الأسلحة الكيميائية وحقيقة استخدامها في السودان في منتدى ميديكس للحوار
|
|
 ***وردة صباح الحب يا وطن***
|
عفراء تاْكيت احلامي
علي سؤاد عيونك
وفي حنين قلبك
همومي
راسمك علي الغيم
مطر عشق الوطن
قيلا ...قيلا
يامطيرة صبي
لينا في عنينا
فرح لعب اطفال
مزارعية
يغازل في سماك
قوس قزح
بي رزاز غيمة قبلية
يغسل جرح الغبش
ويمسح احزاني في
بحر حبك
موال غناء المراكبية
هدير الموج في الضفة
صفير الريح مع الاشجار
ونسائم طيفك جاتني دعاش
هبهب جمر اشوقي
ولع جواي نا تقاوي اطفالا
فقرية
قبلك كنت ضالي في الحب
وسكتي كانت محن
والغربة زي سجن
تعرفي مره باريت سحابات
الوهم
لامن غنيت للسجم
واتلخبط في دنياي
الصاح بالخطاء
فقدت احترامي
اخ يا زمن
بس لاكني لي عيونك
اهتديت
ولقيت في دربك لي
باكر عشم
وريدك جواي سكن
وكان القمر بشبهك
وانين قلبي في زكراهو
بيمدحك
ومن وسط الزحام حس
مشاعري بيندهك
وبقيت انا وليل الغربة
مبارين خطاك وين ما تمش
ونجومو في عيونك رموش
يالا ودينا لي ضؤ الشمس
حنين الصحراء
ايقاع رقيص الغابة
خطا العمال
ضحك الاهل
وصوت دوبيت غناء الاطفال
مع الربابة
حس وجع الغلابة
اه يا بلد
دا الطير مهما هاجر
رحل
والريح تخزلو
حنينو ليك تاني برجعو
والنيل مهما سافر
في السهل
برجع تاني مطر لي منبعك
وتحضن الخضرة ارضك
وتنبت في عيونك
وردة صباح الحب
ياوطن
|
|
 
|
|
|
|
|
|
|
|
Re: ***وردة صباح الحب يا وطن*** (Re: مدثر محمد ادم)
|
طيور الغربة
يافاضحةلسان الخوف
بي دموع الشوق
والم الفرقة
في قلب صغير ملهوف
علي وطن مجروح
ياناس مزبوح
باطماع النخبة
وربوع متحاربة
وطن الشتات لملم
اطراف جراحاتك تعال
سنسنة حمرا
وحجوت فاطمة السمحة
الفي حكاوي الصغار
تهديك السلام
في هديل الحمام
ساعة تحن لي ضحكت
عيون اطفالك تمام
غوغاي القماري اخر
العصاري
يتاتي نواح اطفال
بيوت الطين
ويمسح حزن الرواكيب
الفي الضهاري
بي عرق الغبش الكادحة
وتعاني
وتحت ضل مقيلك علي
حبك متلمين
يا وطن الطيبن اهلا
احنا الطيور
حس وجع المنافي
دمعة طفل بردا وحافي
واقف علي قيف بحر
موجو احمر
لونو صافي
وقف يحلم بي حضن دافي
في وطن خرافي
صحيح وعافي
لي جراحو شافي
غنيناك وطن العديل والزين
ودسيناك في شوق شوف
عيونا
في شجن غنانا
في ضحكاناولعبنا
وفي بكانا لما تقع
عليك محنة
بنزل دمعنا
وينزف جرحنا
وبتكون في عيونا انت
عشقنا الاساسي
القصيدة مهدا لاطفال فرقة طيور الغربة
اية وامنة وايمان
تيف تيف
| |
|
|
|
|
|
|
| |
hanadi yousif
فيس بوك
تويتر
انستقرام
يوتيوب
بنتيريست