|
|
 قبل الانقاذ السودان ما كان فيها ناس,,,,,,,,,
|
قبل الانقاذ السودان ما كان فيها ناس,,,,,,,,,
تعبير ابلغ من شحادين,,,سمعت من بعض الاخوة قال لى الوزير دا قصدو كدا لكن استحى منكم
ممكن ياخوة يجينا مستشار اخر ويقول كدا دحين حضرو شعوركم ,,,,
مش هم الحاكمين والمسيطرين على زمام الامور فى البلاد,,,,ممكن يقسمو املالكك من اراضى ومواشى,,وممكن يقسم عيالك واحد لك والاخر للحكومة
نحن فى الجزيرة كنا,,اكبر شحادين كانت لنا حواشة مساحتها 10 فدان ,,بتنتج 40 جوال ذرة و30 جوال قمح و20 جوال فول ,,وفى التقانت والجداول كنا بنزرع اللوبيا , وعندنا 5 بقرات بحلبن لبن بنوزع الفايض على الجيران ولما واحدة فى الحلة تلد ايوى برسل ليها لبن لمدة 40 يوم,,كانت عندنا غنم ونعاج مافى زول قاعد يحلب ضرعهن كنا بنتركها لصغارها...كنا بنجيب العمال موسميا من كردفان وبنزلهم
فى الحواشة عشان اللقيط,,وكانت قمة متعتى حين امشى مع ابوى عشان نودى ليهم الدقيق والسكر واللحمة,,
اسى الليلة حواشتنا بقت 5 فدان لان الوالد باع نصفها لما كنت بدرس فى الهند وارسل لى فلوسها لان احد وزراء الانقاذ اقف تلك المنحة التى كانت تعطى لنا من الحاكومات السابقة,,تلك الحكومات الفاشلة التى كانت تعتنى بالطلاب وتمنحهم دولار مدعوم,,فلما قدم المدعو عبد الرحيم حمدى قطع تلك الهبة,,,
اها الموسم الفات دا حواشتنا جابت 10 جوالات ذورة ,,اقل بكثير من سعر التكلفة,,لا لوبيا مزروعة ولا بقرات تحلب ولا غنم
وكل شىء تبدل والجزيرة اصبحت طاردة,,,واسى المشروع ظااااتو معروض للبيع,,,
|
|
 
|
|
|
|
|
|
|
|
Re: قبل الانقاذ السودان ما كان فيها ناس,,,,,,,,, (Re: abuguta)
|
الاخ ابوقوته
في قريتنا يا ابوقوته عندنا حاجة اسمها المطامير المطمورة الواحدة تكفي القرية لمدة عام وكان عدد المطامير علي ما مااعتقد كانن 16 مطمورة
الابل والبقر والضان والمعز لا نحسبها بالواحدة بل بالمائة
يعني جدنا ماعوج الدرب بالعكاز ولا بالسرقة
خلاص عوج الدرب ده اسم اطلقه علينا اهل الانقاذ
| |
|
|
|
|
|
|
|
|
|
Re: قبل الانقاذ السودان ما كان فيها ناس,,,,,,,,, (Re: saif massad ali)
|
سيف مساعد
كيفك ياصديقى,,,,
ناس الجزيرة جاءهم القحط مع الانقاذ
كان كل شىء ميسر ,,وكل الناس دافرة على المشروع,,,
انا بعرف محالج الحصاحيصا ومارنجان كانت كل عمالتها
من الاقاليم الاخرى,,,يعنى الناس كانت بتغترب عندنا
بدون كفيل بدون اقامة مع كثرة الاحترام
العنقالة,,,عمال اللقيط,,الرعاة,,عممال قصب السكر
| |
|
|
|
|
|
|
| |
abuguta
saif massad ali
فيس بوك
تويتر
انستقرام
يوتيوب
بنتيريست