الإخوة الأعزاء السلام عليكم أمبارح الثلاثاء 30 / 1 وبعد تجاوز مرارة هزيمة سلطنة عمان كنت علي ميعاد مع الدكتور محمد عبدالله الريح يا سلام ويا سلام أكتر من ساعتين والرجل يتوهج فى دواخلي دا مان اللقاء التاني بعد لقاءنا الأول فى سوريا سنة ألفين علم ، تواضع ، سماحة نفس سوداني بمعني الكلمة السودان البنحلم نعيش ليهو وبيهو إتكلمنا فى كل شئ أبو داؤود ، شوقي بدري ، الأسد ، المجتمع السوداني ، سيدنا علي بن أبي طالب خورطقت ، و...و.... ليل الشتاء والناس من حولنا يتحلقون حول كتاب ( دا الجنن عبد القادر ) وجريدة شقيق آخر إصدارات الدكتور ونحن نسمع تعليقات من هنا وهناك ونتفاعل حتي ولو لم نرد ساعتها مع نماذج تنبض بالحياة فى شتي صورهامن مجتمعنا مثلاً واحدة فى الخمسينات تقول لي زوجها إشتري لي فتيل ريحة يقول ليها ما عندي تقول ليهو طيب إشتري لي الجنن عبد القادر ، يقول لبها : هو الجننو شنو غيركن؟ وكثير وكثير من اللحظات الحية
ما رأيكم دام فضلكم فى أن نحتفي بالدكتور محمد عبد الله الريح وبإصدارته الوليدة ( شقيق ) وبالطبعة الثالثة من كتابه ( سلامات ) والذي يحمل هذه المرة عنوان ( دا الجنن عبدالقادر )؟
هذه دعوة مني لكم للإلتقاء والإحتفاء بقامة رفيعة من بلادي ، ويسعدني أن أسمع منكم أي مقترحات أو افكار ولكم الود فضل كرار
01-31-2007, 02:45 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
عزيزي ناذر الدكتور أثناء ونستي معه يبدو أنه يتابع كتابابتك عبر المنبر وقال إنو مفتكرك قاعد بره السودان
أنا ممكن أنظم كل الشغلانة لكن عاوز أشرك معاي أكبر عددية من بورداب الخرطوم لان الدكتور يعمل الآن بالخرطوم ويمكن لأي واحد إنو يلاقيهو بي سهولة علي العموم اجدد الدعوة للإخوة الإعزاء وفي إنتظار أي مقترحات ولك الود فضل
Quote: كم اضحكتنى مقالة فستان ناس عواطف هى و اخواتها و كل ما كتبه الاستاذ الدكتور حساس محمد حساس الملقب بمحمد عبد الله الريح و هى احدى مقالاته الساخرة و التى حواها كتابه الرائع سلامات !
نادية السر
الغالى فضل كرار ,,,,,,
تحية و تقدير
هى مداخلة كتبتها اليوم فى احد البوستات الذى حمل عنوان فستان ناس عواطفوعندهااستدعيت كل كوامن الضحك و الغبطة التى فى الاصل فكرة صاغها الاديب الدكتور محمد عبدالله الريح بكلمات اقل ما توصف بالرشاقة و خفة الروح !
فضل انا ممتنة لمبادرتك و اتشرف بان اكون من المحتفين بالدكتور محمد عبدالله الريح و ساعود لاحقا بالمقترحات فى مداخلة ارحب.
العزيزة نادية السر ما ملاحظة إنو كم مرة بحصل توارد خواطر عموماً سعدت بسماع صوتك ومطالعة حروفك لو شرفتي بكرة الخميس أكون سعيد ولو ما إتلاقينا بكرة بإذن الله يوم الجمعة فى حفل غادة ولك الود
02-01-2007, 10:53 AM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
اندى التحايا للدكتور محمد عبد الله الريح و هو يدعم حملة حماية الامل العام و المساهمة فى علاج غادة نورى و تبرعه بمجموعة من اصدارة (دا الجنن عبدالقادر )
و التى تم الاعلان عنها و بيعها اثناء الحفل الخيرى يوم امس الجمعة و بيع عدد مقدر و هناك المزيد و من يرغب فى ابتياع نسخة ما عليه سوى الكتابة مباشرة على البوست و سيتم التنسيق لتسليم الكتاب !
فضل عليك ان تنقل عميق الامتنان للدكتور حتى اللقاء به و تقديم واجب التقدير فى حضرته!
لم يتردد الدكتور عندما طرحت عليه الفكرة فى مساهمته بعدد 50 نسخه من كتابه فى مشروع الحفل الخيري أرجو أن يسارع الزملاء فى إقتناء نسخة من هذا الكتاب الجميل فهو ممتع للحد البعيد
موعدنا قريب للقاء مع الدكتور
02-05-2007, 04:31 PM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Fadl Karrar
ناذر محمد الخليفة
عصام عبد الحفيظ
فيس بوك
تويتر
انستقرام
يوتيوب
بنتيريست