|
|
 المريخ يتجه لتسجيل كاربوني وولده
|
بعد موضة تجنيس اللاعبين التي انتهجها المريخ، ربما نسمع في خلال الأيام القليلة القادمة
بأن المريخ منح الجنسية السودانية لمدربه كاربوني وابنه الذي لا أعرف اسمه أو وظيفته
في المريخ، والتي غالباً ما تكون (ابن المدرب)..
عندي صديق هندي يرغب في زيارة السودان في هذا الأسبوع فحذرته أن يؤجل زيارته إلى ما بعد
التسجيلات حتى لا يسجله ويجنسه الوالي.. فالوالي اليومين ديل قالوا قاعد في المطار وشايل
معاهو دفتر الجنسيات والأختام وقروشو في جيبو كمان.. يدفع ويسجل ويجنس ويختم..
هل إلى هذا الحد صار منح الجنسية السودانية ساهلاً ورخيصاً؟..
ومن أين يستمد السيد جمال الوالي كل هذا النفوذ؟
هل هو مجرد رئيس لنادي المريخ أم يملك سلطة أعلى من ذلك؟
|
|
 
|
|
|
|
|
|
|
 Re: المريخ يتجه لتسجيل كاربوني وولده (Re: حسبو عكاشة)
|
Quote: حكمة ربك التجنيس في المريخ بقي مرتبط بالمواسير, ليه ما عارف؟
|
تحياتي أخونا حسبو
هو عشان كده أنا قلت ليهو أجل الزيارة..
الهندي زول شاطر وناجح ولو كان ماسورة كنا ساعدناهو..
في لاعب ماسورة كبيرة اسمو مطر مين كده ما عارف
كان بيلعب في الوحدة الإماراتي أتمنى أن يسجله المريخ
ده حا يكون (أمسر) لاعب يسجل في السودان..
| |
|
|
|
|
|
|
|
|
 Re: المريخ يتجه لتسجيل كاربوني وولده (Re: Nasruddin Al Basheer)
|
جمال الوالى هو ابن المؤتمر الوطنى المدلل
كيف لا يفعل ما يحلو له >
وهو الذى اتى بعمر البشير ليبايعه
باسمه لا بل باسم كل جماهير المريخ ،
ضاربا بالفئة الغير مواليه للمؤتمر
الوطنى من جماهير المريخ عرض الحائط
فى مشهد يدل على عدم احترامه لهذه الفئه
المغلوبه على امرها دون سبب لها سوى انها
اختارت فى يوم من الايام لكى تعشق النجمة
عموما نؤكد لهؤلاء الشرفاء بان ابواب اسياد
البلد مفتوحه لهم على مصرعيها فى اى زمان
فمرحبا بهم وباحزابهم المتهالكه
عليك دينك يا نصر الدين رايك شنو
فى الخطبه اعلاه ده > ياخ انا مضيع
نفسى ساكت بمباراتى لناس حموده و الذى منو
( وش ضاحك مع عين غامزه و التانيه رايحه )
ــــــــــ
مشتاغون يا رجل وين انت
| |
|
|
|
|
|
|
|
|
|
Re: المريخ يتجه لتسجيل كاربوني وولده (Re: طارق الكوتش)
|
Quote: عليك دينك يا نصر الدين رايك شنو
فى الخطبه اعلاه ده > ياخ انا مضيع
نفسى ساكت بمباراتى لناس حموده و الذى منو
( وش ضاحك مع عين غامزه و التانيه رايحه )
|
تحياتي يا كوتش
والله لقيتك خطاباً لا يشق لك عجاج..
فعلاً كان موقف غريب ومستفز أن يأتي الوالي بعمر البشير ليبايعه باسم
جماهير المريخ بمختلف ألوان طيفها السياسي في استاد المريخ وكأنه أراد
أن يعلن للرئيس بأنه أقنع جماهير المريخ كلها بالانتماء للمؤتمر الوطني..
