فتشت البروفايل بتاعك عشان اتأكد انك معانا هنا في السعودية، لكن ما لقيت حاجة تفيد.. بس اكيد انك في السعودية، لأنو الجزئية دي خاصة بأولاد المغتربين تحديداً..
Quote: كنت ح تدفع الshare بتاعك في العشاء الجماعي دون ملاحقة ..
أو سّك من منظمي المناسبة المتوكحّين بالفاتورة.. |
دفعت حقي 40 ريال، واتنين ما دفعوا لهسي، وبقيت دافع براي حق الثلاثه.. وتوبه يا حبوبه من التوكح بالفاتورة تاني!!
Quote: كنت ح تتوقع ح يحصل شنو لمّا ترقّد طفلك الصغير..
دون بامبرز.. في سرير في بيت ناس .. |
ودي بعض النسوان بيعملنها (كيتاً ليك) و(حساده كده ده)
Quote: وكنت إمتنعت عن السماح بجلوس طفلك الرضيع في المقعد الأمامي
على حجر والده أو والدته.. |
دي لما نصلها يكون ناس اوروبا اخترعوا حاجة غير السيارة، لكن هسه غرامتها عندهم كبيره وفوقيها كم نقطة سوداء لما تزيد حيسحبوا منك الرخصة..
Quote: كنت إمتنعت عن التدخين في منزل شخص آخر..
أو على الأقل إستأذنت (قبل ما تولّع ).. |
ودي اضطرتني ان اكتب ورقة في (بيتي) نصها (ابني يتحسس من الدخان، فلا تؤذيه بدخان سيجارتك)!!!
Quote: كنت رجّعت القروش الإستلفتها في وقتها..
(أو في الحقيقة... رجعّتها وبس ).. |
وما أكثر الديون (المعدومة)!!!
| |
|
|
|
|
|
|
| |
نجوان
محجوب البيلي
essam&amal
بدر الدين الأمير
tmbis
Muna Khugali
أبو الحسين
Hani Arabi Mohamed
Ibrahim Algrefwi
شهاب الفاتح عثمان
khaleel
AmroKamal
د.محمد حسن
عبدالكريم الامين احمد
هاشم أحمد خلف الله
محمد فرح
Hawari Nimir
صديق الموج
نادر الفضلى
عبدالله عثمان
Mandingoo
فيس بوك
تويتر
انستقرام
يوتيوب
بنتيريست