|
|
 أرحلي مني
|
ارحلي مني
يا عنيدة .... الله يرحلك
لي مكان بعيد ... وحتة حتة يكسرك
عشان تعرفي الإنكسار ..
وتحسي بي ..
تحسي بالحاسيو أنا ..
من يومي داك ... قلبي زاغ من مركزو
شالني هم .. ختاني هم ..
قايلو الهيام ..
سهرته بيك أيام كتيرة .. حلمت بيك
روجت ليك .. جواي أنا ..
وعملتا ليك ... وفعلت ليك
ونصبت ليك تمثال كبير في دنيتي
ساساتو في أعمق مكان ..
بس إنتي ... الله يحطمك ..
وحتة حتة يكسرك ..
كنت برجاك كل يوم ..
كنت ما بتعب معاك..
كنت ما بتعب معاي..
كنت انسانين جواي ..
كل واحد ليه راي ..
انساكي ..
وللا أكون معاي ..
اريتني لو اخترت ذاتي ..
ورحلتا من دنياك بعيد
وفكيت قيود الأمكنة ..
بس انتي .. الله ياخدك
يا بعيد ..
الله لا يطرح فيك بركة ..
يا مشتولة .. من بحر العدم
يا نفخة من روح جهنم ..
هسي أنساكي كيف ...
والدنيا مراية ليك ..
حت السما رسم الغيوم من عينيك
انساكي كيف ..
بس إنتي ..
الله يحطمك
وحتة حتة يكسرك..
|
|
  
|
|
|
|
|
|
|
|
Re: أرحلي مني (Re: محمد عمر جبريل)
|
Quote: اريتني لو اخترت ذاتي ..
ورحلتا من دنياك بعيد
وفكيت قيود الأمكنة .. |
حالتك سععععبة علشان كدة ما بتقدر علي الكلام ده ..
| |
|
|
|
|
|
|
|
|
 Re: أرحلي مني (Re: العوض المسلمي)
|
| Quote: حالتك سععععبة علشان كدة ما بتقدر علي الكلام ده .. |
يا حاج ..
دي حاجة لقيتا في دفتر واحد زميلي في المكتب ..
قلت أشارك بيها هنا معاكم .. 
ما تفهموني غلط
| |
|
|
|
|
|
|
|
|
|
Re: أرحلي مني (Re: Nazik Eltayeb)
|
قصيدتك جميلة ومعبرة وبسيطة وواضحة
Quote: يا حاج ..
دي حاجة لقيتا في دفتر واحد زميلي في المكتب ..
قلت أشارك بيها هنا معاكم ..
ما تفهموني غلط |
لكن دي ما رضيناها منك والله!!
الزوغان دا ما بحل القضية !!
| |
|
|
|
|
|
|
| |
محمد عمر جبريل
محمد عبد الماجد الصايم
العوض المسلمي
Nazik Eltayeb
نادر النور آدم
فيس بوك
تويتر
انستقرام
يوتيوب
بنتيريست