حكمة اليوم علي قول (عادل بلير):
التجنيس عند الوالي أسهل من صحن فول في أبو العباس
(الإهداء لحمودة)..
| |
|
|
|
|
|
|
|
|
 الرد على المدعو طارق الكوتش .. (Re: طارق الكوتش)
|
Quote: عليك دينك يا نصر الدين رايك شنو
فى الخطبه اعلاه ده > ياخ انا مضيع
نفسى ساكت بمباراتى لناس حموده و الذى منو
( وش ضاحك مع عين غامزه و التانيه رايحه ) |
اولا خطبتك فاشلة يا ابو خمسة ..
ثانيا :
مالو حموده ..عيبو ليّ ..
ندين سياسة التهميش ..
ويجب على صاحب البوست الادانة وتجيه صوت لوم للعضو المحترم "طارق الكوتش"
طيب يا كوتش بيجي الخريف واللواري بتقيف ..
تعرف يانصرالدين البشير الزول دا انا صاحب ايادي بيضاء عليه :) ..
مرة في جامعة الخرطوم نجدته من جمهور كلية الهندسة الميكانيكية حيث تحامل عليهم ..
وياريت لو كان حكم ..
كان نصيف حكم ..
رجل راية ..
غلطان انا ..
.
.
.
ياجماهير المريخ اتحدو ..
| |
|
|
|
|
|
|
|
|
|
Re: المريخ يتجه لتسجيل كاربوني وولده (Re: Nasruddin Al Basheer)
|
نصر الدين
سلام
والله موضوع يحير
والله لازلت أذكر كمية المعاناة التي عانيناها لكي نحظي بذلك الدفتر الأخضر
الوالد عليه الرحمة كان خارج السودان
وتعال شوف ليك أمش وتعال
جيب جدك؟
يا خ مات فبال أشوفو
طيب جيب عمك؟
عمي بعيد ووحيد ... وهسة في شندي عايزينو يركب من هناك ويجي يشهد عشان تآمنو؟؟
يا زول أقول ليك حاجة الدوام انتهي تعال بكرة...
وبكرة نقس المزاح الباطل
ياربي ناس وارغو ديلجابو أعمامهم؟؟؟
ولا العم الوالي
جنسية طوااالي
ياربي ناس وارغو ديل جابة أعمامهم؟؟
| |
|
|
|
|
|
|
|
|
|
Re: المريخ يتجه لتسجيل كاربوني وولده (Re: ALGARADABI)
|
Quote: والله لازلت أذكر كمية المعاناة التي عانيناها لكي نحظي بذلك الدفتر الأخضر
الوالد عليه الرحمة كان خارج السودان
وتعال شوف ليك أمش وتعال
جيب جدك؟
يا خ مات فبال أشوفو
طيب جيب عمك؟
|
تحياتي يا قردابي
السودانيين الما في شك في سودانيتهم دائماً بلقوا صعوبة في استخراج الجنسية..
وبطلبوا منك تجيب جدك وحبوبتك وأبوك وعمك وجيرانك كمان..
ولو حصلت على الجنسية بسهولة تعرف إنك متهم بتهم أدناها إنك (ماسورة)..
لكن مع الوالي تجنيس طوالي..
نكتة اليوم:
قالوا النفطي لما استبدلوهو في مباراة المريخ والترجي الأخيرة قام احتج
بصوت مسموع بعد خروجه من الملعب.. جاهو جمال الوالي في كنبة
الاحتياطي وقال ليهو (ما تطنطن.. والله أقوم عليك أجنسك هسه دي..)..
| |
|
|
|
|
|
|
|
|
|
Re: المريخ يتجه لتسجيل كاربوني وولده (Re: Nasruddin Al Basheer)
|
Quote: نكتة اليوم:
قالوا النفطي لما استبدلوهو في مباراة المريخ والترجي الأخيرة قام احتج
بصوت مسموع بعد خروجه من الملعب.. جاهو جمال الوالي في كنبة
الاحتياطي وقال ليهو (ما تطنطن.. والله أقوم عليك أجنسك هسه دي..).. |
ههههههههههههههههههههههههههههههه
| |
|
|
|
|
|
|
|
|
 Re: المريخ يتجه لتجنيس كاربوني وولده (Re: Mohammed Ibrahim Othman)
|
** ود البشير..
** صباحك خير..
## إنت مسوؤل من الخير المواسير البيجنسوهم وبعد تلاته شهور بيشطبوهم ,, وضع الجنسيه الهامله دى شنو بيسحبوها ولى بيحولوها لواحد تانى !!!!!
** هسه على النونو عندو جنسيه سودانيه وهو مغترب خارج السودان ,, ياالله ضرايبو وزكاتو وجباياتو تكون بقت كم ؟؟؟؟!!!!
(ودام الود بيننا)
(ابو محمد فؤاد)
## كسره:- تم تغيير قانون الجنسيه السودانيه الى قانون:-
الوالى المتوالى للتجنيس طوالى ..[/B]
| |
|
|
|
|
|
|
|
|
Re: المريخ يتجه لتجنيس كاربوني وولده (Re: طارق الكوتش)
|
Quote: وده نكته اخرى يا نصر الدين
هو جمال الوالى خلا ليهم طريقة اتحاد
بعد ما باعهم للمؤتمر الوطنى ...
|
إنت يا طارق فاكر حمودة ده ذاتو يا هو حمودة بتاع زمان
الكان ما بتعشى لما المريخ يتغلب وبلبس جلابية صفراء وينوم في ملاية حمراء؟
الراجل تحت ضغوط عبد الله ولدو وكثرة الحجارة المنهمرة على الرد كاسل
أصبح على مرمى حجر من سيد البلد وربما ناخدوا يوم الجمعة لرابطة الهلال
بالإمارات ليعلن انضمامه لسيد البلد..
ما قاله أعلاه مجرد كلام للاستهلاك ليس إلا..
| |
|
|
|
|
|
|
|
|
|
Re: المريخ يتجه لتجنيس كاربوني وولده (Re: عبدالكريم أحمد الامين)
|
Quote: إنت مسوؤل من الخير المواسير البيجنسوهم وبعد تلاته شهور بيشطبوهم ,, وضع الجنسيه الهامله دى شنو بيسحبوها ولى بيحولوها لواحد تانى !!!!!
** هسه على النونو عندو جنسيه سودانيه وهو مغترب خارج السودان ,, ياالله ضرايبو وزكاتو وجباياتو تكون بقت كم ؟؟؟؟!!!!
|
تحياتي يا أستاذ عبد الكريم
قانون منح الجنسية السودانية الجديد أو ربما المعدل ما عارف، ينص على التالي:
(إذا تم اكتشاف أن اللاعب ماسورة، يجوز لناديه الاستفادة من تحويل حقه في التمتع بالجنسية السودانية
إلى لاعب آخر شريطة أن يكون الأخير لاعباً غير متهمٍ بالماسورية بشهادة ثلاثة مدربين عدول مسجلين بلجنة التدريب
المركزية السودانية).
النص هنا صريح وواضح، لكن التحايل قاعد يتم، فمن السهولة أن تأتي بشهادة عدم ماسورية من أي ثلاثة مدربين،
يمنحونها بناء على الفحص الطبي وتمارين الإحماء والجري حول الملعب، ولكن بعد كده، يبين الكوك في المخاضة..
أما بخصوص سؤالك عن ضرائب اللاعب علي النونو، فأحب أن أؤكد لك بأن اللاعبين المجنسين معفيون عن دفع
الضرائب والزكاة ورسوم الخدمة الإلزامية ورسوم استخراج الجنسية والجواز وكافة الأوراق الثبوتية..
ضرائب ده شان نفرات مال دبي بس..
| |
|
|
|
|
|
|
| |
Nasruddin Al Basheer
حسبو عكاشة
Mohammed Ibrahim Othman
ALGARADABI
عبدالكريم أحمد الامين
فيس بوك
تويتر
انستقرام
يوتيوب
بنتيريست